လံာ်ကွဲးနီၣ်တၢ်အခီၣ်ထံးတဘ့ၣ် 21:26 - Sgaw Karen Common Bible

²⁶ အဝဲသူၣ်ထီၣ်တၢ်လုၢ်လီၢ်တခါလၢယွၤအဂီၢ်ဖဲန့ၣ်, ဒီးဆူးကဲၤတၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤဖိးတဖၣ် န့ၣ်လီၤ. အဝဲဘါထုကဖၣ်တၢ်ဒီးယွၤစံးဆၢအီၤခီဖျိတၢ်ဆှၢလီၤမ့ၣ်အူ လၢမူခိၣ်ဒ်သိးကအီၣ်ကွံာ်တၢ်လုၢ်တဖၣ်လၢအအိၣ်လၢတၢ်လုၢ်လီၢ် အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:26 Iomraidhean Croise

လံာ်စီၤပၤအခီၣ်ထံးတဘ့ၣ် 18:24

ဝံၤဒီး, မ်ဘဧၤလးအဝံတဖၣ်ဘါထုကဖၣ်တၢ်ဆူအဝဲသ့ၣ်အကစၢ်အ အိၣ်, ဒီးယကဘါထုကဖၣ်တၢ်ဆူယွၤအအိၣ်လီၤ. ဒီးကစၢ်တဂၤလၢအစံးဆၢတၢ်ခီဖျိဆှၢလီၤမ့ၣ်အူန့ၣ်, အဝဲမ့ၢ်ကစၢ်ယွၤလီၤ.” ပှၤဂီၢ်မုၢ်ကိးသတြီထီၣ်အတၢ်ဘၣ်သူၣ်ဘၣ်သးန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:38

ယွၤဆှၢလီၤမ့ၣ်အူဒီးမ့ၣ်အူန့ၣ်အီၣ်ကွံာ်ဝဲတၢ်လုၢ်တၢ်ပာ်, သ့ၣ်မုၣ်, လၢၢ်တဖၣ်ဒီးဟီၣ်ခိၣ်ကမူၣ်ဒီးအီၣ်ဃ့ထီၣ်ကွံာ်စ့ၢ် ကီးထံလၢတၢ်ကျိၤအပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:27

ယွၤတဲဘၣ်ကလူးန့ၣ်လၢကထုးက့ၤအနးဒီးဒၢနုာ်က့ၤဆူ အတြိးပူၤဒီးကလူးန့ၣ်စူၢ်အီၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:1

စီၤၡလိၤမိၤအပၢ်စီၤဒၤဝံးကတဲာ်ကတီၤပာ်တ့ၢ်လံတၢ်လီၢ်တတီၤ လၢယွၤအတၢ်လုၢ်ဟံၣ်အဂီၢ်န့ၣ်လီၤ. တၢ်လီၢ်န့ၣ်အိၣ်ဝဲလၢဝ့ၢ်ယရူၤၡလ့ၣ်အပူၤ, လၢကစၢၢ်မိၤရံယၤအဒီခိၣ်တၢ်လီၢ်ဖဲပှၤယဘူၣ်ဖိစီၤအၤရနၤသူ တ့ၢ်ဝဲဒ်ကြဲၢ်တၢ်အလီၢ်တပူၤန့ၣ်လီၤ. စီၤပၤၡလိၤမိၤစးထီၣ်တၢ်သူၣ်ထီၣ်ဘှီထီၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 7:1

ဖဲစီၤပၤၡလိၤမိၤမၤကတၢၢ်အတၢ်ဘါထုကဖၣ်ဝံၤန့ၣ်, မ့ၣ်အူဟဲလီၤလၢမူခိၣ်, ဒီးအီၣ်ကွံာ်တၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်တ့ၢ်အီၤ, ဒီးယွၤအတၢ်အိၣ်ဝဲအတၢ်ကပီၤကပြုၢ်ကပြီၤမၤပှဲၤယွၤအတၢ်လုၢ် ဟံၣ်န့ၣ်လီၤ.

စံးထီၣ်ပတြၢၤ 51:15

ယွၤဧၢ, မၤစၢၤယၤလၢယကစံးကတိၤတၢ် ဒီးယကစံးထီၣ်ပတြၢၤနၤလီၤ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

စံးထီၣ်ပတြၢၤ 99:9

စံးထီၣ်ပတြၢၤယွၤ, ပကစၢ်ယွၤ, ဒီးဘူၣ်တၢ်ဘါတၢ်လၢအကစၢၢ်စီဆှံန့ၣ်တက့ၢ်. အဂ့ၢ်ဒ်အံၤယွၤပကစၢ်ယွၤန့ၣ်စီဝဲဆှံဝဲလီၤ.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်ယံးရမံယၤ 33:3

ကိးထီၣ်ယၤတက့ၢ် “ဒီးယကစံးဆၢနၤလီၤ. ယကဒုးနဲၣ်နၤလၢ တၢ်အဒိၣ်အထီဒီး တၢ်လီၤ လးတဖၣ်လၢ နတသ့ၣ်ညါ လၢအဂ့ၢ်နီတမံၤ ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:24

ဒီးယွၤဆှၢလီၤမ့ၣ်အူသတူၢ်ကလာ်ဒီးအီၣ်ကွံာ်တၢ်လုၢ်မ့ၣ်အူ ဒီးအသိတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. ဒီးဖဲပှၤဂီၢ်မုၢ် ထံၣ်ဘၣ်တၢ်န့ၣ်, အဝဲသ့ၣ်ခဲလၢာ်ကိးသတြီထီၣ်ဒီးထိၣ်လီၤပှီၤအသးလီၤ.

လံာ်တၢ်ဂံၢ် 16:50

ဖဲတၢ်ဆါသံသတြိာ်အိၣ်ကတီၢ်ဝဲန့ၣ်စီၤအၤဟရိၣ်ဟဲက့ၤဝဲဆူ စီၤမိၤၡ့အအိၣ်ဖဲဒဲစီဆှံအကျဲစၢၤန့ၣ်လီၤ.

လံာ်ပှၤစံၣ်ညီၣ်ကွီၢ် 13:20

ဖဲမ့ၣ်အူလၣ်တဖၣ်ဟဲထီၣ်ဝဲလၢတၢ်လုၢ်လီၢ်အဖီခိၣ်န့ၣ်စီၤမၤ နိဒီးအမါထံၣ်ယွၤအကလူးက့ၤထီၣ်ဆူမူခိၣ်လၢမ့ၣ်အူကျါန့ၣ် လီၤ.

လံာ်ပှၤစံၣ်ညီၣ်ကွီၢ် 6:21

တုၤနုၤတစုယွၤအကလူးယူာ်ဃီၤအစုဒီးထိးဘၣ်တၢ်ညၣ်ဒီးကိၣ် န့ၣ်လၢနီၣ်ထိးဘိလၢအစိာ်ဃာ်ဝဲလၢအစုန့ၣ်လီၤ. ဒီးမ့ၣ်အူ ဟဲထီၣ်လၢလၢၢ်ပူၤဒီးအီၣ်ကွံာ်တၢ်ညၣ် ဒီးကိၣ်န့ၣ်လီၤ. အန့ၣ်ဝံၤဒီးကလူးန့ၣ်ဟါမၢ်ကွံာ်ဝဲဒၣ်လီၤ.