လံာ်ကွဲးနီၣ်တၢ်အခီၣ်ထံးတဘ့ၣ် 21:22 - Sgaw Karen Common Bible

²² စီၤဒၤဝံးစံးဘၣ်အီၤ, “ဆါန့ၢ်ယၤနကြဲၢ်တၢ်အလီၢ်ဒ်သိး ယကသူၣ်ထီၣ်တၢ်လုၢ်လီၢ်တခါလၢယွၤအဂီၢ်ကသ့ဝဲဒ်သိးကဆိကတီၢ်တၢ် သံသတြိာ်အဂီၢ်န့ၣ်တက့ၢ်. ယကဟ့ၣ်နၤလၢအပှ့ၤအလၢအပှဲၤန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 21:22 Iomraidhean Croise

လံာ်တၢ်ကဲထီၣ်အခီၣ်ထံး 23:9

လၢကဆါန့ၢ်ယၤမးကပ့လးအလၢၢ်ကအိလၢအအိၣ်ဘူးဒီးအပျီအကနူၤ ထံးတက့ၢ်. သံကွၢ်န့ၢ်ယၤလၢစ့ဒ်အပှ့ၤကြၢးအသိးလၢသုမဲာ်ညါဒ်သိးယကဒိး န့ၢ်ဘၣ်အီၤဒ်တၢ်ခူၣ်လီၤဘျၢလီၤအလီၢ်တတီၤအသိးန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 50:10

ဖဲအဝဲသ့ၣ်လဲၤတုၤဆူအၤတၤအကြဲၢ်လၢအအိၣ်လၢထံကျိ ယၢ်ဒ့ၣ်အမုၢ်ထီၣ်န့ၣ်, အဝဲသ့ၣ်ဟီၣ်ဝဲယၢၤဝဲဒိၣ်ဒိၣ်မုၢ်မုၢ်, ယံာ်ယံာ်ထၢထၢ, ဒီးစီၤယိၤသးမၤတၢ်ဟီၣ်တၢ်ယၢၤအမူးတဖၣ်နွံ သီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:21

ဒီးသံကွၢ်အီၤ, “နဲဒၣ်တၢ်ဒိၣ်ကစၢ်စီၤပၤဧၢ, ဘၣ်မနုၤနဟဲ ဖဲအံၤလဲၣ်.” စီၤဒၤဝံးစံးဆၢအီၤ, “မ့ၢ်ဒ်သိးယကပှ့ၤနကြဲၢ်ဒီးမၤထီၣ်တၢ်လုၢ်လီၢ်တခါလၢယွၤအဂီၢ်, ဒ်သိးတၢ်သံသတြိာ်ကဘၣ်တၢ်ဆိကတီၢ်ကွံာ်အီၤအဂီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:2

ဘၣ်မုၢ်တနံၤစီၤအၤဃာ်စံးဘၣ်စီၤနၤဘိး, “ပျဲယဟံးန့ၢ် နစပံးလီၢ်န့ၣ်တက့ၢ်. အဂ့ၢ်ဒ်အံၤ, အိၣ်ဘူးဒီးယနီ, ဒီးယအဲၣ်ဒိးသူတၢ်လီၢ်န့ၣ်လၢတၢ်ဒိးတၢ်လၣ်အကရၢၢ်တခါန့ၣ် လီၤ. လၢတၢ်န့ၣ်အဂီၢ်, ယကဟ့ၣ်နၤစပံးလီၢ်အဂ့ၤဒိၣ်တက့ၢ်မ့တမ့ၢ်, နမ့ၢ်ဘၣ်နသးဒီးယကဟ့ၣ်နၤတၢ်အပှ့ၤတမံၤလၢအကြၢးဝဲ ဘၣ်ဝဲန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 21:21

တုၤစီၤအၤရနၤထံၣ်ဘၣ်စီၤပၤဒၤဝံးဟဲသုးဘူးအသးန့ၣ်ဒီး အဝဲဟးထီၣ်လၢကြဲၢ်ဘုအလီၢ်ဒီးသကုးလီၤအသးအိၣ်ဒီးအမဲာ်သၣ် လၢအကျးလီၤအသးလၢဟီၣ်ခိၣ်လိၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:23

စီၤအၤရနၤစံးဝဲ, “တၢ်ဒိၣ်ကစၢ်စီၤပၤဧၢ, ဟံးန့ၢ်အီၤဒီးမၤတၢ်လၢအဘၣ်နသးတမံၤလၢ်လၢ်န့ၣ်တက့ၢ်. ဖဲအံၤဂီၤဘုၣ်ဂီၤဖံးတဖၣ်အံၤအိၣ်ဝဲလၢတၢ်ကဆူးကဲၤအီၤဒ် တၢ်လုၢ်တၢ်ပာ်တမံၤလၢတၢ်လုၢ်လီၢ်အဖီခိၣ်, ဒီးအအံၤမ့ၢ်နီၣ်တီၢ်ဘုတဖၣ်လၢနကသူအီၤဒ်သ့ၣ်မုၣ်အသိး, ဒီးဘုကၠူၣ်တဖၣ်လၢနကဟ့ၣ်ထီၣ်အီၤဒ်တၢ်လုၢ်တၢ်ပာ်တမံၤအသိး အဂီၢ်န့ၣ်လီၤ. ယဟ့ၣ်လီၤနၤတၢ်တဖၣ်အံၤခဲလၢာ်လီၤ.”

လံာ်တၢ်ဂံၢ် 16:48

တၢ်အံၤဒုးဆိကတီၢ်ကွံာ်တၢ်ဆါသံသတြိာ်ဒီးအဝဲဆၢထၢၣ်အိၣ် တ့ၢ်ဝဲဖဲပှၤအမူဒီးပှၤသံတဖၣ်အဘၢၣ်စၢၤန့ၣ်လီၤ.

လံာ်တၢ်ဂံၢ် 25:8

လဲၤပိာ်ထွဲပှၤတဂၤန့ၣ်ဒီးပိာ်မုၣ်တဂၤန့ၣ်အခံဆူဒဲပူၤဒီး ဆဲးဖျိကွံာ်ပှၤခံဂၤလိာ်န့ၣ်လၢဘီန့ၣ်လီၤ. လၢကျဲဒ်သိးအံၤန့ၣ်တၢ်သံသတြိာ်လၢအမၤဟးဂီၤကီၢ်အံၣ်စရ့လး န့ၣ်ဆိကတီၢ်အသး