လံာ်ကွဲးနီၣ်တၢ်အခီၣ်ထံးတဘ့ၣ် 23:27 - Sgaw Karen Common Bible

²⁷ ဒိးသန့ၤထီၣ်အသးလၢစီၤဒၤဝံးအတၢ်နဲၣ်ကျဲၤလၢခံကတၢၢ်တဖၣ် အဖီခိၣ်န့ၣ်, ကယဲၢ်ပှၤလ့ၤဝံဖိခဲလၢာ်ဘၣ်တၢ်ထၢဒီးကွဲးနီၣ်အမံၤလၢတၢ်မၤ အဂီၢ်ဖဲအဝဲသ့ၣ်အသးပှဲၤထီၣ်အနံၣ်ခံဆံန့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 23:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:1

စီၤယံးၡဲအဖိခွါစီၤဒၤဝံးမ့ၢ်တ့ၢ်ပှၤတဂၤလၢကစၢ်ယွၤပာ်ထီၣ်ထီအီၤ, ပှၤတဂၤလၢစီၤယၤကိာ်အကစၢ်ယွၤဃုထၢတ့ၢ်အီၤလၢကကဲထီၣ်စီၤပၤ, ဒီးပှၤတဂၤလၢအထုးထီၣ်တၢ်သးဝံၣ်အမုာ်တဖၣ်လၢကီၢ်အံၣ်စရ့လးအဂီၢ်လီၤ. တၢ်လၢလံာ်အံၤတဖၣ်အံၤမ့ၢ်စီၤဒၤဝံးအတၢ်ကတိၤလၢခံကတၢၢ်တဖၣ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:24

ပှၤသ့ၣ်တဖၣ်အံၤမ့ၢ်စီၤလ့ၤဝံအစၢၤအသွဲၣ်တဖၣ်ဒ်အဒူၣ်ထၢတဖၣ် ဒီးအဟံၣ်ဖိဃီဖိတဖၣ်အိၣ်ဝဲအသိး, ဒီးအဝဲသ့ၣ်ကိးဂၤဒဲးဘၣ်တၢ်ထၢဒီးကွဲးနီၣ်အမံၤဒ်အအိၣ်ဝဲ အသိးန့ၣ်လီၤ. အဝဲအစၢၤအသွဲၣ်တဖၣ်လၢအသးအိၣ်အနံၣ်ခံဆံဒီးအါန့ၢ်အန့ၣ်တဂၤ ဘၣ်တဂၤစုာ်စုာ်အိၣ်ဒီးအမူအဒါလၢအလီၤဘၣ်အီၤတဂၤတမံၤလၢ ယွၤအတၢ်လုၢ်ဟံၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:26

လၢတၢ်န့ၣ်အဃိ, အလီၢ်တအိၣ်လၢၤနီတဘျီလၢပှၤလ့ၤဝံဖိ တဖၣ်တဘၣ်စိာ်လၢၤဒဲစီဆှံလၢယွၤအိၣ်ဝဲဆိးဝဲဒီးတၢ်အဃၢၤ အဃိာ်လၢတၢ်သူအီၤလၢတၢ်ဘူၣ်တၢ်ဘါအပူၤန့ၣ်ဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 23:28

ဒီးဘၣ်တၢ်ဟ့ၣ်မူဟ့ၣ်ဒါအီၤ, မူဒါဒ်လၢလာ်တဖၣ်အံၤ, လၢကမၤစၢၤပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤ အၤဟရိၣ်လၢတၢ်ဘူၣ်ထီၣ်ဘါထီၣ်လၢယွၤအတၢ်လုၢ်ဟံၣ်အပူၤအဂီၢ်, လၢကကွၢ်ထွဲအဂၢၤတဖၣ်ဒီးအဒၢးသ့ၣ်တဖၣ်, ဒီးကပၢၤဃာ်ကယဲၢ်တၢ်တမံၤလၢ်လၢ်လၢအစီဆှံန့ၣ်ဒ်သိးသု တဘၣ်တၢ်မၤတကဆှီအီၤတဂ့ၤ,

လံာ်ကွဲးနီၣ်တၢ်အခီၣ်ထံးတဘ့ၣ် 23:3

အဝဲမၤတၢ်ဂံၢ်ဒီးတၢ်ဆဲးလီၤကယဲၢ်ပှၤလ့ၤဝံဖိပိာ်ခွါတဖၣ် လၢအသးအိၣ်သၢဆံဒီးဆူအဖီခိၣ်ခဲလၢာ်အမံၤန့ၣ်လီၤ. ပှၤအတၢ်ဂံၢ်ခဲလၢာ်မ့ၢ်ဝဲပှၤ သၢကလးဃိးကထိဂၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:17

ပှၤလုၢ်တၢ်အခိၣ်တဖၣ်ဘၣ်တၢ်ကရၢကရိထီၣ်အီၤလၢတၢ်မၤအဂီၢ်ဒ် အဒူၣ်ထၢဒၣ်ဝဲအသိး, ဒီးပှၤလ့ၤဝံဖိတဖၣ်လၢအသးအိၣ်အနံၣ်ဆံခံဒီးဆူအဖီခိၣ် န့ၣ်ဘၣ်တၢ်ကရၢကရိထီၣ်အီၤလၢအတၢ်မၤအဂီၢ်ဒ်တၢ်မၤအတီၤဒၣ်ဝဲ အသိးန့ၣ်လီၤ.

စံးထီၣ်ပတြၢၤ 72:20

စီၤယံးၡဲအဖိခွါစီၤဒၤဝံးအတၢ်ထုကဖၣ်န့ၣ်ဝံၤလံ.

လံာ်တၢ်ဂံၢ် 3:8

အဝဲသ့ၣ်ကဘၣ်ဟံးန့ၢ်မူဒါလၢကယဲၢ်ဒဲစီဆှံအတၢ်ပီးတၢ်လီ တဖၣ်အဂီၢ်ဒီးမၤတၢ်လၢပှၤအံၣ်စရ့လးဖိအဂၤတဖၣ်အဂီၢ်န့ၣ်လီၤ.

လံာ်တၢ်ဂံၢ် 4:3

ဒီးကွဲးနီၣ်ပှၤပိာ်ခွါအသးအိၣ်အနံၣ်သၢဆံဒီးအနံၣ်ယဲၢ်ဆံ အဘၢၣ်စၢၤလၢအကြၢးဝဲဘၣ်ဝဲလၢကမၤတၢ်လၢယွၤအိၣ်ဝဲဆိးဝဲ အဒဲစီဆှံအပူၤအဂီၢ်န့ၣ်လီၤ.