လံာ်ကွဲးနီၣ်တၢ်အခီၣ်ထံးတဘ့ၣ် 23:14 - Sgaw Karen Common Bible

¹⁴ ဘၣ်ဆၣ်, ကစၢ်ယွၤအပှၤကညီစီၤမိၤၡ့အဖိခွါတဖၣ်ကဘၣ်တၢ်ဂံၢ်ဃုာ် အီၤလၢပှၤလ့ၤဝံဖိတဖၣ်အကျါန့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 23:14 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:15

စီၤမိၤၡ့အိၣ်ဒီးအဖိခွါခံဂၤလၢအမ့ၢ်ဝဲ, စီၤက့ရၡိၣ်ဒီးစီၤအလၤဧစၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:16

အဝဲသ့ၣ်ဟံးန့ၢ်အလီၢ်တဖၣ်လၢယွၤအတၢ်လုၢ်ဟံၣ်အပူၤဒ်တၢ်သိၣ်လိ နဲၣ်ယုၤအိၣ်ဝဲလၢကစၢ်ယွၤအပှၤကညီစီၤမိၤၡ့ အတၢ်သိၣ်တၢ်သီအပူၤအသိးန့ၣ်လီၤ. တၢ်လုၢ်တၢ်ပာ်တဖၣ်အသွံၣ်န့ၣ်, ပှၤလ့ၤဝံဖိတဖၣ်ဟ့ၣ်လီၤဝဲဆူပှၤလုၢ်တၢ်အခိၣ်တဖၣ်အစုပူၤဒီး အဝဲသ့ၣ်ဖှံလီၤအီၤလၢတၢ်လုၢ်လီၢ်အဖီခိၣ်န့ၣ်လီၤ.

လံာ်စီၤဧ့စြၤ 3:2

ဒီးစီၤယိၤစါဒးအဖိခွါစီၤယိၤၡူ, အပှၤလုၢ်တၢ်အခိၣ်သကိး သကိးဒီးအီၤတဖၣ်, ဒီးစီၤၡၤလတံၤအ့လးအဖိခွါစီၤစရူၤဘၤဘ့လး, ဃုာ်ဒီးအဝဲအဘူးအတံၢ်တဖၣ်, ဘှီထီၣ်ကဒါက့ၤပှၤအံၣ်စရ့လးဖိ အကစၢ်ယွၤအတၢ်လုၢ်လီၢ်, ဒ်သိးအဝဲသ့ၣ်ဆိၣ်ကဲၤထီၣ်တၢ်လုၢ်တၢ်ပာ် တဖၣ်လၢအဖီခိၣ်ဒ်တၢ်သိၣ်လိသီလိလၢအဘၣ်တၢ်ကွဲးလီၤအီၤလၢ ကစၢ်ယွၤအပှၤကညီစီၤမိၤၡ့အလံာ်တၢ်သိၣ်တၢ်သီအပူၤအသိးကသ့န့ၣ်လီၤ.

စံးထီၣ်ပတြၢၤ 90:1

ယွၤဧၢ, နမ့ၢ်တ့ၢ်နဲပတၢ်အိၣ်တၢ်ဆိးအလီၢ် အစိၤစိၤအဃၣ်ဃၣ်လီၤ.

လံာ်သိၣ်လီၤသီလီၤတၢ် 33:1

တၢ်တဖၣ်အံၤမ့ၢ်တၢ်ဆိၣ်ဂ့ၤတဖၣ်လၢကစၢ်ယွၤအပှၤကညီ စီၤမိၤၡ့တဲဖျါထီၣ်ဝဲလၢကီၢ်အံၣ်စရ့လးအပှၤဂီၢ်မုၢ်အဂီၢ် တချုးလၢအဝဲသံဒံးဘၣ်န့ၣ်လီၤ.

လံာ်စီၤယိၤၡူ 14:6

ဘၣ်တနံၤပှၤယူဒၤအဒူၣ်ဖိတနီၤဟဲဆူစီၤယိၤၡူအအိၣ်ဖဲဝ့ၢ်ကံး လကၤလးန့ၣ်လီၤ. အကျါတဂၤလၢအမ့ၢ်ပှၤကနးဖိစီၤယဖူန့ၤအဖိခွါစီၤကၤလ့းန့ၣ်စံးဘၣ်အီၤ, “နသ့ၣ်ညါတၢ်လၢယွၤစံးဘၣ်စီၤမိၤၡ့လၢယဂ့ၢ်ဒီးနဂ့ၢ် ဖဲဝ့ၢ်ကၤဒ့ၣ်ဘၢ်န့အပူၤကစီဒီလီၤ.