လံာ်ကွဲးနီၣ်တၢ်အခီၣ်ထံးတဘ့ၣ် 21:14 - Sgaw Karen Common Bible

¹⁴ လၢတၢ်န့ၣ်, အဃိယွၤဆှၢလီၤတၢ်သံသတြိာ်လၢအံၣ်စရ့လးအပှၤဂီၢ် မုၢ်အလိၤ, ဒီးပှၤသံဝဲ နွံကလး ဂၤလၢအဝဲသ့ၣ်အကျါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:15

လၢတၢ်န့ၣ်အဃိယွၤဆှၢလီၤတၢ်သံသတြိာ်လၢကီၢ်အံၣ်စရ့လးအဖီခိၣ်, လၢအအိၣ်ယံာ်ဝဲစးထီၣ်လၢမုၢ်တဂီၤန့ၣ် တုၤလီၤလၢတၢ်ဆၢကတီၢ်လၢအဝဲဒၣ်ဃုထၢဝဲအသိးန့ၣ်လီၤ. စးထီၣ်လၢထံကီၢ်အအံၤတခီတုၤဆူထံကီၢ်အဂၤတခီန့ၣ် ပှၤအံၣ်စရ့လးဖိသံဝဲအဂၤနွံကလးန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:35

လၢမုၢ်တနၤန့ၣ်, ယွၤအကလူးတဂၤလဲၤဆူပှၤအၤၡူၢ်ဖိအသူၣ်ဒဲ အလီၢ်ဒီးမၤသံကွံာ်ပှၤသုးဖိအဂၤတကလီၢ်ဃိးကလးဒီးယဲၢ်ကထိန့ၣ်လီၤ. လၢမုၢ်ဆ့ၣ်ထီၣ်တနံၤဂီၤဂီၤန့ၣ်, ဖဲန့ၣ်အိၣ်ထဲပှၤသံစိၣ်တဖၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:24

နီၢ်စရူၤယၤအဖိခွါစီၤယိၤအာ်စးထီၣ်မၤတၢ်ဂံၢ်ဒီးဆဲးလီၤ မံၤတခါ, ဘၣ်ဆၣ်တမၤဘၣ်ဝဲတုၤအဝံၤဘၣ်. ကစၢ်ယွၤစံၣ်ညီၣ်အံၣ်စရ့လးလၢတၢ် ဂံၢ်ဒီးဆဲးလီၤမံၤအံၤအဃိ, သတးဒီးလၢစီၤပၤစီၤဒၤဝံးအလံာ်ကွဲးနီၣ်တၢ်တဖၣ်အပူၤန့ၣ်, နီၣ်ဂံၢ်လၢခံကတၢၢ်တဖၣ်တဘၣ်တၢ်ကွဲးနီၣ်ဘၣ်အီၤနီတစုဘၣ်.

လံာ်တၢ်ဟးထီၣ်ကွံာ် 12:30

လၢမုၢ်နၤအဝဲန့ၣ်, စီၤပၤ, အဝဲအခ့အပှၤတဖၣ်ဒီးကယဲၢ်ပှၤအဲၤကူပတူးဖိခဲလၢာ်ဖုးပၢၢ်ထီၣ်ဝဲဒၣ်လီၤ. ဒီးတၢ်ဟီၣ်ကိးပသူဖးဒိၣ်အိၣ်ထီၣ်ဝဲဒၣ်လၢကီၢ်အဲၤကူပတူး ဒီဘ့ၣ်ညါအပူၤမ့ၢ်လၢဖိဝဲၢ်ကိတဖၣ်သံဝဲဒၣ်လၢဟံၣ်ကိးဖျၢၣ် ဒဲးအပူၤအဃိန့ၣ်လီၤ.

လံာ်တၢ်ဂံၢ် 25:9

ဘၣ်ဆၣ်ဒီး, တၢ်န့ၣ်မၤသံကွံာ်လံပှၤဂီၢ်မုၢ်၂၄၀၀၀ ဂၤ လံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:19

ယွၤမၤသံတ့ၢ်ပှၤအဂၤနွံဆံလၢဝ့ၢ်ဘ့ၤသၡ့မ့ၣ်အပူၤလီၤ. အဂ့ၢ်ဒ်အံၤ, အဝဲသ့ၣ်အိးထီၣ်ကွၢ်နုာ်ဝဲဒၣ်ဆူတၢ်အၢၣ်လီၤအီ လီၤအတလါစီဆှံအပူၤအဃိလီၤ. ဒီးပှၤဂီၢ်မုၢ်ဟီၣ်ဝဲယၢၤဝဲလၢယွၤဒုးအိၣ်ထီၣ် တၢ်မၤသံမၤဝီလၢအဝဲသ့ၣ်အကျါဒ်န့ၣ်အဃိလီၤ.