လံာ်ကွဲးနီၣ်တၢ်အခီၣ်ထံးတဘ့ၣ် 22:13 - Sgaw Karen Common Bible

¹³ နမ့ၢ်စူၢ်ကယဲၢ်တၢ်စူၢ်တၢ်နာ်အတၢ်သိၣ်တၢ်သီတဖၣ်လၢယွၤဟ့ၣ်လီၤ စီၤမိၤၡ့လၢကီၢ်အံၣ်စရ့လးအဂီၢ်ဒီးနကအိၣ်ဒီးတၢ်မၤနၢၤ န့ၣ်လီၤ. ပာ်လီၤနသးကျၢၤမုဆှုအိၣ်ဒီးတၢ်နာ်န့ၢ်လီၤနသးတက့ၢ်. ဒီးမ်နသုတပျဲတၢ်မၤပျံၤမၤဖုးနၤနီတမံၤတဂ့ၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:13 Iomraidhean Croise

လံာ်စီၤပၤအခီၣ်ထံးတဘ့ၣ် 2:2

ယတၢ်သံအဆၢကတီၢ်ဟဲတုၤလံ. အိၣ်ဒီးတၢ်နာ်န့ၢ်အီၤနသးဒီးတၢ် ပာ်လီၤသးသပှၢ်ပှၢ်,

လံာ်စီၤပၤအခီၣ်ထံးတဘ့ၣ် 2:3

ဒီးမၤတၢ်လၢယွၤ, နကစၢ်ယွၤမၤလိာ်နၤလၢနကဘၣ်မၤန့ၣ်တက့ၢ်. စူၢ်ကယဲၢ်အဝဲအတၢ်ဘူၣ်ထီၣ်ဘါထီၣ်အတၢ်သိၣ်တၢ်သီဒီးအတၢ်မၤလိာ် တဖၣ်လၢအအိၣ်ကွဲးအသးလၢစီၤမိၤၡ့အတၢ်သိၣ်တၢ်သီအလံာ်ပူၤဒ် သိးဖဲနလဲၤတၢ်တပူၤလၢ်လၢ်န့ၣ်, နကဘီၣ်ထီၣ်ညီထီၣ်လၢကယဲၢ်တၢ်လၢနမၤခဲလၢာ်အပူၤန့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 28:10

နကဘၣ်သ့ၣ်ညါလၢယွၤဃုထၢတ့ၢ်နၤလၢနကသူၣ်ထီၣ်အတၢ်လုၢ်ဟံၣ်စီ ဆှံအဂီၢ်န့ၣ်လီၤ. ခဲကနံၣ်အံၤမၤအီၤ, ဒီးမၤအီၤအိၣ်ဒီးတၢ်ပာ်လီၤသးကျၢၤမုဆှုတက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 28:20

စီၤပၤစီၤဒၤဝံးစံးဘၣ်အဖိခွါစီၤၡလိၤမိၤ, “နာ်န့ၢ်လီၤနသးဒီးပာ်နသးကျၢၤမုဆှုတက့ၢ်. စးထီၣ်နတၢ်မၤဒီးပျဲတၢ်နီတမံၤဒုးဆိကတီၢ်နၤတဂ့ၤ. ယွၤ, ကစၢ်ယွၤလၢယမၤအတၢ်ကအိၣ်ဒီးနၤလီၤ. အဝဲတပာ်လီၤတဲာ်နၤဘၣ်. မ့မ့ၢ်အဝဲကအိၣ်ဒီးနၤတုၤနသူၣ်ထီၣ်ယွၤအတၢ်လုၢ်ဟံၣ်ဝံၤဝဲ တစုန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 28:7

အဝဲမ့ၢ်စူၢ်ထွဲကယဲၢ်ယတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လီၤ တံၢ်လီၤဆဲးဒ်အမၤဝဲခဲအံၤအသိးန့ၣ်ဒီး, ယကဒုးအိၣ်ဂၢၢ်ဆိးကျၢၤအဘီအမုၢ်လီၤစိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:6

လၢဆၢကတီၢ်တဖၣ်အံၤအပူၤန့ၣ်အဝဲသူၣ်ထီၣ်ဘှီထီၣ်တိာ်ဧိၤတာ် ဧိၤတဖၣ်လၢကီၢ်ယူဒၤအဝ့ၢ်တဖၣ်အဂီၢ်ဒီးလၢတဘျုးနံၣ်အတီၢ်ပူၤ န့ၣ်, တၢ်ဒုးတၢ်ယၤတအိၣ်ဝဲဘၣ်မ့ၢ်လၢယွၤဟ့ၣ်အီၤတၢ်ဃူတၢ်မုာ်အဃိ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:20

လၢမုၢ်ဆ့ၣ်ထီၣ်ဂီၤဂီၤန့ၣ်, ပှၤဂီၢ်မုၢ်လဲၤဃီၤဝဲဆူပှၢ်မုၢ် ကနၢဘူးဒီးသဝီတကိၤန့ၣ်လီၤ. တချုးလၢအဝဲသ့ၣ်စးထီၣ်လဲၤတၢ်ဒံးန့ၣ်, စီၤယဟိၡၤဖးကတိၤလီၤတၢ်ဆူအဝဲသ့ၣ်အအိၣ်လၢတၢ်ကတိၤတဖၣ်အံၤ န့ၣ်လီၤ. “ပှၤကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, ပာ်သုတၢ်နာ်လၢယွၤ, သုကစၢ်ယွၤအပူၤဒီး, သုကဆၢထၢၣ်ဂၢၢ်ကျၢၤန့ၣ်လီၤ. စူၢ်က့ၤနာ်က့ၤတၢ်လၢအဝဲအဝံတဖၣ်တဲဘၣ်သု, ဒီးသု ကမၤနၢၤတၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 26:5

ဖဲအဝဲအတၢ်ဘူၣ်တၢ်ဘါအပှၤဟ့ၣ်ကူၣ်တၢ်စီၤစကၤရယၤအိၣ်မူဒံး အခါန့ၣ်စီၤဧူးစံယါမၤတ့ၢ်ယွၤအတၢ်လၢတၢ်သူၣ်တီသးရၤအပူၤ, ဒီးကစၢ်ယွၤဆိၣ်ဂ့ၤအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:7

“ပာ်လီၤသုသးသပှၢ်ပှၢ်ဒီးနာ်န့ၢ်လီၤသုသးတက့ၢ်. ပျံၤဘၣ်ကီၢ်အၤရူၢ်အစီၤပၤဖးဒိၣ်မ့ၢ်ဂ့ၤ, အသုးမုၢ်လၢအဝဲဆှၢဝဲမ့ၢ်ဂ့ၤန့ၣ်တဂ့ၤ. လၢပအိၣ်တခီန့ၣ်ပအိၣ်ဒီးတၢ်စိတၢ်ကမီၤအါန့ၢ်ဒံး, တၢ်စိတၢ်ကမီၤလၢအအိၣ်ဒီးအီၤတက့ၢ်လီၤ.

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 119:6

တုၤယဟ့ၣ်လီၤယတၢ်ဆိကမိၣ်လၢ နတၢ်မၤလိာ်ခဲလၢာ်ဒီး, ယတဘၣ်တၢ်မၤမဲာ်ဆှးယၤဘၣ်.

စံးထီၣ်ပတြၢၤ 72:1

ကစၢ်ယွၤဧၢ, ဟ့ၣ်လီၤနတၢ်စံၣ်ညီၣ်ဆူစီၤပၤ, ဒီးနတၢ်တီတၢ်လိၤဆူစီၤပၤအဖိခွါတက့ၢ်.

လံာ်ဃးကဲ 2:4

ဘၣ်ဆၣ်ခဲအံၤသးဟးဂီၤနီတဂၤတဂ့ၤ. မၤတၢ်တက့ၢ်. အဂ့ၢ်ဒ်အံၤ, ယအိၣ်ဒီးသုလီၤ.

လံာ်စကၤရယၤ 8:9

အိၣ်ဒီးတၢ်သူၣ်ဒူသးဒူတက့ၢ်. ခဲအံၤသုနၢ်ဟူဘၣ်တၢ်ကတိၤတမံၤဃီဒ်သိးဒီးတၢ်ကတိၤလၢဝံ တဖၣ်ကတိၤတ့ၢ်ဝဲဖဲတၢ်ပာ်လီၤတၢ်ခီၣ်ထံးလၢတၢ်ကဘှီထီၣ် ကဒါက့ၤယတၢ်လုၢ်ဟံၣ်အဆၢကတီၢ်န့ၣ်လီၤ.

လံာ်မးသဲ 3:15

ဘၣ်ဆၣ်ဒီးယ့ၣ်ၡူးစံးဆၢအီၤ, “မ့မ့ၢ်ဘျီအဝဲအံၤ မ်နသုတဂ့ၢ်လိာ်ယၤတဂ့ၤ. အဂ့ၢ်ဒ်အံၤ, ခီဖျိတၢ်အံၤန့ၣ်ပကမၤလၢပှဲၤထီၣ်ကစၢ်ယွၤအတၢ် အဲၣ်ဒိးခဲလၢာ်လီၤ.” ဒီးစီၤယိၤဟၣ်အၢၣ်လီၤထွဲအခံလီၤ.

မၤတၢ် 13:22

ဒီးကစၢ်ယွၤထုးထီၣ်ကွံာ်အီၤလၢစီၤပၤအလီၢ်ဝံၤအလီၢ်ခံ, ဒုးကဲထီၣ်စီၤဒၤဝံးလၢအဝဲသ့ၣ်အစီၤပၤလီၤ. လၢစီၤဒၤဝံးအဂ့ၢ်န့ၣ်, ကစၢ်ယွၤစံးတ့ၢ်ဝဲဒ်အံၤ, ‘ယထံၣ်ဘၣ်တ့ၢ်ယဲလၢစီၤယံးၡဲအဖိခွါစီၤဒၤဝံးမ့ၢ်ပှၤလၢ အဘၣ်သူၣ်ဘၣ်သးယၤတကလုာ်, ပှၤတဂၤလၢအကမၤတၢ်လၢအဘၣ်ယသးခဲလၢာ်န့ၣ်လီၤ.’

1 ကရံၣ်သူး 16:13

အိၣ်ပလီၢ်သူၣ်ပလီၢ်သး, ဆၢထၢၣ်ကျၢၤကျၢၤလၢတၢ်စူၢ်တၢ်နာ် အပူၤ, အိၣ်ဒီးတၢ်သးဒူ, အိၣ်ဒီးတၢ်ဂံၢ်တၢ်ဘါတက့ၢ်.

ကလၤတံ 6:2

ဝံလိာ်သုတၢ်ဝံတၢ်ယိးတဖၣ်တဂၤဒီးတဂၤ, ဒီးလၢကျဲဒ်အံၤ အပူၤန့ၣ်, သုကစူၢ်ခရံာ်အတၢ်သိၣ်တၢ်သီန့ၣ်လီၤ.

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

၂ တံၤမသ့း 2:1

မ့မ့ၢ်နဲဒၣ်ယဖိခွါဧၢ, အိၣ်ဒီးနဂံၢ်ဆူၣ်ဘါဆူၣ်ခီဖျိတၢ်ဘျုး တၢ်ဖှိၣ်လၢအအိၣ်ဒီးပှၤလၢပတၢ်အိၣ်မူလၢယ့ၣ်ၡူးခရံာ် အပူၤန့ၣ်တက့ၢ်.

ယၤကိာ် 2:8

သုမ့ၢ်စူၢ်ကစၢ်ယွၤအဘီမုၢ်အတၢ်သိၣ်တၢ်သီလၢ အဘၣ်တၢ်ထံၣ်န့ၢ်အီၤလၢတၢ်ကွဲးအသးအပူၤလၢအစံးဝဲ, “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိး” န့ၣ်ဒီး, သုကမၤဘၣ်တၢ်လၢအဘၣ်တမံၤန့ၣ်လီၤ.

လံာ်စီၤယိၤၡူ 1:18

ပှၤတဂၤလၢ်လၢ်လၢအထီဒါနတၢ်စိတၢ်ကမီၤ, ဒီးတစူၢ်ဘၣ်နတၢ်မၤလိာ်တမံၤလၢ်လၢ်န့ၣ်, ကဘၣ်တၢ်မၤသံအီၤလီၤ. ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်.”