လံာ်ကွဲးနီၣ်တၢ်အခီၣ်ထံးတဘ့ၣ် 24:1 - Sgaw Karen Common Bible

¹ အအံၤမ့ၢ်ကရူၢ်တဖၣ်လၢစီၤအၤဟရိၣ်အစၢၤအသွဲၣ်တဖၣ်ဘၣ်ထွဲဝဲန့ၣ်လီၤ. ဒီးစီၤအၤဟရိၣ်အိၣ်ဒီးအဖိခွါလွံၢ်ဂၤ, စီၤနၤဒာ်, စီၤအဘံဟူၤ, စီၤအလၤဧစၢ်ဒီးစီၤအံသမၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:6

စီၤဒၤဝံးနီၤဖးလီၤပှၤလ့ၤဝံဖိတဖၣ်ဆူပှၤသၢကရူၢ်, ဒ်အဒူၣ်ထၢဒၣ်ဝဲအသိးလၢအမ့ၢ်က့ရၡိၣ်အဒူၣ်, ကဃးအဒူၣ်ဒီးမရၤရံၤအဒူၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:13

စီၤဒၤဝံးဟ့ၣ်ဃီၤစ့ၢ်ကီးအီၤလၢတၢ်တိာ်ကျဲၤတဖၣ်လၢအဘၣ်ထွဲ ဒီးတၢ်ကရၢကရိထီၣ်ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ် လၢကမၤအတၢ်မၤတဖၣ်အဂီၢ်, လၢကမၤယွၤအတၢ်လုၢ်ဟံၣ်အတၢ်မၤအဂီၢ်, ဒီးလၢကအံးထွဲကွၢ်ထွဲ ကယဲၢ်ယွၤအတၢ်လုၢ်ဟံၣ်အဃၢၤအဃိၢ်တဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:3

စီၤဧၤမရၣ်အိၣ်ဒီးအဖိခွါခံဂၤလၢအမ့ၢ်စီၤအၤဟရိၣ်ဒီးစီၤ မိၤၡ့, ဒီးအဖိမုၣ်တဂၤလၢအမ့ၢ်နီၢ်မံးရယၣ်န့ၣ်လီၤ. ဒီးစီၤအၤဟရိၣ်အိၣ်ဒီးအဖိခွါလွံၢ်ဂၤလၢအမ့ၢ်စီၤနဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:34

စီၤအ့လကါနၤ, စီၤယရိဃၣ်, စီၤအလံၤအ့လး, စီၤတိအး,

လံာ်ကွဲးနီၣ်တၢ်ခံဘ့ၣ်တဘ့ၣ် 23:8

ပှၤလ့ၤဝံဖိတဖၣ်ဒီးကီၢ်ယူဒၤအပှၤဂီၢ်မုၢ်တဖၣ်မၤတၢ်ဒ်ပှၤ လုၢ်တၢ်အခိၣ်စီၤယဟိယဒါအတၢ်သိၣ်လိနဲၣ်ယုၤအသိးန့ၣ်လီၤ. လၢမုၢ်အိၣ်ဘှံးနံၤန့ၣ်ပှၤလၢတအိၣ်ဒီးမူဒါလၢတၢ်လုၢ်ဟံၣ် ပူၤတဖၣ်တဘၣ်တၢ်ပျၢ်က့ၤအီၤဘၣ်. လၢတၢ်န့ၣ်အဃိ, သုးခိၣ်ဖးဒိၣ်တဖၣ်သူဘၣ်ပှၤလၢအလီၤဘၣ်တၢ်မၤတဖၣ်မ့ၢ်ဂ့ၤ, တလီၤဘၣ်တၢ်မၤတဖၣ်မ့ၢ်ဂ့ၤသ့ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:2

စီၤပၤယဃံးစကံၤယၤဒုးအိၣ်ထီၣ်ကဒါက့ၤတၢ်ကရၢကရိ ဘၣ်ထွဲဒီးပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်, လၢအဝဲသ့ၣ်တဂၤဘၣ်တဂၤစုာ်စုာ်အိၣ်ဒီးအမူအဒါလီၤတံၢ်လီၤဆဲးန့ၣ် လီၤ. မူဒါတဖၣ်အံၤအိၣ်စ့ၢ်ကီးဒီးတၢ်ဆူးကဲၤထီၣ်တၢ်လုၢ်မ့ၣ်အူ, တၢ်လုၢ်ထီၣ်တၢ်လုၢ်မၤဃူမၤဖိးတဖၣ်, တၢ်ဟံးန့ၢ်မူဒါလၢယွၤ အတၢ်လုၢ်ဟံၣ်အတၢ်ဘူၣ်တၢ်ဘါအပူၤ, တၢ်ဟ့ၣ်ထီၣ်တၢ်စံၣ်ထီၣ်ပတြၢၤဒီးတၢ်စံးဘျုးတဖၣ်လၢယွၤအတၢ် လုၢ်ဟံၣ်အလီၢ်တတီၤဘၣ်တတီၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:11

အန့ၣ်တစု, ပှၤလုၢ်တၢ်အခိၣ်လၢအအိၣ်ဖဲန့ၣ်ခဲလၢာ်ဟးထီၣ်ကွံာ် လၢတၢ်အလီၢ်စီဆှံအပူၤန့ၣ်လီၤ. အဝဲသ့ၣ်ခဲလၢာ်လၢအအိၣ်ဖဲန့ၣ်, မ့ၢ်လီၤဆီလိာ်အသးလၢမူဒါအတီၤဘၣ်ဆၣ်, ပာ်စီဆှံထီၣ်အသးတပူၤဃီခဲလၢာ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:14

ပိာ်ထွဲထီၣ်တၢ်သိၣ်တၢ်ဘျၢတဖၣ်လၢအဘၣ်တၢ်ပာ်လီၤတ့ၢ်အီၤလၢ အပၢ်စီၤဒၤဝံးအခံန့ၣ်, အဝဲကရၢကရိထီၣ်တနံၤဘၣ်တနံၤအတၢ်မၤလၢပှၤလုၢ်တၢ်အခိၣ်တဖၣ်အ ဂီၢ်, ဒီးလၢပှၤလ့ၤဝံဖိတဖၣ်လၢအမၤစၢၤပှၤလုၢ်တၢ်အခိၣ်တဖၣ်လၢတၢ် သးဝံၣ်ထါသးဝံၣ်တဖၣ်ဒီးလၢတၢ်မၤအဝဲသ့ၣ်အတၢ်မၤအပူၤအဂီၢ် န့ၣ်လီၤ. အဝဲကရၢကရိထီၣ်စ့ၢ်ကီးပှၤပၢၤတၢ်လုၢ်ဟံၣ်တဖၣ်တဖုဘၣ်တဖု လၢအကမၤအဝဲသ့ၣ်အမူအဒါတနံၤဘၣ်တနံၤဖဲတြဲၤဖးဒိၣ်တဘ့ၣ်စုာ် စုာ်, လီၤပလိာ်ဝဲဒီးကစၢ်ယွၤအပှၤကညီစီၤဒၤဝံးအတၢ်မၤလိာ်တဖၣ် န့ၣ်လီၤ.

လံာ်စီၤဧ့စြၤ 6:18

ဒ်တၢ်မၤလိာ်အိၣ်တ့ၢ်ဝဲလၢစီၤမိၤၡ့အလံာ်တၢ်ကွဲးအပူၤအသိး န့ၣ်, အဝဲသ့ၣ်ကရၢကရိထီၣ်စ့ၢ်ကီးပှၤလုၢ်တၢ်အခိၣ်တဖၣ်ဒီးပှၤလ့ၤဝံ ဖိတဖၣ်လၢတၢ်လုၢ်ဟံၣ်အတၢ်ဖံးတၢ်မၤတဖၣ်အဂီၢ်လၢဝ့ၢ်ယရူၤၡလ့ၣ် အပူၤန့ၣ်လီၤ.

လံာ်စီၤဧ့စြၤ 7:5

စီၤအဘံၤၡူအဖိခွါ, စီၤဖံၤနဃၣ်အဖိခွါ, စီၤအလၤဧစၢ်အဖိခွါ, စီၤအၤဟရိၣ်အဖိခွါန့ၣ်လီၤ.

လံာ်တၢ်ဟးထီၣ်ကွံာ် 28:1

ကိးဖှိၣ်နဒီပုၢ်ဝဲၢ်ခွါစီၤအၤဟရိၣ်ဒီးအဖိခွါတဖၣ်လၢအမ့ၢ်ဝဲ စီၤနၤဒး, စီၤအဘံဟူၤ, စီၤအလၤဧစၢ်, ဒီးစီၤအံသမၢ်တက့ၢ်. ပာ်လီၤဆီအီၤဒီးကီၢ်အံၣ်စရ့လးအပှၤဂီၢ်မုၢ်ဒ်သိးအကမၤယတၢ် မၤဒ်ပှၤလုၢ်တၢ်အခိၣ်တဖၣ်အသိးတက့ၢ်.

လံာ်တၢ်ဟးထီၣ်ကွံာ် 6:23

ဒီးစီၤအၤဟရိၣ်ဟံးန့ၢ်အမါလၢစီၤအမံၤနဒးအဖိမုၣ်ဒီးစီၤ နးၡိၣ်အဒီပုၢ်ဝဲၢ်မုၣ်နီၢ်အ့းလံၤစါဘ့းလီၤ. ဒီးအဝဲဒၣ်ဆံးစၢ်န့ၢ်အီၤလၢစီၤနၤဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်လီၤ.

လံာ်တၢ်ဂံၢ် 26:60

စီၤအၤဟရိၣ်အဖိခွါအိၣ်လွံၢ်ဂၤ, လၢအမ့ၢ်စီၤနၤဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်န့ၣ်လီၤ.

လံာ်တၢ်ဂံၢ် 3:2

စီၤအၤဟရိၣ်အိၣ်ဒီးအဖိခွါလွံၢ်ဂၤလၢအမ့ၢ်, စီၤနၤဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်န့ၣ်လီၤ.

လံာ်တၢ်ဂံၢ် 3:4

ဘၣ်ဆၣ်ဒီးစီၤနၤဒးဒီးစီၤအဘံဟူၤတဖၣ်ဘၣ်တၢ်မၤသံကွံာ်အီၤ ဖဲအဝဲသ့ၣ်လုၢ်ထီၣ်တၢ်လုၢ်မ့ၣ်အူလၢအတစီဆှံဘၣ်ဆူယွၤအအိၣ် လၢကစၢၢ်စံၤနါအပှၢ်မုၢ်ကနၢပူၤအခါန့ၣ်လီၤ. အဝဲသ့ၣ်အဖိအလံၤတအိၣ်ဘၣ်နီတဂၤဘၣ်. လၢတၢ်န့ၣ်အဃိစီၤအလၤဧစၢ်ဒီးစီၤအံသမၢ်န့ၣ်မၤပှၤလုၢ်တၢ် အခိၣ်အတၢ်မၤဖဲစီၤအၤဟရိၣ်မူဒံးအဖၢမုၢ်န့ၣ်လီၤ.