လံာ်ကွဲးနီၣ်တၢ်အခီၣ်ထံးတဘ့ၣ် 2:4 - Sgaw Karen Common Bible

⁴ လၢအဒဲၣ်မုၣ်နီၢ်တၤမၢ်န့ၣ်စီၤယူဒၤအိၣ်အါထီၣ်ဒီးအဖိခွါ ခံဂၤလၢအမ့ၢ်ဝဲစီၤဖ့ၤရ့းဒီးစီၤစ့ရၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:4 Iomraidhean Croise

လံာ်တၢ်ကဲထီၣ်အခီၣ်ထံး 38:11

ဒီးစီၤယူဒၤစံးဘၣ်အဒဲၣ်မုၣ်နီၢ်တၤမၢ်, “က့ၤကဒါက့ၤဆူ နပၢ်အဟံၣ်ဒီးအိၣ်ဒံးဒ်မုၣ်ကမဲတဂၤအသိးတုၤယဖိခွါစီၤၡ့ လၤဒိၣ်ထီၣ်တက့ၢ်.” အဝဲစံးတၢ်အံၤ, မ့ၢ်လၢအပျံၤဝဲဒၣ်လၢ အဖိခွါစီၤၡ့လၤကဘၣ်တၢ်မၤသံအီၤဒ်အဝဲၢ်သ့ၣ်တဖၣ်အသိးအဃိ န့ၣ်လီၤ. လၢတၢ်န့ၣ်အဃိနီၢ်တၤမၢ်က့ၤကဒါက့ၤဆူအဟံၣ်န့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:5

စီၤဖ့ၤရ့းအိၣ်ဒီးအဖိခွါခံဂၤလၢအမ့ၢ်ဝဲ, စီၤဃ့စရိၣ်ဒီးစီၤဃမူးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:1

အအံၤမ့ၢ်စီၤယူဒၤအစၢၤအသွဲၣ်တနီၤလၢအမ့ၢ်ဝဲ စီၤဖ့ၤရ့း, စီၤဃ့စရိၣ်, စီၤကၢ်မံၤ, စီၤဃူၢ်ဒီးစီၤၡိ ဘလးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:4

ပှၤယူဒၤဖိအဒူၣ်, အဟံၣ်ဒူၣ်ဃီထၢဃုကယၤခွံဆံဒူၣ်အိၣ်ဝဲ ဆိးဝဲဖဲဝ့ၢ်ယရူၤၡလ့ၣ်အပူၤန့ၣ်လီၤ. စီၤယူဒၤအဖိခွါစီၤဖ့ၤရ့းအစၢၤအသွဲၣ်တဖၣ်န့ၣ်အိၣ်ဒီးစီၤ ဧူသဲၤလၢအမ့ၢ်စီၤဧးမံၤဟူးအဖိခွါဒီးစီၤဧိၣ်ရံၤအလံၤဒ် အဝဲသ့ၣ်အပှၤအခိၣ်အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:6

စီၤယူဒၤအဖိခွါစီၤစ့ရၤအစၢၤအသွဲၣ်တဖၣ်အိၣ်ဒီးစီၤယူၤ အ့လးဒ်အဝဲသ့ၣ်အခိၣ်န့ၣ်လီၤ.

လံာ်စီၤနဃ့မယၤ 11:24

စီၤပသၤဃိယၤလၢအမ့ၢ်စီၤမၡ့ၤစဘ့လးအဖိခွါ, လၢစီၤစ့ရၤအဒူၣ်ထၢ, ဒီးလၢယူဒၤအဒူၣ်န့ၣ်မ့ၢ်ခၢၣ်စးလၢကီၢ်အံၣ်စရ့လးအပှၤဂီၢ်မုၢ် အဂီၢ်လၢပၤရၣ်ကွီၢ်ဘျီၣ်န့ၣ်လီၤ.

လံာ်စီၤနဃ့မယၤ 11:4

ပှၤလၢယူဒၤအဒူၣ်အကျါန့ၣ်မ့ၢ်ဝဲ စီၤဧသါယၤလၢအမ့ၢ်စီၤဧူးစံယါအဖိခွါဒီးစီၤစကၤရယၤ အလံၤခွါန့ၣ်လီၤ. အဝဲအမိၢ်ပၢ်ဖံဖုလၢပျၢၤအဂုၤအဂၤတဖၣ်န့ၣ်အိၣ်ဝဲဃုာ်ဒီးစီၤ အမၤရယါ, စီၤၡဖးတယၤဒီးစီၤမၤဟလၤလ့လးလၢအဟဲ လီၤစၢၤလီၤသွဲၣ်လၢစီၤယူဒၤအဖိခွါစီၤဖ့ၤရ့းန့ၣ်လီၤ.

လံာ်တၢ်ဂံၢ် 26:13

စီၤစ့ရၤ, ဒီးစီၤၡၤအူလးန့ၣ်လီၤ.

လံာ်မးသဲ 1:3

စီၤအံၤစဲး, စီၤယၤကိာ်, စီၤယူဒၤဒီးအဒီပုၢ်ဝဲၢ်တဖၣ်,

လံာ်လူၤကၣ် 3:33

စီၤနးၡိၣ်အပၢ်မ့ၢ်ဝဲစီၤဧးမံၤနဒး, စီၤဧးမံၤနဒးအပၢ်မ့ၢ်ဝဲစီၤရၣ်, စီၤရၣ်အပၢ်မ့ၢ်ဝဲစီၤဃ့ၤစရိၣ်, စီၤဃ့ၤစရိၣ်အပၢ်မ့ၢ်ဝဲစီၤပ့းရ့း, စီၤပ့းရ့းအပၢ်မ့ၢ်ဝဲစီၤယူဒၤ,

လံာ်နီၢ်ရူၤသး 4:12

မ်နဖိနလံၤလၢယွၤကဟ့ၣ်သါနၤခီဖျိပိာ်မုၣ်အံၤန့ၣ်, ဒုးကဲထီၣ်နဒူၣ်ဖိထၢဖိလီၤဂာ်ဒ်စီၤဖ့ရ့းလၢအမ့ၢ်စီၤယူ ဒၤဒီးနီၢ်တၤမၢ်အဒူၣ်ဖိထၢဖိအသိးန့ၣ်တက့ၢ်.”

လံာ်နီၢ်ရူၤသး 4:18

ဒီးအအံၤမ့ၢ်စီၤဖ့ရ့းအစၢၤအသွဲၣ်တဖၣ်လီၤ.