လံာ်ကွဲးနီၣ်တၢ်အခီၣ်ထံးတဘ့ၣ် 25:8 - Sgaw Karen Common Bible

⁸ လၢတၢ်စံၣ်ညီၣ်နီၤဖးန့ၢ်မူဒါတဖၣ်လၢအဝဲသ့ၣ်ကဟံးန့ၢ်အဂီၢ် န့ၣ်, အဝဲသ့ၣ်ခဲလၢာ်, သးစၢ်မ့ၢ်ဂ့ၤ, သးပှၢ်မ့ၢ်ဂ့ၤ, သ့ဘၣ်လီၤတံၢ်လီၤဆဲးမ့ၢ်ဂ့ၤ, စးထီၣ်မၤသီတၢ်မၤမ့ၢ်ဂ့ၤ, ဘၣ်ဖီၣ်တၢ်ဖးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:8 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:22

မ့ၢ်လၢအဝဲအတၢ်သ့တၢ်ဘၣ်အိၣ်ဝဲလၢတၢ်သူၣ်ဝံၣ်သးဆၢအဂ့ၢ်အဃိ စီၤကံနၤနယၤဘၣ်တၢ်ဃုထၢအီၤလၢကကဲထီၣ်, ပှၤလ့ၤဝံဖိသးဝံၣ်တၢ်တဖၣ်အခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:31

ဟံၣ်ဖိဃီဖိတဒူၣ်စုာ်စုာ်အခိၣ်ဒီးအဒီပုၢ်ဝဲၢ်ခွါအဆံးတဖၣ် အကျါတဂၤဖီၣ်တၢ်ဖးလၢအဝဲသ့ၣ်အမူအဒါတဖၣ်အဂီၢ်, ဒ်သိးဒၣ်အဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအလီၤ စၢၤလီၤသွဲၣ်လၢစီၤအၤဟရိၣ်မၤတ့ၢ်ဝဲအသိးန့ၣ်လီၤ. စီၤပၤဒၤဝံး, စီၤစၤဒိး, စီၤအဃံၤမ့လ့း, ဒီးပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်အဟံၣ်ဖိ ဃီဖိအခိၣ်တဖၣ်မ့ၢ်ပှၤအုၣ်အသးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:5

မ့ၢ်လၢယွၤအတၢ်လုၢ်ဟံၣ်အပဒိၣ်ပပှၢ်တဖၣ်ဒီးသူၣ်ဂ့ၢ်သးကျိၤ အခိၣ်အနၢ်တဖၣ်, အိၣ်ဝဲလၢစီၤအလၤဧစၢ်မ့ၢ်ဂ့ၤ, စီၤအံသမၢ်မ့ၢ်ဂ့ၤအစၢၤအသွဲၣ်တဖၣ်အကျါအဃိ, မူဒါတဖၣ်ဘၣ်တၢ်ဟ့ၣ်လီၤအီၤခီဖျိတၢ်ဖီၣ်တၢ်ဖးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:2

စီၤအၤစာ်အဖိခွါလွံၢ်ဂၤမ့ၢ်ဝဲစီၤစးကူၢ်, စီၤယိၤသး, စီၤနသၤနံယၤ, ဒီးစီၤအၡၤရ့လးတဖၣ်န့ၣ်လီၤ. အဝဲသ့ၣ်အိၣ်ဝဲလၢစီၤအၤစာ်, ပှၤလၢအဒုးဟူထီသါလီၤကစၢ်ယွၤ အတၢ်ကစီၣ်တဖၣ်ဖဲစီၤပၤမၤလိာ်အီၤတဘျီလၢ်လၢ်, အတၢ်နဲၣ်ကျဲအဖီလာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:9

ပှၤ ခံကယၤဃိးဆံဃိး ဂၤအံၤဘၣ်တၢ်နီၤလီၤအီၤဒ်အဟံၣ်ဖိဃီဖိတဖၣ် အိၣ်ဝဲအသိးဆူပှၤခံဆံလွံၢ်ဖု, တဖုပှၤတဆံခံဂၤစုာ်စုာ်အိၣ်ဒီးပှၤအခိၣ်တဂၤစုာ်စုာ်လၢ ပှၤတဖုဘၣ်တဖုအဂီၢ်န့ၣ်လီၤ. အဝဲသ့ၣ်အမူအဒါအတၢ်ရဲၣ်လီၤကျဲၤလီၤမ့ၢ်ဒ်လာ်အံၤန့ၣ်လီၤ. တၢတဖုစီၤယိၤသးလၢစီၤအၤစာ်အဟံၣ်ဖိဃီဖိအကရူၢ်ခံဖုတဖု စီၤကဒါလယၤအကရူၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 26:13

ဟံၣ်ဖိဃီဖိတဒူၣ်ဘၣ်တဒူၣ်, ဒိၣ်မ့ၢ်ဂ့ၤ, ဆံးမ့ၢ်ဂ့ၤဘၣ်ဖီၣ် တၢ်ဖးဒ်သိးကသ့ၣ်ညါဘၣ်အမူအဒါလီၤဘၣ်လၢတြဲၤဖဲလဲၣ်တဘ့ၣ် လဲၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:16

စီၤၡူပံၣ်ဒီးစီၤဃိစၤဖီၣ်တၢ်ဖးလီၤလၢမုၢ်နုာ်တြဲၤဒီး တြဲၤၡးလ့က့လၤကျဲထးခီတကပၤန့ၣ်လီၤ. တၢ်ပၢၤတြဲၤအမူအဒါဘၣ်တၢ်နီၤဖးလီၤအီၤဆူအဆၢကတီၢ်သ့ၣ်တဖၣ် တကတီၢ်ဝံၤတကတီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:13

ဖဲန့ၣ်အဝဲထံၣ်ဘၣ်စီၤပၤအသီတဂၤလၢယွၤအတၢ်လုၢ်ဟံၣ်အကျဲစၢၤ, ဆၢထၢၣ်ဝဲဖဲတၢ်လီၢ်လၢအဘၣ်တၢ်ပာ်လီၤဆီအီၤလၢစီၤပၤတဖၣ် အဂီၢ်ဒီးဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူကွဲၤ တဖၣ်န့ၣ်လီၤ. ကယဲၢ်ပှၤဂီၢ်မုၢ်ခဲလၢာ်ကိးသတြီထီၣ်လၢတၢ်သူၣ်ခုသးခု ဒီးအူထီၣ်ကွဲၤတဖၣ်, ဒီးယွၤအတၢ်လုၢ်ဟံၣ်အပှၤသးဝံၣ်တၢ်သ့ၣ်တဖၣ်ဆှၢဝဲတၢ်စံးထီၣ် ပတြၢၤန့ၣ်လၢအတၢ်ဒ့တၢ်အူ အပီးအလီတဖၣ်န့ၣ်လီၤ. နီၢ်ဧသၤလယၤဖှီယာ်ကွံာ်အကူအကၤတဖၣ်လၢတၢ်သူၣ်ဆါသးဆါ အပူၤဒီးကိးထီၣ်ဝဲ, “တၢ်ပူထီၣ်, တၢ်ပူထီၣ်” န့ၣ်လီၤ.

လံာ်စီၤနဃ့မယၤ 12:24

လၢစီၤဃၡၤဘယၤ, စီၤၡ့ရ့ဘယၤ, စီၤယ့ၤၡူ, စီၤဘံနူၤ, ဒီးစီၤကးမံၤအ့လးအတၢ်နဲၣ်ကျဲအပူၤန့ၣ်ပှၤလ့ၤဝံ ဖိတဖၣ်ဘၣ်တၢ်နီၤလီၤအီၤလၢအကရူၢ်တဖၣ်န့ၣ်လီၤ. ဒ်အလီၤပလိာ်ဝဲဒီးယွၤအပှၤကညီစီၤပၤဒၤဝံးအတၢ်သိၣ်လိနဲၣ် ယုၤတဖၣ်အသိး, တဘျီန့ၣ်ပှၤအိၣ်ဝဲခံဖုလၢကသးဝံၣ်ခီဆၢတၢ်စံးထီၣ်ပတြၢၤ ကစၢ်ယွၤဒီးတၢ်ဟ့ၣ်အီၤတၢ်စံးဘျုးအဂီၢ်န့ၣ်လီၤ.

တၢ်ကတိၤဒိ. 16:33

ပှၤကညီတဖၣ်ကွံာ်တၢ်ဖးဒ်သိးအကသ့ၣ်ညါဘၣ်ကစၢ်ယွၤ အတၢ်ဘၣ်အသးလီၤ. ဘၣ်ဆၣ်ကစၢ်ယွၤအကစၢ်ဒၣ်ဝဲစံၣ်ညီၣ်နီၤဖးတၢ်အစၢန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:8

ဒီးဖဲန့ၣ်ကဘၣ်ဖီၣ်ဝဲတၢ်ဖးလၢမဲာ်တဲးလဲးဖါခံဒုအဂီၢ်ခီဖျိလၢၢ်ခံဖျၢၣ်, တဖျၢၣ်န့ၣ်လၢယွၤအဂီၢ်, ဒီးအတဖျၢၣ်န့ၣ်လၢတၢ်နါဧ့စ့ၤစ့လးအဂီၢ်လီၤ.

မၤတၢ် 1:26

အန့ၣ်ဒီးအဝဲသ့ၣ်ဖီၣ်တၢ်ဖး ဒ်သိးကဃုထၢထီၣ်ပှၤတဂၤလၢပှၤခံဂၤ အကျါလီၤ. ဒီးပှၤလၢအဘၣ်တၢ်ဃုထၢထီၣ်အီၤမ့ၢ်စီၤမးသံ, ဒီးအဝဲဒၣ်အံၤဘၣ်တၢ်ပာ်ဖှိၣ်ဃုာ်အီၤလၢပှၤတၢ်မၢဖိတဆံတဂၤ အကရူၢ်ပူၤန့ၣ်လီၤ.