လံာ်ကွဲးနီၣ်တၢ်အခီၣ်ထံးတဘ့ၣ် 19:3 - Sgaw Karen Common Bible

³ ပှၤဧၣ်မိၣ်ဖိအခိၣ်အနၢ်တဖၣ်စံးဘၣ်စီၤပၤ, “မ့ၢ်နဆိကမိၣ်လၢစီၤဒၤဝံးဆှၢလီၤပှၤတဖၣ်အံၤဒ်သိးကပာ် ဖျါထီၣ်အတၢ်သးအုးဃုာ်ဒီးနၤလၢအကမၤလၤကပီၤနပၢ်အဂီၢ်န့ၣ် ဧါ. တမ့ၢ်ဘၣ်, အဝဲဆှၢလီၤအဝဲသ့ၣ်ဖဲအံၤ, ဒ်ပှၤကွၢ်ဟုၣ်ကွၢ်စုးတၢ်တဖၣ်အသိးလၢကဃုသ့ၣ်ညါထံကီၢ်ဒ်သိး ကမၤနၢၤဝဲအဂီၢ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 19:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:3

ပှၤဧၣ်မိၣ်ဖိအခိၣ်အနၢ်တဖၣ်စံးဘၣ်စီၤပၤ, “မ့ၢ်နဆိကမိၣ်လၢစီၤဒၤဝံးဆှၢလီၤပှၤတဖၣ်အံၤလၢကဒုးနဲၣ်ဖျါထီၣ် တၢ်သူၣ်အုးသးအုးဃုာ်ဒီးနၤန့ၣ်မ့ၢ်လၢတၢ်မၤလၤကပီၤနပၢ်အပူၤန့ၣ်ဧါ. တမ့ၢ်ဒ်န့ၣ်ဘၣ်. အဝဲဆှၢလီၤပှၤတဖၣ်န့ၣ်ဖဲအံၤဒ်ပှၤကွၢ်ဟုၣ်ကွၢ်စုးတၢ်တဖၣ်အသိး လၢကဃုသ့ၣ်ညါဝ့ၢ်အဂ့ၢ်ဒ်သိးအဝဲမၤနၢၤ ပှၤကသ့အဂီၢ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 19:2

စီၤပၤစီၤဒၤဝံးစံးဝဲဒၣ်, “ယကဘၣ်ပာ်ဖျါထီၣ်ယတၢ်ဒီသိၣ် ဒီမှံၤအတီဒီးစီၤဃၤနူၣ်ဒ်အဝဲအပၢ်စီၤနၤဃၣ်ဒီးယၤအသိး န့ၣ်လီၤ.” လၢတၢ်န့ၣ်အဃိစီၤဒၤဝံးဆှၢလီၤအပှၤစိာ်တၢ်ကစီၣ်တဖၣ်ဒ်သိး အကပာ်ဖျါထီၣ်အတၢ်သးအုးဃုာ်ဒီးအီၤန့ၣ်လီၤ. ဖဲအဝဲသ့ၣ်လဲၤတုၤဆူပှၤဧၣ်မိၣ်အကီၢ်ပူၤန့ၣ်, ဒီးလဲၤထံၣ်လိာ်အသးဒီးစီၤပၤစီၤဃၤနူၣ်န့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 19:4

စီၤဃၤနူၣ်ဖီၣ်န့ၢ်စီၤဒၤဝံးအပှၤစိာ်တၢ်ကစီၣ်တဖၣ်, ဒီးလူၤကွံာ်အဝဲသ့ၣ်အခၣ်ဆူၣ်, ဒီးကူးတဲာ်အဝဲသ့ၣ်အဆ့လၢအဖး ဖီဖဲအခံကိၢ်ဒီးပျၢ်ကွံာ်ဝဲဒၣ်လီၤ.

လံာ်ပှၤစံၣ်ညီၣ်ကွီၢ် 18:2

မၤသးဒ်န့ၣ်ဒီး, ပှၤဒၣ်ဖိတဖၣ်ဃုထၢထီၣ်ပှၤအကြၢးအဘၣ်ယဲၢ်ဂၤ လၢဟံၣ်ဒူၣ်ဃီထၢတဖၣ်လၢဒၣ်အဒူၣ်အကျါဒီးဆှၢလီၤအီၤလၢ ဝ့ၢ်စိးရၤဒီးအ့ၤၡတိလး ဒီးမၤလိာ်အီၤလၢကဃုထံၣ်န့ၢ်တၢ်လီၢ်တတီၤန့ၣ်လီၤ. အဝဲသ့ၣ်တုၤဃီၤလၢအ့ဖရဲၣ်အကစၢၢ်ကလိဖဲစီၤမံၤကါအဟံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:4

ဘၣ်ဆၣ်ဒီးပှၤဖလ့ၡသးဖိအသုးခိၣ်သုးနၢ်တဖၣ်အသးဒိၣ် စီၤအၤကံၣ်ဒီးစံးဘၣ်အီၤ, “ဆှၢလီၤကဒါက့ၤပှၤဝဲန့ၣ်ဆူ ဝ့ၢ်လၢနဟ့ၣ်သါအီၤန့ၣ်တက့ၢ်. ပျဲအလဲၤနုာ်ဆူတၢ်ဒုးပျီပူၤဃုာ်ဒီးပှၤတဂ့ၤ, အဝဲကယိးကဒါက့ၤဘီထီဒါပှၤဖဲတၢ်ဒုးတၢ်ယၤအပူၤသ့ၣ်သ့ၣ်လီၤ. ကျဲအဂ့ၤကတၢၢ်လၢကမၤအိၣ်က့ၤအမဲာ်သၣ်ဒီးအကစၢ်န့ၣ်, လၢတၢ်မၤသံကွံာ်ပပှၤတဖၣ်အမဲာ်ညါ, မနုၤကအိၣ်ဒံးလၢအဂီၢ်လဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 29:9

စီၤအၤကံၣ်စံးဝဲ, “ယအၢၣ်လီၤလီၤ. ယပာ်ကဲနၤဒ်ပှၤသူၣ်တီသးလိၤထဲသိးကစၢ်ယွၤအကလူးတဂၤန့ၣ်လီၤ. ဘၣ်ဆၣ်ဒီးစီၤပၤအဂၤတဖၣ်စံးဝဲလၢနလဲၤဒီးပှၤဆူတၢ်ဒုးပူၤ တသ့ဘၣ်လီၤ.