လံာ်ကွဲးနီၣ်တၢ်အခီၣ်ထံးတဘ့ၣ် 21:15 - Sgaw Karen Common Bible

¹⁵ အန့ၣ်ဒီးအဝဲဆှၢလီၤကလူးတဂၤလၢကမၤဟးဂီၤကွံာ်ဝ့ၢ်ယရူၤ ၡလ့ၣ်န့ၣ်လီၤ. ဘၣ်ဆၣ်အဝဲလဲလိာ်ကွံာ်အတၢ်ပာ်လီၤအသးဒီးစံးဘၣ်ကလူးန့ၣ်, “ဆိကတီၢ်တက့ၢ်. ဘၣ်လံ.” ကလူးန့ၣ်ဆၢထၢၣ်ဝဲဖဲပှၤယဘူၣ်ဖိစီၤအၤရနၤအကြဲၢ်ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:15 Iomraidhean Croise

လံာ်တၢ်ကဲထီၣ်အခီၣ်ထံး 19:13

အဂ့ၢ်ဒ်အံၤ, ပကမၤဟးဂီၤကွံာ်တၢ်လီၢ်အံၤန့ၣ်လီၤ. ယွၤနၢ်ဟူလံတၢ်ဆှိးထီၣ်လီၤပျံၤလီၤဖုးထီဒါပှၤဂီၢ်မုၢ် အံၤဒီးမၢလီၤပှၤလၢပကမၤဟးဂီၤကွံာ်ဝ့ၢ်စဒိၣ်အဂီၢ်လီၤ.”

လံာ်တၢ်ကဲထီၣ်အခီၣ်ထံး 6:6

အဝဲသးအုးလၢအတ့လီၤတ့ၢ်ဘၣ်အဝဲသ့ၣ်ဒီးပာ်အီၤလၢဟီၣ်ခိၣ် ချၢအဃိန့ၣ်လီၤ. အသးပှဲၤလုာ်ကွံာ်ဒီးတၢ်သးဘၣ်ဒိ ဘၣ်ထံးဖးဒိၣ်,

လံာ်စီၤၡမူၤအ့လးခံဘ့ၣ်တဘ့ၣ် 24:16

ဖဲယွၤအကလူးသါကမၤဟးဂီၤကွံာ်ဝ့ၢ်ယရူၤၡလ့ၣ်အခါန့ၣ်, ယွၤဆီတလဲကွံာ်အတၢ်ပာ်သးဘၣ်ဃးဒီးတၢ်စံၣ်ညီၣ်အပှၤဂီၢ်မုၢ် န့ၣ်, ဒီးစံးဘၣ်ကလူးလၢအမၤသံအဝဲသ့ၣ်ဒ်အံၤ, “ဆိကတီၢ်တက့ၢ်.” ကလူးန့ၣ်အိၣ်ဝဲဖဲပှၤယဘူၣ်ဖိစီၤအၤရနၤ အကြဲၢ်အကပၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:18

မုၢ်တနံၤဃီန့ၣ်, စီၤကးလဲၤဝဲဆူစီၤဒၤဝံးအအိၣ်ဒီးစံးဘၣ်အီၤ, “လဲၤထီၣ်ဆူစီၤအၤရနၤအကြဲၢ်, ဒီးမၤထီၣ်တၢ်လုၢ်လီၢ်တခါ လၢယွၤအဂီၢ်တက့ၢ်.”

လံာ်စီၤပၤအခီၣ်ထံးတဘ့ၣ် 19:4

ဒီးစီၤအ့ၤလံယၤလဲၤတၢ်သ့တနံၤကျၢၤဆူပှၢ်လၢ်ကျါန့ၣ်လီၤ. အဝဲအိၣ်ကတီၢ်ဒီးဆ့ၣ်နီၤဝဲလၢသ့ၣ်တထံးအကဒုအဖီလာ်ဒီးဆၢ ဝဲလၢကသံန့ၣ်လီၤ. အဝဲဘါထုကဖၣ်စံးဝဲ, “ယွၤဧၢ, တၢ်အံၤနးဒိၣ်မးလီၤ. ဟံးထီၣ်ကွံာ်ယသးသမူတက့ၢ်. အဂ့ၢ်ဒ်အံၤ, ယတဂ့ၤအါန့ၢ်စ့ၢ်ကီးယမိၢ်ပၢ်ဖံဖုလၢပျၢၤတဖၣ်ဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 3:1

စီၤၡလိၤမိၤအပၢ်စီၤဒၤဝံးကတဲာ်ကတီၤပာ်တ့ၢ်လံတၢ်လီၢ်တတီၤ လၢယွၤအတၢ်လုၢ်ဟံၣ်အဂီၢ်န့ၣ်လီၤ. တၢ်လီၢ်န့ၣ်အိၣ်ဝဲလၢဝ့ၢ်ယရူၤၡလ့ၣ်အပူၤ, လၢကစၢၢ်မိၤရံယၤအဒီခိၣ်တၢ်လီၢ်ဖဲပှၤယဘူၣ်ဖိစီၤအၤရနၤသူ တ့ၢ်ဝဲဒ်ကြဲၢ်တၢ်အလီၢ်တပူၤန့ၣ်လီၤ. စီၤပၤၡလိၤမိၤစးထီၣ်တၢ်သူၣ်ထီၣ်ဘှီထီၣ်,

စံးထီၣ်ပတြၢၤ 78:38

ဘၣ်ဆၣ်ကစၢ်ယွၤသူၣ်ကညီၤသးကညီၤအပှၤဂီၢ်မုၢ်လီၤ. အဝဲပျၢ်ကွံာ်အဝဲသ့ၣ်အတၢ်ဒဲးဘး ဒီးအဝဲဘိးဃၣ်ကွံာ်အတၢ်သးထီၣ်အါစုအါဘျီ ဒီးဘိးဃၣ်ကွံာ်အတၢ်သးဒိၣ်လီၤ. ဒီးတထိၣ်ဂဲၤထီၣ်အတၢ်သးကဲၤထီၣ်ဘၣ်.

စံးထီၣ်ပတြၢၤ 90:13

နတၢ်သးထီၣ်ကယံာ်ဒံးဝဲဆံးယံာ်လဲၣ်. ယွၤဧၢ, သူၣ်ကညီၤသးကညီၤလၢ် နခ့နပှၤတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 32:14

မၤသးဒ်န့ၣ်ဒီးယွၤလဲလိာ်ကွံာ်အတၢ်ပာ်လီၤသးဒီးတဒုးလီၤဘၣ် တၢ်တတၢးတနါလၢအပှၤဂီၢ်မုၢ်အလိၤလၢကမၤပျံၤမၤဖုးအဝဲ သ့ၣ်လၢၤဘၣ်.

လံာ်တၢ်ဟးထီၣ်ကွံာ် 9:28

ဒီးဃ့ကညးယွၤတက့ၢ်. အဂ့ၢ်ဒ်အံၤလီသီၣ်ဒီးသူၣ်လီၤန့ၣ်အါ လံလၢပဂီၢ်လံ. ဒီးယအၢၣ်လီၤလၢယကပျၢ်သုဒီးသုတအိၣ်တဆိးဘၣ် ဖဲအံၤလၢၤဘၣ်.”

လံာ်ယံးရမံယၤ 26:18

“ဖဲစီၤဃံးစကံယၤမ့ၢ် ကီၢ်ယူဒၤအစီၤပၤအဆၢကတီၢ်န့ၣ်, ပှၤမိရၤၡးဖိဝံ မံကၤတဲဘၣ်တ့ၢ် ပှၤဂီၢ်မုၢ်ခဲလၢာ်လၢယွၤသ့တၢ်လၢာ်စံးတ့ၢ်ဝဲဒ်အံၤ, ‘ဝ့ၢ်စံယိၣ်ကဘၣ်တၢ်ထဲၣ်အီၤဒ် စံာ်ပျီတဘ့ၣ်အသိး, ဝ့ၢ်ယရူၤၡလ့ၣ် ကကဲထီၣ်တၢ်ဟးဂီၤတဖၣ် အတၢ်ပူၣ်ထီၣ်အသး, ဒီးယွၤအတၢ်လုၢ်ဟံၣ် အတၢ်လူၢ်ကကဲထီၣ်ပှၢ်လၢ်ကျါတတီၤ န့ၣ်လီၤ.’

လံာ်ယံးရမံယၤ 26:9

ဘၣ်မနုၤအဃိ, လၢယွၤအမံၤအပူၤန့ၣ် နစံးလၢ, ယွၤအတၢ်လုၢ်ဟံၣ်အံၤ ကကဲထီၣ်ဒ် ဝ့ၢ်ၡံလိၣ်အသိးဒီး လၢဝ့ၢ်အံၤကဘၣ်တၢ်မၤဟးဂီၤကွံာ်အီၤဒီး ပှၤတအိၣ်လၢၤလၢ အပူၤနီတဂၤန့ၣ်လဲၣ်.” အန့ၣ်ဝံၤဒီး, ပှၤဂီၢ်မုၢ်ဟဲဖှိၣ်ပှဲၤကတံာ်ဝးတရံးယၤန့ၣ်လီၤ.

လံာ်ယံးရမံယၤ 7:12

လဲၤဆူဝ့ၢ်ၡံလိၤ, တၢ်လီၢ်အဆိကတၢၢ်လၢယဃုထၢတ့ၢ်အီၤ လၢပှၤကဘူၣ်ထီၣ်ဘါထီၣ်ယၤအဂီၢ်, ဒီးကွၢ်တၢ်လၢယမၤဘၣ်တ့ၢ် အီၤ, လၢယပှၤဂီၢ်မုၢ်အံၣ်စရ့လးအတၢ်ဒဲးဘးတဖၣ်အဃိ န့ၣ်တက့ၢ်.

လံာ်ဧၤမိၣ် 7:3

ယွၤလဲလိာ်က့ၤအသးဒီးစံးဝဲ, တၢ်လၢနထံၣ်တ့ၢ်န့ၣ်တမၤအသးဘၣ်.

လံာ်ဧၤမိၣ် 7:6

ယွၤလဲလိာ်က့ၤကဒီးအသးဒီးစံးဝဲ, တၢ်အံၤတမၤအသးစ့ၢ်ကီး ဘၣ်.

လံာ်ယိၤနါ 3:10

ကစၢ်ယွၤထံၣ်တၢ်လၢအဝဲသ့ၣ်မၤဝဲ, ထံၣ်ဝဲလၢအဝဲသ့ၣ်ညိကွံာ်အသးလၢအကျဲအအၢအသီန့ၣ်လီၤ. အန့ၣ်ဒီးအဝဲလဲလိာ်ကွံာ်အတၢ်ပာ်လီၤ အသးဒီးတစံၣ်ညီၣ်ဘၣ်အဝဲသ့ၣ်ဒ်အစံးတ့ၢ်လၢကမၤဝဲအသိးန့ၣ် ဘၣ်.

လံာ်ယိၤနါ 4:2

အဝဲဘါထုကဖၣ်တၢ်ဆူယွၤအအိၣ်ဒီးစံးဝဲ, “ယွၤဧၢ, အဝဲအံၤတမ့ၢ်ဘၣ်တၢ်လၢယစံးတ့ၢ်ဖဲယအိၣ်လၢယကီၢ် အပူၤဘၣ်န့ၣ်ဧါ. လၢတၢ်န့ၣ်အဃိဒီးလၢအခီၣ်ထံးန့ၣ်ယဃ့ၢ်ကွံာ်ဆူဝ့ၢ်တၢ်ၡံၣ်, အဂ့ၢ်ဒ်အံၤ, ယသ့ၣ်ညါလၢနမ့ၢ်ကစၢ်ယွၤလၢအသးအိၣ်တၢ်ဒီးသးကညီၤတၢ်, သးထီၣ်ကီဒီးလၢဝဲပှဲၤဝဲဒီးတၢ်အဲၣ်ဂၢၢ်ကျၢၤဒီးနပာ်နသးလၢ နကသးကညီၤက့ၤတၢ်ဒီးတသိၣ်ဃီၣ်ဘၣ်တၢ်ဘၣ်န့ၣ်လီၤ.

လံာ်မၢ်ကူး 14:41

တုၤအဟဲက့ၤသၢဘျီတဘျီဒီး, အဝဲဒၣ်စံးဘၣ်အဝဲသ့ၣ်, “သုမံဘၣ်ဒံးသုသးဒီးအိၣ်ဘှံးအိၣ်သါဒံးဒၣ်အဖၢမုၢ်လီၤ ဧါ. ထဲန့ၣ်ဘၣ်လံ. တၢ်အကတီၢ်နၣ်ရံၣ်တုၤဃီၤဝဲလံ. ကွၢ်ကွၢ်ခဲအံၤပှၤကညီဖိခွါအံၤဘၣ်တၢ် ဟ့ၣ်လီၤအီၤဆူပှၤတၢ်ဒဲးဘးဖိတဖၣ်အစုပူၤလံ.

1 ကရံၣ်သူး 10:10

ပတဘၣ်ကအုကစွါဒ်အဝဲသ့ၣ်တနီၤမၤဝဲအသိးဘၣ်. ဒီးအဝဲသ့ၣ်ဘၣ်တၢ်မၤဒၢၣ်ကွံာ်အီၤလၢတၢ်သံ အကလူးန့ၣ်လီၤ.

လံာ်ပှၤစံၣ်ညီၣ်ကွီၢ် 10:16

မၤသးဒ်န့ၣ်ဒီး, အဝဲသ့ၣ်စူးကွံာ်ပှၤတခီဘီမုၢ်ဖိအကစၢ်တဖၣ်, ဒီးဘူၣ်ထီၣ်ဘါထီၣ်ယွၤဒီးယွၤအသးဘၣ်ကိၢ်ဘၣ်ဂီၤလၢ အံၣ်စရ့လးအတၢ်နးတၢ်ဖှီၣ်အဃိလီၤ.

လံာ်ပှၤစံၣ်ညီၣ်ကွီၢ် 2:18

ဖဲယွၤဟ့ၣ်လီၤပှၤအံၣ်စရ့လးဖိလၢခိၣ်နၢ်တဘျီလၢ်လၢ်န့ၣ်, ယွၤမၤစၢၤအီၤဒီးအုၣ်က့ၤခီၣ်က့ၤပှၤဂီၢ်မုၢ်လၢအဒုၣ်အဒါတဖၣ်အစုပူၤဖဲခိၣ်နၢ်တဂၤန့ၣ်အိၣ်မူဒံးဝဲအဆၢကတီၢ်န့ၣ်လီၤ. ယွၤသးကညီၤအဝဲသ့ၣ်မ့ၢ်လၢအဝဲသ့ၣ်ကအုကစွါဝဲလၢ အတၢ်နးတၢ်ဖှီၣ်ဒီးတၢ်မၤအၢမၤနးအပူၤအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:11

“ယသးအုးလၢယဒုးကဲထီၣ်ဘၣ်စီၤစီလူးလၢစီၤပၤတဂၤအဃိ န့ၣ်လီၤ. အဝဲဃၣ်ကွံာ်အသးလၢယအိၣ်ဒီးတစူၢ်ဘၣ်ယတၢ်မၤလိာ်တဖၣ်ဘၣ်.” စီၤၡမူၤအ့လးအသးဒိၣ်ဝဲဒီးသီတနၤကျၢၤန့ၣ်ဃ့ကညးတၢ်လၢ ယွၤန့ၣ်လီၤ.