လံာ်ကွဲးနီၣ်တၢ်အခီၣ်ထံးတဘ့ၣ် 26:12 - Sgaw Karen Common Bible

¹² ပှၤခိးပၢၤတၢ်လုၢ်ဟံၣ်ဖိတဖၣ်, ဘၣ်တၢ်နီၤဖးလီၤအီၤဆူ ကရူၢ်သ့ၣ်တဖၣ်, ဒ်အဟံၣ်ဖိဃီဖိဒၣ်ဝဲအသိး, ဒီးဘၣ်တၢ်ဟ့ၣ်မူဟ့ၣ်ဒါအီၤတၢ်မၤတဖၣ်လၢတၢ်လုၢ်ဟံၣ်အပူၤဒ် ပှၤလ့ၤဝံဖိအဂၤတဖၣ်ဘၣ်မၤဝဲအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:12 Iomraidhean Croise

လံာ်စီၤပၤခံဘ့ၣ်တဘ့ၣ် 7:10

လၢတၢ်န့ၣ်အဃိ, အဝဲသ့ၣ်ဟးထီၣ်ကွံာ်လၢပှၤစူၤရံဖိတဖၣ်သူၣ် ဒဲအလီၢ်, ဒီးက့ၤကဒါက့ၤဝဲဆူဝ့ၢ်ၡၤမရံဒီးကိးထီၣ်ဆူပှၤပၢၤတၢ် တဖၣ်လၢဝ့ၢ်အတြဲၤန့ၣ်, “ပလဲၤတၢ်ဆူပှၤစူၤရံဖိသူၣ်ဒဲအလီၢ်, ဒီးပတထံၣ်ဘၣ်ပှၤနီတဂၤမ့ၢ်ဂ့ၤနၢ်ဟူဘၣ်အကလုၢ်နီတမံၤမ့ၢ် ဂ့ၤဘၣ်. ကသ့ၣ်တဖၣ်ဒီးကသ့ၣ်ယီၤတဖၣ်အိၣ်စၢဃာ်အသးဒီးဒဲတဖၣ်အိၣ်ဒၣ်ဒ် ပှၤစူၤရံဖိတဖၣ်ပာ်တီၢ်တ့ၢ်ဝဲအသိးန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 25:8

လၢတၢ်စံၣ်ညီၣ်နီၤဖးန့ၢ်မူဒါတဖၣ်လၢအဝဲသ့ၣ်ကဟံးန့ၢ်အဂီၢ် န့ၣ်, အဝဲသ့ၣ်ခဲလၢာ်, သးစၢ်မ့ၢ်ဂ့ၤ, သးပှၢ်မ့ၢ်ဂ့ၤ, သ့ဘၣ်လီၤတံၢ်လီၤဆဲးမ့ၢ်ဂ့ၤ, စးထီၣ်မၤသီတၢ်မၤမ့ၢ်ဂ့ၤ, ဘၣ်ဖီၣ်တၢ်ဖးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:11

စီၤဃံးလကံယၤ, စီၤတဘၤလယၤဒီးစီၤစကၤရယၤန့ၣ်လီၤ. ပှၤခဲလၢာ်အနီၣ်ဂံၢ်အိၣ်ဝဲတဆံသၢဂၤလၢစီၤဃိစၤအဟံၣ်ဖိ ဃီဖိအပူၤလၢအမ့ၢ်ပှၤပၢၤတၢ်လုၢ်ဟံၣ်ဖိတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:13

ဟံၣ်ဖိဃီဖိတဒူၣ်ဘၣ်တဒူၣ်, ဒိၣ်မ့ၢ်ဂ့ၤ, ဆံးမ့ၢ်ဂ့ၤဘၣ်ဖီၣ် တၢ်ဖးဒ်သိးကသ့ၣ်ညါဘၣ်အမူအဒါလီၤဘၣ်လၢတြဲၤဖဲလဲၣ်တဘ့ၣ် လဲၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:23

အဝဲသ့ၣ်ဒီးအစၢၤအသွဲၣ်တဖၣ်ပၢၤဒံးဒၣ်တြဲၤတဖၣ်လၢပှၤလဲၤနုာ် ဆူတၢ်လုၢ်ဟံၣ်ပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:14

ပှၤလ့ၤဝံဖိတဂၤလၢအမ့ၢ်စီၤယံးမနၤအဖိခွါစီၤကိၤရ့, ပှၤပၢၤတၢ်အခိၣ်အဒိၣ်ကတၢၢ်လၢယွၤအတၢ်လုၢ်ဟံၣ်အတြဲၤမုၢ်ထီၣ် တကပၤန့ၣ်, ဘၣ်ကွၢ်ထွဲတၢ်တူၢ်လိာ်တၢ်ဟ့ၣ်တဖၣ်လၢတၢ် လုၢ်ထီၣ်အီၤဆူယွၤဒီးနီၤဟ့ၣ်လီၤတၢ်ဟ့ၣ်တဖၣ်န့ၣ်စ့ၢ်ကီးလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:15

ပှၤဒ့တၢ်အူတၢ်ဖိဒီးပှၤသူၣ်ဝံၣ်သးဆၢတၢ်ဖိတဖၣ်လၢလ့ၤဝံ အဒူၣ်ထၢလၢအဟဲလီၤစၢၤလၢစီၤအၤစာ်န့ၣ်, ဘၣ်အိၣ်ဖဲတၢ်လီၢ်တဖၣ်လၢစီၤပၤဒၤဝံးအတၢ်သိၣ်လိနဲၣ်ယုၤပာ် လီၤန့ၢ်အီၤန့ၣ်လီၤ. အဝဲသ့ၣ်တဖၣ်န့ၣ်မ့ၢ်ဝဲ, စီၤအၤစာ်, စီၤဟ့မၣ်ဒီးစီၤပၤအဝံစီၤယဒူသူၣ်န့ၣ်လီၤ. ပှၤခိးယွၤအတၢ်လုၢ်ဟံၣ်အတြဲၤတဖၣ်အလီၢ် တအိၣ်ဘၣ်လၢကဘၣ်သုးအသးလၢအမူအဒါအလီၢ်တဖၣ်ဘၣ်. မ့ၢ်လၢပှၤလ့ၤဝံဖိအဂၤတဖၣ်ကတဲာ်ကတီၤဘူၣ်လဲၤကပာ်လၢအဂီၢ် အဃိန့ၣ်လီၤ.