လံာ်ကွဲးနီၣ်တၢ်အခီၣ်ထံးတဘ့ၣ် 19:9 - Sgaw Karen Common Bible

⁹ ပှၤဧၣ်မိၣ်ဖိသ့ၣ်တဖၣ်လဲၤထီၣ်ဒီးဟံးန့ၢ်အလီၢ်ဖဲအဝဲသ့ၣ် အဝ့ၢ်ခိၣ်ဝ့ၢ်ရးဘးအကျဲစၢၤ, ဒီးစီၤပၤတဖၣ်လၢအဟဲဒ်သိးကမၤစၢၤတၢ်န့ၣ်, ဟံးန့ၢ်အလီၢ်လၢတၢ်ပျီပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:8

ပှၤဧၣ်မိၣ်ဖိတဖၣ်ဟဲထီၣ်ဒီးဟံးန့ၢ်အလီၢ်ဖဲ တၢ်လဲၤနုာ်ဆူအဝဲသ့ၣ်အဝ့ၢ်ခိၣ်ဝ့ၢ်ရံးဘၤအကျဲစၢၤ, ဖဲပှၤအဂၤတဖၣ်လၢအမ့ၢ်ပှၤ စူၤရံဖိတဖၣ်ဒီးပှၤတဖၣ်လၢဝ့ၢ်တိာ်ဒီးဝ့ၢ်မကၤဟံးန့ၢ်အလီၢ် လၢဝ့ၢ်အချၢတၢ်ပျီပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:4

စီၤပၤစံးဆၢဝဲဒၣ်, “တၢ်တမံၤလၢ်လၢ်လၢသုဆိကမိၣ်လၢမ့ၢ် တၢ်အဂ့ၤကတၢၢ်န့ၣ်ယကမၤအီၤလီၤ.” အန့ၣ်ဝံၤဒီး, အဝဲဆၢထၢၣ်ဖဲတြဲၤကပၤဖဲအဝဲအပှၤတဖၣ်ဟးထီၣ် ဝဲဒ်ပှၤတကထိမ့ၢ်ဂ့ၤ, ပှၤတကယၤမ့ၢ်ဂ့ၤအကရူၢ်အသိး, တဖုဘၣ်တဖုအခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:1

ကီၢ်စူၤရံအစီၤပၤဘ့ၤဟဒးပာ်ဖှိၣ်ထီၣ်ကယဲၢ်အပှၤသုးဖိခဲ လၢာ်, ဒီးဘၣ်တၢ်မၤစၢၤအီၤလၢပှၤပၢတၢ်အဂၤသၢဆံဂၤဃုာ်ဒီးအဝဲ သ့ၣ်အကသ့ၣ်တဖၣ်ဒီးအလ့ၣ်ကဟၣ်တဖၣ်, န့ၣ်လီၤ. အဝဲလဲၤထီၣ်ကဝီၤဃးဝ့ၢ်ၡၤမရံဒီးဒုးထီဒါအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:24

ခဲအံၤသုးကွံာ်ပှၤပၢတၢ်သၢဆံခံဂၤလၢအတၢ်ကဲခိၣ်ကဲနၢ် အလီၢ်တဖၣ်ဒီးပာ်က့ၤသုးခိၣ်ဖးဒိၣ်တဖၣ်လၢအဝဲသ့ၣ်အလီၢ်န့ၣ်တ က့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 19:10

စီၤယိၤအာ်ထံၣ်တ့ၢ်ဝဲလၢဒုၣ်ဒါအသုးဖိတဖၣ်ကဟဲထီၣ်ဒုးအီၤ လၢအမဲာ်ညါဒီးလၢအလီၢ်ခံအဃိအဝဲဃုထၢထီၣ်ပှၤအဂ့ၤကတၢၢ်တဖၣ် လၢအံၣ်စရ့လးအသုးဖိတဖၣ်အကျါဒီးပာ်အဝဲသ့ၣ်လၢတၢ်လီၢ်ဖဲ ပှၤစူၤရံဖိတဖၣ်အမဲာ်ညါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:8

တုၤစီၤဒၤဝံးနၢ်ဟူတ့ၢ်တၢ်မၤအသးန့ၣ်ဒီးဆှၢလီၤစီၤယိၤ အာ်ဒီးအပှၤသုးမုၢ်ဒီတဖုန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:3

စီၤအဘံယၤပာ်ဖှိၣ်ထီၣ်သုးမုၢ်တဖုလၢအအိၣ်ဒီးပှၤသုးဖိ လွံၢ်ကလီၢ် ဂၤဒီးစီၤယၤရၤဘၣ်ခီၣ်ဆၢအီၤဒီးသုးမုၢ်တဖုလၢ အအိၣ်ဒီးသုးဖိဃိးကလီၢ် ဂၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:10

စီၤအၤစါဟးထီၣ်လၢကလဲၤဒုးအီၤအဂီၢ်, ဒီးပှၤခံခီလိာ်ဟံး န့ၢ်အတၢ်လီၢ်ဖဲကစၢၢ်ကဆူးစဖၤသး, ဘူးဒီးဝ့ၢ်မရ့ၡၤန့ၣ်လီၤ.

လံာ်ယၡါယၤ 28:6

အဝဲကဟ့ၣ်လီၤသးတမံၤလၢအစံၣ်ညီၣ်တီတၢ်ဆူပှၤလၢအမၤ စံၣ်ညီၣ်ကွီၢ်အတၢ်မၤတဖၣ်, ဒီးတၢ်သူၣ်ဒူသးဒူဆူပှၤလၢအက ဟုကယာ်ဝ့ၢ်အတြဲၤတဖၣ်လၢတၢ်ဟဲထီဒုၣ်ထီဒါအီၤန့ၣ်လီၤ.

လံာ်ယံးရမံယၤ 50:42

အဝဲသ့ၣ်ဟံးထီၣ်အချံၣ်တဖၣ်ဒီး အနးတဖၣ်လီၤ. အဝဲသ့ၣ် အၢဝဲသီဝဲတသးကညီၤတၢ်ဘၣ်. ဖဲအဝဲသ့ၣ်ဒိးအကသ့ၣ်တဖၣ်န့ၣ်, အတၢ်သီၣ်ဟူထီၣ် ဝဲဒ်ပီၣ်လဲၣ်အထံသီၣ်ရုၢ်ရုၢ်အသိးန့ၣ်လီၤ. အဝဲသ့ၣ်အိၣ်ကတဲာ်ကတီၤလံ အသးလၢ ကဒုးတၢ်ထီ ဒါကီၢ်ဘၤဘူၤလိၣ်န့ၣ်လီၤ.

လံာ်ယိၤအ့လး 2:5

အဝဲသ့ၣ်စံၣ်ဝဲလၢကစၢၢ်ကလိတဖၣ်အဒီခိၣ် သီၣ်လီၤဂာ်ဒ်လ့ၣ်ကဟၣ်အသိး ဒီးမၤသီၣ်အကလုၢ်လီၤဂာ်ဒ်လီၢ်အဃ့လၢမ့ၣ်အူ အီၣ်ကွံာ်အီၤအသိးန့ၣ်လီၤ. အဝဲသ့ၣ်ရဲၣ်လီၤအသးဒ်သုးမုၢ်ဖးဒိၣ်တဖုလၢ အအိၣ်ကတဲာ်ကတီၤအသးလၢ တၢ်ဒုးအဂီၢ်အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:2

စီၤစီလူးဒီးပှၤအံၣ်စရ့လးဖိတဖၣ်ပာ်ဖှိၣ်ထီၣ်အသးဒီးသူၣ် ထီၣ်အဒဲလၢအ့လၤအတၢ်တြီၤအပူၤ ဖဲအကတဲာ်ကတီၤအသးလၢ ကဒုးပှၤဖလ့ၡသးဖိတဖၣ် အဂီၢ်န့ၣ်လီၤ.