လံာ်ကွဲးနီၣ်တၢ်အခီၣ်ထံးတဘ့ၣ် 24:5 - Sgaw Karen Common Bible

⁵ မ့ၢ်လၢယွၤအတၢ်လုၢ်ဟံၣ်အပဒိၣ်ပပှၢ်တဖၣ်ဒီးသူၣ်ဂ့ၢ်သးကျိၤ အခိၣ်အနၢ်တဖၣ်, အိၣ်ဝဲလၢစီၤအလၤဧစၢ်မ့ၢ်ဂ့ၤ, စီၤအံသမၢ်မ့ၢ်ဂ့ၤအစၢၤအသွဲၣ်တဖၣ်အကျါအဃိ, မူဒါတဖၣ်ဘၣ်တၢ်ဟ့ၣ်လီၤအီၤခီဖျိတၢ်ဖီၣ်တၢ်ဖးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:5 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 24:31

ဟံၣ်ဖိဃီဖိတဒူၣ်စုာ်စုာ်အခိၣ်ဒီးအဒီပုၢ်ဝဲၢ်ခွါအဆံးတဖၣ် အကျါတဂၤဖီၣ်တၢ်ဖးလၢအဝဲသ့ၣ်အမူအဒါတဖၣ်အဂီၢ်, ဒ်သိးဒၣ်အဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအလီၤ စၢၤလီၤသွဲၣ်လၢစီၤအၤဟရိၣ်မၤတ့ၢ်ဝဲအသိးန့ၣ်လီၤ. စီၤပၤဒၤဝံး, စီၤစၤဒိး, စီၤအဃံၤမ့လ့း, ဒီးပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်အဟံၣ်ဖိ ဃီဖိအခိၣ်တဖၣ်မ့ၢ်ပှၤအုၣ်အသးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:4

စီၤအလၤဧစၢ်အစၢၤအသွဲၣ်တဖၣ်ဘၣ်တၢ်ကရၢကရိထီၣ်အီၤဆူပှၤတဆံ ဃုကရူၢ်ဒီးစီၤအံသမၢ်အစၢၤအသွဲၣ်တဖၣ်ဘၣ်တၢ်ကရၢကရိထီၣ်အီၤ ဆူပှၤဃိးကရူၢ်န့ၣ်လီၤ. တၢ်အံၤဘၣ်တၢ်မၤအီၤမ့ၢ်လၢဟံၣ်ဖိဃီဖိအခိၣ်ပိာ်ခွါတဖၣ်အိၣ် လၢစီၤအလၤဧစၢ်အစၢၤအသွဲၣ်တဖၣ်အကျါအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:8

လၢတၢ်စံၣ်ညီၣ်နီၤဖးန့ၢ်မူဒါတဖၣ်လၢအဝဲသ့ၣ်ကဟံးန့ၢ်အဂီၢ် န့ၣ်, အဝဲသ့ၣ်ခဲလၢာ်, သးစၢ်မ့ၢ်ဂ့ၤ, သးပှၢ်မ့ၢ်ဂ့ၤ, သ့ဘၣ်လီၤတံၢ်လီၤဆဲးမ့ၢ်ဂ့ၤ, စးထီၣ်မၤသီတၢ်မၤမ့ၢ်ဂ့ၤ, ဘၣ်ဖီၣ်တၢ်ဖးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:13

ဟံၣ်ဖိဃီဖိတဒူၣ်ဘၣ်တဒူၣ်, ဒိၣ်မ့ၢ်ဂ့ၤ, ဆံးမ့ၢ်ဂ့ၤဘၣ်ဖီၣ် တၢ်ဖးဒ်သိးကသ့ၣ်ညါဘၣ်အမူအဒါလီၤဘၣ်လၢတြဲၤဖဲလဲၣ်တဘ့ၣ် လဲၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:11

စီၤဧစၤရယၤလၢအမ့ၢ်စီၤဃံးလကံယၤအဖိခွါ (ပဒိၣ်အဒိၣ်ကတၢၢ်လၢ တၢ်လုၢ်ဟံၣ်အပူၤ), လၢအပၢ်ဖးဒိၣ်လၢပျၢၤတဖၣ်အကျါအိၣ်ဃုာ်ဒီးစီၤမၡူလၣ်, စီၤမရၤယိးဒီးစီၤအဃံးတူာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:8

အဝဲအပဒိၣ်ပပှၢ်တဖၣ်ဟ့ၣ်လီၤစ့ၢ်ကီးတၢ်မၤဘူၣ်တဖၣ်လၢပှၤဂီၢ် မုၢ်, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်ကသူဝဲအဂီၢ်စ့ၢ်ကီး န့ၣ်လီၤ. ဒီးယွၤအတၢ်လုၢ်ဟံၣ်အပှၤအခိၣ်အဒိၣ်ကတၢၢ်တဖၣ်လၢအမ့ၢ်ဝဲ, ပှၤလုၢ်တၢ်အခိၣ်အဒိၣ်ကတၢၢ်စီၤဃံးလကံယၤ, စီၤစကၤရယၤဒီးစီၤယဃံအ့လးလၢအမ့ၢ်ပှၤကွၢ်ထွဲပၢဆှၢတၢ်တဖၣ်, ဟ့ၣ်လီၤဝဲပှၤလုၢ်တၢ်အခိၣ်တဖၣ်လၢသိဖိဒီးမဲာ်တဲးလဲးဖိအဒု ခံကထိဃုကယၤ ဒီးဂီၤဖံးဖါအဒု သၢကယၤလၢဘူၣ်လဲၤက ပာ်အတၢ်လုၢ်တၢ်ပာ်တဖၣ်အဂီၢ်န့ၣ်လီၤ.

လံာ်စီၤနဃ့မယၤ 11:11

ဒီးစီၤစရါယၤလၢအမ့ၢ်စီၤဃံးလကံယၤအဖိခွါဒီးစီၤမၡူလၣ် အလံၤခွါန့ၣ်လီၤ. အဝဲအမိၢ်ပၢ်ဖံဖုလၢပျၢၤတဖၣ်အိၣ်ဝဲဃုာ်ဒီးစီၤစၤဒိး, စီၤမရၤယိး, ဒီးစီၤအဃံးတူာ်လၢအမ့ၢ်ပှၤလုၢ်တၢ်အခိၣ်အဒိၣ် ကတၢၢ်န့ၣ်လီၤ.

တၢ်ကတိၤဒိ. 16:33

ပှၤကညီတဖၣ်ကွံာ်တၢ်ဖးဒ်သိးအကသ့ၣ်ညါဘၣ်ကစၢ်ယွၤ အတၢ်ဘၣ်အသးလီၤ. ဘၣ်ဆၣ်ကစၢ်ယွၤအကစၢ်ဒၣ်ဝဲစံၣ်ညီၣ်နီၤဖးတၢ်အစၢန့ၣ်လီၤ.

လံာ်ယၡါယၤ 43:28

ဒီးနပှၤပၢတၢ်တဖၣ်မၤတရီတပါယလီၢ်စီဆှံလီၤ. လၢတၢ်န့ၣ်အဃိ, ယဟဲစိာ်တ့ၢ်တၢ်ဟးဂီၤလၢ ကီၢ်အံၣ်စရ့လးအဖီခိၣ် ဒီးယပျဲယပှၤဂီၢ်မုၢ်ဒၣ်ယဲဘၣ်တၢ်မၤအီၤ တရီတပါလီၤ.”

လံာ်ယိၤနါ 1:7

ပှၤကဘီဖိတဖၣ်စံးကတိၤသကိးလိာ်အသး, “ဟဲ, မ်ပကထုးတၢ်ဖးဒ်သိးပကသ့ၣ်ညါတၢ်မၤအသးဒီးပှၤဒ် အံၤမ့ၢ်လၢမတၤအဃိလဲၣ်န့ၣ်တက့ၢ်.” လၢတၢ်န့ၣ် အဃိအဝဲသ့ၣ်ထုးတၢ်ဖး, ဒီးတၢ်ဖးလီၤဘၣ်လၢစီၤယိၤနါအလိၤန့ၣ်လီၤ.

လံာ်မးသဲ 26:3

အကတီၢ်ဖဲန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢ အခိၣ်အနၢ်တဖၣ်ထံၣ်လိာ်အသးလၢပှၤလုၢ်တၢ်အခိၣ်အဒိၣ် ကတၢၢ်စီၤကၤယါဖၤအနီပူၤ,

လံာ်မးသဲ 27:1

တုၤမုၢ်ဆ့ၣ်ထီၣ်ဂီၤဂီၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ခဲလၢာ်ဒီးပှၤယူဒၤဖိကရၢအခိၣ်အနၢ် တဖၣ်, ကူၣ်ထီၣ်တၢ်ထီဒါယ့ၣ်ၡူး ဒ်သိးအကမၤသံဘၣ်အီၤအဂီၢ်လီၤ.

မၤတၢ် 1:26

အန့ၣ်ဒီးအဝဲသ့ၣ်ဖီၣ်တၢ်ဖး ဒ်သိးကဃုထၢထီၣ်ပှၤတဂၤလၢပှၤခံဂၤ အကျါလီၤ. ဒီးပှၤလၢအဘၣ်တၢ်ဃုထၢထီၣ်အီၤမ့ၢ်စီၤမးသံ, ဒီးအဝဲဒၣ်အံၤဘၣ်တၢ်ပာ်ဖှိၣ်ဃုာ်အီၤလၢပှၤတၢ်မၢဖိတဆံတဂၤ အကရူၢ်ပူၤန့ၣ်လီၤ.

မၤတၢ် 4:1

ဖဲစီၤပ့းတရူးဒီးစီၤယိၤဟၣ်ကတိၤဒံးတၢ်ဒီးပှၤတဖၣ်အဖၢမုၢ်န့ၣ်, ပှၤလုၢ်တၢ်အခိၣ်တနီၤ, တၢ်လုၢ်ဟံၣ်အပှၤပၢၤတၢ်ဖိအခိၣ်တဂၤ, ဃုာ်ဒီးပှၤစးဒူၤကဲတနီၤဟဲတုၤဝဲဒၣ်လီၤ.

မၤတၢ် 4:6

အဝဲသ့ၣ်ထံၣ်လိာ်အသးဒီးပှၤလုၢ်တၢ်အခိၣ်အဒိၣ်ကတၢၢ်စီၤအၣ် နၣ်, ဃုာ်ဒီးစီၤကၤယါဖၤ, စီၤယိၤဟၣ်, စီၤအလ့းစၣ်ဒြူး, ဒီးပှၤအဂၤတဖၣ်လၢအဘၣ်ဃးဒီးပှၤလုၢ်တၢ်အခိၣ်အဒိၣ်ကတၢၢ် အဒူၣ်န့ၣ်လီၤ.

မၤတၢ် 5:24

တုၤတၢ်လုၢ်ဟံၣ်အပှၤပၢၤတၢ်ဖိအခိၣ်တဂၤဒီးပှၤလုၢ်တၢ်အခိၣ် အဒိၣ်တဖၣ်နၢ်ဟူဘၣ်တၢ်ကစီၣ်အံၤဒီး, တၢ်မၤအသးဒီးတၢ်မၢဖိတဖၣ်ဒ်လဲၣ်ဒ်လဲၣ်န့ၣ်, ဆိကမိၣ်က့ၤဝဲလၢအဂ့ၢ်တသ့လၢၤဘၣ်လီၤ.

လံာ်စီၤယိၤၡူ 18:10

ဒီးစီၤယိၤၡူဖးတၢ်လၢအဝဲသ့ၣ်အဂီၢ်လၢယွၤအမဲာ်ညါဖဲ ဝ့ၢ်ၡံလိၤန့ၣ်လီၤ. ဒီးဖဲန့ၣ်န့ၣ်စီၤယိၤၡူနီၤဖးလီၤထံကီၢ်လၢပှၤအံၣ်စရ့လး ဖိအဂီၢ်ဒ်အတၢ်နီၤဖးအိၣ်ဝဲအသိးန့ၣ်လီၤ.