လံာ်ကွဲးနီၣ်တၢ်အခီၣ်ထံးတဘ့ၣ် 22:16 - Sgaw Karen Common Bible

¹⁶ ဒီးဒ်န့ၣ်အသိး, ပှၤမၤတၢ်အဂၤအကလုာ်ကလုာ်သ့ဂီၢ်မုၢ်ဂီၢ်ပၤ အိၣ်ဝဲလၢကမၤတၢ်လၢထူ, လၢစ့, လၢတိၢ်ဘီဒီးလၢထးန့ၣ်လီၤ. ခဲကနံၣ်အံၤစးထီၣ်တၢ်မၤတက့ၢ်. ဒီးမ်ယွၤအိၣ်ဒီးနၤတက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 22:16 Iomraidhean Croise

လံာ်စီၤပၤအခီၣ်ထံးတဘ့ၣ် 2:2

ယတၢ်သံအဆၢကတီၢ်ဟဲတုၤလံ. အိၣ်ဒီးတၢ်နာ်န့ၢ်အီၤနသးဒီးတၢ် ပာ်လီၤသးသပှၢ်ပှၢ်,

လံာ်စီၤပၤအခီၣ်ထံးတဘ့ၣ် 7:47

မ့ၢ်လၢတၢ်ပီးတၢ်လီတဖၣ်အါကဲာ်ဆိးအဃိ, စီၤပၤၡလိၤမိၤတမၢ ဘၣ်ပှၤစီၤနီၣ်ပာ်တိၢ်ဘီအပီးအလီတဖၣ်အံၤအလီၤသယၢၢ်ဘၣ်. သတးဒီးအတၢ်လီၤသယၢၢ်မ့ၢ်ထဲလဲၣ်ထဲလဲၣ်န့ၣ်, ပှၤတဲတသ့နီတဂၤဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 22:11

စီၤဒၤဝံးစံးထွဲကဒီးဝဲ, “ခဲကနံၣ်အံၤယဖိခွါဧၢ, မ်ယွၤ, နကစၢ်ယွၤအိၣ်ဒီးနၤ, ဒီးမ်အဝဲတီဒီးအတၢ်အၢၣ်လီၤ လၢကဟ့ၣ်နၤတၢ်မၤနၢၤလၢတၢ်သူၣ်ထီၣ်တၢ်လုၢ်ဟံၣ်တဖျၢၣ်လၢအဂီၢ် န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 22:14

လၢယွၤအတၢ်လုၢ်ဟံၣ်အဂီၢ်န့ၣ်, လၢယတၢ်ကျဲးစၢးဒၣ်ယဲ အဃိ, ယပာ်ဖှိၣ်ပာ်စၢၤထူအဃၢလီၤတယၢၢ်အါန့ၢ်ဒံးအကံကၢ် တကလီၢ်ဒီးစ့အဃၢလီၤတယၢၢ်အါန့ၢ်ဒံးအကံကၢ်တကကွဲၢ်လၢတၢ် ကသူအီၤလၢတၢ်ဘှီထီၣ်အဂီၢ်လီၤ. လၢတၢ်န့ၣ်အမဲာ်ညါ, တိၢ်ဘီဒီးထးလၢတၢ်စီၤအဃၢတသ့ဘၣ်, အိၣ်စ့ၢ်ကီးဝဲလီၤ. ယအိၣ်ကတဲာ်ကတီၤပာ်စ့ၢ်ကီးသ့ၣ်ဒီးလၢၢ်တဖၣ်, ဘၣ်ဆၣ်နကဘၣ်မၤန့ၢ်အါထီၣ်ဒီးအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:15

နအိၣ်ဒီးပှၤမၤတၢ်ဖိအါဂၤန့ၣ်လီၤ. ပှၤတဖၣ်အိၣ်ဝဲလၢတၢ်ခူၣ်လၢၢ်အလီၢ်တဖၣ်, ဒီးပှၤမၤတၢ်လၢလၢၢ် သ့တဖၣ်အိၣ်ဝဲ, ပှၤမၤတၢ်လၢသ့ၣ်

လံာ်ကွဲးနီၣ်တၢ်အခီၣ်ထံးတဘ့ၣ် 22:3

အဝဲဟ့ၣ်လီၤထးဂီၢ်မုၢ်ဂီၢ်ပၤလၢတၢ်ကဒုးကဲထီၣ်ထးပနဲာ်ဖိ တဖၣ်ဒီးထးတံာ်ဃးတၢ်တဖၣ်လၢတြဲၤသ့ၣ်တဖၣ်အဂီၢ်, ဒီးတိၢ်ဘီအါအါကလဲာ်တုၤပှၤစီၤအဃၢတသ့နီတဂၤဘၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:10

နကဘၣ်သ့ၣ်ညါလၢယွၤဃုထၢတ့ၢ်နၤလၢနကသူၣ်ထီၣ်အတၢ်လုၢ်ဟံၣ်စီ ဆှံအဂီၢ်န့ၣ်လီၤ. ခဲကနံၣ်အံၤမၤအီၤ, ဒီးမၤအီၤအိၣ်ဒီးတၢ်ပာ်လီၤသးကျၢၤမုဆှုတက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 29:2

လၢယဂံၢ်ယဘါခဲလၢာ်အပူၤန့ၣ်, ယကတဲာ်ကတီၤတ့ၢ်တၢ်လၢအလိၣ်ဝဲ တဖၣ်လၢယွၤအတၢ်လုၢ်ဟံၣ်အဂီၢ်ဒ်ထူ, စ့, တိၢ်ဘီ, ထး, သ့ၣ်, လၢၢ်လုၢ်ဒိၣ်ပှ့ၤဒိၣ်တဖၣ်, တၢ်မျၢ်ထးသံတဖၣ်, လၢၢ်အလွဲၢ်အကလုာ်ကလုာ်လၢတၢ်ကရဲၣ်လီၤထီထီၣ်အီၤတဖၣ်, လၢၢ်ဝါအါအါဂီၢ်ဂီၢ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:1

စီၤပၤဒၤဝံးအဖိခွါစီၤၡလိၤမိၤဟံးဃာ်ဂၢၢ်ကျၢၤဒီးပၢၤ အံၣ်စရ့လးအဘီအမုၢ်, ဒီးယွၤ, အကစၢ်ယွၤဆိၣ်ဂ့ၤတ့ၢ်အီၤဒီးဒုးကဲထီၣ်အီၤလၢပှၤ လၢအစိဒိၣ်ကမီၤထီဒိၣ်မးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:17

သုတဘၣ်ဒုးတၢ်ဒုးအံၤဘၣ်. မ့မ့ၢ်ထဲဟံးန့ၢ်သုလီၢ်တဖၣ်ဒီး ခိးတၢ်တက့ၢ်. သုကထံၣ်ဘၣ်လၢယွၤဟ့ၣ်သုတၢ်မၤနၢၤန့ၣ်လီၤ. ပှၤဂီၢ်မုၢ်လၢကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, မၤယံာ်မၤနီၢ်သုသးဒီးပျံၤတၢ်တဂ့ၤ. လဲၤထီၣ်ဆူတၢ်ဒုးတ က့ၢ်. ဒီးယွၤကအိၣ်ဒီးသုလီၤ.”

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

လံာ်စီၤယိၤၡူ 1:2

အဝဲစံးဝဲ, “ယခ့ယပှၤစီၤမိၤၡ့သံလံ. အိၣ်ကတဲာ်ကတီၤသုသးခဲအံၤ, နၤဒီးပှၤအံၣ်စရ့လးဖိခဲလၢာ်, ဒီးလဲၤခီဂာ်ထံကျိယၢ်ဒ့ၣ်ဒီးလဲၤနုာ်ဆူကီၢ်လၢယဟ့ၣ်လီၤ အဝဲသ့ၣ်န့ၣ်တက့ၢ်.

လံာ်စီၤယိၤၡူ 1:5

စီၤယိၤၡူဧၢ, လၢနတၢ်အိၣ်မူဒီတစိၤန့ၣ်, ပှၤထီဒါနၤတသ့ နီတဂၤဘၣ်. ဒ်ယအိၣ်တ့ၢ်ဒီးစီၤမိၤၡ့အသိးန့ၣ်, ယကအိၣ်ဒီးနၤလီၤ. ယကအိၣ်ဒီးနၤထီဘိတထံၣ်ဃီလီၤ. ယတလဲၤသ ဒၣ်နၤနီတစုဘၣ်.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်စီၤယိၤၡူ 7:10

ယွၤစံးဘၣ်စီၤယိၤၡူ, “ဂဲၤဆၢထၢၣ်တက့ၢ်. ဘၣ်မနုၤနမံလီၤလၢဟီၣ်ခိၣ်လိၤဒ်အံၤလဲၣ်.

လံာ်ပှၤစံၣ်ညီၣ်ကွီၢ် 4:14

တုၤနုၤတစုနီၢ်ဒဘိရၤစံးဘၣ်စီၤဘါရး, “လဲၤတက့ၢ်. ယွၤဆှၢနၤလီၤ. တနံၤအံၤအဝဲဟ့ၣ်လီၤနၤတၢ်မၤနၢၤလၢစီၤစံစရၤအဖီခိၣ်လီၤ.” မၤသးဒ်န့ၣ်ဒီးစီၤဘါရးဟဲလီၤလၢကစၢၢ်တၤဘိၢ်အဒီခိၣ်ဃုာ်ဒီးအပှၤတကလးဂၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:37

ယွၤအုၣ်က့ၤခီၣ်က့ၤတ့ၢ်ယၤလၢခ့ယုၢ်တဖၣ်ဒီးတၤသူတဖၣ်သတးဒီး အဝဲကအုၣ်က့ၤခီၣ်က့ၤယၤလၢပှၤဖလ့ၡသးဖိတဂၤအံၤအစုပူၤ န့ၣ်လီၤ. စီၤစီလူးစံးဝဲဒၣ်, “ဂ့ၤလံ, လဲၤဒီးမ်ယွၤအိၣ်ဒီးနၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 20:13

အဝဲမ့ၢ်တိာ်သူၣ်ပာ်သးလၢကမၤဆါနၤဒီး, ယမ့ၢ်တဒုးသ့ၣ်ညါနၤလၢတၢ်ဂ့ၢ်အံၤဒီးမၤပူၤဖျဲးနၤန့ၣ်, မ်ယွၤတီၢ်သံကွံာ်ယၤတက့ၢ်. မ်ယွၤအိၣ်ဒီးနၤဒ်အအိၣ်တ့ၢ် လံဒီးယပၢ်အသိးန့ၣ်တက့ၢ်.