လံာ်ကွဲးနီၣ်တၢ်အခီၣ်ထံးတဘ့ၣ် 21:29 - Sgaw Karen Common Bible

²⁹ ဖဲဆၢကတီၢ်အံၤန့ၣ်, ဒဲစီဆှံလၢကစၢ်ယွၤအိၣ်ဝဲဆိးဝဲလၢအ ပူၤ, လၢစီၤမိၤၡ့ဘှီထီၣ်တ့ၢ်ဝဲလၢပှၢ်မုၢ်ကနၢအပူၤ, ဒီးတၢ်လုၢ်လီၢ်လၢတၢ်လုၢ်တၢ်ပာ်တဖၣ်ဘၣ်တၢ်ဆိၣ်ကဲၤထီၣ်အီၤလၢ အဖီခိၣ်န့ၣ်အိၣ်ဒံးဒၣ်လၢတၢ်ဘူၣ်ထီၣ်ဘါထီၣ်အလီၢ်လၢဝ့ၢ်ကံး ဘိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:29 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:39

ပှၤလုၢ်တၢ်အခိၣ်စီၤစၤဒိးဒီးပှၤလုၢ်တၢ်အခိၣ်သကိးသကိးဒီး အီၤတဖၣ်မ့ၢ်ပှၤအခိၣ်လၢတၢ်ဘူၣ်ထီၣ်ဘါထီၣ်ယွၤဖဲဝ့ၢ်ကံးဘိၣ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:28

ခီဖျိတၢ်အံၤန့ၣ်စီၤဒၤဝံးထံၣ်တ့ၢ်ဝဲလၢယွၤစံးဆၢတ့ၢ် အတၢ်ထုကဖၣ်အဃိ, အဝဲလုၢ်တၢ်လုၢ်တၢ်ပာ်တဖၣ်လၢတၢ်လုၢ်လီၢ်အဖီခိၣ်ဖဲစီၤအၤရနၤ အကြဲၢ်ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:30

ဘၣ်ဆၣ်ဒီး, လၢတၢ်ဘူၣ်ထီၣ်ဘါထီၣ်ကစၢ်ယွၤအဂီၢ်, စီၤဒၤဝံးလဲၤဆူန့ၣ်တသ့ဘၣ်, မ့ၢ်လၢအပျံၤဘၣ်တ့ၢ်ယွၤအကလူး အနးအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:13

လၢတၢ်န့ၣ်အဃိ, စီၤၡလိၤမိၤဟးထီၣ်ကွံာ်ဖဲတၢ်ဘူၣ်ထီၣ်ဘါ ထီၣ်ယွၤအလီၢ်လၢဝ့ၢ်ကံးဘိၣ်, ဖဲယွၤအဒဲစီဆှံလၢယွၤအိၣ်ဝဲ ဆိးဝဲန့ၣ်, ဒီးဟဲက့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ. ဖဲန့ၣ်အဝဲပၢတၢ်လၢအံၣ်စရ့လးအဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:3

မၤလိာ်ဝဲလၢအဝဲသ့ၣ်ကလဲၤသကိးတၢ်ဒီးအီၤဆူတၢ်ဘူၣ်ထီၣ်ဘါ ထီၣ်ယွၤအလီၢ်လၢအအိၣ်လၢဝ့ၢ်ကံးဘိၣ်န့ၣ်လီၤ. အဝဲသ့ၣ်လဲၤတၢ်ဖဲန့ၣ်မ့ၢ်လၢတၢ်လီၢ်န့ၣ်မ့ၢ်တၢ်လီၢ်ဖဲယွၤအဒဲ စီဆှံလၢယွၤအိၣ်ဝဲ, အိၣ်သူၣ်လီၤတ့ၢ်အသးအဃိလီၤ. ဒဲန့ၣ်မ့ၢ်ဒဲတဖျၢၣ်လၢယွၤအခ့အပှၤစီၤမိၤၡ့သူၣ်ထီၣ်တ့ၢ် အီၤလၢပှၢ်မုၢ်ကနၢအပူၤန့ၣ်လီၤ.