လံာ်ကွဲးနီၣ်တၢ်အခီၣ်ထံးတဘ့ၣ် 22:19 - Sgaw Karen Common Bible

¹⁹ ခဲကနံၣ်အံၤ, မၤယွၤသုကစၢ်ယွၤအတၢ်မၤလၢသုသးဒီဖျၢၣ်ညါ ဒီးသုသူၣ်ကံၢ်သးလဲန့ၣ်တက့ၢ်. စးထီၣ်သူၣ်ထီၣ်ယွၤအတၢ်လုၢ်ဟံၣ်ဒ်သိးသုပာ်ယွၤအတၢ်အၢၣ်လီၤ အီလီၤအတလါစီဆှံဒီးကယဲၢ်တၢ်အဃၢၤအဃိၢ်စီဆှံလၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်အီၤအဂီၢ်တဖၣ်, လၢအပူၤကသ့ဝဲန့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 22:19 Iomraidhean Croise

လံာ်စီၤပၤအခီၣ်ထံးတဘ့ၣ် 5:3

“မ့ၢ်လၢတၢ်ဒုးတၢ်ယၤတဖၣ်အိၣ်ဝဲတထံၣ်ဃီဒီးယပၢ်စီၤဒၤဝံး ဘၣ်ဒုးတၢ်ထီဒါအဒုၣ်အဒါအထံအကီၢ်အိၣ်ဝးတရံးအီၤတဖၣ်အဃိ, နသ့ၣ်ညါလၢတချုးလၢယွၤဟ့ၣ်အီၤတၢ်မၤနၢၤလၢကယဲၢ်အဒုၣ်အဒါ ခဲလၢာ်အဖီခိၣ်ဒံးဘၣ်န့ၣ်, အဝဲဘှီထီၣ်တၢ်လုၢ်ဟံၣ်တဖျၢၣ်လၢတၢ်ကဘူၣ်ထီၣ်ဘါထီၣ်ယွၤ, အဝဲအကစၢ်ယွၤအဂီၢ်တသ့ဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:21

လၢယွၤအတၢ်လုၢ်ဟံၣ်အပူၤန့ၣ်, ယကတဲာ်ကတီၤစ့ၢ်ကီးတၢ်လီၢ်တတီၤ လၢယွၤအတၢ်အၢၣ်လီၤအီလီၤအတလါစီဆှံအဂီၢ်န့ၣ်လီၤ. လၢတလါစီဆှံအံၤအပူၤန့ၣ်, တၢ်အၢၣ်လီၤအီလီၤလၢယွၤမၤတ့ၢ်ဝဲဒီးပမိၢ်ပၢ်ဖံဖုလၢပျၢၤ တဖၣ်ဖဲအဝဲထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤ, အလၢၢ်ဘ့ၣ်ဘၣ်တဖၣ်အိၣ်ဝဲလီၤ.”

လံာ်စီၤပၤအခီၣ်ထံးတဘ့ၣ် 8:6

ဒီးပှၤလုၢ်တၢ်အခိၣ်တဖၣ်လဲၤစိာ်နုာ်ယွၤအတၢ်အၢၣ်လီၤအီလီၤ အတလါစီဆှံဆူယွၤအတၢ်လုၢ်ဟံၣ်အပူၤဒီးပာ်လီၤဝဲလၢတၢ်လီၢ် စီဆှံကတၢၢ်ဖဲခ့ရူာ်တဖၣ်အဒံးဆ့အဖီလာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:10

သးခုလၢပဘၣ်ဃးဒီးအီၤ မ်ပှၤခဲလၢာ်လၢအဘူၣ်ထီၣ်ဘါထီၣ်အီၤသူၣ်ဖှံသးညီတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:11

လဲၤဆူယွၤအအိၣ်လၢတၢ်မၤစၢၤအဂီၢ်, ဒီးဘူၣ်ထီၣ်ဘါထီၣ်အီၤတပယူာ်ဃီတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 22:16

ဒီးဒ်န့ၣ်အသိး, ပှၤမၤတၢ်အဂၤအကလုာ်ကလုာ်သ့ဂီၢ်မုၢ်ဂီၢ်ပၤ အိၣ်ဝဲလၢကမၤတၢ်လၢထူ, လၢစ့, လၢတိၢ်ဘီဒီးလၢထးန့ၣ်လီၤ. ခဲကနံၣ်အံၤစးထီၣ်တၢ်မၤတက့ၢ်. ဒီးမ်ယွၤအိၣ်ဒီးနၤတက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 22:7

စီၤဒၤဝံးစံးဘၣ်အီၤ, “ယဖိခွါဧၢ, ယအဲၣ်ဒိးသူၣ်ထီၣ်တ့ၢ် တၢ်လုၢ်ဟံၣ်တဖၣ်လၢတၢ်မၤလၤကပီၤယွၤ, ယကစၢ်ယွၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:3

စီၤယဟိၡၤဖးပျံၤတၢ်ဖုးတၢ်ဒီးဘါထုကဖၣ်တၢ်ဆူယွၤအအိၣ်လၢ တၢ်နဲၣ်ကျဲအဂီၢ်န့ၣ်လီၤ. အန့ၣ်ဝံၤဒီး, အဝဲဟ့ၣ်လီၤအကလုၢ်လၢတၢ်ဒုၣ်တၢ်အီၣ်တမံၤကဘၣ်တၢ် မၤအီၤလၢထံကီၢ်ဒီဘ့ၣ်အပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:7

အန့ၣ်ဝံၤဒီး, ပှၤလုၢ်တၢ်အခိၣ်တဖၣ်စိာ်ထီၣ်ဝဲယွၤအတၢ်အၢၣ်လီၤ အီလီၤအတလါဆူယွၤအတၢ်လုၢ်ဟံၣ်အပူၤဒီးပာ်ဝဲလၢတၢ်လီၢ်စီ ဆှံကတၢၢ်အပူၤဖဲခ့ရူာ်တဖၣ်အခီၣ်ထံးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:11

ယပာ်လီၤတ့ၢ်တၢ်အၢၣ်လီၤအီလီၤအတလါစီဆှံ, လၢအအိၣ်ဒီးတၢ်အၢၣ်လီၤအီလီၤအလၢၢ်ဘ့ၣ်ဘၣ်တဖၣ်, လၢယွၤမၤတ့ၢ်ဝဲဒီးအံၣ်စရ့လးအပှၤဂီၢ်မုၢ်န့ၣ်, လၢယွၤအတၢ်လုၢ်ဟံၣ်အပူၤန့ၣ်လီၤ.”

စံးထီၣ်ပတြၢၤ 119:2

ပှၤလၢအတိၢ်န့ၢ်ဖံးဃာ်အတၢ်အုၣ်အသး ဒီးဃုယွၤလၢအသးဒီဖျၢၣ်ညါန့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 14:2

ယွၤကွၢ်လီၤပှၤကညီလၢမူခိၣ် ဒ်သိး ကထံၣ်ဝဲပှၤကူၣ်သ့ကူၣ်ဘၣ်, ပှၤလၢအဘူၣ်ထီၣ်ဘါထီၣ်အီၤ မ့ၢ်အအိၣ်တအိၣ်လဲၣ်အဂီၢ်န့ၣ်လီၤ.

စံးထီၣ်ပတြၢၤ 27:4

ယဃ့တ့ၢ်ယွၤလၢတၢ်တမံၤအဂီၢ်, ယဆၢန့ၢ်ဘၣ်ထဲတၢ်တမံၤဧိၤ, ဒ်သိးယကအိၣ်ကဆိးဘၣ်လၢယွၤအဟံၣ်ပူၤတစိၤဒၣ်ယၤ, လၢယကထံၣ်ဘၣ်ယွၤအတၢ်ဂ့ၤတၢ်ဝါ ဒီးဃ့န့ၢ်ယွၤအတၢ်ပၢတၢ်ဆှၢန့ၣ်လီၤ.

လံာ်တၢ်ဟးထီၣ်ကွံာ် 25:8

ပှၤဂီၢ်မုၢ်ကဘၣ်မၤထီၣ်ဒဲစီဆှံတဖျၢၣ်လၢယဂီၢ်ဒ်သိးယကအိၣ် ကဆိးလၢအဝဲသ့ၣ်အကျါန့ၣ်လီၤ.

လံာ်ယၡါယၤ 60:1

ဂဲၤဆၢထၢၣ်, ဝ့ၢ်ယရူၤၡလ့ၣ်ဧၢ, ဒီးကပီၤထီၣ်ဒ်မုၢ်အသိးတက့ၢ်. ယွၤအလၤကပီၤ, ကပီၤထီၣ်လၢနလိၤလီၤ.

လံာ်ယံးရမံယၤ 29:13

သုကဃုယၤဒီး သုကထံၣ်န့ၢ်ယၤ, မ့ၢ်လၢသုကဃုယၤလၢ သုသးဒီဖျၢၣ်ညါ အဃိန့ၣ်လီၤ.

လံာ်ဒၤနံးယ့လး 9:3

ဒီးယဘါထုကဖၣ်တၢ်လၢသူၣ်လၢသးသပှၢ်ပှၢ်ဆူယွၤ, ကစၢ်ယွၤအအိၣ်ဒီးဒုၣ်တၢ်အီၣ်တၢ်အီ, ကူထီၣ်သိးထီၣ်ဆ့ဆးအသးလၢတၢ် ကံးယာ်ဒီးဆ့ၣ်နီၤလၢဖၣ်ဆါကျါဒီးဃ့ကညးအီၤလီၤ.

လံာ်ဃးကဲ 1:5

တၢ်မနုၤမၤအသးဒီးသုလဲၣ်န့ၣ်, မ့ၢ်သုတထံၣ်ဘၣ်ဧါ.

လံာ်ဃးကဲ 1:8

ခဲကနံၣ်အံၤ, လဲၤထီၣ်ဆူတၢ်လူၢ်တဖၣ်, မၤန့ၢ်သ့ၣ်တၢၢ်သ့ၣ်ဘၣ်, ဒီးဘှီထီၣ်ကဒါက့ၤတၢ်လုၢ်ဟံၣ်တက့ၢ်. ဒီးယကသူၣ်ခုသးခု ဒီးဒိးဘၣ်တၢ်ဘူၣ်ထီၣ်ဘါထီၣ်ယၤဒ်ယကြၢးအသိးန့ၣ်လီၤ.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

မၤတၢ် 22:16

ဒီးခဲကနံၣ်အံၤဘၣ်မနုၤဃိနမၤယံာ်မၤနီၢ်နသးလဲၣ်. ဂဲၤဆၢထၢၣ်ဒီးဒိးဘျၢနသးလၢထံဒီးပျဲနတၢ်ဒဲးဘးဘၣ် တၢ်သ့စီကွံာ်အီၤခီဖျိနကိးထီၣ်အမံၤန့ၣ်တက့ၢ်.’

လံာ်သိၣ်လီၤသီလီၤတၢ် 4:29

ဖဲန့ၣ်သုကဃုယွၤ, သုကစၢ်ယွၤ, ဒီးသုမ့ၢ်ဃုအီၤလၢသုသးဒီဖျၢၣ်န့ၣ်သုကထံၣ်န့ၢ်အီၤလီၤ.