လံာ်ကွဲးနီၣ်တၢ်အခီၣ်ထံးတဘ့ၣ် 21:3 - Sgaw Karen Common Bible

³ စီၤယိၤအာ်စံးဆၢအီၤ, “မ်ယွၤမၤအါထီၣ်အံၣ်စရ့လးအပှၤ ဂီၢ်မုၢ်အနီၣ်ဂံၢ်အစးတကယၤအါန့ၢ်ဒံးခဲအံၤအါအါဂီၢ်ဂီၢ် န့ၣ်တက့ၢ်. ကစၢ်စီၤပၤဧၢ, အဝဲသ့ၣ်ခဲလၢာ်မ့ၢ်ဒၣ်နခ့နပှၤတဖၣ်လီၤ. ဘၣ်မနုၤလၢနသးအိၣ်မၤတၢ်အံၤဒီးဒုးကဲထီၣ်ပှၤဒီတကလုာ်လၢ ပှၤမၤကမၣ်တၢ်န့ၣ်လဲၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 21:3 Iomraidhean Croise

လံာ်တၢ်ကဲထီၣ်အခီၣ်ထံး 20:9

အန့ၣ်ဝံၤဒီး, စီၤအလံၤမ့လ့းကိးန့ၢ်စီၤအၤဘြၤဟၣ်ဒီးသံ ကွၢ်အီၤ, “နမၤဘၣ်တ့ၢ်ပှၤတၢ်မနုၤတမံၤလဲၣ်. မ့ၢ်ယမၤကမၣ်ဘၣ်တ့ၢ်နၤတၢ်မနုၤတမံၤလၢနကဟဲစိာ်န့ၢ်တၢ်တတၢး တနါလၢယၤဒီးယဘီယမုၢ်အဖီခိၣ်န့ၣ်လဲၣ်. တၢ်လၢနမၤတ့ၢ်ယၤန့ၣ်ပှၤတဂၤတကြၢးမၤဝဲနီတဘျီနီ တဂၤဘၣ်.

လံာ်စီၤပၤအခီၣ်ထံးတဘ့ၣ် 14:16

ယွၤပာ်လီၤတဲာ်ကွံာ်ကီၢ်အံၣ်စရ့လး, မ့ၢ်လၢစီၤယၤရၤဘၣ်မၤ တ့ၢ်တၢ်ဒဲးဘးဒီးဆှၢဃီၤကီၢ်အံၣ်စရ့လးအပှၤဂီၢ်မုၢ်ဆူတၢ် ဒဲးဘးအပူၤအဃိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 12:7

လၢတၢ်န့ၣ်အဃိ, အဝဲကိးဃီၤစီၤယဟိယဒါဒီးပှၤလုၢ်တၢ်အခိၣ် အဂၤတဖၣ်ဒီးသံကွၢ်အဝဲသ့ၣ်, “ဘၣ်မနုၤအဃိလၢသုတမၤဂ့ၤထီၣ်က့ၤယွၤအတၢ်လုၢ်ဟံၣ်န့ၣ် လဲၣ်. စးထီၣ်ခဲကနံၣ်အံၤဒီးဆူညါသုတဘၣ်ပၢၤဃာ်လၢၤစ့ လၢသုဒိးန့ၢ်အီၤန့ၣ်လၢၤဘၣ်. သုကဘၣ်ဟ့ၣ်လီၤဒ်သိးတၢ်ဘှီက့ၤဘၣ်တၢ်မၤအီၤကသ့ အဂီၢ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 19:13

ပာ်ဆူၣ်နသးဒီးအိၣ်ဒီးတၢ်သူၣ်ဒူသးဒူတက့ၢ်. မ်ပကဒုးသကိးတၢ်ဆူၣ်ဆူၣ်လၢပပှၤဂီၢ်မုၢ်အဂီၢ်ဒီးလၢပကစၢ်ယွၤ အဝ့ၢ်တဖၣ်အဂီၢ်န့ၣ်တက့ၢ်. ဒီးမ်တၢ်ကမၤအသးဒ်ယွၤအတၢ်ဘၣ်အသးတက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 21:4

ဘၣ်ဆၣ်စီၤပၤဒုးစူၢ်စီၤယိၤအာ်လၢတၢ်ဟ့ၣ်လီၤတၢ်ကလုၢ်န့ၣ် လီၤ. စီၤယိၤအာ်ဟးထီၣ်, လဲၤတၢ်သကုၤကီၢ်အံၣ်စရ့လးဒီဘ့ၣ်ညါ, ဝံၤဒီးဟဲက့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

စံးထီၣ်ပတြၢၤ 115:14

မ်ယွၤဟ့ၣ်သုလၢဖိတဖၣ် သုဝဲဒီးသုစၢၤသုသွဲၣ်တဖၣ်တက့ၢ်.

လံာ်တၢ်ဟးထီၣ်ကွံာ် 32:21

အဝဲစံးဘၣ်စီၤအၤဟရိၣ်, “ဒ်သိးနကမၤတုၤပှၤဂီၢ်မုၢ်မၤတၢ် ဒဲးဘးလီၤပျံၤလီၤဖုးတမံၤအံၤအဂီၢ်န့ၣ်အဝဲသ့ၣ်မၤနၤမနုၤ တမံၤလဲၣ်.”

တၢ်ကတိၤဒိ. 14:28

စီၤပၤတဂၤအတၢ်ဒိၣ်တၢ်မုၢ်န့ၣ်သန့ၤထီၣ်အသးလၢအပၢဘၣ်ပှၤပှံၤဂၤ လဲၣ်န့ၣ်လီၤ. ပှၤဂီၢ်မုၢ်တအိၣ်ဘၣ်ဒီးအဝဲတမ့ၢ်တၢ်နီတမံၤဘၣ် န့ၣ်လီၤ.

လံာ်ယၡါယၤ 26:15

ယွၤဧၢ, နမၤဒိၣ်ထီၣ်ထီထီၣ်ပပှၤကလုာ်, ဒီးမၤလဲၢ်ထီၣ်ထံကီၢ်ကိးကပၤဒဲး, ဒီးအဝဲအံၤဟဲစိာ်န့ၢ်နၤတၢ်လၤကပီၤလီၤ.

လံာ်ယၡါယၤ 48:19

သုစၢၤသုသွဲၣ်တဖၣ်ကအါဝဲဂီၢ်ဝဲဒ် မဲးအဖျၢၣ်တဖၣ်အသိး, ဒီးယကမၤလီၤတံၢ်တၢ်ဒ်သိးအဝဲသ့ၣ်အသုတဘၣ်တၢ်မၤဟးဂီၤအီၤ နီတစုတဂ့ၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 1:11

မ်ယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤမၤအါထီၣ်သု အစးတဖၣ်လၢအကထိတဖၣ်ဒီးဒုးဘီၣ်ထီၣ်ညီထီၣ်သုဒ်အအၢၣ်လီၤတ့ၢ် ဝဲအသိးန့ၣ်တက့ၢ်.

လံာ်စီၤယိၤၡူ 22:15

အဝဲသ့ၣ်ဟဲတုၤဝဲလၢကီၢ်ကံးလဧးလၢပှၤရူၤဘ့ၣ်ဖိ, ပှၤကးဖိ, ဒီးပှၤမုၢ်ထီၣ်မနၤၡ့ၤဖိအအိၣ်

လံာ်စီၤၡမူၤအ့လးအခီၣ်ထံးတဘ့ၣ် 2:24

ဆိကတီၢ်ကွံာ်အီၤယဖိခွါသ့ၣ်ဧၢ. အဝဲအံၤမ့ၢ်တၢ်လီၤပျံၤ လီၤဖုးဒိၣ်မးလၢယွၤအပှၤဂီၢ်မုၢ်ကတိၤဝဲအဂ့ၢ်န့ၣ်လီၤ.