လံာ်ကွဲးနီၣ်တၢ်အခီၣ်ထံးတဘ့ၣ် 24:6 - Sgaw Karen Common Bible

⁶ စီၤအလၤဧစၢ်ဒီးစီၤအံသမၢ်အစၢၤအသွဲၣ်တဖၣ်ဖီၣ်တၢ်ဖးတဖၣ်တဂၤ တဘျီ, တဂၤတဘျီန့ၣ်လီၤ. အန့ၣ်ဝံၤဒီး, အဝဲသ့ၣ်ဘၣ်တၢ်ကွဲးနီၣ်ကွဲးဃါအမံၤလၢစီၤနၤ သန့လးအဖိခွါစီၤၡမါယၤ, ပှၤလ့ၤဝံဖိအပှၤကွဲးလံာ်ဒိၣ်တဂၤန့ၣ်လီၤ. စီၤပၤ, ပဒိၣ်ပပှၢ်တဖၣ်, ပှၤလုၢ်တၢ်အခိၣ်စီၤစၤဒိး, စီၤအ့ဘယၤသၢ်, အဖိခွါစီၤအဃံၤမ့လ့းဒီးပှၤလုၢ်တၢ်အခိၣ် အဟံၣ်ဖိဃီဖိအခိၣ်တဖၣ်, ဒီးပှၤလ့ၤဝံ အဟံၣ်ဖိဃီဖိတဖၣ်, ခဲလၢာ်မ့ၢ်ပှၤအုၣ်အသးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:6 Iomraidhean Croise

လံာ်စီၤပၤအခီၣ်ထံးတဘ့ၣ် 4:3

ကွီၢ်အပှၤကွဲးလံာ်ဒိၣ်တဖၣ်မ့ၢ်ဝဲစီၤၡံၡၤအဖိခွါခံဂၤလၢ အမ့ၢ်စီၤအလံၤဃိရ့ာ်ဒီးစီၤအဃံယၤလီၤ. ပှၤကွၢ်ထွဲတၢ်ကွဲးနီၣ်တဖၣ်အခိၣ်မ့ၢ်ဝဲစီၤအဃံလူးအဖိခွါ စီၤယဟိၡၤဖး,

လံာ်ကွဲးနီၣ်တၢ်အခီၣ်ထံးတဘ့ၣ် 18:16

စီၤအဃံတူာ်အဖိခွါစီၤစၤဒိးဒီးစီၤအ့ဘယၤသၢ်အဖိခွါစီၤ အဃံမ့လးမ့ၢ်ပှၤလုၢ်တၢ်အခိၣ်တဖၣ်, ဒီးစီၤၡၤဝၡၤမ့ၢ်ကွီၢ်ဘျီၣ် အပှၤကွဲးလံာ်ဒိၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:24

ပှၤသ့ၣ်တဖၣ်အံၤမ့ၢ်စီၤလ့ၤဝံအစၢၤအသွဲၣ်တဖၣ်ဒ်အဒူၣ်ထၢတဖၣ် ဒီးအဟံၣ်ဖိဃီဖိတဖၣ်အိၣ်ဝဲအသိး, ဒီးအဝဲသ့ၣ်ကိးဂၤဒဲးဘၣ်တၢ်ထၢဒီးကွဲးနီၣ်အမံၤဒ်အအိၣ်ဝဲ အသိးန့ၣ်လီၤ. အဝဲအစၢၤအသွဲၣ်တဖၣ်လၢအသးအိၣ်အနံၣ်ခံဆံဒီးအါန့ၢ်အန့ၣ်တဂၤ ဘၣ်တဂၤစုာ်စုာ်အိၣ်ဒီးအမူအဒါလၢအလီၤဘၣ်အီၤတဂၤတမံၤလၢ ယွၤအတၢ်လုၢ်ဟံၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:31

ဟံၣ်ဖိဃီဖိတဒူၣ်စုာ်စုာ်အခိၣ်ဒီးအဒီပုၢ်ဝဲၢ်ခွါအဆံးတဖၣ် အကျါတဂၤဖီၣ်တၢ်ဖးလၢအဝဲသ့ၣ်အမူအဒါတဖၣ်အဂီၢ်, ဒ်သိးဒၣ်အဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအလီၤ စၢၤလီၤသွဲၣ်လၢစီၤအၤဟရိၣ်မၤတ့ၢ်ဝဲအသိးန့ၣ်လီၤ. စီၤပၤဒၤဝံး, စီၤစၤဒိး, စီၤအဃံၤမ့လ့း, ဒီးပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်အဟံၣ်ဖိ ဃီဖိအခိၣ်တဖၣ်မ့ၢ်ပှၤအုၣ်အသးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:7

အအံၤမ့ၢ်, တၢ်မၤအတၢ်ရဲၣ်တၢ်ကျဲၤလၢဟံၣ်ဖိဃီဖိ ခံဆံလွံၢ်ကရူၢ်ဘၣ်တၢ်ဟ့ၣ်လီၤအီၤန့ၣ်လီၤ. တၢ်ဖးအခီၣ်ထံးတမံၤလီၤဘၣ်လၢစီၤယဟိယၤရံာ်အဂီၢ်, ခံမံၤတမံၤလၢစီၤယဒါယၤအဂီၢ်,

လံာ်ကွဲးနီၣ်တၢ်ခံဘ့ၣ်တဘ့ၣ် 34:13

ပှၤလ့ၤဝံဖိအဂၤတဖၣ်မ့ၢ်ပှၤအခိၣ်လၢတၢ်ဆှၢထီၣ်ဆှၢလီၤတၢ် ပီးတၢ်လီတဖၣ်, ဒီးတၢ်ကွၢ်ထွဲပၢဆှၢပှၤမၤတၢ်ဖိတဖၣ်လၢတၢ်မၤအကလုာ်ကလုာ် အဂီၢ်ဒီးတနီၤပၢၤဃးတၢ်ကွဲးနီၣ်ကွဲးဃါတဖၣ်ဒီးမၤတၢ်ဒ်ပှၤ ပၢၤတၢ်တဖၣ်အသိးန့ၣ်လီၤ.

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်စီၤနဃ့မယၤ 8:1

ဒီးတုၤလီၤလၢလါနွံလါတလါန့ၣ်ကီၢ်အံၣ်စရ့လးအပှၤဂီၢ်မုၢ် တဖၣ်ခဲလၢာ်သူၣ်လီၤဆီလီၤအတၢ်အိၣ်တၢ်ဆိးအလီၢ်လၢအဝ့ၢ်ဒၣ်ဝဲ တဖၣ်အပူၤန့ၣ်လီၤ. ဒီးလၢလါန့ၣ်ထီၣ်တသီအနံၤန့ၣ်အဝဲသ့ၣ်ခဲလၢာ်အိၣ်ဖှိၣ်ရိ ဖှိၣ်လၢဝ့ၢ်ယရူၤၡလ့ၣ်အပူၤ, ဖဲပဲတြီထံအမဲာ်ညါတၢ်လီၢ်လီၤ ပျီန့ၣ်လီၤ. ဒီးအဝဲသ့ၣ်တဲဘၣ်ပှၤလုၢ်တၢ်အခိၣ်ဒီးပှၤသ့ယူဒၤအတၢ်သိၣ်တၢ် သီလၢယွၤဟ့ၣ်လီၤပှၤအံၣ်စရ့လးဖိခီဖျိစီၤမိၤၡ့, လၢအမ့ၢ်စီၤဧ့စြၤဒ်သိးအကဟဲစိာ်ယူဒၤအတၢ်သိၣ်တၢ်သီ အလံာ်န့ၣ်လီၤ.

လံာ်မးသဲ 13:52

အဝဲစံးဆၢတၢ်ဒီးစံး, “လၢတၢ်န့ၣ်အဃိ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီကိးဂၤဒဲးလၢအကဲထီၣ် အပျဲၢ်အဘီၣ်လၢမူခိၣ်အဘီအမုၢ်အပူၤန့ၣ်, မၤအသးဒ်ဟံၣ်ကစၢ်လၢ အထုးထီၣ်တၢ်အသီဒီးတၢ်အလီၢ်လံၤလၢအတၢ်ထူးတၢ်တီၤ အတၢ်ပာ်ဖှိၣ်လီၢ်အပူၤအသိးန့ၣ်လီၤ.”

လံာ်မးသဲ 8:19

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤဟဲဆူအအိၣ်ဒီးစံး, “သရၣ်ဧၢ, ယအိၣ်ကတဲာ်ကတီၤယသးလၢယကလဲၤဒီးနၤ ဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်မၢ်ကူး 2:26

အဝဲဒၣ်လဲၤနုာ်ဆူကစၢ်ယွၤအဟံၣ်ပူၤဒီးအီၣ်ဝဲကိၣ်လၢတၢ်လုၢ် ထီၣ်အီၤဆူကစၢ်ယွၤအအိၣ်န့ၣ်လီၤ. တၢ်မၤအသးအံၤမ့ၢ်ဖဲစီၤအ့ဘယၤသၢ်ကဲပှၤလုၢ်တၢ်အခိၣ် အဒိၣ်ကတၢၢ်အခါန့ၣ်လီၤ. မ့မ့ၢ်ဒ်ပတၢ်သိၣ်တၢ်သီအိၣ်ဝဲအသိး, ကိၣ်အံၤပှၤအီၣ်သ့ဒၣ်ထဲပှၤလုၢ်တၢ်အခိၣ်တဖၣ်ဧိၤန့ၣ်လီၤ. ဘၣ်ဆၣ်ဒီးစီၤဒၤဝံးအီၣ်ဝဲဒီးဟ့ၣ်အီၣ်ဒၣ်လဲာ်ပှၤပိာ်အခံတဖၣ်လီၤ.”