လံာ်ကွဲးနီၣ်တၢ်အခီၣ်ထံးတဘ့ၣ် 25:6 - Sgaw Karen Common Bible

⁶ အဖိခွါခဲလၢာ်ဒ့စှၢၣ်စှံးတဖၣ်ဒီးသီတူၢ်တဖၣ်လၢအပၢ်အတၢ် နဲၣ်ကျဲအဖီလာ်, လၢတၢ်မၤဃုာ်သကိးတၢ်လၢတၢ်ဘူၣ်ထီၣ်ဘါထီၣ်ယွၤလၢတၢ်လုၢ်ဟံၣ် ပူၤအဂီၢ်န့ၣ်လီၤ. ဒီးစီၤအၤစာ်, စီၤယဒူသူၣ်ဒီးစီၤဟ့မၣ်တဖၣ်အိၣ်ဝဲလၢစီၤ ပၤအတၢ်မၤလိာ်အဖီလာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:5

စီၤဒၤဝံးဒီးကယဲၢ်ပှၤအံၣ်စရ့လးဖိတဖၣ်ဂဲၤကလံာ် ဒီးသူၣ်ဝံၣ်သးဆၢလၢာ်ဂံၢ်လၢာ်ဘါဒ်သိးကမၤလၤကပီၤယွၤအဂီၢ်န့ၣ်လီၤ. အဝဲသ့ၣ်ဒ့တနၢ်တဖၣ်, သီတူၢ်တဖၣ်, ဒၢတဖၣ်, ပှ့ၤသၣ်တဖၣ်, ဒီးစှၢၢ်စှံးတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:12

စီၤၡလိၤမိၤသူဝဲသ့ၣ်န့ၣ်လၢကဘှီစုဖီၣ်ကျိၤတဖၣ်လၢယွၤ အတၢ်လုၢ်ဟံၣ်ပူၤဒီးလၢနီပူၤ, ဒီးမၤန့ၢ်စ့ၢ်ကီးတနၢ်တဖၣ်ဒီးသီတူၢ်တဖၣ်လၢပှၤဒ့တၢ်အူတၢ် ဖိတဖၣ်အဂီၢ်န့ၣ်လီၤ. တၢ်တဖၣ်န့ၣ်မ့ၢ်သ့ၣ်အလၤမူးအဂ့ၤကတၢၢ်တဖၣ်လီၤ. တၢ်ဂ့ၤဒ်န့ၣ်အသိးလၢညါတၢ်တဟဲစိာ်တ့ၢ်အီၤမ့ၢ်ဂ့ၤလၢခံ တၢ်တဟဲစိာ်နုာ်လၢၤအီၤမ့ၢ်ဂ့ၤဆူကီၢ်အံၣ်စရ့လးအပူၤနီတစု ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 15:16

စီၤဒၤဝံးမၤလိာ်ပှၤလ့ၤဝံဖိအခိၣ်အနၢ်တဖၣ်လၢကဟ့ၣ်မူဟ့ၣ် ဒါပှၤလ့ၤဝံဖိတဖၣ်ဒ်သိးကသးဝံၣ်တၢ်အိၣ်ဒီးတၢ်ဒ့တၢ်အူ အပီးအလီ အကလုာ်ကလုာ်လၢအမ့ၢ်သီတူၢ်တဖၣ်တနၢ်တဖၣ်ဒီးစှၢၢ်စှံး တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:22

မ့ၢ်လၢအဝဲအတၢ်သ့တၢ်ဘၣ်အိၣ်ဝဲလၢတၢ်သူၣ်ဝံၣ်သးဆၢအဂ့ၢ်အဃိ စီၤကံနၤနယၤဘၣ်တၢ်ဃုထၢအီၤလၢကကဲထီၣ်, ပှၤလ့ၤဝံဖိသးဝံၣ်တၢ်တဖၣ်အခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:5

ပှၤ လွံၢ်ကထိ ဂၤလၢကပၢၤပဲတြီ, ဒီးပှၤလွံၢ်ကထိ ဂၤလၢကစံးထီၣ်ပတြၢၤယွၤအိၣ်ဒီးတၢ်သူၣ်ဝံၣ်သးဆၢအပီးအလီ တဖၣ်လၢအဘၣ်တၢ်ဟ့ၣ်အီၤလၢစီၤပၤ, လၢတၢ်ကွၢ်စိအံၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:28

ဖဲအဝဲသ့ၣ်က့ၤတုၤဆူဝ့ၢ်န့ၣ်, အဝဲသ့ၣ်လဲၤထီၣ်ဆူယွၤအတၢ် လုၢ်ဟံၣ်အိၣ်ဒီးတၢ်သးဝံၣ်အသီၣ်လၢသီတူၢ်တဖၣ်, ဒီးကွဲၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:13

ဖဲန့ၣ်အဝဲထံၣ်ဘၣ်စီၤပၤအသီတဂၤလၢယွၤအတၢ်လုၢ်ဟံၣ်အကျဲစၢၤ, ဆၢထၢၣ်ဝဲဖဲတၢ်လီၢ်လၢအဘၣ်တၢ်ပာ်လီၤဆီအီၤလၢစီၤပၤတဖၣ် အဂီၢ်ဒီးဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူကွဲၤ တဖၣ်န့ၣ်လီၤ. ကယဲၢ်ပှၤဂီၢ်မုၢ်ခဲလၢာ်ကိးသတြီထီၣ်လၢတၢ်သူၣ်ခုသးခု ဒီးအူထီၣ်ကွဲၤတဖၣ်, ဒီးယွၤအတၢ်လုၢ်ဟံၣ်အပှၤသးဝံၣ်တၢ်သ့ၣ်တဖၣ်ဆှၢဝဲတၢ်စံးထီၣ် ပတြၢၤန့ၣ်လၢအတၢ်ဒ့တၢ်အူ အပီးအလီတဖၣ်န့ၣ်လီၤ. နီၢ်ဧသၤလယၤဖှီယာ်ကွံာ်အကူအကၤတဖၣ်လၢတၢ်သူၣ်ဆါသးဆါ အပူၤဒီးကိးထီၣ်ဝဲ, “တၢ်ပူထီၣ်, တၢ်ပူထီၣ်” န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:13

လၢပှၤအလံစဖၣ်အဒူၣ်ထၢန့ၣ်, စီၤၡံးမရံဒီးစီၤယံးအ့လး, လၢပှၤအၤစာ်အဒူၣ်ထၢန့ၣ်စီၤစကၤရယၤဒီးစီၤမးတၤနယၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 29:25

စီၤပၤမၤထွဲတၢ်သိၣ်လိနဲၣ်ယုၤတဖၣ်လၢယွၤဟ့ၣ်လီၤတ့ၢ်စီၤ ပၤဒၤဝံးခီဖျိစီၤပၤအဝံစီၤကးဒီးဝံနၤသၣ်တဖၣ်န့ၣ်လီၤ. အဝဲပာ်လီၤပှၤလ့ၤဝံဖိတဖၣ်လၢယွၤအတၢ်လုၢ်ဟံၣ်အပူၤအိၣ်ဒီး သီတူၢ်တဖၣ်ဒီးစှၢၢ်စှံးတဖၣ်,

လံာ်စီၤနဃ့မယၤ 11:17

ဒီးစီၤမးတၤနယၤလၢအမ့ၢ်စီၤမံၤတါအဖိခွါဒီးစီၤစးဘဒံၤ အလံၤခွါမ့ၢ်ပှၤတဂၤလၢအဟဲလီၤစၢၤလီၤသွဲၣ်လၢစီၤအၤစာ်န့ၣ်လီၤ. အဝဲမ့ၢ်ပှၤဆှၢတၢ်လုၢ်ဟံၣ်အတၢ်သးဝံၣ်ရိဖဲပှၤသးဝံၣ်တၢ်စံး ဘျုးစံးဖှိၣ်အတၢ်ထုကဖၣ်န့ၣ်လီၤ. စီၤဘးကဘူကယၤမ့ၢ်ပှၤမၤစၢၤစီၤမးတၤနယၤန့ၣ်လီၤ. ဒီးစီၤဧၤဘဒါလၢအမ့ၢ်စီၤၡံမူၤအဖိခွါဒီးစီၤကၤလလး အလံၤခွါမ့ၢ်ပှၤတဂၤလၢအဟဲလီၤစၢၤလီၤသွဲၣ်လၢစီၤယဒူသူၣ် န့ၣ်လီၤ.

လံာ်စီၤနဃ့မယၤ 12:24

လၢစီၤဃၡၤဘယၤ, စီၤၡ့ရ့ဘယၤ, စီၤယ့ၤၡူ, စီၤဘံနူၤ, ဒီးစီၤကးမံၤအ့လးအတၢ်နဲၣ်ကျဲအပူၤန့ၣ်ပှၤလ့ၤဝံ ဖိတဖၣ်ဘၣ်တၢ်နီၤလီၤအီၤလၢအကရူၢ်တဖၣ်န့ၣ်လီၤ. ဒ်အလီၤပလိာ်ဝဲဒီးယွၤအပှၤကညီစီၤပၤဒၤဝံးအတၢ်သိၣ်လိနဲၣ် ယုၤတဖၣ်အသိး, တဘျီန့ၣ်ပှၤအိၣ်ဝဲခံဖုလၢကသးဝံၣ်ခီဆၢတၢ်စံးထီၣ်ပတြၢၤ ကစၢ်ယွၤဒီးတၢ်ဟ့ၣ်အီၤတၢ်စံးဘျုးအဂီၢ်န့ၣ်လီၤ.

လံာ်စီၤနဃ့မယၤ 12:46

စးထီၣ်လၢစီၤပၤဒၤဝံးဒီးအပှၤသးဝံၣ်တၢ်သ့စီၤအၤစာ်အစိၤ လၢပျၢၤန့ၣ်ပှၤသးဝံၣ်တၢ်ဖိတဖၣ်ဆှၢတၢ်စံးထီၣ်ပတြၢၤဒီးတၢ် စံးဘျုးစံးဖှိၣ်ကစၢ်ယွၤအတၢ်သးဝံၣ်တဖၣ်န့ၣ်လီၤ.

စံးထီၣ်ပတြၢၤ 68:25

ပှၤသးဝံၣ်တၢ်ဖိလဲၤလၢညါ, ပှၤဒ့တၢ်ဖိလဲၤလၢခံ ဒီးလၢအဘၢၣ်စၢၤန့ၣ် ပှၤမုၣ်ကနီၤတဖၣ်လၢအပှီၢ်ဒၢတဖၣ်န့ၣ်လီၤ.

အ့းဖ့းစူး 5:19

ကတိၤလိာ်သုသးတဂၤဒီးတဂၤလၢထါစံးထီၣ်ပတြၢၤ, ထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်တဖၣ်အတၢ်ကတိၤတက့ၢ်. သးဝံၣ်ထါသးဝံၣ်, ဒီးထါစံးထီၣ်ပတြၢၤတဖၣ်အိၣ်ဒီးတၢ်စံးထီၣ်ပတြၢၤကစၢ်လၢ သူၣ်ကံၢ်သးလဲအပူၤတက့ၢ်.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.