လံာ်ကွဲးနီၣ်တၢ်အခီၣ်ထံးတဘ့ၣ် 22:15 - Sgaw Karen Common Bible

¹⁵ နအိၣ်ဒီးပှၤမၤတၢ်ဖိအါဂၤန့ၣ်လီၤ. ပှၤတဖၣ်အိၣ်ဝဲလၢတၢ်ခူၣ်လၢၢ်အလီၢ်တဖၣ်, ဒီးပှၤမၤတၢ်လၢလၢၢ် သ့တဖၣ်အိၣ်ဝဲ, ပှၤမၤတၢ်လၢသ့ၣ်

လံာ်ကွဲးနီၣ်တၢ်အခီၣ်ထံးတဘ့ၣ် 22:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:11

ဝ့ၢ်ထါယၢၣ်အစီၤပၤစီၤဃံရၣ်ဆှၢလီၤတၢ်မၤကူၣ်မၤကၤအခၢၣ်စး တဖုဆူစီၤဒၤဝံးအအိၣ်လီၤ. အဝဲဆှၢလီၤန့ၢ်အီၤလၢသ့ၣ်ဆှိးအ့ရ့းအကျီၣ်တဖၣ်ဃုာ်ဒီး ပှၤစုသ့ဖိတဖၣ်လၢအမၤတၢ်လၢသ့ၣ်သ့ဒီးပှၤလၢအမၤတၢ်လၢလၢၢ်သ့တဖၣ် ဒ်သိးကဘှီထီၣ်စီၤပၤအနီတဖျၢၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:14

အဝဲအပၢ်လၢတအိၣ်မူလၢၤဘၣ်န့ၣ်, မ့ၢ်ပှၤလၢဝ့ၢ်ထါယၢၣ်, ဒီးမ့ၢ်စ့ၢ်ကီးပှၤတဂၤလၢအသ့မၤတၢ်လၢစုဂ့ၤဂ့ၤကလဲာ်လၢ တိၢ်ဘီန့ၣ်လီၤ. အဝဲအမိၢ်မ့ၢ်ပှၤလၢနးသၤလံအဒူၣ်ပူၤန့ၣ်လီၤ. စီၤဃူရၣ်အဘံမ့ၢ်ပှၤတဂၤလၢအအိၣ်ဒီးတၢ်သူၣ်ဆးသးဆးဒီးတၢ် လဲၤခီဖျိအါလၢတၢ်မၤတၢ်လၢစုန့ၣ်လီၤ. အဝဲတူၢ်လိာ်စီၤပၤၡလိၤမိၤအတၢ်ကွဲမုာ်အီၤလၢကကဲပှၤအခိၣ် တဂၤလၢကယဲၢ်တၢ်ဖံးတၢ်မၤလၢအဘၣ်ထွဲဒီးတိၢ်ဘီ အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:14

လၢယွၤအတၢ်လုၢ်ဟံၣ်အဂီၢ်န့ၣ်, လၢယတၢ်ကျဲးစၢးဒၣ်ယဲ အဃိ, ယပာ်ဖှိၣ်ပာ်စၢၤထူအဃၢလီၤတယၢၢ်အါန့ၢ်ဒံးအကံကၢ် တကလီၢ်ဒီးစ့အဃၢလီၤတယၢၢ်အါန့ၢ်ဒံးအကံကၢ်တကကွဲၢ်လၢတၢ် ကသူအီၤလၢတၢ်ဘှီထီၣ်အဂီၢ်လီၤ. လၢတၢ်န့ၣ်အမဲာ်ညါ, တိၢ်ဘီဒီးထးလၢတၢ်စီၤအဃၢတသ့ဘၣ်, အိၣ်စ့ၢ်ကီးဝဲလီၤ. ယအိၣ်ကတဲာ်ကတီၤပာ်စ့ၢ်ကီးသ့ၣ်ဒီးလၢၢ်တဖၣ်, ဘၣ်ဆၣ်နကဘၣ်မၤန့ၢ်အါထီၣ်ဒီးအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:16

ဒီးဒ်န့ၣ်အသိး, ပှၤမၤတၢ်အဂၤအကလုာ်ကလုာ်သ့ဂီၢ်မုၢ်ဂီၢ်ပၤ အိၣ်ဝဲလၢကမၤတၢ်လၢထူ, လၢစ့, လၢတိၢ်ဘီဒီးလၢထးန့ၣ်လီၤ. ခဲကနံၣ်အံၤစးထီၣ်တၢ်မၤတက့ၢ်. ဒီးမ်ယွၤအိၣ်ဒီးနၤတက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 2:6

ဘၣ်ဆၣ်, ပှၤသူၣ်ထီၣ်တၢ်လုၢ်ဟံၣ်တဖျၢၣ်လၢယွၤအဂီၢ်တသ့နီၢ်နီၢ် နီတဂၤဘၣ်. အဂ့ၢ်ဒ်အံၤ, ကယဲၢ်မူခိၣ်အတၢ်လီၢ်အလဲၢ်ခဲလၢာ်ဒၣ်လဲာ်, အဝဲအိၣ်တတြီၢ်ဘၣ်. မ့မ့ၢ်ဒ်န့ၣ်ဒီး, တၢ်လုၢ်ဟံၣ်တဖျၢၣ်လၢ ယသူၣ်ထီၣ်အီၤအံၤ, မ့ၢ်တၢ်အါန့ၢ်ဒံးတၢ်လီၢ်တတီၤဖဲ တၢ်လုၢ်နၢမူကဘၣ်တၢ်ဆူးကဲၤထီၣ်အီၤဆူကစၢ်ယွၤန့ၣ်, ကသ့ဒ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:7

ခဲကနံၣ်အံၤ, ဆှၢလီၤန့ၢ်ယၤပှၤတဂၤလၢအမၤတၢ်သ့ဂ့ၤဂ့ၤ, လၢတၢ်စိးပျၤအတၢ်မၤ, လၢတၢ်ပိာ်တၢ်လၢထူ, စ့, တိၢ်ဘီဒီးထး, လၢတၢ်သ့ဆးတၢ်လၢတၢ်ကံးယာ်အလွဲၢ်လါဟ့, အဂီၤလုးဒီးအဂီၤအပူၤတက့ၢ်. အဝဲကမၤသကိးတၢ်ဒီးပှၤစုသ့တဖၣ်လၢကီၢ်ယူဒၤဒီးဝ့ၢ်ယရူၤၡလ့ၣ်, လၢယပၢ်စီၤဒၤဝံးဃုထၢတ့ၢ်ဝဲန့ၣ်လီၤ.

လံာ်တၢ်ဟးထီၣ်ကွံာ် 28:6

အဝဲသ့ၣ်ကဘၣ်ဆးအ့ဖိးလၢတၢ်အလွဲၢ်အလါအဲး, အလွဲၢ်လုးတကုာ်, ဒီးသိဆူၣ်ဂီၤ, သွဲထူ, ဒီးတၢ်ကံးယာ်လုၣ် အဂ့ၤဒီးကယၢကယဲအီၤဒီးတၢ်ဆးဒဲးကံၣ်ဒဲးဝ့ၤန့ၣ်လီၤ.

လံာ်တၢ်ဟးထီၣ်ကွံာ် 35:32

လၢတၢ်သ့ကူၣ်ကျဲၤတၢ်အက့ၢ်အဂီၤတဖၣ်ပှဲၤဒီးတၢ်ကူၣ်သ့, ဒီးမၤအီၤလၢထူ, စ့ဒီးတိၢ်ဘီအဂီၢ်,

လံာ်တၢ်ဟးထီၣ်ကွံာ် 35:35

ယွၤဟ့ၣ်လီၤအဝဲသ့ၣ်တၢ်သ့ဖံးသ့မၤလၢကယဲၢ်တၢ်မၤကိးမံၤ ဒဲးလၢဘၣ်တၢ်မၤအီၤလၢပှၤစိးပျၤကွဲးတၢ်တဖၣ်, ပှၤတ့ဖျါထီၣ်တၢ်ဂီၤတဖၣ်, ဒီးပှၤသ့ထါတၢ်ကံးယာ်လုၣ်တဖၣ်လၢ အိၣ်ဒီးအလွဲၢ်လါအဲး, အလွဲၢ်လုးတကုာ်, သိဆူၣ်အဂီၤ, ဒီးတၢ်ကူတၢ်သိးအဂၤတဖၣ်န့ၣ်လီၤ. အဝဲသ့ၣ်မၤကယဲၢ်တၢ်မၤကိးမံၤဒဲးသ့ဝဲဒီးမ့ၢ်ပှၤထုးထီၣ်တၢ်ဂီၤအဒိတဖၣ်သ့ဝဲနီၢ်နီၢ်န့ၣ်လီၤ.