လံာ်ကွဲးနီၣ်တၢ်အခီၣ်ထံးတဘ့ၣ် 21:16 - Sgaw Karen Common Bible

¹⁶ စီၤဒၤဝံးထံၣ်တ့ၢ်ကလူးန့ၣ်ဂဲၤဆၢထၢၣ်လၢမူခိၣ်ဒီးဟီၣ်ခိၣ် အဘၢၣ်စၢၤ, စိာ်ဒီးနးလၢအစုပူၤ, အိၣ်ကတဲာ်ကတီၤအသးလၢကမၤဟးဂီၤဝ့ၢ်ယရူၤၡလ့ၣ်န့ၣ်လီၤ. တုၤနုၤတစုစီၤဒၤဝံးဒီးပှၤဂီၢ်မုၢ်အခိၣ်အနၢ်တဖၣ်, အဝဲသ့ၣ်ကိးဂၤဒဲးကူသိးဝဲထၢၣ်တၢ်ကံးယာ်ဒီး, သကုးလီၤအသးအိၣ်ဒီးအမဲာ်သၣ်တဖၣ်လၢအကျးလီၤအသးလၢဟီၣ်ခိၣ် လိၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:16 Iomraidhean Croise

လံာ်တၢ်ကဲထီၣ်အခီၣ်ထံး 3:24

ဒီးလၢတၤသၣ်အလီၢ်မုၢ်ထီၣ်န့ၣ်ပာ်လီၤဝဲခ့ရူာ်တဖၣ်ဒီးနးမ့ၣ်အူ လၢအတရံးအသးကိးကပၤဒဲးလီၤ. တၢ်အံၤမ့ၢ်ဒ်သိးအက တြီဃာ်ပှၤတဂၤလၢ်လၢ်လၢအကဟဲဘူးဒီးသ့ၣ်တထံးလၢအဟ့ၣ်တၢ်မူ န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:27

တုၤစီၤအ့ၤလံယၤကတိၤတၢ်ဝံၤန့ၣ်, စီၤအၤဃာ်ဖှီယာ်ကွံာ်အကူ အသိးတဖၣ်, ဘ့ၣ်လီၤကွံာ်အီၤဒီးကူထီၣ်ကၤထီၣ်ဆ့ကၤထၢၣ်တၢ်ကံးယာ်န့ၣ် လီၤ. အဝဲဂ့ၢ်လိာ်လၢကအီၣ်တၢ်, မံလီၤလၢထၢၣ်တၢ်ကံးယာ်အပူၤဒီးအိၣ် ဝဲဒၣ်လၢတၢ်သူၣ်အုးသးအုးဒီးတၢ်သူၣ်လီၤဘှံးသးလီၤတီၤ အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:1

တုၤစီၤဃံးစကံယၤနၢ်ဟူအဝဲသ့ၣ်အတၢ်ပာ်ဖျါထီၣ်တဘျီဃီန့ၣ်, အဝဲဖှီယာ်အဆ့တဖၣ်လၢတၢ်သူၣ်အုးသးအုးအပူၤ, ကၤထီၣ်ဆ့ကၤထၢၣ်တၢ်ကံးညာ်, ဒီးလဲၤဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 6:17

အန့ၣ်ဝံၤဒီးအဝဲဘါထုကဖၣ်တၢ်စံးဝဲ, “အိယွၤဧၢ, အိးထီၣ်အမဲာ်ချံတဖၣ်ဒီးဒုးထံၣ်အီၤတၢ်တက့ၢ်.” ယွၤစံးဆၢအဝဲအတၢ်ထုကဖၣ်, ဒီးစီၤအလံၤၡါအခ့အပှၤကွၢ်ထီၣ် တၢ်, ဒီးထံၣ်ဘၣ်တၢ်လူၢ်အကပၤပှဲၤဝဲဒီးကသ့ၣ်မ့ၣ်အူ တဖၣ်လ့ၣ်ကဟၣ်မ့ၣ်အူတဖၣ်အိၣ်ဝးတရံးစီၤအလံၤၡါန့ၣ်လီၤ.

လံာ်ယဃ့းစက့လး 30:25

မ့ၢ်လီၤ, ယကမၤစၢ်လီၤကွံာ်အဝဲအဂံၢ်အဘါဒီးမၤဆူၣ်ထီၣ် ကီၢ်ဘၤဘူၤလိၣ်အစီၤပၤအဂံၢ်အဘါန့ၣ်လီၤ. ဖဲယဟ့ၣ်ဃီၤ အီၤယနးဒီးအဝဲယူာ်ဃီၤဝဲဆူကီၢ်အဲၤကူပတူးန့ၣ်, ပှၤကိးဂၤဒဲး ကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 9:8

ဖဲတၢ်မၤသံမၤဝီမၤဒံးအသးအဖၢမုၢ်န့ၣ်, ယအိၣ်ဖဲန့ၣ်ထဲတဂၤဧိၤလီၤ. ယထိၣ်လီၤဃံၤအီထီလာ်ယသးလၢဟီၣ်ခိၣ်လိၤဒီးကိးထီၣ်, “ယွၤပၢဘၣ်တၢ်ခဲလၢာ်ကစၢ်ဧၢ, မ့ၢ်နသးထီၣ်ဘၣ်မးဝ့ၢ်ယရူၤၡလ့ၣ် ထဲထဲအံၤတုၤဒၣ်လဲာ်နကမၤသံပှၤကိးဂၤဒဲးလၢအအိၣ်လီၤတဲာ် လၢကီၢ်အံၣ်စရ့လးအပူၤန့ၣ်ဧါ.”

လံာ်တၢ်ဂံၢ် 14:5

အန့ၣ်ဒီးစီၤမိၤၡ့ဒီးစီၤအၤဟရိၣ်တီၤလီၤလၢဟီၣ်ခိၣ်လိၤ လၢပှၤဂီၢ်မုၢ်အမဲာ်ညါလီၤ.

လံာ်တၢ်ဂံၢ် 16:22

ဘၣ်ဆၣ်ဒီးစီၤမိၤၡ့ဒီးစီၤအၤဟရိၣ်တီၤလီၤအိၣ်ဒီးအမဲာ်သၣ် ဆူဟီၣ်ခိၣ်လိၤဒီးစံး, “အိ, ကစၢ်ယွၤဧၢ, နမ့ၢ်သးသမူခဲလၢာ်အဂံၢ်ခီၣ်ထံးလီၤ. ဖဲပှၤတဂၤမၤတၢ်ဒဲးဘးန့ၣ်မ့ၢ်နသးဒိၣ်ထီၣ်ကမျၢၢ်ဒီဒူၣ်ဒီထၢဧါ.”

လံာ်တၢ်ဂံၢ် 22:23

ဖဲကသ့ၣ်ယီၤထံၣ်ကလူးန့ၣ်ဆၢထၢၣ်ဝဲစိာ်ဝဲဒီးနးတဘ့ၣ်န့ၣ်, အဝဲဃၣ်ကွံာ်အသးလၢကျဲပူၤဒီးလဲၤလီၤဆူပျီပူၤန့ၣ်လီၤ. စီၤဘံးလၣ်တီၢ်ကသ့ၣ်ယီၤဒီးမၢအက့ၤထီၣ်ဆူကျဲမုၢ်ခိၣ်န့ၣ် လီၤ.

လံာ်တၢ်ဂံၢ် 22:31

အန့ၣ်တစုယွၤပျဲစီၤဘံးလၣ်ထံၣ်ကလူးဆၢထၢၣ်ဖဲန့ၣ်ဃုာ်ဒီး အနးလၢအစုပူၤ, ဒီးစီၤဘံးလၣ်ထိၣ်လီၤပှီၤအသးကျးလီၤ အမဲာ်လၢဟီၣ်ခိၣ်လိၤန့ၣ်လီၤ.

လံာ်ပှၤစံၣ်ညီၣ်ကွီၢ် 13:20

ဖဲမ့ၣ်အူလၣ်တဖၣ်ဟဲထီၣ်ဝဲလၢတၢ်လုၢ်လီၢ်အဖီခိၣ်န့ၣ်စီၤမၤ နိဒီးအမါထံၣ်ယွၤအကလူးက့ၤထီၣ်ဆူမူခိၣ်လၢမ့ၣ်အူကျါန့ၣ် လီၤ.