လံာ်ကွဲးနီၣ်တၢ်အခီၣ်ထံးတဘ့ၣ် 23:25 - Sgaw Karen Common Bible

²⁵ စီၤဒၤဝံးစံးဝဲ, “ယွၤ, အံၣ်စရ့လးအကစၢ်ယွၤဟ့ၣ်တ့ၢ်တၢ်ဃူ တၢ်ဖိးဆူအပှၤဂီၢ်မုၢ်, ဒီးအဝဲအနီၢ်ကစၢ်ဒၣ်ဝဲကအိၣ်ဝဲဆိးဝဲ လၢဝ့ၢ်ယရူၤၡလ့ၣ်အပူၤလီၤစိၤလီၤထီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:25 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:1

စီၤပၤဒၤဝံးအိၣ်ဂၢၢ်ဆိးကျၢၤဝဲလၢအနူၢ်ပူၤစီၤပူၤဒီး ယွၤကဟုဘံၣ်ကယာ်ဘၢအီၤပူၤဖျဲးဒီးကယဲၢ်အဒုၣ်အဒါတဖၣ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:11

ဘၣ်ဆၣ်ဒီးတၢ်အံၤတမၤကဒီးအသးလၢၤဘၣ်. ယအၢၣ်လီၤအီၤလီၤလၢယကကဟုကယာ်နၤလၢနဒုၣ်နဒါခဲလၢာ်, ဒီးဟ့ၣ်လီၤနၤလၢနစၢၤနသွဲၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:13

ခဲကနံၣ်အံၤယသူၣ်ထီၣ်လံတၢ်လုၢ်ဟံၣ်လီၤဘီလီၤမုၢ်တဖျၢၣ်လၢနဂီၢ်, တၢ်လီၢ်တတီၤလၢနကအိၣ်ကဆိးလၢအပူၤလီၤထူလီၤယိာ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 8:27

ဘၣ်ဆၣ်ဒီးကစၢ်ယွၤဧၢ, မ့ၢ်နအိၣ်နဆိးနီၢ်နီၢ်လၢဟီၣ်ခိၣ်အံၤ ကသ့စ့ၢ်ကီးဧါ. ကယဲၢ်မူခိၣ်အလီၢ်ဒၣ်လဲာ်တလဲၢ်ဝဲလၢနကအိၣ်ကဆိးဘၣ်အဃိ, ယွၤအတၢ်လုၢ်ဟံၣ်လၢယဘှီ ထီၣ်အံၤတြီၢ်ဝဲလၢလၢလီၣ်လီၣ်လၢနဂီၢ်ကသ့ဒ်လဲၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 22:18

အဝဲစံးဝဲ, “ယွၤ, သုကစၢ်ယွၤအိၣ်ဒီးသုဒီးဟ့ၣ်လီၤသုလၢ တၢ်ဃူတၢ်ဖိးကိးကပၤဒဲးန့ၣ်လီၤ. အဝဲပျဲယမၤနၢၤကွံာ်ပှၤဂီၢ်မုၢ်ခဲလၢာ်လၢညီနုၢ်အိၣ်ဆိးဖဲ ထံကီၢ်အံၤအပူၤဒီးခဲကနံၣ်အံၤအဝဲသ့ၣ်ကဲထီၣ်ပှၤတဖၣ်လၢသု, ဒီးသုကစၢ်ယွၤပၢဘၣ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:18

စီၤယဟိယဒါပာ်လီၤပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိ တဖၣ်လၢကကွၢ်ထွဲယွၤအတၢ်လုၢ်ဟံၣ်အတၢ်ဖံးတၢ်မၤအဂီၢ်န့ၣ်လီၤ. အဝဲသ့ၣ်ကဘၣ်မၤမူဒါတဖၣ်လၢအဘၣ်တၢ်ဟ့ၣ်လီၤတ့ၢ်အဝဲသ့ၣ်လၢ စီၤပၤစီၤဒၤဝံးဒီးကဘၣ်ဆိၣ်ကဲၤထီၣ်တၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်အီၤဆူယွၤဒ်ယူဒၤအတၢ်သိၣ်တၢ်သီလၢစီၤမိၤ ၡ့ဟ့ၣ်တ့ၢ်ဝဲန့ၣ်လီၤ. အဝဲသ့ၣ်ကဲခိၣ်ကဲနၢ်စ့ၢ်ကီးလၢတၢ်သူၣ်ဝံၣ်သးဆၢဒီးတၢ်ဘူၣ် တၢ်ဘါအမူးတဖၣ်အဂီၢ်န့ၣ်လီၤ.

စံးထီၣ်ပတြၢၤ 135:21

စံးထီၣ်ပတြၢၤယွၤလၢ စံယိၣ်အပူၤ, လၢအဟံၣ်လၢ ယရူၤရှလ့ၣ်အပူၤန့ၣ်တက့ၢ်. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 68:16

ဘၣ်မနုၤသုကွၢ်တၢ်လၢတၢ်စိခိၣ် ဖးထီတဖၣ် လၢတၢ်သးက့ၣ်ဆူ ကစၢၢ်လၢ ကစၢ်ယွၤ ဃုထၢအီၤလၢ ကအိၣ်ဆိးဝဲန့ၣ်လဲၣ်. ယွၤကအိၣ်ဖဲန့ၣ်လီၤထူလီၤယိာ်လီၤ. မ့ၢ်လံ, ယွၤကအိၣ်လၢအလိၤလီၤထူလီၤယိာ်လီၤ.

စံးထီၣ်ပတြၢၤ 68:18

အဝဲလဲၤထီၣ်လံဆူတၢ်ထီၣ်ထီတဖၣ်လံ. ဖီၣ်န့ၢ်ကုၢ်တဖၣ်ဒီးဒိးန့ၢ်ဘၣ် တၢ်ဟ့ၣ်တဖၣ်လၢပှၤကညီအကျါ, လၢပှၤပူထီၣ်တၢ်သ့ၣ်တဖၣ်အကျါဒၣ်လဲာ်န့ၣ်လီၤ. ယွၤကစၢ်ယွၤကအိၣ်ဝဲဆိးဝဲဖဲန့ၣ်လီၤ.

စံးထီၣ်ပတြၢၤ 9:11

သးဝံၣ်ထီၣ်ယွၤလၢအပၢတၢ်လၢစံယိၣ်, စံးဘၣ်တဲဘၣ်ပှၤကလုာ်ခဲလၢာ် တၢ်လၢအမၤတ့ၢ်ဝဲန့ၣ်တက့ၢ်.

လံာ်ယၡါယၤ 8:18

ကွၢ်ကွၢ်, ယအိၣ်ဒီးဖိတဖၣ်လၢယွၤဟ့ၣ်လီၤတ့ၢ်ယၤလီၤ. ယွၤ, သ့တၢ်လၢာ်ကစၢ်, လၢအလီၢ်ပစိာ်အိၣ်လၢကစၢၢ်စံ ယိၣ်အလိၤ, ဆှၢလီၤတ့ၢ်န့ၢ်ပှၤတၢ်ကစီၣ်အမူတဖၣ်ဆူအံၣ်စရ့လး အပှၤဂီၢ်မုၢ်အအိၣ်လီၤ.

လံာ်ယဃ့းစက့လး 48:35

ဝ့ၢ်အတၢ်ဒူၣ်လွံၢ်ကပၤလိာ်အတၢ်ထိၣ်ခဲလၢာ် န့ၣ်မ့ၢ်ဝဲအပျၢ်တကလးဃိးကထိန့ၣ်လီၤ. စးထီၣ်လၢခဲအံၤဒီးဆူညါန့ၣ်ဝ့ၢ်အံၤအမံၤကဘၣ် တၢ်ကိးအီၤလၢ “ယွၤအိၣ်ဝဲဖဲအံၤ” န့ၣ်လီၤ.

လံာ်ယိၤအ့လး 3:21

မ့မ့ၢ်ကီၢ်ယူဒၤဒီးဝ့ၢ်ယရူၤၡလ့ၣ်န့ၣ်ကမ့ၢ်တၢ်အိၣ် တၢ်ဆိးအလီၢ်အစိၤစိၤအဃၣ်ဃၣ်, ဒီးယၤ, ယွၤကအိၣ်ဝဲဆိးဝဲလၢကစၢၢ်စံယိၣ်အလိၤန့ၣ်လီၤ.

လံာ်စကၤရယၤ 8:3

ယကဟဲက့ၤကဒါက့ၤဆူဝ့ၢ်ယရူၤၡလ့ၣ်, ယဝ့ၢ်စီဆှံ, ဒီးအိၣ်ဆိးဖဲန့ၣ်လီၤ. ကဘၣ်တၢ်သ့ၣ်ညါအီၤဒ်ဝ့ၢ်လၢအသူၣ်တီ သးရၤ, ဒီးသ့တၢ်လၢာ်ယွၤအကစၢၢ်ကဘၣ်တၢ်ကိးအီၤလၢကစၢၢ်စီဆှံန့ၣ် လီၤ.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

ကလီးစဲ 2:9

ယွၤအန့ဆၢၣ်သကဲာ်ပဝးအလၢအပှဲၤအိၣ်ဝဲလၢခရံာ် အနီၢ်ခိနီၢ်ခီအပူၤဖဲအဝဲဟဲဒ်ပှၤကညီတဂၤအသိးအခါန့ၣ်လီၤ.

လံာ်စီၤယိၤၡူ 23:1

ဖဲယွၤဟ့ၣ်ဒုးအိၣ်ဘှံးအံၣ်စရ့လးလၢအဒုၣ်အဒါလၢအအိၣ်ဝးတရံးအီၤခဲလၢာ်ဝံၤအလီၢ်ခံဖးယံာ်ဒီးဖဲ စီၤယိၤၡူအသးအနံၣ်အလါပှၢ်ထီၣ်လံန့ၣ်,