လံာ်ကွဲးနီၣ်တၢ်အခီၣ်ထံးတဘ့ၣ် 25:2 - Sgaw Karen Common Bible

² စီၤအၤစာ်အဖိခွါလွံၢ်ဂၤမ့ၢ်ဝဲစီၤစးကူၢ်, စီၤယိၤသး, စီၤနသၤနံယၤ, ဒီးစီၤအၡၤရ့လးတဖၣ်န့ၣ်လီၤ. အဝဲသ့ၣ်အိၣ်ဝဲလၢစီၤအၤစာ်, ပှၤလၢအဒုးဟူထီသါလီၤကစၢ်ယွၤ အတၢ်ကစီၣ်တဖၣ်ဖဲစီၤပၤမၤလိာ်အီၤတဘျီလၢ်လၢ်, အတၢ်နဲၣ်ကျဲအဖီလာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:2 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:17

လၢပှၤသးဝံၣ်တၢ်ဖိအဒူၣ်ထၢတဖၣ်အပူၤန့ၣ်အဝဲသ့ၣ်ဃုထၢပှၤလၢ ကမၤသီၣ်စှၢၢ်စှံးတိၢ်ဘီတဖၣ်လၢပှၤမရၤရံၤအဒူၣ်ထၢပူၤလၢ အမ့ၢ်ဝဲစီၤယိၤအ့လးအဖိခွါစီၤဟ့မၣ်, ဒီးအဘူးအတံၢ်စီၤဘရ့ကံယၤအဖိခွါစီၤအၤစာ်, ဒီးစီၤကူၤၡါယၤအဖိခွါစီၤအ့သၣ်န့ၣ်လီၤ. ပှၤလၢတၢ်ကမၤစၢၤအဝဲသ့ၣ်အဂီၢ်ပှၤလ့ၤဝံ ဖိတဖၣ်လၢအဘၣ်တၢ်ဃုထၢအီၤလၢကဒ့တနၢ်သီတူၢ်လၢအဃဲ တဖၣ်မ့ၢ်ဝဲ, စီၤစကၤရယၤ, စီၤယၤစ့အ့လး, စီၤၡမံၤရမိး, စီၤယဃံ အ့လး, စီၤဧူးနံၤ, စီၤအလံအာ်, စီၤမၤစ့ယၤဒီးစီၤဘနါယၤ တဖၣ်န့ၣ်လီၤ. လၢတၢ်ဒ့သီတူၢ်လၢအကပၢၤတဖၣ်အဂီၢ်န့ၣ်ပှၤလ့ၤဝံဖိလၢအမ့ၢ် ဝဲစီၤမးတံးသယၤ, စီၤအလံဖလ့, စီၤမံးကန့ယၤ, စီၤဧၤစါစယၤတဖၣ်ဘၣ်တၢ်ဃုထၢအီၤဒီးစီၤ ဧိၤဘ့းအ့ဒိၣ်ဒီးစီၤယံၤအ့လးတဖၣ်ဘၣ်တၢ်ဃုထၢအီၤဒ်ပှၤ ပၢၤတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:5

စီၤအၤစာ်မ့ၢ်ပှၤလၢအဘၣ်တၢ်ဃုထၢပာ်လီၤအီၤလၢပှၤအခိၣ်အိၣ် ဒီးစီၤစကၤရယၤဒ်ပှၤလၢကမၤစၢၤအီၤအသိးန့ၣ်လီၤ. စီၤယံၤအ့လး, စီၤၡမံၤရမိး, စီၤယဃံအ့လး, စီၤမးတံးသယၤ, စီၤအလံအာ်, စီၤဧိၤဘ့းအ့ဒိၣ်ဒီးစီၤယံၤအ့လးတဖၣ်မ့ၢ်ပှၤ ဘၣ်ဒ့သီတူၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:1

စီၤပၤဒၤဝံးဒီးပှၤလ့ၤဝံဖိအခိၣ်အနၢ်တဖၣ်ဃုထၢထီၣ်ဝဲပှၤ လ့ၤဝံဖိစီၤအၤစာ်, စီၤဟ့မၣ်ဒီးစီၤယဒူသူၣ်အဒူၣ်ထၢတဖၣ် အပှၤခိၣ်ပှၤနၢ်တဖၣ်ဒ်သိးကဆှၢတၢ်ဘူၣ်ထီၣ်ဘါထီၣ်အတၢ်မၤတဖၣ် န့ၣ်လီၤ. အဝဲသ့ၣ်ကဘၣ်ဒုးဟူထီသါလီၤကစၢ်ယွၤအတၢ်ကစီၣ်တဖၣ် အိၣ်ဒီးစှၢၣ်စှံးဒီးသီတူၢ်အတၢ်သူၣ်ဝံၣ်သးဆၢတဖၣ်န့ၣ်လီၤ. အအံၤမ့ၢ်ပှၤဘၣ်တၢ်ဃုထၢဒ်အတၢ်မၤဒၣ်ဝဲအကလုာ်တဖၣ် အတၢ်ကွဲးနီၣ်ကွဲးဃါလၢကဆှၢတၢ်ဘူၣ်ထီၣ်ဘါထီၣ်ယွၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:3

စီၤယဒူသူၣ်အဖိခွါဃုဂၤမ့ၢ်ဝဲစီၤကဒါလယၤ, စီၤစရံၤ, စီၤယၡၤယါ, စီၤၡံမံၤ, စီၤဃၡၤဘယၤဒီးစီၤမး တံၤသယၤတဖၣ်န့ၣ်လီၤ. လၢအပၢ်အတၢ်နဲၣ်ကျဲအဖီလာ်န့ၣ်, ဒုးဟူထီသါလီၤကစၢ်ယွၤအတၢ် ကစီၣ်အိၣ်ဃုာ်ဒီးသီတူၢ်အတၢ်သးဝံၣ်, ဒီးသးဝံၣ်တၢ်စံးထီၣ်ပတြၢၤဒီးတၢ်စံးဘျုးယွၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:6

အဖိခွါခဲလၢာ်ဒ့စှၢၣ်စှံးတဖၣ်ဒီးသီတူၢ်တဖၣ်လၢအပၢ်အတၢ် နဲၣ်ကျဲအဖီလာ်, လၢတၢ်မၤဃုာ်သကိးတၢ်လၢတၢ်ဘူၣ်ထီၣ်ဘါထီၣ်ယွၤလၢတၢ်လုၢ်ဟံၣ် ပူၤအဂီၢ်န့ၣ်လီၤ. ဒီးစီၤအၤစာ်, စီၤယဒူသူၣ်ဒီးစီၤဟ့မၣ်တဖၣ်အိၣ်ဝဲလၢစီၤ ပၤအတၢ်မၤလိာ်အဖီလာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:8

လၢတၢ်စံၣ်ညီၣ်နီၤဖးန့ၢ်မူဒါတဖၣ်လၢအဝဲသ့ၣ်ကဟံးန့ၢ်အဂီၢ် န့ၣ်, အဝဲသ့ၣ်ခဲလၢာ်, သးစၢ်မ့ၢ်ဂ့ၤ, သးပှၢ်မ့ၢ်ဂ့ၤ, သ့ဘၣ်လီၤတံၢ်လီၤဆဲးမ့ၢ်ဂ့ၤ, စးထီၣ်မၤသီတၢ်မၤမ့ၢ်ဂ့ၤ, ဘၣ်ဖီၣ်တၢ်ဖးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:39

စီၤအၤစာ်မ့ၢ်တၢ်သးဝံၣ်ရိခံဖုတဖုအခိၣ်န့ၣ်လီၤ. အဝဲအတၢ်လီၤစၢၤလီၤသွဲၣ်စးထီၣ်လၢစီၤလ့ၤဝံ, မ့ၢ်ဒ်လာ်အံၤန့ၣ်လီၤ. စီၤအၤစာ်, စီၤဘရ့ကံယၤ, စီၤၡံမၤ,

လံာ်စီၤဧ့စြၤ 3:10

တုၤပှၤတဖၣ်န့ၣ်စးထီၣ်ပာ်လီၤတၢ်လုၢ်ဟံၣ်အလၢၢ်သနၢၣ်ဒီးပှၤလုၢ် တၢ်အခိၣ်လၢအအိၣ်ဒီးအဆ့ကၤဒိၣ်တဖၣ်ဟံးန့ၢ်အလီၢ်အိၣ်ဒီးကွဲၤ တဖၣ်လၢအစုပူၤ, ဒီးပှၤလ့ၤဝံဖိတဖၣ်လၢစီၤအၤစာ်အဒူၣ်အထၢတဖၣ်ဆၢထၢၣ်ဖဲန့ၣ် အိၣ်ဒီးအစှၢၣ်စှံးတဖၣ်န့ၣ်လီၤ. အဝဲသ့ၣ်စံးထီၣ်ပတြၢၤယွၤဒ်တၢ်မၤလိာ်လၢအဘၣ်တၢ်ဟ့ၣ်လီၤတ့ၢ် အီၤလၢစီၤပၤစီၤဒၤဝံးအစိၤအသိးန့ၣ်လီၤ.

စံးထီၣ်ပတြၢၤ 73:1

ကစၢ်ယွၤန့ၣ်မ့ၢ်တၢ်ဂ့ၤလၢပှၤအတီအလိၤ, ဒီးပှၤလၢအသးကဆှီတဖၣ်အဂီၢ်နီၢ်နီၢ်န့ၣ်လီၤ.

စံးထီၣ်ပတြၢၤ 74:1

ကစၢ်ယွၤဧၢ, ဘၣ်မနုၤလၢနညိကွံာ်ပှၤ လီၤထူလီၤယိာ်န့ၣ်လဲၣ်. ဘၣ်မနုၤလၢနတၢ်သးထီၣ်အမ့ၣ်အူခုၣ်ထီၣ်ထီဒါ နတၢ်အီၣ်ဆၣ်အလီၢ်အသိတဖုန့ၣ်လဲၣ်.

စံးထီၣ်ပတြၢၤ 75:1

ကစၢ်ယွၤဧၢ, ပစံးဘျုးစံးဖှိၣ်နၤ, ပစံးဘျုးစံးဖှိၣ်တၢ်လီၤ. ပကိးထီၣ်နမံၤ ဒီးပဂံၢ်ထီၣ်ဒွးထီၣ်က့ၤနတၢ်ဒိၣ်တၢ်မုၢ် နတၢ်မၤလီၤလးတဖၣ်န့ၣ်လီၤ.

စံးထီၣ်ပတြၢၤ 76:1

ကစၢ်ယွၤဘၣ်တၢ်သ့ၣ်ညါအီၤလၢယူဒၤအပူၤ, ဒီးအမံၤဘၣ်တၢ်မၤလၤကပီၤအီၤလၢ အံၣ်စရ့လးအပူၤန့ၣ်လီၤ.

စံးထီၣ်ပတြၢၤ 77:1

ယကိးပသူထီၣ်တၢ်ဆူကစၢ်ယွၤအအိၣ်, ယကိးပသူထီၣ်ဒီးအဝဲဒၣ်ဒိကနၣ်ယၤလီၤ.

စံးထီၣ်ပတြၢၤ 78:1

ယပှၤဂီၢ်မုၢ်သ့ၣ်ဧၢ, ကနၣ်ယတၢ်သိၣ်လိသီလိ, ဒီးဒိကနၣ်ယထးခိၣ်အတၢ်ကတိၤန့ၣ်တက့ၢ်.

စံးထီၣ်ပတြၢၤ 79:1

ကစၢ်ယွၤဧၢ, ပှၤတဘူၣ်ထီၣ်ဘါထီၣ်နၤတဖၣ်ဟဲနုာ်တ့ၢ်လံလၢ နတၢ်န့ၢ်သါအပူၤလံ. အဝဲသ့ၣ်မၤဘၣ်အၢဘၣ်သီနတၢ်လုၢ်ဟံၣ်စီဆှံလံ. အဝဲသ့ၣ်ပာ်တ့ၢ်ကွံာ်ဝ့ၢ်လံယရူၤၡလ့ၣ်လၢအတၢ်ဟးဂီၤအပူၤ လံ.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

စံးထီၣ်ပတြၢၤ 81:1

သးဝံၣ်ထီၣ်ကစၢ်ယွၤ, ပဂံၢ်ပဘါ လၢတၢ်သးခုကိးပသူထီၣ်ဒိၣ်ဒိၣ်ဆူ စီၤယၤကိာ်အကစၢ်ယွၤတက့ၢ်.

စံးထီၣ်ပတြၢၤ 82:1

ကစၢ်ယွၤတီခိၣ်ရိမဲလၢ မူခိၣ်အတၢ်အိၣ်ဖှိၣ်အကီၣ်ကးအပူၤ, ဒီးလၢကစၢ်တဖၣ်အတၢ်အိၣ်ဖှိၣ်အပူၤန့ၣ် အဝဲစံၣ်ညီၣ်တၢ်လီၤ.

စံးထီၣ်ပတြၢၤ 83:1

ကစၢ်ယွၤဧၢ, အိၣ်ဘှ့ၣ်အိၣ်ဘှီၣ်တဂ့ၤ. အိၣ်ဂၢၢ်တပၢၢ်တဂ့ၤ အိၣ်ဃိကလာ်တဂ့ၤ

လံာ်ယၡါယၤ 3:6

တၢ်ဆၢကတီၢ်ကဟဲဝဲဖဲပှၤတဒူၣ်တကရူၢ်အဒူၣ်ဖိထၢဖိတဖၣ် ကဃုထၢပှၤလၢအဝဲသ့ၣ်အကျါတဂၤဒီးစံးဘၣ်အီၤ, “နဲဒၣ်အစှၤကတၢၢ်နအိၣ်ဒီးတၢ်လၢနကကူသိးအီၤ, အဃိသတးဒီးကဲထီၣ်ပခိၣ်ပနၢ်လၢတၢ်ကီတၢ်ခဲအဆၢကတီၢ် အပူၤအံၤတက့ၢ်,” န့ၣ်လီၤ.