လံာ်ကွဲးနီၣ်တၢ်အခီၣ်ထံးတဘ့ၣ် 23:24 - Sgaw Karen Common Bible

²⁴ ပှၤသ့ၣ်တဖၣ်အံၤမ့ၢ်စီၤလ့ၤဝံအစၢၤအသွဲၣ်တဖၣ်ဒ်အဒူၣ်ထၢတဖၣ် ဒီးအဟံၣ်ဖိဃီဖိတဖၣ်အိၣ်ဝဲအသိး, ဒီးအဝဲသ့ၣ်ကိးဂၤဒဲးဘၣ်တၢ်ထၢဒီးကွဲးနီၣ်အမံၤဒ်အအိၣ်ဝဲ အသိးန့ၣ်လီၤ. အဝဲအစၢၤအသွဲၣ်တဖၣ်လၢအသးအိၣ်အနံၣ်ခံဆံဒီးအါန့ၢ်အန့ၣ်တဂၤ ဘၣ်တဂၤစုာ်စုာ်အိၣ်ဒီးအမူအဒါလၢအလီၤဘၣ်အီၤတဂၤတမံၤလၢ ယွၤအတၢ်လုၢ်ဟံၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:24 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:23

စီၤမရၤရံၤအဖိခွါခံဂၤတဂၤစီၤမူၡံၤအိၣ်ဒီးအဖိခွါသၢဂၤလၢအမ့ၢ်ဝဲ, စီၤမးဃၤလံၤ, စီၤဧ့ဒ့ၢ်ဒီးစီၤယရံမိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:27

ဒိးသန့ၤထီၣ်အသးလၢစီၤဒၤဝံးအတၢ်နဲၣ်ကျဲၤလၢခံကတၢၢ်တဖၣ် အဖီခိၣ်န့ၣ်, ကယဲၢ်ပှၤလ့ၤဝံဖိခဲလၢာ်ဘၣ်တၢ်ထၢဒီးကွဲးနီၣ်အမံၤလၢတၢ်မၤ အဂီၢ်ဖဲအဝဲသ့ၣ်အသးပှဲၤထီၣ်အနံၣ်ခံဆံန့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 23:3

အဝဲမၤတၢ်ဂံၢ်ဒီးတၢ်ဆဲးလီၤကယဲၢ်ပှၤလ့ၤဝံဖိပိာ်ခွါတဖၣ် လၢအသးအိၣ်သၢဆံဒီးဆူအဖီခိၣ်ခဲလၢာ်အမံၤန့ၣ်လီၤ. ပှၤအတၢ်ဂံၢ်ခဲလၢာ်မ့ၢ်ဝဲပှၤ သၢကလးဃိးကထိဂၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:17

ပှၤလုၢ်တၢ်အခိၣ်တဖၣ်ဘၣ်တၢ်ကရၢကရိထီၣ်အီၤလၢတၢ်မၤအဂီၢ်ဒ် အဒူၣ်ထၢဒၣ်ဝဲအသိး, ဒီးပှၤလ့ၤဝံဖိတဖၣ်လၢအသးအိၣ်အနံၣ်ဆံခံဒီးဆူအဖီခိၣ် န့ၣ်ဘၣ်တၢ်ကရၢကရိထီၣ်အီၤလၢအတၢ်မၤအဂီၢ်ဒ်တၢ်မၤအတီၤဒၣ်ဝဲ အသိးန့ၣ်လီၤ.

လံာ်စီၤဧ့စြၤ 3:8

လၢတၢ်န့ၣ်အဃိအဝဲသ့ၣ်စးထီၣ်အတၢ်မၤဖဲလါခံလါတလါလၢနံၣ် န့ၣ်အပူၤ, ဖဲအဝဲသ့ၣ်ဟဲက့ၤကဒါက့ၤဆူတၢ်လုၢ်ဟံၣ်အလီၢ်လၢဝ့ၢ်ယရူၤ ၡလ့ၣ်ဝံၤအလီၢ်ခံလီၤ. စီၤစရူၤဘၤဘ့လး, စီၤယိၤၡူဒီးအပှၤထံဖိကီၢ်ဖိကဒဲကဒဲလၢအအိၣ်လီၤတဲာ်တဖၣ်, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်, ဒီးကယဲၢ်ပှၤဘၣ်စိာ်မၢကဲကုၢ်လၢအဟဲက့ၤကဒါက့ၤဆူ ဝ့ၢ်ယရူၤၡလ့ၣ်တဖၣ်, မၤသကိးတၢ်လၢတၢ်မၤအပူၤန့ၣ်လီၤ. ကယဲၢ်ပှၤလ့ၤဝံဖိတဖၣ်လၢအသးအိၣ်အနံၣ်ခံဆံမ့ၢ်ဂ့ၤပှၢ်န့ၣ် အဝဲန့ၣ်မ့ၢ်ဂ့ၤဘၣ်တၢ်ပာ်လီၤအီၤလၢပှၤကွၢ်ထွဲပၢဆှၢတၢ်ဖံး တၢ်မၤဘၣ်ဃးဒီးတၢ်သူၣ်ထီၣ်ကဒါက့ၤတၢ်လုၢ်ဟံၣ်န့ၣ်လီၤ.

လံာ်စီၤနဃ့မယၤ 7:1

ဒီးခဲကနံၣ်အံၤဝ့ၢ်ခိၣ်ဒူဘၣ်တၢ်ဘှီဝံၤတ့ၢ်လံအီၤဒီး, တြဲၤတဖၣ်ဘၣ်တၢ်ပာ်အီၤလၢအလီၢ်ဒၣ်ဝဲ, ပှၤခိးတၢ်လုၢ်ဟံၣ်တဖၣ်, ပှၤသးဝံၣ်တၢ်ဖိတဖၣ်, ဒီးပှၤလ့ၤဝံဖိတဖၣ်ဘၣ်တၢ်ဟ့ၣ်အီၤအမူ အဒါတဖၣ်န့ၣ်လီၤ.

လံာ်တၢ်ဂံၢ် 1:18

ကိးဖှိၣ်ပှၤဂီၢ်မုၢ်ဒီတဖုညါဖဲလါခံလါတလါထီၣ်အဆိကတၢၢ် တသီအနံၤန့ၣ်ဒီးဆဲးလီၤကွဲးနီၣ်ပှၤဂီၢ်မုၢ်ခဲလၢာ်ဒ်အဒူၣ် ထၢဒၣ်ဝဲဒီးအဟံၣ်ဖိဃီဖိဒၣ်ဝဲန့ၣ်လီၤ. ကယဲၢ်ပှၤပိာ်ခွါအသးအိၣ် အနံၣ်ခံဆံဒီးဆူအဖီခိၣ်တဖၣ်အမံၤန့ၣ်ဘၣ်တၢ်ကွဲးနီၣ်အီၤ ဒီးဂံၢ်နီၣ်အီၤခဲလၢာ်,

လံာ်တၢ်ဂံၢ် 10:17

အန့ၣ်ဝံၤဒီးဒဲစီဆှံကဘၣ်တၢ်ရူၢ်လီၤကွံာ်အီၤဒီးစီၤက့ ရၡိၣ်ဒီးစီၤမရၤရံၤအဒူၣ်ထၢတဖၣ်လၢအစိာ်ဒဲန့ၣ်ကဟးထီၣ်ဝဲ လီၤ.

လံာ်တၢ်ဂံၢ် 10:21

အန့ၣ်ဝံၤဒီးပှၤလ့ၤဝံဖိစီၤကဃးအဒူၣ်ထၢကဟးထီၣ်စိာ်တၢ်စီ ဆှံအပီးအလီတဖၣ်န့ၣ်လီၤ. အဆၢကတီၢ်ဖဲအဝဲသ့ၣ်တုၤဃီၤဆူသူၣ်ဒဲအလီၢ်လၢခံတတီၤန့ၣ်ဒဲ စီဆှံဘၣ်တၢ်ထီထီၣ်ကဒီးအီၤန့ၣ်လီၤ.

လံာ်တၢ်ဂံၢ် 18:5

ထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်မူဒါတဖၣ်လၢ တၢ်အလီၢ်စီဆှံဂီၢ်ဒီးလၢတၢ်လုၢ်လီၢ်အဂီၢ်, ဒ်သိးယတၢ်သးဒိၣ်အသုတဟဲဖျိးထီၣ်ကဒီးထီဒါဘၣ်ကီၢ်အံၣ်စရ့ လးအပှၤဂီၢ်မုၢ်တဖၣ်တဂ့ၤအဂီၢ်န့ၣ်လီၤ.

လံာ်တၢ်ဂံၢ် 2:32

ကီၢ်အံၣ်စရ့လးအပှၤဂီၢ်မုၢ်ဆဲးလီၤအမံၤလၢကရူၢ်တဖၣ်အပူၤ အနီၣ်ဂံၢ်ခဲလၢာ်မ့ၢ်ဝဲဃုကလီၢ်သၢကထိယဲၢ်ကယၤယဲၢ်ဆံ ဂၤန့ၣ်လီၤ.

လံာ်တၢ်ဂံၢ် 3:15

လၢအကဂံၢ်ဒီးကွဲးနီၣ်ပှၤလ့ၤဝံဖိတဖၣ်ဒ်အဒူၣ်တဖၣ်ဒီးအဟံၣ် ဖိဃီဖိဒၣ်ဝဲတဖၣ်အသိးဒီးဆဲးလီၤကယဲၢ်ပိာ်ခွါလၢအသးအိၣ်တလါဒီး ဆူအဖီခိၣ်အမံၤ,

လံာ်တၢ်ဂံၢ် 3:20

စီၤမရၤရံၤအဖိခွါအိၣ်ခံဂၤလၢအမ့ၢ်, စီၤမးဃလံၤဒီးစီၤ မူၡံၤန့ၣ်လီၤ. အဝဲသ့ၣ်မ့ၢ်ဒူၣ်ထၢတဖၣ်အပၢ်ဖးဒိၣ်လၢပျၢၤ တဖၣ်လၢပှၤဟဲလီၤစၢၤလီၤသွဲၣ်လၢအီၤတဖၣ်ဟံးန့ၢ်အဝဲသ့ၣ် အမံၤန့ၣ်လီၤ.

လံာ်တၢ်ဂံၢ် 3:47

လၢတဂၤအဂီၢ်န့ၣ်သုကဘၣ်ဟ့ၣ်ယဲၢ်ၡက့လးဒ်တၢ်သိၣ်တၢ်သီ အနီၣ်ထိၣ်အိၣ်ဝဲဒၣ်အသိး

လံာ်တၢ်ဂံၢ် 4:23

ဒီးကွဲးနီၣ်ကယဲၢ်ပှၤပိာ်ခွါလၢအသးအိၣ်အနံၣ်သၢဆံတုၤအနံၣ် ယဲၢ်ဆံအဘၢၣ်စၢၤလၢကြၢးဝဲဘၣ်ဝဲဒီးတၢ်မၤလၢယွၤအိၣ်ဝဲဆိး ဝဲအဒဲစီဆှံအဂီၢ်န့ၣ်လီၤ.

လံာ်တၢ်ဂံၢ် 4:3

ဒီးကွဲးနီၣ်ပှၤပိာ်ခွါအသးအိၣ်အနံၣ်သၢဆံဒီးအနံၣ်ယဲၢ်ဆံ အဘၢၣ်စၢၤလၢအကြၢးဝဲဘၣ်ဝဲလၢကမၤတၢ်လၢယွၤအိၣ်ဝဲဆိးဝဲ အဒဲစီဆှံအပူၤအဂီၢ်န့ၣ်လီၤ.

လံာ်တၢ်ဂံၢ် 8:24

“ပှၤလ့ၤဝံဖိတဂၤစုာ်စုာ်ဖဲအသးအိၣ်ခံဆံယဲၢ်နံၣ်န့ၣ်, ကမၤအမူအဒါတဖၣ်လၢယအိၣ်ယဆိးအဒဲစီဆှံအပူၤ, လၢတၢ်ဘူၣ်ထီၣ်ဘါထီၣ်ယွၤအဒဲပူၤန့ၣ်လီၤ.