လံာ်ကွဲးနီၣ်တၢ်အခီၣ်ထံးတဘ့ၣ် 22:1 - Sgaw Karen Common Bible

¹ လၢတၢ်န့ၣ်အဃိစီၤဒၤဝံးစံးဝဲ, “တၢ်အံၤမ့ၢ်တၢ်လီၢ်ဖဲယွၤ, ကစၢ်ယွၤအတၢ်လုၢ်ဟံၣ်ကအိၣ်ဝဲန့ၣ်လီၤ. အအံၤမ့ၢ်တၢ်လုၢ်လီၢ်ဖဲအံၣ်စရ့လးအပှၤဂီၢ်မုၢ်ကဆူး ကဲၤထီၣ်တၢ်လုၢ်မ့ၣ်အူတဖၣ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 22:1 Iomraidhean Croise

လံာ်တၢ်ကဲထီၣ်အခီၣ်ထံး 28:17

ဒီးစီၤယၤကိာ်ပျံၤတၢ်ဒီးစံးဝဲ, “တၢ်လီၢ်တပူၤအံၤမ့ၢ်တၢ် လီၤပျံၤအလီၢ်ဆံးဒိၣ်လဲၣ်. တၢ်လီၢ်အံၤကဘၣ်မ့ၢ်ဝဲကစၢ်ယွၤအဟံၣ်လီၤ. ကဘၣ်မ့ၢ်ကျဲစၢၤအိၣ် အိးထီၣ်အသးဆူမူခိၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:18

မုၢ်တနံၤဃီန့ၣ်, စီၤကးလဲၤဝဲဆူစီၤဒၤဝံးအအိၣ်ဒီးစံးဘၣ်အီၤ, “လဲၤထီၣ်ဆူစီၤအၤရနၤအကြဲၢ်, ဒီးမၤထီၣ်တၢ်လုၢ်လီၢ်တခါ လၢယွၤအဂီၢ်တက့ၢ်.”

လံာ်စီၤပၤခံဘ့ၣ်တဘ့ၣ် 18:22

ပှၤအၤၡူၢ်ဖိအသုးခိၣ်ဖးဒိၣ်စံးကဒီးဝဲဆူညါ, မ့တမ့ၢ်ဘၣ်ဒီးမ့ၢ်သုကတဲဘၣ်ယၤလၢ, သုသန့ၤသုသးလၢယွၤ, သုကစၢ်ယွၤန့ၣ်ဧါ. ဖဲစီၤဃံးစကံယၤတဲဘၣ်တ့ၢ်ကီၢ်ယူဒၤ ဒီးဝ့ၢ်ယရူၤရှလ့ၣ်အပှၤဂီၢ်မုၢ်လၢ, ကဘၣ်ဘူၣ်ထီၣ်ဘါထီၣ်ဒၣ်တၢ်ထဲလၢဖဲတၢ်လုၢ်လီၢ်လၢဝ့ၢ်ယရူၤ ၡလ့ၣ်အပူၤအခါန့ၣ်, အဝဲမၤဟးဂီၤကွံာ်ယွၤန့ၣ်အတၢ်ဘူၣ်ထီၣ်ဘါထီၣ်အလီၢ်တဖၣ်ဒီး အတၢ်လုၢ်လီၢ်တဖၣ်န့ၣ်တမ့ၢ်ဘၣ်ဧါ.

လံာ်ကွဲးနီၣ်တၢ်အခီၣ်ထံးတဘ့ၣ် 21:30

ဘၣ်ဆၣ်ဒီး, လၢတၢ်ဘူၣ်ထီၣ်ဘါထီၣ်ကစၢ်ယွၤအဂီၢ်, စီၤဒၤဝံးလဲၤဆူန့ၣ်တသ့ဘၣ်, မ့ၢ်လၢအပျံၤဘၣ်တ့ၢ်ယွၤအကလူး အနးအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:1

စီၤၡလိၤမိၤအပၢ်စီၤဒၤဝံးကတဲာ်ကတီၤပာ်တ့ၢ်လံတၢ်လီၢ်တတီၤ လၢယွၤအတၢ်လုၢ်ဟံၣ်အဂီၢ်န့ၣ်လီၤ. တၢ်လီၢ်န့ၣ်အိၣ်ဝဲလၢဝ့ၢ်ယရူၤၡလ့ၣ်အပူၤ, လၢကစၢၢ်မိၤရံယၤအဒီခိၣ်တၢ်လီၢ်ဖဲပှၤယဘူၣ်ဖိစီၤအၤရနၤသူ တ့ၢ်ဝဲဒ်ကြဲၢ်တၢ်အလီၢ်တပူၤန့ၣ်လီၤ. စီၤပၤၡလိၤမိၤစးထီၣ်တၢ်သူၣ်ထီၣ်ဘှီထီၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 32:12

အဝဲမ့ၢ်ပှၤတဂၤလၢအမၤဟးဂီၤကွံာ်ယွၤအတၢ်လီၢ်စီဆှံတဖၣ်ဒီး တၢ်လုၢ်လီၢ်တဖၣ်ဝံၤဒီးတဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤ ဂီၢ်မုၢ်လၢကဘူၣ်ထီၣ်ဘါထီၣ်တၢ်ဒီးဆိၣ်ကဲၤတၢ်နၢမူထဲလၢတၢ် လုၢ်လီၢ်တခါဧိၤန့ၣ်လီၤ.

စံးထီၣ်ပတြၢၤ 78:60

အဝဲလဲၤသဒၣ်ကွံာ် အတၢ်အိၣ်တၢ်ဆိးအလီၢ်လၢၡံလိၤ, ဒဲလၢအဝဲအိၣ်ဝဲလၢပှၤကညီအကျါန့ၣ်လီၤ.

လံာ်မးသဲ 25:16

တၢ်အခ့အပှၤလၢအဒိးန့ၢ်စ့ယဲၢ်တၤလၣ်တဂၤန့ၣ်, လဲၤဒီးကၤတၢ်တဘျီဃီဒီးအဝဲမၤန့ၢ်အါထီၣ်စ့ယဲၢ်တၤလၣ်န့ၣ် လီၤ.

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:14

သုကဘၣ်လုၢ်ထီၣ်ဒၣ်အီၤဖဲတၢ်လီၢ်တတီၤလၢယွၤကဃုထၢအီၤလၢသု ဒူၣ်တဖၣ်အလီၢ်ကဝီၤအကျါတတီၤန့ၣ်လီၤ. ထဲဒၣ်ဖဲတၢ်လီၢ်န့ၣ်ဧိၤသုကဘၣ်လုၢ်ထီၣ်သုတၢ်လုၢ်တၢ်ပာ်တဖၣ် လၢကဘၣ်တၢ်ဆိၣ်ကဲၤအီၤဒီးမၤတၢ်အဂၤတဖၣ်ခဲလၢာ်လၢယမၤလိာ် တ့ၢ်သုန့ၣ်လီၤ.