လံာ်ကွဲးနီၣ်တၢ်အခီၣ်ထံးတဘ့ၣ် 22:7 - Sgaw Karen Common Bible

⁷ စီၤဒၤဝံးစံးဘၣ်အီၤ, “ယဖိခွါဧၢ, ယအဲၣ်ဒိးသူၣ်ထီၣ်တ့ၢ် တၢ်လုၢ်ဟံၣ်တဖၣ်လၢတၢ်မၤလၤကပီၤယွၤ, ယကစၢ်ယွၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:1

စီၤပၤဒၤဝံးအိၣ်ဂၢၢ်ဆိးကျၢၤဝဲလၢအနူၢ်ပူၤစီၤပူၤဒီး ယွၤကဟုဘံၣ်ကယာ်ဘၢအီၤပူၤဖျဲးဒီးကယဲၢ်အဒုၣ်အဒါတဖၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 8:29

အံးလီၤကွၢ်လီၤယွၤအတၢ်လုၢ်ဟံၣ်အံၤလၢမုၢ်ဆါဆဲးလၢမုၢ်နၤ, တၢ်လီၢ်အံၤလၢနဃုထၢတ့ၢ်အီၤလၢတၢ်ဘူၣ်ထီၣ်ဘါထီၣ်နၤအဂီၢ် န့ၣ်တက့ၢ်. ဒိကနၣ်ယၤ, ဖဲယဃၣ်ဃီၤယမဲာ်ဆူယွၤအတၢ်လုၢ်ဟံၣ်အံၤဒီးဘါထု ကဖၣ်အခါန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 9:3

ယွၤစံးဘၣ်အီၤ, “ယနၢ်ဟူတ့ၢ်နတၢ်ထုကဖၣ်န့ၣ်လံ. ယမၤစီဆှံလံယွၤအတၢ်လုၢ်ဟံၣ်လၢနသူၣ်ထီၣ်တ့ၢ်အီၤအံၤ, ဒ်တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤလီၤစိၤလီၤထီ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:19

ခဲကနံၣ်အံၤ, မၤယွၤသုကစၢ်ယွၤအတၢ်မၤလၢသုသးဒီဖျၢၣ်ညါ ဒီးသုသူၣ်ကံၢ်သးလဲန့ၣ်တက့ၢ်. စးထီၣ်သူၣ်ထီၣ်ယွၤအတၢ်လုၢ်ဟံၣ်ဒ်သိးသုပာ်ယွၤအတၢ်အၢၣ်လီၤ အီလီၤအတလါစီဆှံဒီးကယဲၢ်တၢ်အဃၢၤအဃိၢ်စီဆှံလၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်အီၤအဂီၢ်တဖၣ်, လၢအပူၤကသ့ဝဲန့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 29:3

ဒိၣ်န့ၢ်အါန့ၢ်ကယဲၢ်တၢ်အံၤခဲလၢာ်လၢယမၤတ့ၢ်န့ၣ်, ယဟ့ၣ်လီၤစ့ၢ်ကီး, စ့ဒီးထူလၢယကစၢ်ဒၣ်ယဲအတၢ်စုလီၢ်ခီၣ်ခိၣ် အကျါ, မ့ၢ်လၢယတၢ်အဲၣ်အိၣ်ဝဲလၢကစၢ်ယွၤအတၢ်လုၢ်ဟံၣ်အဂီၢ်အဃိန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:4

ယသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်မၤလၤကပီၤယွၤ, ကစၢ်ယွၤအဂီၢ်န့ၣ်လီၤ. တၢ်န့ၣ်ကမ့ၢ်တၢ်အလီၢ်စီဆှံတတီၤ, လၢယပှၤဂီၢ်မုၢ်ဒီးယၤ, ကဘူၣ်ထီၣ်ဘါထီၣ်အီၤခီဖျိ တၢ်ဆူးကဲၤတၢ်လုၢ်နၢမူတဖၣ်, ဖဲပကလုၢ်ထီၣ်ကိၣ်စီဆှံ အတၢ်လုၢ်တဖၣ်လၢအဂီၢ်တဘိယူာ်ဃီ, ဒီးဖဲပကလုၢ်ထီၣ်တၢ်လုၢ်မ့ၣ် အူတဖၣ်ကိးမုၢ်ဂီၤဒီးကိးမုၢ်ဟါ, ဒီးဒ်န့ၣ်အသိးလၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်ဒီးမုၢ်နံၤစီဆှံအဂၤတဖၣ်လၢတၢ်မၤလၤကပီၤယွၤ, ပကစၢ်ယွၤအဂီၢ်န့ၣ်လီၤ. အဝဲအံၤမ့ၢ်တၢ်အလုၢ်အလၢ်စီဆှံလၢ အံၣ်စရ့လးကဘၣ်မၤဝဲလီၤစိၤလီၤထီန့ၣ်လီၤ.

လံာ်စီၤဧ့စြၤ 6:12

မ်စီၤပၤတဂၤလၢ်လၢ်မ့ၢ်ဂ့ၤ, ပှၤတကလုာ်လၢ်လၢ်မ့ၢ်ဂ့ၤ, လၢအခီၣ်ဆၢတၢ်မၤလိာ်အံၤဒီးဂုာ်ကျဲးစၢးလၢကမၤဟးဂီၤတၢ် လုၢ်ဟံၣ်ဖဲန့ၣ်, ဘၣ်တၢ်တ့ၢ်လီၤကွံာ်အီၤလၢကစၢ်ယွၤလၢအဃုထၢဝ့ၢ်ယရူၤၡလ့ၣ်ဒ် တၢ်လီၢ်ဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤန့ၣ်တက့ၢ်. ယၤ, စီၤဒၤရယါဝ့ၣ်ဟ့ၣ်လီၤလံတၢ်ကလုၢ်အံၤလီၤ. တၢ်အံၤတၢ်ကဘၣ်စူၢ်အီၤလၢလၢပှဲၤပှဲၤန့ၣ်လီၤ.”

စံးထီၣ်ပတြၢၤ 132:5

တချုးဒံးဘၣ်လၢ ယမၤန့ၢ်ပာ်စၢၤ တၢ်လီၢ်တတီၤလၢ ယွၤအဂီၢ်, ဟံၣ်တဖျၢၣ်လၢ စီၤယၤကိာ်အကစၢ်ယွၤလၢ အဂံၢ်ဆူၣ်ဘါဆူၣ်အဂီၢ်န့ၣ်ဘၣ်.”

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:21

တၢ်လီၢ်တတီၤလၢတၢ်ဘူၣ်ထီၣ်ဘါထီၣ်အဂီၢ်မ့ၢ်ယံၤကဲၣ်ဆိးဒီး, အန့ၣ်တစုတဘျီလၢ်လၢ်ဖဲသုအဲၣ်ဒိးန့ၣ်, သုမၤသံ သုဂီၤဘုၣ်ဂီၤဖံးမ့တမ့ၢ်သိတဒုလၢ်လၢ်လၢယွၤဟ့ၣ်သုသ့ဝဲ ဒီးသုကအီၣ်အီၤလၢသုဟံၣ်ဒၣ်သုဝဲဒ်ယစံးဘၣ်တ့ၢ်သုအသိးန့ၣ်လီၤ.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.