လံာ်ကွဲးနီၣ်တၢ်အခီၣ်ထံးတဘ့ၣ် 21:30 - Sgaw Karen Common Bible

³⁰ ဘၣ်ဆၣ်ဒီး, လၢတၢ်ဘူၣ်ထီၣ်ဘါထီၣ်ကစၢ်ယွၤအဂီၢ်, စီၤဒၤဝံးလဲၤဆူန့ၣ်တသ့ဘၣ်, မ့ၢ်လၢအပျံၤဘၣ်တ့ၢ်ယွၤအကလူး အနးအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:30 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:9

တုၤနုၤတစုစီၤဒၤဝံးပျံၤဘၣ်ယွၤဒီးစံးဝဲဒၣ်, “ယက့ၤစိာ်ယွၤအတၢ်အၢၣ်လီၤအီလီၤအတလါစီဆှံဃုာ်ဒီးယၤခဲအံၤကသ့ဒ်လဲၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 13:12

အန့ၣ်တစု, စီၤဒၤဝံးပျံၤဘၣ်ကစၢ်ယွၤဒီးစံးဝဲ, “ခဲကနံၣ်အံၤယက့ၤစိာ်တၢ်အၢၣ်လီၤအီလီၤအတလါဒီးယၤကသ့ဒ် လဲၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 21:16

စီၤဒၤဝံးထံၣ်တ့ၢ်ကလူးန့ၣ်ဂဲၤဆၢထၢၣ်လၢမူခိၣ်ဒီးဟီၣ်ခိၣ် အဘၢၣ်စၢၤ, စိာ်ဒီးနးလၢအစုပူၤ, အိၣ်ကတဲာ်ကတီၤအသးလၢကမၤဟးဂီၤဝ့ၢ်ယရူၤၡလ့ၣ်န့ၣ်လီၤ. တုၤနုၤတစုစီၤဒၤဝံးဒီးပှၤဂီၢ်မုၢ်အခိၣ်အနၢ်တဖၣ်, အဝဲသ့ၣ်ကိးဂၤဒဲးကူသိးဝဲထၢၣ်တၢ်ကံးယာ်ဒီး, သကုးလီၤအသးအိၣ်ဒီးအမဲာ်သၣ်တဖၣ်လၢအကျးလီၤအသးလၢဟီၣ်ခိၣ် လိၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:29

ဖဲဆၢကတီၢ်အံၤန့ၣ်, ဒဲစီဆှံလၢကစၢ်ယွၤအိၣ်ဝဲဆိးဝဲလၢအ ပူၤ, လၢစီၤမိၤၡ့ဘှီထီၣ်တ့ၢ်ဝဲလၢပှၢ်မုၢ်ကနၢအပူၤ, ဒီးတၢ်လုၢ်လီၢ်လၢတၢ်လုၢ်တၢ်ပာ်တဖၣ်ဘၣ်တၢ်ဆိၣ်ကဲၤထီၣ်အီၤလၢ အဖီခိၣ်န့ၣ်အိၣ်ဒံးဒၣ်လၢတၢ်ဘူၣ်ထီၣ်ဘါထီၣ်အလီၢ်လၢဝ့ၢ်ကံး ဘိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:1

လၢတၢ်န့ၣ်အဃိစီၤဒၤဝံးစံးဝဲ, “တၢ်အံၤမ့ၢ်တၢ်လီၢ်ဖဲယွၤ, ကစၢ်ယွၤအတၢ်လုၢ်ဟံၣ်ကအိၣ်ဝဲန့ၣ်လီၤ. အအံၤမ့ၢ်တၢ်လုၢ်လီၢ်ဖဲအံၣ်စရ့လးအပှၤဂီၢ်မုၢ်ကဆူး ကဲၤထီၣ်တၢ်လုၢ်မ့ၣ်အူတဖၣ်န့ၣ်လီၤ.”

လံာ်စီၤယိၤဘး 13:21

ဆိကတီၢ်နတၢ်သိၣ်ဃီၣ်ယၤ, ဒီးမၤလီၤကလဲယၤလၢနတၢ် မၤပျံၤမၤဖုးတဂ့ၤ.

လံာ်စီၤယိၤဘး 21:6

တုၤယဆိကမိၣ်ထီၣ်ယဲတၢ်မၤတ့ၢ်လံအသးဒီးယၤန့ၣ်ယသး လီၤကတုၤ, ဒီးယကနိးကစုာ်ဒီးဟူးဝးယဲဒၣ်န့ၣ်လီၤ.

လံာ်စီၤယိၤဘး 23:15

မၤသးဒ်န့ၣ်ဒီး, ယပျံၤတၢ်ဖုးတၢ်လၢအမဲာ်ညါ, ဒီးတုၤယဆိကမိၣ်တၢ်ဒီးယကနိးကစုာ်ယဲလီၤ.

စံးထီၣ်ပတြၢၤ 119:120

ယညၣ်ကနိးလၢတၢ်ပျံၤနၤအဃိ, ဒီးယပျံၤနတၢ်စံၣ်ညီၣ်တဖၣ်လီၤ.

စံးထီၣ်ပတြၢၤ 90:11

မ့ၢ်မတၤဆိကမိၣ်ထီၣ်နတၢ်သးထီၣ်အစိအကမီၤ ဒီးသ့ၣ်ညါတၢ်ပျံၤလၢနတၢ်သးကဲၤထီၣ် ဟဲစိာ်ဝဲသ့န့ၣ်တဂၤလဲၣ်.

လံာ်ယံးရမံယၤ 10:7

ပှၤကလုာ်ခဲလၢာ်အစီၤပၤဧၢ, ပှၤလၢကယူးယီၣ်မၤလၤကပီၤ နၤန့ၣ်မ့ၢ်မတၤလဲၣ်. နကြၢးဒီးတၢ်မၤလၤကပီၤန့ၣ်လီၤ. လၢပှၤကူၣ်သ့ခဲလၢာ်လၢပှၤကလုာ်တဖၣ်အကျါမ့ၢ်ဂ့ၤ, လၢ အဝဲသ့ၣ်အစီၤပၤတဖၣ်အကျါမ့ၢ်ဂ့ၤ, ပှၤဒ်သိးနၤတအိၣ်ဘၣ် နီတဂၤဘၣ်.

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်သိၣ်လီၤသီလီၤတၢ် 10:12

ခဲကနံၣ်အံၤ, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယွၤ, သုကစၢ်ယွၤဃ့ဝဲလၢသုအိၣ်န့ၣ်တက့ၢ်. အိၣ်ဒီးတၢ်ယူးယီၣ်ယွၤ, ဒီးမၤကယဲၢ်တၢ်လၢအဝဲမၤလိာ်ဝဲတဖၣ် န့ၣ်တက့ၢ်. အဲၣ်အီၤ, မၤအတၢ်မၤလၢသုသးဒီဖျၢၣ်ညါ,

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”