လံာ်ကွဲးနီၣ်တၢ်အခီၣ်ထံးတဘ့ၣ် 21:2 - Sgaw Karen Common Bible

² စီၤဒၤဝံးဟ့ၣ်လီၤအကလုၢ်ဆူစီၤယိၤအာ်ဒီးသုးခိၣ်သုးနၢ် အဂၤတဖၣ်ဒီးစံးဝဲ, “လဲၤတၢ်သကုၤကီၢ်အံၣ်စရ့လးဒီဘ့ၣ်စးထီၣ်လၢဝ့ၢ်ဘ့ၤၡဘၤ တုၤဆူဝ့ၢ်ဒၣ်ဒီးဂံၢ်ပှၤကညီအနီၣ်ဂံၢ်တက့ၢ်. ယသးအိၣ်သ့ၣ်ညါပှၤအိၣ်ထဲလဲၣ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 21:2 Iomraidhean Croise

လံာ်တၢ်ကဲထီၣ်အခီၣ်ထံး 21:14

လၢခံတသီဂီၤဂီၤန့ၣ်, စီၤအၤဘြၤဟၣ်ဟ့ၣ်နီၢ်ဟၤကၢ်တၢ်အီၣ် တနီၤဒီးထံဒၢတၢ်ဖံးတထၢၣ်လၢအပှဲၤဒီးထံန့ၣ်လီၤ. ဒီးပာ်ထီၣ်ဝဲဖိသၣ်ပိာ်ခွါလၢအမိၢ်အဖံဘၣ်ခိၣ်လိၤဒီးဟီ ထီၣ်ကွံာ်အီၤန့ၣ်လီၤ. ဒီးနီၢ်ဟၤကၢ်ဟးထီၣ်ကွံာ်ဝဲဒီးလဲၤဝ့ၤဝီၤတၢ်လၢပှၢ်မုၢ် ကနၢဘ့ၢ်ၡဘၤအပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:11

ယတၢ်ဟ့ၣ်ကူၣ်မ့ၢ်ဝဲဒၣ်, လၢနကဘၣ်ကိးဖှိၣ်ပှၤအံၣ်စရ့လးဖိခဲလၢာ်, လၢအအါဝဲဒ်မဲးဧိၤဟီၣ်ဧိၤလၢပီၣ်လဲၣ်နံၤအသိး, စးထီၣ်လၢကီၢ်ဆၢလၢအအံၤတခီတုၤဃီၤဆူအဂၤတခီ, ဒီးနနီၢ်ကစၢ်ဒၣ်နဲဆှၢအီၤလၢတၢ်ဒုးတၢ်ယၤအပူၤန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 24:15

လၢတၢ်န့ၣ်အဃိယွၤဆှၢလီၤတၢ်သံသတြိာ်လၢကီၢ်အံၣ်စရ့လးအဖီခိၣ်, လၢအအိၣ်ယံာ်ဝဲစးထီၣ်လၢမုၢ်တဂီၤန့ၣ် တုၤလီၤလၢတၢ်ဆၢကတီၢ်လၢအဝဲဒၣ်ဃုထၢဝဲအသိးန့ၣ်လီၤ. စးထီၣ်လၢထံကီၢ်အအံၤတခီတုၤဆူထံကီၢ်အဂၤတခီန့ၣ် ပှၤအံၣ်စရ့လးဖိသံဝဲအဂၤနွံကလးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:10

ခဲအံၤယမ့ၢ်တမၤလၢထီၣ်ပှဲၤထီၣ်ဘၣ်တၢ်ဂ့ၢ်အံၤဒီးမ်ကစၢ်ယွၤ ကမၤသံယၤတက့ၢ်.”

လံာ်စီၤပၤအခီၣ်ထံးတဘ့ၣ် 4:25

ဖဲစီၤၡလိၤမိၤအိၣ်မူသးဝးဝဲအဆၢကတီၢ်န့ၣ်, ပှၤဂီၢ်မုၢ်လၢကီၢ်ယူဒၤဒီးကီၢ်အံၣ်စရ့လးသကုၤဆးဒးအိၣ်ဝဲ ဆိးဝဲလၢတၢ်ဘံၣ်တၢ်ဘၢအပူၤ, ဟံၣ်ဖိဃီဖိတဒူၣ်ဘၣ်တဒူၣ်အိၣ်ဒီးအစပံးအမုၢ်တဖၣ်ဒီးအချၢၣ် ဒၢအထူၣ်တဖၣ်ဒၣ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:5

အဃိအဝဲသ့ၣ်ကွဲမုာ်ကယဲၢ်ပှၤအံၣ်စရ့လးဖိခဲလၢာ်, စးထီၣ်လၢဝ့ၢ်ဒၣ်လၢကလံၤစိးတုၤလၢဝ့ၢ်ဘ့ၢ်ၡဘၤလၢကလံၤထံး, ဒ်သိးကဟဲပာ်ဖှိၣ်သကိးအသးလၢဝ့ၢ်ယရူၤရှလ့ၣ်အပူၤ, အနီၣ်ဂံၢ်အါန့ၢ်ဒံးလၢအပူၤကွံာ်ဒီးမၤဘူၣ်လဲၤကပာ်ဒ်ယူဒၤ အတၢ်သိၣ်တၢ်သီအိၣ်ဝဲအသိးန့ၣ်လီၤ.

တၢ်ကတိၤဒိ. 29:23

တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.

၂ ကရံၣ်သူး 12:7

ဘၣ်ဆၣ်ဒီး, ဒ်သိးတၢ်ကတြီဃာ်ယတၢ်ပာ်ထီၣ်ထီယသးအါ တလၢခီဖျိတၢ်လီၤတိၢ်လီၤဆီအါမံၤလၢယထံၣ်ဘၣ်ယဲန့ၣ်, ယဘၣ်တၢ်ဟ့ၣ်ယၤနီၢ်ခိအတၢ်ဆါလၢအဆါမးတမံၤ, တၢ်လၢအကဲထီၣ်မုၣ်ကီၤလံၢ်အကလူးလၢအကတီၢ် ယၤဒီးတြီဃာ်ယတၢ်ပာ်ထီၣ်ထီယသးန့ၣ်လီၤ.

လံာ်ပှၤစံၣ်ညီၣ်ကွီၢ် 20:1

ဒီးအံၣ်စရ့လးအပှၤဂီၢ်မုၢ်လၢအအိၣ်လၢဒၣ်လၢကလံၤစိးတုၤလၢ ဘ့ၤၡဘၤလၢကလံၤထံး, ဒီးလၢကံးလဧးလၢမုၢ်ထီၣ်ခဲလၢာ်ပာ်ဖှိၣ်ထီၣ်အသးတဖုဃီလၢ ယွၤအမဲာ်ညါဖဲမံးစပၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:20

မၤသးဒ်န့ၣ်ဒီးကီၢ်အံၣ်စရ့လးအပှၤဂီၢ်မုၢ်စးထီၣ်လၢကီၢ်အဆၢ လၢအံၤတုၤကီၢ်အဆၢအဂၤတကပၤန့ၣ်သ့ၣ်ညါလၢစီၤၡမူအ့လးမ့ၢ် ယွၤအဝံနီၢ်နီၢ်တဂၤန့ၣ်လီၤ.