လံာ်ကွဲးနီၣ်တၢ်အခီၣ်ထံးတဘ့ၣ် 21:12 - Sgaw Karen Common Bible

¹² တၢ်သၣ်ဝံၤလီၤဒိကအိၣ်ဝဲသၢနံၣ်ဧါ. မ့တမ့ၢ်နကဃ့ၢ်ကွံာ်လၢနဒုၣ်နဒါအသုးမုၢ်တဖၣ်အတၢ်လူၤနၤသၢလါ ဧါ. မ့တမ့ၢ်ယွၤကဘၣ်ထီဒါနၤသၢသီလၢအနးဒီးဒုးအိၣ်ထီၣ်တၢ်သံသ တြိာ်တမံၤကမၤအသးလၢကီၢ်ပူၤခီဖျိ သူအကလူးလၢကမၤသံတၢ်လၢကီၢ်အံၣ်စရ့လးသကုၤန့ၣ်ဧါ. ယကဘၣ်က့ၤဟ့ၣ်ယွၤတၢ်စံးဆၢမနုၤတမံၤလဲၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 21:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:1

ဖဲစီၤဒၤဝံးပၢတၢ်အမုၢ်နံၤတဖၣ်အပူၤန့ၣ် တၢ်သၣ်ဝံၤလီၤဒိ ဒိၣ်ဒိၣ်မုၢ်မုၢ်မၤသးယံာ်ဝဲသၢနံၣ်တီတီလီၤ. လၢတၢ်န့ၣ်အဃိစီၤဒၤဝံးသံကွၢ်တၢ်ဒီးယွၤဘၣ်ဃးတၢ်ဂ့ၢ်န့ၣ် ဒီးယွၤစံးဘၣ်အီၤ, “စီၤစီလူးဒီးအပှၤဟံၣ်ဖိဃီဖိတဖၣ်အတၢ်ကမၣ်အိၣ်လၢ အမၤသံမၤဝီတၢ်အဃိန့ၣ်လီၤ. အဝဲမၤသံတ့ၢ်ပှၤကံးဘိၣ်ဖိတဖၣ်လီၤ.”

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤပၤခံဘ့ၣ်တဘ့ၣ် 19:35

လၢမုၢ်တနၤန့ၣ်, ယွၤအကလူးတဂၤလဲၤဆူပှၤအၤၡူၢ်ဖိအသူၣ်ဒဲ အလီၢ်ဒီးမၤသံကွံာ်ပှၤသုးဖိအဂၤတကလီၢ်ဃိးကလးဒီးယဲၢ်ကထိန့ၣ်လီၤ. လၢမုၢ်ဆ့ၣ်ထီၣ်တနံၤဂီၤဂီၤန့ၣ်, ဖဲန့ၣ်အိၣ်ထဲပှၤသံစိၣ်တဖၣ်လီၤ.

လံာ်စီၤပၤခံဘ့ၣ်တဘ့ၣ် 8:1

ဒီးခဲအံၤစီၤအလံၤၡါတဲဘၣ်ပိာ်မုၣ်လၢအအိၣ်ဆိးလၢဝ့ၢ်ၡူ န့ၣ်, လၢအဝဲမၤမူထီၣ်န့ၢ်က့ၤအဖိခွါလၢ, ယွၤကဒုးလီၤဘၣ်တၢ်သၣ် ဝံၤလီၤဒိတမံၤလၢကီၢ်န့ၣ်, လၢကယံာ်ဝဲနွံနံၣ်, ဒီးလၢအဝဲကဘၣ်ဟးထီၣ်ဃုာ်ဒီးအပှၤဟံၣ်ဖိဃီဖိ, ဒီးလဲၤဒီးအိၣ်ဆိးလၢတၢ်လီၢ်အဂၤတတီၤတီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:11

စီၤကးလဲၤဆူစီၤဒၤဝံးအအိၣ်, တဲဘၣ်အီၤတၢ်လၢယွၤစံးတ့ၢ် ဝဲဒီးသံကွၢ်အီၤ, “နကဃုထၢဖဲလဲၣ်တမံၤလဲၣ်.

စံးထီၣ်ပတြၢၤ 91:6

တၢ်သံသတြိာ်လၢအလဲၤတၢ်လၢတၢ်ခံးကျါမ့ၢ်ဂ့ၤ, ဒီးတၢ်အၢတၢ်သီတဖၣ်လၢ အမၤသံတၢ်လၢမုၢ်ဆါမ့ၢ်ဂ့ၤန့ၣ်ဘၣ်.

လံာ်တၢ်ဟးထီၣ်ကွံာ် 12:23

ဖဲယွၤလဲၤခီဂာ်ကီၢ်အဲၤကူပတူးဒ်သိးကမၤသံပှၤအဲၤကူပတူး ဖိတဖၣ်အခါန့ၣ်ကထံၣ်ဝဲတၢ်သွံၣ်အိၣ်လၢကျိၤတဖၣ်အလိၤဒီးတြဲၤ အထူၣ်တဖၣ်အလိၤဒီးတပျဲဘၣ်အတၢ်သံ အကလူးနုာ်လီၤဆူသုဟံၣ်တဖၣ်အပူၤဒီးမၤသံသုဘၣ်န့ၣ်လီၤ.

လံာ်ယၡါယၤ 66:16

လၢမ့ၣ်အူဒီးနးန့ၣ်အဝဲကစံၣ်ညီၣ်ပှၤဂီၢ်မုၢ်လၢဟီၣ်ခိၣ်ချၢခဲလၢာ် လၢအထံၣ်ဘၣ်ဝဲလၢအတၢ်ကမၣ်အိၣ်, ဒီးပှၤအါဂၤကဘၣ်တၢ်မၤသံအီၤန့ၣ်လီၤ.

လံာ်ယံးရမံယၤ 12:12

ပှၤတဖၣ်ဟဲခီဂာ်ကယဲၢ်မဲးမုၢ်ခိၣ်အလီၢ်ထီၣ်ထီတဖၣ် လၢကဂုာ်ဆူၣ်ပျိဆူၣ်တၢ်အဂီၢ်လီၤ. ယမၢလီၤတၢ်ဒုးတၢ်ယၤလၢကမၤဟးဂီၤ ထံကီၢ်ဒီဘ့ၣ်ညါအဂီၢ်န့ၣ်လီၤ. ပှၤအိၣ်မူလၢတၢ်မုာ်တၢ်ခုာ်အပူၤတသ့ဝဲ နီတဂၤဘၣ်လီၤ.

လံာ်ယံးရမံယၤ 42:16

တၢ်ဒုးတၢ်ယၤလၢ သုပျံၤအီၤန့ၣ် ကချုးန့ၢ်သု, ဒီးတၢ်သၣ်ဝံၤလီၤဒိလၢ သုဘၣ်ယိၣ်န့ၣ်ကလူၤပိာ်ထွဲသုခံ, ဒီးသုကသံဖဲန့ၣ်လၢ ကီၢ်အဲၤကူပတူးအပူၤန့ၣ်လီၤ.

လံာ်ယံးရမံယၤ 47:6

သုကိးထီၣ်ဝဲ, ယွၤအနးတဘ့ၣ်ဧၢ, နကကျီဒံးတၢ်ဆံးယံာ်လဲၣ်. ဖျီၣ်နုာ်က့ၤနသးလၢ နတြိးပူၤ, အိၣ်ဖဲန့ၣ်ဒီး အိၣ်ဘှံးတက့ၢ်’ န့ၣ်လီၤ.

လံာ်သးသယုၢ်တၢ် 4:9

ပှၤလၢအသံတ့ၢ်လၢတၢ်ဒုးတၢ်ယၤအပူၤတဖၣ်ဂ့ၤဒိၣ်န့ၢ်ဒံးပှၤ အသံတ့ၢ်လၢခံတဖၣ်, လၢအသၣ်ဝံၤလီၤဒိကယီကယီဆူတၢ်သံန့ၣ်လီၤ. အဂ့ၢ်ဒ်အံၤ, တၢ်အီၣ်တအိၣ်ဘၣ်လၢကဒုးမူအီၤအဂီၢ်ဘၣ်.

လံာ်တၢ်ဘူၣ်ထီၣ်ဘါထီၣ် 26:10

သုဘုဧိၤဟုဧိၤတဖၣ်ကအိၣ်အါအါကလဲာ်တုၤဒၣ်လဲာ်သုအီၣ်အီၤ ဒီတနံၣ်ညါတလၢာ်ဘၣ်အဃိသုကဘၣ်စူးကွံာ်အီၤဒ်သိးသုကပာ်ဖှိၣ် က့ၤသုဘုဧိၤဟုဧိၤအသီတဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်လူၤကၣ် 4:25

ဒိကနၣ်ယတၢ်ကတိၤတက့ၢ်. လၢဝံအ့ၤလံယၤအစိၤအဆၢ ကတီၢ်, ဖဲမူခိၣ်တစူၤလၢသၢနံၣ်ဃုလါအတီၢ်ပူၤ, ဒီးတၢ်သၣ်ဝံၤလီၤဒိနးမးအိၣ်ထီၣ်ဝဲဒၣ်သကုၤကီၢ်အံၣ်စရ့လး အပူၤန့ၣ်, မုၣ်ကမဲအိၣ်ဝဲအါဒံအါဂၤလၢထံကီၢ်အပူၤလီၤ.

မၤတၢ် 12:23

သတူၢ်ကလာ်, ကစၢ်အကလူးတဂၤတီၢ်စီၤဟ့ၤရိာ်, အဂ့ၢ်မ့ၢ်လၢအဝဲတဟ့ၣ်တၢ်လၤကပီၤဆူကစၢ်ယွၤအအိၣ်အဃိန့ၣ်လီၤ. ဒီးထိးကလဲာ်လၢအပူၤအီၣ်ကွံာ်အီၤဒီးအဝဲဒၣ်သံဝဲန့ၣ်လီၤ.

လံာ်သိၣ်လီၤသီလီၤတၢ် 28:15

မ့မ့ၢ်, သုမ့ၢ်တစူၢ်ဘၣ်ယွၤ, သုကစၢ်ယွၤဒီးတတိၢ်န့ၢ်ဖံးဃာ် ဘၣ်ကယဲၢ်အဝဲအတၢ်မၤလိာ်တဖၣ်ဒီးတၢ်ဘူၣ်တၢ်ဘါအတၢ်သိၣ်တၢ်သီ တဖၣ်လၢယဟ့ၣ်လီၤသုတနံၤအံၤလၢတၢ်သးတီန့ၣ်, ကယဲၢ်တၢ်အၢတၢ် သီတဖၣ်အံၤကလီၤဘၣ်လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 28:22

ယွၤကတီၢ်သုဒီးတၢ်ဆူးတၢ်ဆါတဖၣ်လၢအဘၣ်ကူဘၣ်ဂာ်တၢ်သ့, အိၣ်ဒီးတၢ်ညိးထီၣ်ဒီးတၢ်လိၤကိၢ်, အဝဲကဆှၢလီၤတၢ်ယီၤဃ့ဒီးကလံၤကိၢ်တဖၣ်လၢကမၤဟးဂီၤကွံာ် သုတၢ်မုၢ်တၢ်ဘိတဖၣ်န့ၣ်လီၤ. တၢ်တတၢးတနါတဖၣ်အံၤကအိၣ်ဒီးသုတုၤလီၤလၢသုသံတစုန့ၣ်လီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 28:27

ယွၤကဒုးလီၤဘၣ်တၢ်ဝ့တဖၣ်လၢသုလိၤ, ဒ်အမၤတ့ၢ်ဝဲလၢပှၤအဲၤကူပတူးဖိတဖၣ်အလိၤအသိးန့ၣ်လီၤ. အဝဲကမၤပှဲၤသုနီၢ်ခိဒီဂၤညါဒီးတၢ်ပူၤလီၢ်တဖၣ်လီၤ. သုကဘၣ်တၢ်လုၣ်ဘၢသုဒီးတၢ်သးဃ့တဖၣ်ဒီးတၢ်ကသးသု, ဘၣ်ဆၣ်တၢ်မၤဘျါက့ၤသုတအိၣ်ဘၣ်နီတမံၤဘၣ်.

လံာ်သိၣ်လီၤသီလီၤတၢ် 28:35

ယွၤကမၤပှဲၤသုခီၣ်တဖၣ်ဒီးတၢ်ပူၤလီၢ်လၢအဆါမးဒီးတၢ်မၤဘျါအီၤတန့ၢ်တဖၣ်လီၤ. သုကအိၣ်ပှဲၤဒီးတၢ်ဝ့တဖၣ်စးထီၣ်လၢသုခိၣ်တုၤလၢသုခီၣ်န့ၣ်လီၤ.