လံာ်ကွဲးနီၣ်တၢ်အခီၣ်ထံးတဘ့ၣ် 23:29 - Sgaw Karen Common Bible

²⁹ ဒ်သိးကဟံးန့ၢ်မူဒါလၢကိၣ်လၢကဘၣ်တၢ်လုၢ်ထီၣ်အီၤဆူ ကစၢ်ယွၤအအိၣ်, ကိၣ်ကမူၣ်လၢအဘၣ်တၢ်သူအီၤလၢတၢ်လုၢ်မၤဘူၣ် တဖၣ်အဂီၢ်, ကိၣ်ဘ့ၣ်ဘၣ်တဖၣ်လၢတအိၣ်ဒီးကိၣ်မံၣ်အဂီၢ်, တၢ်လုၢ်မၤဘူၣ်တဖၣ်လၢတၢ်ကုၢ်အီၤအဂီၢ်ဒီးကိၣ်ကမူၣ်လၢအဘၣ်တၢ် ဃါဃုာ်အီၤဒီးသ့ၣ်စၤယံးအသိအဂီၢ်, လၢတၢ်စီၤဒီးတၢ်ထိၣ်မ့ၢ်ဂ့ၤဃီၣ်မ့ၢ်ဂ့ၤတၢ်ဟ့ၣ်ဆူအတၢ်လုၢ် တၢ်ပာ်တဖၣ်အဂီၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 23:29 Iomraidhean Croise

လံာ်စီၤပၤအခီၣ်ထံးတဘ့ၣ် 7:48

စီၤၡလိၤမိၤမၢပှၤမၤစ့ၢ်ကီးတၢ်အပီးအလီလၢထူတဖၣ်, လၢယွၤအတၢ်လုၢ်ဟံၣ်အဂီၢ်, လၢအမ့ၢ်ဝဲတၢ်လုၢ်လီၢ်, စီၢ်နီၤခိၣ်တဖၣ်လၢတၢ်ကပာ်ထီၣ်ကိၣ်လၢတၢ်လုၢ်ထီၣ်အီၤဆူကစၢ် ယွၤအအိၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 23:28

ဒီးဘၣ်တၢ်ဟ့ၣ်မူဟ့ၣ်ဒါအီၤ, မူဒါဒ်လၢလာ်တဖၣ်အံၤ, လၢကမၤစၢၤပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤ အၤဟရိၣ်လၢတၢ်ဘူၣ်ထီၣ်ဘါထီၣ်လၢယွၤအတၢ်လုၢ်ဟံၣ်အပူၤအဂီၢ်, လၢကကွၢ်ထွဲအဂၢၤတဖၣ်ဒီးအဒၢးသ့ၣ်တဖၣ်, ဒီးကပၢၤဃာ်ကယဲၢ်တၢ်တမံၤလၢ်လၢ်လၢအစီဆှံန့ၣ်ဒ်သိးသု တဘၣ်တၢ်မၤတကဆှီအီၤတဂ့ၤ,

လံာ်ကွဲးနီၣ်တၢ်အခီၣ်ထံးတဘ့ၣ် 23:30

ဒီးလၢတၢ်စံးထီၣ်ပတြၢၤဒီးတၢ်မၤလၤကပီၤယွၤကိးမုၢ်ဂီၤ ဒီးကိးမုၢ်ဟါအဂီၢ်,

လံာ်ကွဲးနီၣ်တၢ်ခံဘ့ၣ်တဘ့ၣ် 13:11

ကိးမုၢ်ဂီၤဒဲးဒီးကိးမုၢ်ဟါဒဲးန့ၣ်, ပှၤလုၢ်တၢ်အခိၣ်တဖၣ်, လုၢ်ထီၣ်ယွၤလၢတၢ်နၢမူဒီးဆၣ်ဖိကီၢ်ဖိဒ်တၢ်လုၢ်ဆူးကဲၤဒီ ဒုအတၢ်လုၢ်တၢ်ပာ်တဖၣ်န့ၣ်လီၤ. အဝဲသ့ၣ်လုၢ်ထီၣ်တၢ်လုၢ်တၢ်ပာ်အကိၣ်လၢစီၢ်နီၤခိၣ်တဖျၢၣ်လၢတၢ် မၤကဆှီအီၤဒ်တၢ်အလုၢ်အလၢ်အိၣ်ဝဲအသိး, ဒီးကိးမုၢ်ဟါဒဲးန့ၣ်, အဝဲသ့ၣ်ဒွဲၣ်ထီၣ်မ့ၣ်အူဒၢတဖၣ်လၢတၢ် ပာ်မ့ၣ်အူဒၢအလီၢ်လၢတၢ်မၤအီၤဒီးထူတဖၣ်အဖီခိၣ်န့ၣ်လီၤ. ပမၤတၢ်လၢယွၤမၤလိာ်တ့ၢ်ပှၤ, ဘၣ်ဆၣ်သုဝဲသုလဲၤသဒၣ်ကွံာ်အီၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:18

ပှၤလ့ၤဝံဖိတဖၣ်ဟ့ၣ်ထီၣ်က့ၤတၢ်ပာ်ဖျါဒ်လၢလာ်အံၤဆူစီၤပၤ ဃံးစကံယၤအအိၣ်န့ၣ်လီၤ. “ပမၤကဆှီထီၣ်က့ၤယွၤအတၢ်လုၢ်ဟံၣ်ဒီတဖျၢၣ်ညါဒ်တၢ်အလုၢ်အလၢ် အိၣ်ဝဲအသိးဝံၤလံဝဲ, ဃုာ်ဒီးတၢ်လုၢ်လီၢ်လၢတၢ်လုၢ်မ့ၣ်အူတဖၣ်အဂီၢ်, စီၢ်နီၤခိၣ်လၢတၢ်ပာ်ကိၣ်စီဆှံအဂီၢ်ဒီးကယဲၢ်တၢ်အဃၢၤအဃိၢ် ခဲလၢာ်န့ၣ်လီၤ.

လံာ်စီၤနဃ့မယၤ 10:33

လၢတၢ်ဘူၣ်ထီၣ်ဘါထီၣ်ယွၤလၢတၢ်လုၢ်ဟံၣ်ပူၤအဂီၢ်န့ၣ်, ပကဟ့ၣ်ကိၣ်စီဆှံတၢ်လုၢ်ဘုဧိၤဟုဧိၤကိးနံၤဒဲး, ဆၣ်ဖိကီၢ်ဖိတဖၣ်လၢကဘၣ်တၢ်ဆိၣ်ကဲၤထီၣ်အီၤကိးနံၤဒဲးဒ်တၢ် လုၢ်တၢ်ပာ်တဖၣ်, တၢ်လုၢ်စီဆှံတဖၣ်လၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်, ဒီးမူးအဂၤတဖၣ်အဂီၢ်, တၢ်လုၢ်စီဆှံအဂၤတဖၣ်, တၢ်လုၢ်လၢကစိာ်ကွံာ်ပှၤအံၣ်စရ့လးဖိ တဖၣ်အတၢ်ဒဲးဘးအဂီၢ်ဒီးကယဲၢ်တၢ်လိၣ်အဂၤတဖၣ်လၢယွၤတၢ်လုၢ် ဟံၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 25:30

စီၢ်နီၤခိၣ်န့ၣ်ကဘၣ်တၢ်ပာ်အီၤလၢတၢ်အၢၣ်လီၤအီလီၤအတလါစီ ဆှံအမဲာ်ညါဒီးလၢစီၢ်နီၤခိၣ်အလိၤန့ၣ်ကိၣ်စီဆှံလၢတၢ်လုၢ် မၤဘူၣ်အီၤဆူယအိၣ်န့ၣ်ကဘၣ်အိၣ်ဝဲထီဘိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:9

ဒီးတၢ်လုၢ်ဘုဧိၤဟုဧိၤခဲလၢာ်လၢအဘၣ်တၢ်ကုၢ်အီၤလၢဖၣ်ကပူၤ မ့ၢ်ဂ့ၤ, လၢထးကဘျၣ်အဖီခိၣ်မ့ၢ်ဂ့ၤ, လၢသပၢၤဘံၣ်သလၣ်အပူၤမ့ၢ်ဂ့ၤန့ၣ် ဘၣ်ဃးဒီးပှၤလုၢ်တၢ်အခိၣ်လၢအ လုၢ်ထီၣ်တၢ်လုၢ်အံၤဆူကစၢ်ယွၤအအိၣ်န့ၣ်လီၤ.

လံာ်မးသဲ 12:4

အဝဲလဲၤနုာ်ဆူကစၢ်ယွၤအဟံၣ်ပူၤဒီးအဝဲသ့ၣ်အီၣ်ကိၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤတဖၣ်, လၢစီၤဒၤဝံးမ့ၢ်ဂ့ၤ, ပှၤလၢအအိၣ်ဒီးအီၤတဖၣ်မ့ၢ်ဂ့ၤ, တၢ်သိၣ်တၢ်သီတဟ့ၣ်အခွဲး လၢကအီၣ်ဝဲဘၣ်. တၢ်ဟ့ၣ်အခွဲးထဲပှၤလုၢ်တၢ်အခိၣ်တဖၣ်ကအီၣ်ဝဲ န့ၣ်လီၤ.

ဧ့ၤဘြံၤ 9:2

အဂ့ၢ်ဒ်အံၤ, တၢ်သူၣ်ထီၣ်ဘှီထီၣ်ဒဲတဖျၢၣ်ဒီးတၢ်ချၢတတီၤန့ၣ်, ဘၣ်တၢ်ကိးအီၤလၢတၢ်စီတၢ်ဆှံအလီၢ်, အိၣ်ဒီးမ့ၣ်အူအလီၢ် တခါ, စီၢ်နီၤခိၣ်တဖျၢၣ်ဃုာ်ဒီးကိၣ်လၢအဘၣ်တၢ်လုၢ်ထီၣ်အီၤဆူ ကစၢ်ယွၤန့ၣ်လီၤ.