လံာ်ကွဲးနီၣ်တၢ်အခီၣ်ထံးတဘ့ၣ် 23:26 - Sgaw Karen Common Bible

²⁶ လၢတၢ်န့ၣ်အဃိ, အလီၢ်တအိၣ်လၢၤနီတဘျီလၢပှၤလ့ၤဝံဖိ တဖၣ်တဘၣ်စိာ်လၢၤဒဲစီဆှံလၢယွၤအိၣ်ဝဲဆိးဝဲဒီးတၢ်အဃၢၤ အဃိာ်လၢတၢ်သူအီၤလၢတၢ်ဘူၣ်တၢ်ဘါအပူၤန့ၣ်ဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 23:26 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:27

ဒိးသန့ၤထီၣ်အသးလၢစီၤဒၤဝံးအတၢ်နဲၣ်ကျဲၤလၢခံကတၢၢ်တဖၣ် အဖီခိၣ်န့ၣ်, ကယဲၢ်ပှၤလ့ၤဝံဖိခဲလၢာ်ဘၣ်တၢ်ထၢဒီးကွဲးနီၣ်အမံၤလၢတၢ်မၤ အဂီၢ်ဖဲအဝဲသ့ၣ်အသးပှဲၤထီၣ်အနံၣ်ခံဆံန့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 35:3

အဝဲဟ့ၣ်လီၤစ့ၢ်ကီးတၢ်သိၣ်လိနဲၣ်ယုၤတဖၣ်အံၤဆူပှၤလ့ၤဝံ ဖိတဖၣ်, အံၣ်စရ့လးအသရၣ်တဖၣ်, ပှၤလၢအပာ်စီဆှံထီၣ်တ့ၢ်အသးဆူ ယွၤအအိၣ်, စံးဝဲ, “ဒၢနုာ်ယွၤအတၢ်အၢၣ်လီၤအီလီၤအတလါစီဆှံဆူယွၤ အတၢ်လုၢ်ဟံၣ်လၢစီၤဒၤဝံးအဖိခွါစီၤပၤၡလိၤမိၤဘှီထီၣ် အပူၤန့ၣ်တက့ၢ်. သုတဘၣ်စိာ်လၢၤအီၤလၢတၢ်လီၢ်တပူၤဆူတၢ်လီၢ်အဂၤတပူၤ လၢၤတဂ့ၤ. မ့မ့ၢ်သုကဘၣ်မၤယွၤသုကစၢ်ယွၤဒီးအပှၤဂီၢ်မုၢ်အံၣ်စရ့လး အတၢ်မၤန့ၣ်လီၤ.

လံာ်တၢ်ဂံၢ် 4:15

တုၤတၢ်အဆၢကတီၢ်ဘၣ်လၢတၢ်ရူၢ်လီၤပှီၢ်သူၣ်ဒဲတဖၣ်ဒီးစီၤကဃး အဒူၣ်ထၢကစိာ်ထီၣ်တၢ်စီဆှံအပီးအလီတဖၣ်ဖဲဒၣ်စီၤအၤဟရိၣ် ဒီးအဖိခွါတဖၣ်ကျၢၢ်ဘၢတၢ်ခဲလၢာ်ဒီးအတၢ်ပီးတၢ်လီတဖၣ်ဝံၤ ဝဲအခါန့ၣ်လီၤ. စီၤကဃးအဒူၣ်ထၢတဘၣ်ထိးဘၣ်တၢ်စီဆှံအပီးအလီတဖၣ်အံၤဘၣ်. မ့ၢ်ထိးဘၣ်ဒီးအဝဲသ့ၣ်ကသံဝဲလီၤ. တၢ်တဖၣ်အံၤမ့ၢ်စီၤကဃးအဒူၣ်ထၢအမူအဒါတဖၣ်တဘျီ လၢ်လၢ်ဖဲဒဲစီဆှံဘၣ်တၢ်သုးအီၤန့ၣ်လီၤ.

လံာ်တၢ်ဂံၢ် 4:49

ပှၤတဂၤစုာ်စုာ်ဘၣ်တၢ်ဆဲးလီၤကွဲးနီၣ်အီၤဒ်ယွၤမၤလိာ်တ့ၢ် စီၤမိၤၡ့အသိးန့ၣ်လီၤ. ဒီးဒ်တၢ်ကလုၢ်လၢယွၤဟ့ၣ်လီၤအီၤခီဖျိစီၤ မိၤၡ့အသိးန့ၣ်ပှၤတဂၤစုာ်စုာ်ဘၣ်တၢ်ဟ့ၣ်လီၤအီၤမူဒါလၢကမၤ အတၢ်မၤတၢ်အဂီၢ်မ့ၢ်ဂ့ၤတၢ်စိာ်တၢ်အဂီၢ်မ့ၢ်ဂ့ၤန့ၣ်လီၤ.

လံာ်တၢ်ဂံၢ် 4:5

ယွၤဟ့ၣ်လီၤစီၤမိၤၡ့လၢတၢ်သိၣ်လိနဲၣ်ယုၤတဖၣ်ဒ်အဖီလာ်အံၤ အသိးန့ၣ်လီၤ. ဖဲအကတီၢ်လၢတၢ်ကရူၢ်လီၤတၢ်သူၣ်ဒဲအလီၢ်န့ၣ်, စီၤအၤဟရိၣ်ဒီးအဖိခွါတဖၣ်ကလဲၤနုာ်လီၤဆူဒဲစီဆှံအပူၤ, ဘ့ၣ်လီၤယၣ်ဘျးသဒၢလၢအအိၣ်လၢတၢ်အၢၣ်လီၤအီလီၤ အတလါစီဆှံအမဲာ်ညါဒီးကးဘၢတလါစီဆှံလၢယၣ်န့ၣ်လီၤ.

လံာ်တၢ်ဂံၢ် 7:9

ဘၣ်ဆၣ်ဒီးစီၤမိၤၡ့တဟ့ၣ်လ့ၣ်နီတခိၣ်, ကျီၢ်ဖါနီတဒုဆူ ပှၤကဃးဖိတဖၣ်အအိၣ်ဘၣ်. အဂ့ၢ်ဒ်အံၤ, တၢ်အပီးအလီစီဆှံလၢအဝဲသ့ၣ်ကဘၣ်အံးထွဲကွၢ် ထွဲဝဲတဖၣ်န့ၣ်ကဘၣ်ယိးဒၣ်ဝဲလၢအဖံဘၣ်ခိၣ်အလိၤန့ၣ်လီၤ.

လံာ်သိၣ်လီၤသီလီၤတၢ် 10:8

ဖဲကစၢၢ်န့ၣ်, ယွၤဃုထၢပာ်လီၤပှၤတဖၣ်လၢလ့ၤဝံအဒူၣ်အပူၤဒ် သိးကဟံးန့ၢ်မူဒါလၢတၢ်အံးထွဲကွၢ်ထွဲတၢ်အၢၣ်လီၤအီလီၤ အတလါစီဆှံအဂီၢ်, လၢကမၤအတၢ်မၤဒ်ပှၤလုၢ်တၢ်အခိၣ်တဖၣ်ဒီးဒ်သိးအကကိးထီၣ်တၢ် ဆိၣ်ဂ့ၤလၢယွၤအမံၤအဂီၢ်န့ၣ်လီၤ. ဒီးတၢ်တဖၣ်အံၤမ့ၢ်ဒံးဒၣ်အဝဲသ့ၣ်အမူအဒါတဖၣ်န့ၣ်လီၤ.