လံာ်ကွဲးနီၣ်တၢ်အခီၣ်ထံးတဘ့ၣ် 22:2 - Sgaw Karen Common Bible

² စီၤပၤစီၤဒၤဝံးဟ့ၣ်လီၤတ့ၢ်အကလုၢ်ဒ်သိးပှၤတခီဘီမုၢ်ဖိ ခဲလၢာ်လၢအအိၣ်ဝဲဆိးဝဲလၢကီၢ်အံၣ်စရ့လးအပူၤကအိၣ်ဖှိၣ်ရိ ဖှိၣ်, ဒီးပာ်အဝဲသ့ၣ်လၢကမၤတၢ်အဂီၢ်န့ၣ်လီၤ. အဝဲသ့ၣ်တနီၤဘၣ်ကူး တဲာ်လၢၢ်တဖၣ်ဒ်သိးကအိၣ်ကတဲာ်ကတီၤအသးလၢတၢ်သူၣ်ထီၣ်တၢ်လုၢ် ဟံၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:11

ဝ့ၢ်ထါယၢၣ်အစီၤပၤစီၤဃံရၣ်ဆှၢလီၤတၢ်မၤကူၣ်မၤကၤအခၢၣ်စး တဖုဆူစီၤဒၤဝံးအအိၣ်လီၤ. အဝဲဆှၢလီၤန့ၢ်အီၤလၢသ့ၣ်ဆှိးအ့ရ့းအကျီၣ်တဖၣ်ဃုာ်ဒီး ပှၤစုသ့ဖိတဖၣ်လၢအမၤတၢ်လၢသ့ၣ်သ့ဒီးပှၤလၢအမၤတၢ်လၢလၢၢ်သ့တဖၣ် ဒ်သိးကဘှီထီၣ်စီၤပၤအနီတဖျၢၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:7

လၢၢ်တဖၣ်လၢတၢ်ဘှီထီၣ်ယွၤအတၢ်လုၢ်ဟံၣ်န့ၣ်, ဘၣ်တၢ်ကတဲာ်ကတီၤပာ်စၢၤအီၤလၢတၢ်ခူၣ်လၢၢ်အလီၢ်, ဒ်သိးတၢ်သီၣ်တၢ်သဲလၢခံၣ်ခူၣ်မ့ၢ်ဂ့ၤ, ကွါမ့ၢ်ဂ့ၤ, တၢ်ပီးတၢ်လီလၢထးအဂၤမ့ၢ်ဂ့ၤအသုတအိၣ်တဂ့ၤ, ဖဲတၢ်ဘှီထီၣ်ယွၤအတၢ်လုၢ်ဟံၣ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:12

ပှ့ၤသ့ၣ်ဒီးလၢၢ်တဖၣ်လၢတၢ်ကသူအီၤလၢတၢ်ဘှီက့ၤအဂီၢ်, ဒီးဟ့ၣ်လီၤကယဲၢ်တၢ်လၢာ်အဂုၤအဂၤတဖၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:6

ပှၤမၤတၢ်လၢသ့ၣ်တဖၣ်, ပှၤဘှီထီၣ်တၢ်တဖၣ်, ဒီးပှၤမၤတၢ်လၢအီကတဲတဖၣ်, ဒီးပှ့ၤသ့ၣ်ဒီးလၢၢ်တဖၣ်လၢတၢ် ကသူအီၤလၢတၢ်ဘှီထီၣ်က့ၤတၢ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:1

ထါယၢၣ်အစီၤပၤဃံရၣ်ဆှၢလီၤပှၤကူၣ်တၢ်ကၤတၢ်တဖုဆူစီၤဒၤ ဝံးအအိၣ်, ဒီးဟ့ၣ်လီၤအီၤလၢသ့ၣ်ဆှိအ့ရ့းအကျီၣ်တဖၣ်ဃုာ်ဒီးပှၤမၤတၢ် လၢလၢၢ်သ့ၣ်တဖၣ်, ဒီးပှၤမၤတၢ်လၢသ့ၣ်သ့တဖၣ်လၢကသူၣ်ထီၣ်နီတဖျၢၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:1

စီၤပၤဒၤဝံးဘိးဘၣ်သ့ၣ်ညါပှၤလၢအဟဲပာ်ဖှိၣ်အသးခဲလၢာ်, “ယဖိခွါစီၤၡလိၤမိၤ, မ့ၢ်ပှၤတဂၤလၢကစၢ်ယွၤဃုထၢတ့ၢ်ဝဲ, ဘၣ်ဆၣ်အဝဲအသးစၢ်ဒံး, ဒီးအတၢ်လဲၤခီဖျိစှၤဒံးဝဲန့ၣ်လီၤ. တၢ်မၤလၢတၢ်ကဘၣ်မၤအီၤန့ၣ်, မ့ၢ်တၢ်မၤလီၤဘီလီၤမုၢ်, မ့ၢ်လၢတၢ်အံၤတမ့ၢ်ဘၣ်နီတဖျၢၣ်လၢပှၤကညီအဂီၢ်ဘၣ်. မ့မ့ၢ်, မ့ၢ်တၢ်လုၢ်ဟံၣ်တဖျၢၣ်လၢယွၤ, ကစၢ်ယွၤအဂီၢ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:16

ပကကူာ်လီၤကယဲၢ်သ့ၣ်ဆှိအ့ရ့းလၢနလိၣ်ဘၣ်, လၢကစၢၢ်တဖၣ်အလိၤလၢလဘၤနိၣ်, ဒီးစၢဖှိၣ်ထီၣ်အီၤဒ်ထိအသိး, ဒီးဟဲစိာ်အီၤခီဖျိပီၣ်လဲၣ်တုၤလၢဝ့ၢ်ယၤဖိၤန့ၣ်လီၤ. စးထီၣ်ဖဲန့ၣ်သုဟဲက့ၤစိာ်အီၤဆူဝ့ၢ်ယရူၤၡလ့ၣ်သ့ဝဲလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 2:17

စီၤပၤၡလိၤမိၤမၤတၢ်ဂံၢ်ဒီးဆဲးလီၤမံၤတမံၤလၢပှၤတခီ ဘီမုၢ်ဖိတဖၣ်လၢအအိၣ်ဆိးလၢကီၢ်အံၣ်စရ့လးအပူၤအဂီၢ်ဒ်အပၢ် စီၤဒၤဝံးထၢဒီးကွဲးနီၣ်ကွဲးဃါတ့ၢ်ဝဲအသိးန့ၣ်လီၤ. ဖဲန့ၣ်, ပှၤတခီဘီမုၢ်ဖိတဖၣ်လၢအအိၣ်ဝဲဆိးဝဲအိၣ်, တကလီၢ်ယဲၢ်ကလးသၢကထိဃုကယၤ ဂၤန့ၣ်လီၤ.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

အ့းဖ့းစူး 2:12

အကတီၢ်ဖဲန့ၣ်သုတဘၣ်ဃးဘၣ်ဒီးခရံာ်ဘၣ်. သုမ့ၢ်တ့ၢ်ပှၤတခီထံ တခီကီၢ်ဖိဒီးတဘၣ်ဃးဘၣ်ဒီးကစၢ်ယွၤအပှၤဂီၢ်မုၢ်, ပှၤဃုထၢဖိ တဖၣ်ဘၣ်. တၢ်အၢၣ်လီၤအီလီၤလၢကစၢ်ယွၤစံးပာ်တ့ၢ်လၢ အပှၤဂီၢ်မုၢ်အဂီၢ်န့ၣ်, တဘၣ်ဃးဘၣ်ဒီးသုဘၣ်. ဒီးသုအိၣ်မူတ့ၢ်သုဝဲလၢဟီၣ်ခိၣ်တဘ့ၣ်အံၤအချၢလၢတၢ်မုၢ် လၢ်တအိၣ်ဘၣ်အပူၤဒီးလၢတၢ်တသ့ၣ်ညါထူသ့ၣ်ညါယွၤ အပူၤလီၤ.