လံာ်ကွဲးနီၣ်တၢ်အခီၣ်ထံးတဘ့ၣ် 23:3 - Sgaw Karen Common Bible

³ အဝဲမၤတၢ်ဂံၢ်ဒီးတၢ်ဆဲးလီၤကယဲၢ်ပှၤလ့ၤဝံဖိပိာ်ခွါတဖၣ် လၢအသးအိၣ်သၢဆံဒီးဆူအဖီခိၣ်ခဲလၢာ်အမံၤန့ၣ်လီၤ. ပှၤအတၢ်ဂံၢ်ခဲလၢာ်မ့ၢ်ဝဲပှၤ သၢကလးဃိးကထိဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:3 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:2

စီၤပၤဒၤဝံးဒုးအိၣ်ဖှိၣ်ရိဖှိၣ်ကယဲၢ်ပှၤအံၣ်စရ့လးအခိၣ် အနၢ်ခဲလၢာ်ဒီးကယဲၢ်ပှၤလုၢ်တၢ်အခိၣ်ဒီးပှၤလ့ၤဝံဖိတဖၣ်ခဲ လၢာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:24

ပှၤသ့ၣ်တဖၣ်အံၤမ့ၢ်စီၤလ့ၤဝံအစၢၤအသွဲၣ်တဖၣ်ဒ်အဒူၣ်ထၢတဖၣ် ဒီးအဟံၣ်ဖိဃီဖိတဖၣ်အိၣ်ဝဲအသိး, ဒီးအဝဲသ့ၣ်ကိးဂၤဒဲးဘၣ်တၢ်ထၢဒီးကွဲးနီၣ်အမံၤဒ်အအိၣ်ဝဲ အသိးန့ၣ်လီၤ. အဝဲအစၢၤအသွဲၣ်တဖၣ်လၢအသးအိၣ်အနံၣ်ခံဆံဒီးအါန့ၢ်အန့ၣ်တဂၤ ဘၣ်တဂၤစုာ်စုာ်အိၣ်ဒီးအမူအဒါလၢအလီၤဘၣ်အီၤတဂၤတမံၤလၢ ယွၤအတၢ်လုၢ်ဟံၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:16

ကယဲၢ်ပှၤပိာ်ခွါတဖၣ်လၢအသးအိၣ်အနံၣ်သၢဆံဒီးဆူအဖီခိၣ်လၢ အမံၤအိၣ်ကွဲးအသးလၢတၢ်ကရၢကရိအတၢ်ကွဲးနီၣ်အပူၤ, လၢကိးနံၤဒဲးမၤအမူအဒါလၢယွၤအတၢ်လုၢ်ဟံၣ်အပူၤန့ၣ်, အဝဲသ့ၣ်ဟ့ၣ်အီၤလၢတၢ်နီၤဟ့ၣ်တဂၤတမံၤဒ်အကြၢးဒီးအမူဒါ လီၢ်လၤအတီၤတဖၣ်အသိးစုာ်စုာ်န့ၣ်လီၤ.

လံာ်တၢ်ဂံၢ် 8:24

“ပှၤလ့ၤဝံဖိတဂၤစုာ်စုာ်ဖဲအသးအိၣ်ခံဆံယဲၢ်နံၣ်န့ၣ်, ကမၤအမူအဒါတဖၣ်လၢယအိၣ်ယဆိးအဒဲစီဆှံအပူၤ, လၢတၢ်ဘူၣ်ထီၣ်ဘါထီၣ်ယွၤအဒဲပူၤန့ၣ်လီၤ.