လံာ်ကွဲးနီၣ်တၢ်အခီၣ်ထံးတဘ့ၣ် 22:5 - Sgaw Karen Common Bible

⁵ စီၤဒၤဝံးဆိကမိၣ်ထီၣ်ဝဲ, “တၢ်လုၢ်ဟံၣ်လၢယဖိခွါစီၤၡလိၤမိၤကသူၣ်ထီၣ်န့ၣ်, ကဘၣ်လီၤဘီလီၤမုၢ်ဒီးမံၤဟူသၣ်ဖျါလၢဟီၣ်ခိၣ်ဒီဘ့ၣ်ညါလီၤ. ဘၣ်ဆၣ်အဝဲအသးစၢ်ဒံး, ဒီးအတၢ်လဲၤခီဖျိ စှၤဒံးမးန့ၣ်လီၤ. လၢတၢ်န့ၣ်အဃိ, ယကဘၣ်ကတဲာ်ကတီၤဆိတၢ် တဖၣ်လၢတၢ်န့ၣ်အဂီၢ်လီၤ.” သတးဒီးတချုးလၢအဝဲသံဒံးဘၣ်န့ၣ်, စီၤဒၤဝံးကတဲာ်ကတီၤပာ်စၢၤတၢ်ပီးတၢ်လီအါအါဂီၢ်ဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:5 Iomraidhean Croise

လံာ်စီၤပၤအခီၣ်ထံးတဘ့ၣ် 3:7

အိယွၤ, ကစၢ်ယွၤဧၢ, ယမ့မ့ၢ်ဒံးဒၣ်လဲာ်ပှၤသးစၢ်ဒီးတသ့ၣ်ညါ လၢကဘၣ်ပၢတၢ်ဒ်လဲၣ်ဘၣ်ဆၣ်, နပျဲယကဲထီၣ်စီၤပၤလၢယပၢ်အလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:8

ယွၤအတၢ်လုၢ်ဟံၣ်အံၤကကဲထီၣ်တၢ်ဟးဂီၤအပူၣ်တပူၣ်, ဒီးကယဲၢ်ပှၤတဂၤလၢ်လၢ်လၢအလဲၤခီဂာ်အီၤန့ၣ်ကသူၣ်ပျံၤသးဖုး ဒီးကမၢကမၣ်ဝဲဒီးကစံးဝဲ, ယွၤမၤကီၢ်အံၤဒီးယွၤအတၢ်လုၢ်ဟံၣ်အံၤဒ်သိးအံၤ, ဘၣ်မနုၤလဲၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 29:1

စီၤပၤဒၤဝံးဘိးဘၣ်သ့ၣ်ညါပှၤလၢအဟဲပာ်ဖှိၣ်အသးခဲလၢာ်, “ယဖိခွါစီၤၡလိၤမိၤ, မ့ၢ်ပှၤတဂၤလၢကစၢ်ယွၤဃုထၢတ့ၢ်ဝဲ, ဘၣ်ဆၣ်အဝဲအသးစၢ်ဒံး, ဒီးအတၢ်လဲၤခီဖျိစှၤဒံးဝဲန့ၣ်လီၤ. တၢ်မၤလၢတၢ်ကဘၣ်မၤအီၤန့ၣ်, မ့ၢ်တၢ်မၤလီၤဘီလီၤမုၢ်, မ့ၢ်လၢတၢ်အံၤတမ့ၢ်ဘၣ်နီတဖျၢၣ်လၢပှၤကညီအဂီၢ်ဘၣ်. မ့မ့ၢ်, မ့ၢ်တၢ်လုၢ်ဟံၣ်တဖျၢၣ်လၢယွၤ, ကစၢ်ယွၤအဂီၢ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:7

လၢခံ, အဝဲပာ်ဖှိၣ်ထီၣ်ပှၤအၢပှၤသီဖိလၢတဂိာ်တသီၣ်တၢ်တဖု ဒီးအဝဲသ့ၣ်မၤဆူၣ်စီၤၡလိၤမိၤအဖိခွါစီၤရဃၤဘၣ်လၢကမၤ ထွဲအဝဲသ့ၣ်အတၢ်ဘၣ်အသးအခံန့ၣ်လီၤ. စီၤရဃၤဘၣ်အသးစၢ်ဒံးဒိၣ်မးဒီးအတၢ်လဲၤခီဖျိစှၤဒံးဒိၣ် မးလၢကထီဒါဆၢအဝဲသ့ၣ်န့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:4

ယသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်မၤလၤကပီၤယွၤ, ကစၢ်ယွၤအဂီၢ်န့ၣ်လီၤ. တၢ်န့ၣ်ကမ့ၢ်တၢ်အလီၢ်စီဆှံတတီၤ, လၢယပှၤဂီၢ်မုၢ်ဒီးယၤ, ကဘူၣ်ထီၣ်ဘါထီၣ်အီၤခီဖျိ တၢ်ဆူးကဲၤတၢ်လုၢ်နၢမူတဖၣ်, ဖဲပကလုၢ်ထီၣ်ကိၣ်စီဆှံ အတၢ်လုၢ်တဖၣ်လၢအဂီၢ်တဘိယူာ်ဃီ, ဒီးဖဲပကလုၢ်ထီၣ်တၢ်လုၢ်မ့ၣ် အူတဖၣ်ကိးမုၢ်ဂီၤဒီးကိးမုၢ်ဟါ, ဒီးဒ်န့ၣ်အသိးလၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်ဒီးမုၢ်နံၤစီဆှံအဂၤတဖၣ်လၢတၢ်မၤလၤကပီၤယွၤ, ပကစၢ်ယွၤအဂီၢ်န့ၣ်လီၤ. အဝဲအံၤမ့ၢ်တၢ်အလုၢ်အလၢ်စီဆှံလၢ အံၣ်စရ့လးကဘၣ်မၤဝဲလီၤစိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:5

ယအဲၣ်ဒိးလၢတၢ်လုၢ်ဟံၣ်လၢယသူၣ်ထီၣ်အံၤကမ့ၢ်တၢ်လုၢ်ဟံၣ်ဖး ဒိၣ်တဖျၢၣ်, မ့ၢ်လၢပကစၢ်ယွၤန့ၣ်, ဒိၣ်န့ၢ်ဒံးကစၢ်အဂၤအဃိ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:8

ယသ့ၣ်ညါလၢနပှၤကူၣ်သ့ၣ်တဖၣ်အိၣ်ဒီးအတၢ်သ့တၢ်ဘၣ်ထဲလဲၣ်ထဲ လဲၣ်အဃိ, ဆှၢလီၤန့ၢ်ယၤသ့ၣ်ဆှိအ့ရ့း, သ့ၣ်ဆှိ, သ့ၣ်အလၤမူးအကျီၣ်တဖၣ်လၢကီၢ်လဘၤနိၣ်န့ၣ်တက့ၢ်. ယအိၣ်ကတဲာ်ကတီၤယသးလၢယကဆှၢလီၤယပှၤတဖၣ် လၢကမၤစၢၤနပှၤတဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 7:21

ခဲကနံၣ်အံၤယွၤအတၢ်လုၢ်ဟံၣ်အံၤဘၣ်တၢ်ပာ်ကပီၤအီၤဒိၣ်မးဘၣ်ဆၣ်, အန့ၣ်တစု, ပှၤတဂၤလၢ်လၢ်လၢအလဲၤခီတြူာ်ဘၣ်အီၤန့ၣ်, ကကမၢကမၣ်ဒီးကသံကွၢ်ဝဲ, ဘၣ်မနုၤအဃိ ယွၤမၤထံကီၢ်အံၤဒီးယွၤအတၢ်လုၢ်ဟံၣ်အံၤဒ်န့ၣ်လဲၣ်.

လံာ်စီၤဧ့စြၤ 3:12

ပှၤလုၢ်တၢ်အခိၣ်လၢအသးပှၢ်အါဂၤ, ပှၤလ့ၤဝံဖိတဖၣ်, ဒီးပှၤအခိၣ်တဖၣ်လၢဒူၣ်ထၢတဖၣ်အပူၤလၢအထံၣ်ဘၣ်တ့ၢ်တၢ်လုၢ်ဟံၣ် အဂံၢ်ခိၣ်တဖျၢၣ်န့ၣ်, အဝဲသ့ၣ်ဟီၣ်တၢ်ယၢၤတၢ်ဖဲအဝဲသ့ၣ်ကွၢ်ဃီၤတၢ်လုၢ်ဟံၣ်အံၤအလၢၢ် သနၢၣ်ဘၣ်တၢ်ပာ်လီၤအီၤန့ၣ်လီၤ. မ့မ့ၢ်ပှၤအဂၤလၢအအိၣ်ဖဲန့ၣ်တဖၣ်ကိးပသူထီၣ်လၢတၢ်သူၣ်ခုသးခု အဃိန့ၣ်လီၤ.

တၢ်ကတိၤဒိ. 4:3

ဖဲယမ့ၢ်ဒံးဖိသၣ်ဆံးတဂၤ, ယမိၢ်ယပၢ်အဖိခွါထဲတဂၤဧိၤအခါ,

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ယၡါယၤ 64:11

ဒီးပတၢ်လုၢ်ဟံၣ်, တၢ်အလီၢ်စီဆှံဒီးဃံဝဲလၤဝဲဖဲပမိၢ်ပၢ် ဖံဖုလၢပျၢၤတဖၣ်စံးထီၣ်ပတြၢၤတ့ၢ်နၤန့ၣ်, ဘၣ်တၢ်မၤဟးဂီၤကွံာ်အီၤလၢမ့ၣ်အူလံ. ကယဲၢ်တၢ်လီၢ်တဖၣ် လၢပအဲၣ်တ့ၢ်အီၤအိၣ်လၢတၢ်ဟးဂီၤအပူၤလံ.

လံာ်ယဃ့းစက့လး 7:20

တဘျီန့ၣ်အဝဲသ့ၣ်ပာ်ကဖၢလၢအသးလၢအတၢ်မျၢ်ပလဲအဃံ အလၤတဖၣ်အဃိ, ဘၣ်ဆၣ်အဝဲသ့ၣ်သူတၢ်တဖၣ်န့ၣ်လၢတၢ်တ့ထီၣ် တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ. လၢတၢ်န့ၣ်အဃိ, ယွၤဒုးကဲထီၣ်အဝဲသ့ၣ်အတၢ်ထူးတၢ်တီၤဆူတၢ်လီၤသးဟ့လၢ အဝဲသ့ၣ်အဂီၢ်န့ၣ်လီၤ.

လံာ်ဃးကဲ 2:3

“မ့ၢ်ပှၤအိၣ်လၢသုကျါတဂၤဂၤလၢအသ့ၣ်နီၣ် ထီၣ်ဒံးတၢ်လုၢ်ဟံၣ်န့ၣ်အတၢ်ဃံဒိၣ်လၤဒိၣ်အိၣ်ဒ်လဲၣ်န့ၣ်ဧါ. ခဲအံၤသုကွၢ်အီၤမၤသးဒ်လဲၣ်. ကအိၣ်ဖျါဒ်တမ့ၢ်ဘၣ်တၢ်နီ တမံၤအသိးန့ၣ်လီၤ.

လံာ်ဃးကဲ 2:9

တၢ်လုၢ်ဟံၣ်အသီန့ၣ်ကဃံဒိၣ်လၤဒိၣ်န့ၢ်ဒံးအလီၢ်လံၤတဖျၢၣ်, ဒီးဖဲန့ၣ်, ယကဟ့ၣ်ယပှၤဂီၢ်မုၢ်လၢတၢ်ဘီၣ်တၢ်ညီဒီးတၢ်ဃူ တၢ်ဖိးလီၤ.” ယွၤသ့တၢ်လၢာ်ကစၢ်ကတိၤတ့ၢ်တၢ်လံ.

လံာ်လူၤကၣ် 21:5

ပှၤတနီၤကတိၤတၢ်ဘၣ်ဃးဒီးတၢ်လုၢ်ဟံၣ်အဂ့ၢ်, လၢအဘၣ်တၢ်ကယၢကယဲအီၤလၢလၢၢ်အဂ့ၤအဘၣ်တဖၣ် ဒီးတၢ်ဟ့ၣ်လၢအဘၣ်တၢ်လုၢ်ထီၣ်အီၤဆူကစၢ်ယွၤအအိၣ် တဖၣ်န့ၣ်, အိၣ်ဖျါဃံလၤဆံးဒိၣ်လဲၣ်အဂ့ၢ်န့ၣ်လီၤ. ယ့ၣ်ၡူးစံးဝဲ,

လံာ်ယိၤဟၣ် 13:1

ဖဲဘူၣ်လဲၤကပာ်တချုးဘၣ်တနံၤန့ၣ်, ယ့ၣ်ၡူးသ့ၣ်ညါဝဲလၢ တၢ်ဆၢကတီၢ်နၣ်ရံၣ်တုၤအိၣ်အီၤလၢအဝဲကဘၣ်ဟးထီၣ် ကွံာ်လၢဟီၣ်ခိၣ်အံၤဒီးက့ၤဆူပၢ်အအိၣ်န့ၣ်လီၤ. အဝဲအဲၣ်ဘၣ်ပှၤတဖၣ်လၢဟီၣ်ခိၣ်အံၤလၢအမ့ၢ်အတၢ် ဒၣ်ဝဲ, ဒီးအဲၣ်အီၤတုၤအကတၢၢ်န့ၣ်လီၤ.

လံာ်ယိၤဟၣ် 3:30

အဝဲဒၣ်ကဘၣ်ဒိၣ်ထီၣ်ထီထီၣ်ဝဲ, မ့မ့ၢ်ယဲဒၣ်အံၤယကဘၣ်ဆံးလီၤစှၤလီၤဝဲလီၤ.”

လံာ်ယိၤဟၣ် 9:4

ဖဲမုၢ်ဆါခီအကတီၢ်အံၤ, ပကဘၣ်မၤပှၤလၢအမၢလီၤယၤ တဂၤအတၢ်မၤလီၤ. မုၢ်နၤကဟဲဝဲဖဲပှၤမၤတၢ်တသ့လၢၤနီ တဂၤဘၣ်.