လံာ်ကွဲးနီၣ်တၢ်အခီၣ်ထံးတဘ့ၣ် 21:8 - Sgaw Karen Common Bible

⁸ စီၤဒၤဝံးစံးဘၣ်ကစၢ်ယွၤ, “ယမၤဘၣ်တ့ၢ်တၢ်ဒဲးဘးလီၤပျံၤ လီၤဖုးတမံၤခီဖျိတၢ်မၤအံၤန့ၣ်လီၤ. ဝံသးစူၤပျၢ်ယတၢ်ကမၣ်တက့ၢ်. ယမၤဘၣ်တၢ်ဒ်ပှၤဟးဂီၤဖိတဂၤအသိးန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 21:8 Iomraidhean Croise

လံာ်တၢ်ကဲထီၣ်အခီၣ်ထံး 34:7

ဖဲစီၤယၤကိာ်အဖိခွါတဖၣ်ဟဲက့ၤတုၤဝဲလၢပျီပူၤန့ၣ်လီၤ. တုၤအဝဲသ့ၣ်နၢ်ဟူတၢ်ဂ့ၢ်န့ၣ်ဒီးအဝဲသ့ၣ်အသးဘၣ်ဒိဘၣ်ထံး ဒီးအတၢ်သးဒိၣ်ကဲၤထီၣ်ဝဲလၢစီၤၡက့ၣ်မၤတ့ၢ်လံတၢ်တမံၤလၢ အမၤဘၣ်ဒုၣ်ဒွဲၣ်တ့ၢ်အံၣ်စရ့လးအပှၤဂီၢ်မုၢ်ခီဖျိမၤဆူၣ်မၤ စိးစီၤယၤကိာ်အဖိမုၣ်အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:13

စီၤဒၤဝံးစံးဝဲဒၣ်, “ယမၤဘၣ်တ့ၢ်တၢ်ဒဲးဘးထီဒါယွၤလံ.” စီၤနၤသၣ်စံးဆၢဝဲ, “ယွၤပျၢ်နၤလၢနတၢ်ဒဲးဘးလီၤ. နတသံဘၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 13:13

ယကမိာ်ထီၣ်ယခိၣ်လၢပှၤကမျၢၢ်အမဲာ်ညါကသ့ကဒီးဒ်လဲၣ်. ဒီးနဲဒၣ်, နကဘၣ်တၢ်မဲာ်ဆှးလၢာ်လၢာ်ဆ့ဆ့ လၢကီၢ်အံၣ်စရ့လးအပူၤန့ၣ်လီၤ. ဝံသးစူၤကတိၤတၢ်ဒီးစီၤပၤတက့ၢ်. ယနာ်သပှၢ်တၢၢ်လၢအဝဲကဟ့ၣ်လီၤယၤဆူနအိၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:10

ဘၣ်ဆၣ်ဒီးဖဲစီၤဒၤဝံး မၤတၢ်ဂံၢ်ဒီးတၢ်ကွဲးနီၣ်ကွဲးဃါအံၤဝံၤအလီၢ်ခံန့ၣ်, အဝဲအသးလၢအသ့ၣ်ညါဒၣ်တၢ်, စးထီၣ်ဘၣ်ဒိဘၣ်ထံးဝဲ, ဒီးအဝဲစံးဘၣ်ယွၤ, “ယမၤတ့ၢ်တၢ်ဒဲးဘးလီၤပျံၤလီၤဖုးတမံၤလၢယမၤတၢ်အံၤအဃိန့ၣ်လီၤ. ဝံသးစူၤပျၢ်ယတၢ်ကမၣ်တက့ၢ်. ယမၤယသးဒ်ပှၤအမၢးတဂၤအသိးန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 21:7

တၢ်လၢအမၤတ့ၢ်အသးအံၤကစၢ်ယွၤတဘၣ်အသးဘၣ်အဃိ စံၣ်ညီၣ်တ့ၢ်အံၣ်စရ့လးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:9

အဝဲသံကွၢ်ဝဲ, “ယကဘၣ်မၤတၢ်မနုၤလဲၣ်န့ၣ်, သုကဟ့ၣ်ကူၣ်ယၤဒ်လဲၣ်. ပှၤဂီၢ်မုၢ်လၢအသံကွၢ်ယၤလၢယက ဘၣ်မၤဖှံထီၣ်န့ၢ်အတၢ်ဝံတၢ်ယိးတဖၣ်န့ၣ်, ယကဘၣ်စံးဆၢအီၤတၢ်မနုၤလဲၣ်.”

စံးထီၣ်ပတြၢၤ 25:11

ဟံးဃာ်နတၢ်အၢၣ်လီၤ, ယွၤဧၢ, ဒီးပျၢ်လၢ်ဘၣ်ယတၢ်ဒဲးဘးတဖၣ်န့ၣ်တက့ၢ်. ယအိၣ်ဒီးတၢ်ဒဲးဘးအါမးလီၤ.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

လံာ်ယံးရမံယၤ 3:13

ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ဟိၤၡ့ 14:2

ဟဲက့ၤဆူယွၤအအိၣ်ဒီးဒုးကဲထီၣ်တၢ်ထုကဖၣ်အံၤလၢတၢ်လုၢ်တၢ် ပာ်ဆူအအိၣ်တက့ၢ်. ပျၢ်လၢ်ဘၣ်ပတၢ်ဒဲးဘးတဖၣ်ခဲလၢာ်ဒီးတူၢ်လိာ်ပတၢ်ထုကဖၣ်, ဒီးပကစံးထီၣ်ပတြၢၤနၤဒ်ပအၢၣ်လီၤတ့ၢ်အသိးန့ၣ်လီၤ.

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:13

စီၤၡမူၤအ့လးစံးဆၢဝဲဒၣ်, “တၢ်န့ၣ်မ့ၢ်တၢ်မၢးအတၢ်မၤ တမံၤလၢတၢ်ကမၤအီၤအဂီၢ်လီၤ. နတစူၢ်တ့ၢ်ယွၤအတၢ်မၤလိာ်လၢနကစၢ်ယွၤဟ့ၣ်လီၤတ့ၢ်နၤန့ၣ်ဘၣ်. နမ့ၢ်စူၢ်ဒီးအဝဲကပျဲနၤဒီးနစၢၤနသွဲၣ်တဖၣ်ပၢဘၣ် ကီၢ်အံၣ်စရ့လး လီၤထူလီၤယိာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:21

စီၤစီလူးစံးဆၢဝဲဒၣ်, “ယမၤကမၣ်တ့ၢ်တၢ်လံ. ဟဲက့ၤကဒါက့ၤစီၤဒၤဝံး, ယဖိခွါဧၢ, ယတမၤဆါကဒီးနၤနီတစုလၢၤဘၣ်. အဂ့ၢ်ဒ်အံၤ, နပျဲပူၤဖျဲးယသးသမူလၢတနၤအံၤအဃိလီၤ. ယမ့ၢ်တ့ၢ်ပှၤအမၢးတဂၤလီၤ. ယမၤတ့ၢ်တၢ်အၢတၢ်သီဖးဒိၣ်လီၤ.”