လံာ်ကွဲးနီၣ်တၢ်အခီၣ်ထံးတဘ့ၣ် 19:7 - Sgaw Karen Common Bible

⁷ လ့ၣ်ကဟၣ်လၢအဝဲသ့ၣ်ဒိးလဲဝဲအဆိ သၢကလးခံကထိ ဒီးကီၢ်ဆၣ်မၤကၤအစီၤပၤအသုးမုၢ်ဟဲဒီးသူၣ်ထီၣ်ဒဲဘူးဒီး ဝ့ၢ်မ့ဒဘၤန့ၣ်လီၤ. ပှၤဧၣ်မိၣ်ဖိတဖၣ်စ့ၢ်ကီးဟဲထီၣ်ဝဲလၢကယဲၢ်အဝ့ၢ်ခဲလၢာ်အပူၤ ဒီးအိၣ်ကတဲာ်ကတီၤအသးလၢတၢ်ဒုးအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:6

ပှၤဧၣ်မိၣ်ဖိတဖၣ်ထံၣ်သ့ၣ်ညါဝဲလၢအဝဲသ့ၣ်ဒုးကဲထီၣ်စီၤဒၤ ဝံးလၢအဝဲသ့ၣ်အဒုၣ်အဒါလံ, သတးဒီးအဝဲသ့ၣ်ဒိးလဲန့ၢ်ဝဲ ပှၤစူၤရံအသုးဖိအဂၤခံကလးလၢဝ့ၢ်ဘ့ၤသရဃိာ်ဒီးဝ့ၢ်စိဘၤ, ပှၤအဂၤတကလးခံကထိလၢဝ့ၢ်တိာ်ဒီးကိးဝ့ၢ်မကၤအစီၤပၤဃုာ် ဒီးအပှၤတကထိဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:4

စီၤဒၤဝံးဖီၣ်န့ၢ်တ့ၢ်အလ့ၣ်ကဟၣ်အဆိ တကထိ, ပှၤသုးဖိလၢအဒိးကသ့ၣ် နွံကထိဂၤ, ပှၤသုးဖိလၢအဟးလၢအခီၣ် ခံကလး ဂၤန့ၣ်လီၤ. စီၤဒၤဝံးပာ်ဃးကသ့ၣ်လၢကလၢဝဲလၢလ့ၣ် ကဟၣ်တကယၤ အဂီၢ်, ဒီးကသ့ၣ်အိၣ်လီၤတဲာ်တဖၣ်န့ၣ်ပဲာ်တဲာ်ကွံာ်ဝဲ အခီၣ်ထူၣ်ခဲလၢာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:8

တုၤစီၤဒၤဝံးနၢ်ဟူတ့ၢ်တၢ်မၤအသးန့ၣ်ဒီးဆှၢလီၤစီၤယိၤ အာ်ဒီးအပှၤသုးမုၢ်ဒီတဖုန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:9

ပှၤကူၤၡးဖိလၢအမံၤမ့ၢ်စီၤစ့ရၤဟဲနုာ်လီၤဒုးကီၢ်ယူဒၤ လၢသုးမုၢ်တဖုလၢအပှၤသုးဖိအိၣ်ဝဲ အကလီၢ်တကယၤ ဂၤဒီးအလ့ၣ်ကဟၣ်ဒုးသုးအိၣ်ဝဲအဆိ သၢကယၤ ဒီးလဲၤထီၣ်ဝဲယံၤတုၤဆူဝ့ၢ်မရ့ၡၤန့ၣ်လီၤ.

လံာ်တၢ်ဟးထီၣ်ကွံာ် 14:9

ကီၢ်အဲၤကူပတူးအသုးမုၢ်, ဃုာ်ဒီးကယဲၢ်ကသ့ၣ်တဖၣ်, လ့ၣ်ကဟၣ်တဖၣ်, ပှၤနီၣ်လ့ၣ်ကဟၣ်တဖၣ်လူၤထွဲပှၤအံၣ်စရ့လး ဖိဒီးချုးန့ၢ်အဝဲသ့ၣ်ဖဲအသူၣ်ဒဲအလီၢ်လၢပီၣ်လဲၣ်ဂီၤ, ဘူးဒီးပံၤဟဃံရိးဒီးဘဧၤလးစဖိၣ်န့ၣ်လီၤ.

လံာ်ယၡါယၤ 15:2

ပှၤဒံးဘိၣ်ဖိတဖၣ်လဲၤထီၣ်ကစၢၢ်လၢကဟီၣ်ဝဲယၢၤဝဲဖဲတၢ်ဘူၣ် တၢ်ဘါအလီၢ်အိၣ်ဝဲန့ၣ်လီၤ. ပှၤမိၤအးဖိတဖၣ်ဟီၣ်ဝဲယၢၤဝဲလၢ တၢ်သူၣ်အုးသးအုးအပူၤလၢဝ့ၢ်နဘိဒီးဝ့ၢ်မ့ဒဘၤတဖၣ်အဃိလီၤ. အဝဲသ့ၣ်လူၤကွံာ်အခိၣ်တဖၣ်ဒီးအခၣ်ဆူၣ်တဖၣ်လၢတၢ်သူၣ်အုး သးအုးအပူၤလီၤ.

လံာ်တၢ်ဂံၢ် 21:30

မ့မ့ၢ်ခဲအံၤအဝဲသ့ၣ်အစၢၤအသွဲၣ်တဖၣ်ဘၣ် တၢ်မၤဟးဂီၤကွံာ်အီၤ, လၢကျဲဒီဘိစးထီၣ်လၢဃ့ၡဘိၣ်တုၤဆူဒံၤဘိၣ်, စးထီၣ်လၢနၤၡၢ်တုၤလၢနိဖးဘူးဒီးမ့ဒဘၤလံ.”

လံာ်စီၤယိၤၡူ 13:16

အဝဲသ့ၣ်အထံအကီၢ်လဲၤတုၤလၢဧရိၤဧ့ၢ် (လၢအၢ်နိၣ်အတၢ်ပၢၤခိၣ် အထိးနါ) ဒီးဝ့ၢ်လၢအအိၣ်လၢတၢ်ပၢၤခိၣ်အဝဲန့ၣ်အခၢၣ်သးဒီး ပၣ်ဃုာ်ဒီးတၢ်ပၢၤခိၣ်ထီၣ်ထီဝးတရံးမ့ဒဘၤလီၤ.

လံာ်စီၤယိၤၡူ 13:9

အဝဲသ့ၣ်အကီၢ်လဲၤတုၤလၢဝ့ၢ်ဧရိၤဧ့ၢ် (လၢအၢ်နိၣ်တၢ်ပၢၤခိၣ် အထိးနါ) ဒီးဝ့ၢ်လၢအအိၣ်လၢတၢ်ပၢၤခိၣ်န့ၣ်အခၢၣ်သးပၣ်ဃုာ်ဒီး မ့ဒဘၤအတၢ်ပၢၤခိၣ်ထီၣ်ထီတုၤလၢဒံဘိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:3

စီၤပၤယၤဘံၣ်အိၣ်ဒီးလ့ၣ်ကဟၣ်ဒုးသုးထးအဆိခွံကယၤ, ဒီးအဝဲပၢအံၣ်စရ့လးအပှၤဂီၢ်မုၢ်လၢတၢ်အၢတၢ်သီဒီး တၢ်မၤအၢမၤနးဖးဒိၣ်အပူၤအနံၣ်ခံဆံန့ၣ်လီၤ. တုၤနုၤတစုအံၣ်စရ့လးအပှၤဂီၢ်မုၢ်ကိးပသူထီၣ်ဆူယွၤအအိၣ် လၢတၢ်မၤစၢၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:5

ပှၤဖလ့ၡသးဖိတဖၣ်အိၣ်ဖှိၣ်ရိဖှိၣ်ဒ်သိးကဒုးပှၤအံၣ်စရ့လး ဖိတဖၣ်လီၤ. အဝဲသ့ၣ်အိၣ်ဒီးလ့ၣ်ကဟၣ်ဒုးသုးသၢကလး, ပှၤဒိးကသ့ၣ်သုးမုၢ်အဂၤဃုကထိ ဒီးပှၤသုးဖိအါထဲသိးမဲးဧိၤဟီၣ်ဧိၤလၢပီၣ်လဲၣ်အနံၤလီၤ. အဝဲသ့ၣ်လဲၤဆူဝ့ၢ်မံးကမၣ်အိၣ်လၢ ဝ့ၢ်ဘ့ၤသအၤဝ့ၣ်အမုၢ်ထီၣ်န့ၣ်ဒီးသူၣ်ထီၣ်အဒဲဖဲန့ၣ်လီၤ.