လံာ်ကွဲးနီၣ်တၢ်အခီၣ်ထံးတဘ့ၣ် 23:32 - Sgaw Karen Common Bible

³² အဝဲသ့ၣ်ဘၣ်တၢ်ဟ့ၣ်မူဟ့ၣ်ဒါအီၤလၢကအံးထွဲကွၢ်ထွဲယွၤအဒဲ စီဆှံလၢယွၤအိၣ်ဝဲ, ဒီးယွၤအတၢ်လုၢ်ဟံၣ်, ဒီးကဘၣ်မၤစၢၤအဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်လၢ တၢ်ဘူၣ်တၢ်ဘါလၢတၢ်လုၢ်ဟံၣ်ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:32 Iomraidhean Croise

လံာ်စီၤပၤအခီၣ်ထံးတဘ့ၣ် 8:4

ဒီးလဲၤစိာ်ဝဲဆူယွၤအတၢ်လုၢ်ဟံၣ်အပူၤန့ၣ်လီၤ. ပှၤလ့ၤဝံဖိဒီးပှၤလုၢ်တၢ်အခိၣ်တဖၣ်သုးစ့ၢ်ကီးဝဲယွၤအဒဲ လၢယွၤအိၣ်ဝဲဆိးဝဲဒီးအတၢ်အပီးအလီခဲလၢာ်ဆူယွၤအတၢ်လုၢ် ဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:27

အဝဲသ့ၣ်အိၣ်ဝဲဆိးဝဲဘူးဒီးတၢ်လုၢ်ဟံၣ်မ့ၢ်လၢအဝဲသ့ၣ်အိၣ်မူ အိၣ်ဒါလၢကပၢၤအီၤဒီးအိးထီၣ်တြဲၤတဖၣ်ကိးမုၢ်ဂီၤဒဲးအဃိန့ၣ်လီၤ.

လံာ်ယဃ့းစက့လး 44:14

ယပာ်လီၤတၢ်ခ့တၢ်ပှၤအတၢ်မၤလၢတၢ်ကဘၣ်မၤအီၤလၢယွၤ အတၢ်လုၢ်ဟံၣ်အပူၤန့ၣ်လၢအဝဲသ့ၣ်အစုပူၤလီၤ.”

လံာ်တၢ်ဂံၢ် 1:53

မ့မ့ၢ်ပှၤလ့ၤဝံဖိတဖၣ်ကဘၣ်သူၣ်ဒဲဝးတရံးဒဲစီဆှံလၢကကဟု ကယာ်အီၤအဂီၢ်, ဒ်သိးပှၤသုတဟဲဘူးအီၤနီတဂၤဒီးထိၣ်ဂဲၤယတၢ်သးထီၣ်လၢ ယကကျီကွံာ်အံၣ်စရ့လးအဒူၣ်အထၢတဂ့ၤအဂီၢ်န့ၣ်လီၤ.”

လံာ်တၢ်ဂံၢ် 18:5

ထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်မူဒါတဖၣ်လၢ တၢ်အလီၢ်စီဆှံဂီၢ်ဒီးလၢတၢ်လုၢ်လီၢ်အဂီၢ်, ဒ်သိးယတၢ်သးဒိၣ်အသုတဟဲဖျိးထီၣ်ကဒီးထီဒါဘၣ်ကီၢ်အံၣ်စရ့ လးအပှၤဂီၢ်မုၢ်တဖၣ်တဂ့ၤအဂီၢ်န့ၣ်လီၤ.

လံာ်တၢ်ဂံၢ် 3:38

စီၤမိၤၡ့, စီၤအၤဟရိၣ်ဒီးအဖိခွါတဖၣ်န့ၣ်ကဘၣ်သူၣ်ထီၣ်အဒဲ လၢဒဲစီဆှံအမဲာ်ညါလၢအမုၢ်ထီၣ်တခီန့ၣ်လီၤ. အဝဲသ့ၣ်အမူအဒါအိၣ်ဝဲလၢကမၤတၢ်ခ့တၢ်ပှၤအတၢ်မၤတဖၣ်လၢတၢ် အလီၢ်စီဆှံအပူၤလၢကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ. ပှၤအဂၤတဂၤလၢ်လၢ်လၢအဂုာ်မၤအဝဲသ့ၣ်အတၢ်မၤတဖၣ်န့ၣ်ကဘၣ်တၢ်မၤ သံကွံာ်အီၤန့ၣ်လီၤ.

လံာ်တၢ်ဂံၢ် 8:26

တၢ်န့ၣ်အလီၢ်ခံအဝဲသ့ၣ်ကဘၣ်မၤစၢၤက့ၤပှၤလ့ၤဝံဖိကဒဲကဒဲ လၢတၢ်စိာ်ထီၣ်အဝဲသ့ၣ်အမူအဒါလၢဒဲစီဆှံအပူၤ, ဘၣ်ဆၣ်, အဝဲသ့ၣ်တဘၣ်မၤတၢ်ဖံးတၢ်မၤလၢအနီၢ်ကစၢ်ဒၣ်ဝဲနီတမံၤဘၣ်. တၢ်အံၤမ့ၢ်ကျဲလၢနကသိၣ်လိနဲၣ်လီၤမူဒါတဖၣ်လၢပှၤလ့ၤဝံဖိ တဖၣ်အဂီၢ်န့ၣ်လီၤ.”

လံာ်သိၣ်လီၤသီလီၤတၢ် 18:7

ဒီးမၤတၢ်ဖဲန့ၣ်ဒ်ယွၤ, အဝဲအကစၢ်ယွၤအပှၤလုၢ်တၢ်အခိၣ်တဂၤ အသိးသ့ဝဲ, ဒ်သိးဒၣ်ပှၤလ့ၤဝံဖိအဂၤတဖၣ်လၢအမၤတၢ်ဖဲန့ၣ်လီၤ.