လံာ်ကွဲးနီၣ်တၢ်အခီၣ်ထံးတဘ့ၣ် 22:9 - Sgaw Karen Common Bible

⁹ ဘၣ်ဆၣ်ဒီး, အဝဲမၤတ့ၢ်တၢ်အၢၣ်လီၤတမံၤဒီးယၤလီၤ. အဝဲစံးဘၣ်ယၤလၢယကအိၣ်ဒီးယဖိခွါတဂၤ, လၢအကပၢတၢ်လၢတၢ်ဃူ တၢ်ဖိးအပူၤ, မ့ၢ်လၢသါကဟ့ၣ်အီၤတၢ်ဃူတၢ်ဖိးဒီးအဒုၣ်အဒါ တဖၣ်ခဲလၢာ်အဃိန့ၣ်လီၤ. အဝဲအမံၤကမ့ၢ်စီၤၡလိၤမိၤ, မ့ၢ်လၢဖဲအဝဲပၢဘၣ်တၢ်အကတီၢ်န့ၣ် သါကဟ့ၣ်အံၣ်စရ့လးလၢတၢ်ဃူတၢ်ဖိးဒီးတၢ်ဘံၣ်တၢ်ဘၢအဃိန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:9 Iomraidhean Croise

လံာ်စီၤပၤအခီၣ်ထံးတဘ့ၣ် 1:13

“လဲၤတဘျီဃီဆူစီၤပၤဒၤဝံးအအိၣ်ဒီးသံကွၢ်အီၤ, တၢ်ဒိၣ်ကစၢ်စီၤပၤဧၢ, မ့ၢ်နတအၢၣ်လီၤတ့ၢ်နဲယၤသမှံၤသပှၢ်လၢ ယဖိခွါစီၤၡလိၤမိၤကကဲထီၣ်စီၤပၤလၢနလီၢ်န့ၣ်ဘၣ်ဧါ. ခဲကနံၣ်အံၤ, စီၤအဒိနံၤယၤကဲထီၣ်စီၤပၤန့ၣ်, မ့ၢ်တၢ်လဲၤအသးဒ်လဲၣ်.”

လံာ်စီၤပၤအခီၣ်ထံးတဘ့ၣ် 2:15

အဝဲစံးဆၢဝဲ, “နသ့ၣ်ညါလၢယကဘၣ်ကဲထီၣ်စီၤပၤဒီးပှၤကိး ဂၤဒဲးလၢကီၢ်အံၣ်စရ့လးအပူၤမုၢ်လၢ်တၢ်အံၤန့ၣ်လီၤ. ဘၣ်ဆၣ်, တၢ်တမံၤဒၣ်မၤအသး, တၢ်မၤအသးလီၤဆီကွံာ်ဒီးယဒီပုၢ် ဝဲၢ်ခွါကဲထီၣ်စီၤပၤ, မ့ၢ်လၢတၢ်န့ၣ်မ့ၢ်ယွၤအတၢ်ဘၣ်အသးအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:7

အိယွၤ, ကစၢ်ယွၤဧၢ, ယမ့မ့ၢ်ဒံးဒၣ်လဲာ်ပှၤသးစၢ်ဒီးတသ့ၣ်ညါ လၢကဘၣ်ပၢတၢ်ဒ်လဲၣ်ဘၣ်ဆၣ်, နပျဲယကဲထီၣ်စီၤပၤလၢယပၢ်အလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:20

ကီၢ်ယူဒၤဒီးကီၢ်အံၣ်စရ့လးအပှၤဂီၢ်မုၢ်အနီၣ်ဂံၢ်အါဝဲဒ်မဲး ဧိၤဟီၣ်ဧိၤလၢပီၣ်လဲၣ်နံၤအသိးဒီးအဝဲသ့ၣ်အီၣ်တၢ်, အီတၢ်ဒီးသူၣ်ဖှံသးညီဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:24

စီၤၡလိၤမိၤပၢဘၣ်ထံကီၢ်ခဲလၢာ်လၢအအိၣ်လၢထံကျိဖရၤသး အမုၢ်နုာ်, စးထီၣ်လၢဝ့ၢ်တံပစၤလၢအအိၣ်ထံကျိဖရၤသးအကၢၢ်ခိၣ် ဒီးယံၤဝဲလၢမုၢ်နုာ်, တုၤဆူဝ့ၢ်ဂါစၤန့ၣ်လီၤ. ကယဲၢ်စီၤပၤလၢအအိၣ်လၢထံကျိဖရၤသးအမုၢ်နုာ်တဖၣ်အိၣ်လၢအဝဲ အတၢ်ပၢအဖီလာ်ဒီးအဝဲအိၣ်ဃူအိၣ်ဖိးဒီးထံကီၢ်အိၣ်ဘူးအိၣ် တံၢ်ခဲလၢာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:25

ဖဲစီၤၡလိၤမိၤအိၣ်မူသးဝးဝဲအဆၢကတီၢ်န့ၣ်, ပှၤဂီၢ်မုၢ်လၢကီၢ်ယူဒၤဒီးကီၢ်အံၣ်စရ့လးသကုၤဆးဒးအိၣ်ဝဲ ဆိးဝဲလၢတၢ်ဘံၣ်တၢ်ဘၢအပူၤ, ဟံၣ်ဖိဃီဖိတဒူၣ်ဘၣ်တဒူၣ်အိၣ်ဒီးအစပံးအမုၢ်တဖၣ်ဒီးအချၢၣ် ဒၢအထူၣ်တဖၣ်ဒၣ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:4

မ့မ့ၢ်ခဲအံၤ, ယွၤ, ယကစၢ်ယွၤဟ့ၣ်လီၤလံယၤတၢ်ဃူတၢ်ဖိးလၢ ကယဲၢ်ယထံဆၢကီၢ်ဆၢခဲလၢာ်န့ၣ်လီၤ. ယဒုၣ်ယဒါတအိၣ်လၢၤနီတဂၤဘၣ်, ဒီးတၢ်ဘၣ်ယိၣ်လၢတၢ်ကဟဲထီၣ်ဒုးယၤအဂီၢ်တအိၣ်လၢၤဘၣ်.

လံာ်စီၤပၤအခီၣ်ထံးတဘ့ၣ် 8:56

“စံးထီၣ်ပတြၢၤယွၤ, လၢအဟ့ၣ်တ့ၢ်အပှၤဂီၢ်မုၢ်လၢတၢ်ဃူ တၢ်ဖိးဒ်အအၢၣ်လီၤတ့ၢ်ဝဲအသိးအဃိန့ၣ်တက့ၢ်. အဝဲဟံးဃာ်ဂၢၢ်ကျၢၤတ့ၢ်အတၢ်အဲၣ်, တၢ်သးအိၣ်အတၢ်အၢၣ်လီၤတဖၣ်လၢအမၤတ့ၢ်ဝဲခီဖျိအခ့ အပှၤစီၤမိၤၡ့န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:11

တုၤအသံဒီးဘၣ်တၢ်ခူၣ်လီၤကွံာ်အီၤဃုာ်ဒီးအမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်အဖိခွါအကျါတဂၤလၢစီၤပၤဒီးဒုးအိၣ်ဂၢၢ်ဆိး ကျၢၤအဘီအမုၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:18

အဝဲစံးဝဲ, “ယွၤ, သုကစၢ်ယွၤအိၣ်ဒီးသုဒီးဟ့ၣ်လီၤသုလၢ တၢ်ဃူတၢ်ဖိးကိးကပၤဒဲးန့ၣ်လီၤ. အဝဲပျဲယမၤနၢၤကွံာ်ပှၤဂီၢ်မုၢ်ခဲလၢာ်လၢညီနုၢ်အိၣ်ဆိးဖဲ ထံကီၢ်အံၤအပူၤဒီးခဲကနံၣ်အံၤအဝဲသ့ၣ်ကဲထီၣ်ပှၤတဖၣ်လၢသု, ဒီးသုကစၢ်ယွၤပၢဘၣ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:15

နဟံးဃာ်ဂၢၢ်ကျၢၤတ့ၢ်လံတၢ်အၢၣ်လီၤအီလီၤလၢနမၤတ့ၢ်ဒီးယပၢ် စီၤဒၤဝံး, ဒီးမုၢ်တနံၤအံၤ, ကယဲၢ်တၢ်ကတိၤတထံၣ်လၢ်လၢ်လၢထီၣ်ပှဲၤထီၣ်လံဝဲန့ၣ်လီၤ.

လံာ်စီၤယိၤဘး 34:29

တုၤမ့ၢ်ကစၢ်ယွၤပာ်လီၤအသးလၢကအိၣ်ဘှ့ၣ်အိၣ်ဘှီၣ်ဒီး မတၤပာ်တၢ်ကမၣ်လၢအလိၤသ့တဂၤလဲၣ်. တုၤအပာ် သဒၢအမဲာ်ဒီးမတၤထံၣ်အီၤကသ့တဂၤလဲၣ်.

စံးထီၣ်ပတြၢၤ 72:1

ကစၢ်ယွၤဧၢ, ဟ့ၣ်လီၤနတၢ်စံၣ်ညီၣ်ဆူစီၤပၤ, ဒီးနတၢ်တီတၢ်လိၤဆူစီၤပၤအဖိခွါတက့ၢ်.

စံးထီၣ်ပတြၢၤ 72:7

လၢအမုၢ်နံၤတဖၣ်အပူၤန့ၣ်, ပှၤတီပှၤလိၤကဘီၣ်ထီၣ်ညီထီၣ်, ဒီးတၢ်ဃူတၢ်ဖိးကအိၣ်တုၤ လါတအိၣ်လၢၤဘၣ်န့ၣ်လီၤ.

လံာ်ယၡါယၤ 26:12

ယွၤဧၢ, နကဟ့ၣ်ပှၤတၢ်ဘီၣ်ထီၣ်ညီထီၣ်လီၤ. တၢ်ခဲလၢာ်လၢပမၤန့ၢ်န့ၣ်မ့ၢ်ဒၣ် တၢ်လၢနမၤဘၣ်ပှၤဒ်ပမၤတၢ်အသိးလီၤ.

လံာ်ယၡါယၤ 45:7

ယတ့လီၤတၢ်ကပီၤဒီးတၢ်ခံးခံမံၤလိာ်လီၤ. ယဟဲစိာ်တၢ်ဆိၣ်ဂ့ၤဒီးတၢ်တတၢးတနါခံမံၤလိာ်လီၤ. ယၤ, ယွၤန့ၣ်, မၤတၢ်သ့ၣ်တဖၣ်အံၤခဲလၢာ်လီၤ.

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ယၡါယၤ 66:12

ယွၤစံးဝဲဒၣ်, “ယကဟဲစိာ်န့ၢ်သုတၢ်ဘီၣ်တၢ်ညီအဂၢၢ်အကျၢၤ လီၤ. ပှၤကလုာ်တဖၣ်အတၢ်ထူးတၢ်တီၤကတုၤအိၣ်သုဒ် ထံကျိတဘိလၢအတလီၤသံးနီတစုဘၣ်အသိးန့ၣ်လီၤ. သုကလီၤဂာ်ဒ်ဖိသၣ်တဂၤလၢအမိၢ်ဒုးအီၣ်နုၢ်အီၤ, စိာ်အီၤလၢအစုလိၤ, ဒီးကွၢ်တ့ၢ်အီၤလၢတၢ်အဲၣ်တၢ်ကွံ အပူၤအသိးန့ၣ်လီၤ.

လံာ်ဃးကဲ 2:9

တၢ်လုၢ်ဟံၣ်အသီန့ၣ်ကဃံဒိၣ်လၤဒိၣ်န့ၢ်ဒံးအလီၢ်လံၤတဖျၢၣ်, ဒီးဖဲန့ၣ်, ယကဟ့ၣ်ယပှၤဂီၢ်မုၢ်လၢတၢ်ဘီၣ်တၢ်ညီဒီးတၢ်ဃူ တၢ်ဖိးလီၤ.” ယွၤသ့တၢ်လၢာ်ကစၢ်ကတိၤတ့ၢ်တၢ်လံ.

လံာ်ပှၤစံၣ်ညီၣ်ကွီၢ် 6:24

စီၤကံးဒဧိၣ်ဘှီထီၣ်တၢ်လုၢ်လီၢ်တဖျၢၣ်ဖဲန့ၣ်လၢယွၤအဂီၢ်, ဒီးကိးဝဲအမံၤလၢ, “ယွၤၡၤလိၣ်” အခီပညီ, “ယွၤမ့ၢ်တၢ်ဃူတၢ်ဖိး” န့ၣ်လီၤ. (တၢ်လုၢ်လီၢ်န့ၣ်အိၣ်ဒံးဝဲဖဲဧိးဖြၤလၢအဘၣ်ဃး ဒီးအဘံၤဧ့စ့ၢ်အဒူၣ်အထၢန့ၣ်လီၤ.)