လံာ်ကွဲးနီၣ်တၢ်အခီၣ်ထံးတဘ့ၣ် 22:3 - Sgaw Karen Common Bible

³ အဝဲဟ့ၣ်လီၤထးဂီၢ်မုၢ်ဂီၢ်ပၤလၢတၢ်ကဒုးကဲထီၣ်ထးပနဲာ်ဖိ တဖၣ်ဒီးထးတံာ်ဃးတၢ်တဖၣ်လၢတြဲၤသ့ၣ်တဖၣ်အဂီၢ်, ဒီးတိၢ်ဘီအါအါကလဲာ်တုၤပှၤစီၤအဃၢတသ့နီတဂၤဘၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:3 Iomraidhean Croise

လံာ်စီၤပၤအခီၣ်ထံးတဘ့ၣ် 7:47

မ့ၢ်လၢတၢ်ပီးတၢ်လီတဖၣ်အါကဲာ်ဆိးအဃိ, စီၤပၤၡလိၤမိၤတမၢ ဘၣ်ပှၤစီၤနီၣ်ပာ်တိၢ်ဘီအပီးအလီတဖၣ်အံၤအလီၤသယၢၢ်ဘၣ်. သတးဒီးအတၢ်လီၤသယၢၢ်မ့ၢ်ထဲလဲၣ်ထဲလဲၣ်န့ၣ်, ပှၤတဲတသ့နီတဂၤဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 22:14

လၢယွၤအတၢ်လုၢ်ဟံၣ်အဂီၢ်န့ၣ်, လၢယတၢ်ကျဲးစၢးဒၣ်ယဲ အဃိ, ယပာ်ဖှိၣ်ပာ်စၢၤထူအဃၢလီၤတယၢၢ်အါန့ၢ်ဒံးအကံကၢ် တကလီၢ်ဒီးစ့အဃၢလီၤတယၢၢ်အါန့ၢ်ဒံးအကံကၢ်တကကွဲၢ်လၢတၢ် ကသူအီၤလၢတၢ်ဘှီထီၣ်အဂီၢ်လီၤ. လၢတၢ်န့ၣ်အမဲာ်ညါ, တိၢ်ဘီဒီးထးလၢတၢ်စီၤအဃၢတသ့ဘၣ်, အိၣ်စ့ၢ်ကီးဝဲလီၤ. ယအိၣ်ကတဲာ်ကတီၤပာ်စ့ၢ်ကီးသ့ၣ်ဒီးလၢၢ်တဖၣ်, ဘၣ်ဆၣ်နကဘၣ်မၤန့ၢ်အါထီၣ်ဒီးအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:2

လၢယဂံၢ်ယဘါခဲလၢာ်အပူၤန့ၣ်, ယကတဲာ်ကတီၤတ့ၢ်တၢ်လၢအလိၣ်ဝဲ တဖၣ်လၢယွၤအတၢ်လုၢ်ဟံၣ်အဂီၢ်ဒ်ထူ, စ့, တိၢ်ဘီ, ထး, သ့ၣ်, လၢၢ်လုၢ်ဒိၣ်ပှ့ၤဒိၣ်တဖၣ်, တၢ်မျၢ်ထးသံတဖၣ်, လၢၢ်အလွဲၢ်အကလုာ်ကလုာ်လၢတၢ်ကရဲၣ်လီၤထီထီၣ်အီၤတဖၣ်, လၢၢ်ဝါအါအါဂီၢ်ဂီၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:7

တၢ်လၢအဝဲသ့ၣ်ဟ့ၣ်လီၤလၢတၢ်ဘှီထီၣ်ယွၤအတၢ်လုၢ်ဟံၣ်အဂီၢ်မ့ၢ် ဒ်လာ်အံၤလီၤ. ထူကံကၢ်ယဲၢ်ကထိဒီးဒၤရံးတကလး, စ့အကံကၢ်တကလး, တိၢ်ဘီအကံကၢ်တကလးဃိးကထိ, ဒီးထးအကံကၢ်တကလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:18

တၢ်ပီးတၢ်လီအါအါဂီၢ်ဂီၢ်ဘၣ်တၢ်သိအီၤသတးဒီးတိၢ်ဘီ အတၢ်လီၤသယၢၢ်ခဲလၢာ်မ့ၢ်ထဲလဲၣ်ထဲလဲၣ်န့ၣ်, ပှၤတဲတသ့နီတဂၤဘၣ်.

လံာ်ယံးရမံယၤ 52:20

တၢ်ပီးတၢ်လီတဖၣ် လၢစီၤပၤၡလိၤမိၤမၤတ့ၢ်ဝဲ လၢတိၢ်ဘီလၢ ယွၤအတၢ်လုၢ်ဟံၣ်အဂီၢ်လၢ အမ့ၢ်ဝဲ, ထူၣ်ခံထူၣ်, လ့ၣ်ကဟၣ်တဖၣ်, ထံဒၢ ဖးဒိၣ်, ဒီးဂီၤဖံးတဆံခံဒုလၢ အပၢၢ်ဃာ်အီၤန့ၣ်, အတယၢၢ်ဃၢကဲၣ်ဆိးလၢ တၢ်ကစီၤကွၢ်အီၤအဂီၢ် န့ၣ်လီၤ.

လံာ်သိၣ်လီၤသီလီၤတၢ် 8:9

ဖဲန့ၣ်သုတသၣ်ဝံၤလီၤဒိနီတစုမ့ၢ်ဂ့ၤ, တၢ်လိၣ်တအိၣ်လၢၤနီ တစုမ့ၢ်ဂ့ၤဘၣ်. လၢအလၢၢ်တဖၣ်အပူၤန့ၣ်အိၣ်ဒီးထးဒီးလၢအတၢ် လူၢ်တဖၣ်န့ၣ်သုခူၣ်ထီၣ်တိၢ်ဘီသ့ဝဲဒၣ်လီၤ.