လံာ်ကွဲးနီၣ်တၢ်အခီၣ်ထံးတဘ့ၣ် 19:2 - Sgaw Karen Common Bible

² စီၤပၤစီၤဒၤဝံးစံးဝဲဒၣ်, “ယကဘၣ်ပာ်ဖျါထီၣ်ယတၢ်ဒီသိၣ် ဒီမှံၤအတီဒီးစီၤဃၤနူၣ်ဒ်အဝဲအပၢ်စီၤနၤဃၣ်ဒီးယၤအသိး န့ၣ်လီၤ.” လၢတၢ်န့ၣ်အဃိစီၤဒၤဝံးဆှၢလီၤအပှၤစိာ်တၢ်ကစီၣ်တဖၣ်ဒ်သိး အကပာ်ဖျါထီၣ်အတၢ်သးအုးဃုာ်ဒီးအီၤန့ၣ်လီၤ. ဖဲအဝဲသ့ၣ်လဲၤတုၤဆူပှၤဧၣ်မိၣ်အကီၢ်ပူၤန့ၣ်, ဒီးလဲၤထံၣ်လိာ်အသးဒီးစီၤပၤစီၤဃၤနူၣ်န့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 19:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 9:1

ဘၣ်မုၢ်တနံၤန့ၣ်စီၤဒၤဝံးသံကွၢ်ဝဲ, “လၢစီၤစီလူးအပှၤဟံၣ်ဖိ ဃီဖိအကျါန့ၣ်မ့ၢ်ပှၤအိၣ်လီၤတဲာ်တ့ၢ်ဒံးတဂၤဂၤဧါ. မ့ၢ်အိၣ်ဒီး, ယသးအိၣ်ဒုးနဲၣ်ယတၢ်သးကညီၤဘၣ်အီၤလၢစီၤယိနၤ သၣ်အဃိန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 9:7

စီၤဒၤဝံးစံးဝဲဒၣ်, “ပျံၤတၢ်တဂ့ၤ. ယကသူၣ်ကညီၤသးကညီၤ နၤလၢနပၢ်စီၤယိနၤသၣ်အဃိန့ၣ်လီၤ. ယကဟ့ၣ်ကဒါက့ၤနၤဟီၣ်ခိၣ်ကဝီၤလၢအမ့ၢ်တ့ၢ်နဖုစီၤစီလူးအတၢ် ခဲလၢာ်ဒီးနကဘၣ်တၢ်တူၢ်လိာ်မုာ်နၤလၢယတၢ်အီၣ်အစီၢ်နီၤခိၣ် တဘိယူၢ်ဃီန့ၣ်လီၤ.”

လံာ်စီၤပၤခံဘ့ၣ်တဘ့ၣ် 4:13

စီၤအလံၤၡါစံးဘၣ်စီၤက့ၤဃစံ, “သံကွၢ်ပိာ်မုၣ်အံၤလၢ, လၢတၢ်မၤဆၢက့ၤကယဲၢ်တၢ်လၢအဝဲမၤပှဲၤန့ၢ်ပတၢ်လိၣ်တဖၣ်အဂီၢ်, မ့ၢ်ယမၤတၢ်မနုၤသ့လၢအဝဲအဂီၢ်န့ၣ်လဲၣ်. ဘၣ်သ့ၣ်သ့ၣ်အဝဲကအဲၣ်ဒိးဝဲလၢယကလဲၤန့ၢ်အီၤဆူစီၤပၤအအိၣ် မ့ၢ်ဂ့ၤ, ဆူသုးခိၣ်ခိၣ်ကျၢၢ်အအိၣ်မ့ၢ်ဂ့ၤ, လၢတၢ်ကတိၤဂ့ၤအီၤအဂီၢ်န့ၣ်လီၤ.” ပိာ်မုၣ်န့ၣ်စံးဆၢဝဲ, “လၢယပှၤဂီၢ်မုၢ်ဒၣ်ယဲအကျါန့ၣ်, တၢ်လၢပှဲၤလၢယဂီၢ်ခဲလၢာ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 19:1

တယံာ်အါအါဘၣ်အလီၢ်ခံန့ၣ်ပှၤဧၣ်မိၣ်ဖိအစီၤပၤနၤဃၣ်သံဝဲ ဒီးအဖိခွါစီၤဃၤနူၣ်ကဲထီၣ်စီၤပၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:3

ပှၤဧၣ်မိၣ်ဖိအခိၣ်အနၢ်တဖၣ်စံးဘၣ်စီၤပၤ, “မ့ၢ်နဆိကမိၣ်လၢစီၤဒၤဝံးဆှၢလီၤပှၤတဖၣ်အံၤဒ်သိးကပာ် ဖျါထီၣ်အတၢ်သးအုးဃုာ်ဒီးနၤလၢအကမၤလၤကပီၤနပၢ်အဂီၢ်န့ၣ် ဧါ. တမ့ၢ်ဘၣ်, အဝဲဆှၢလီၤအဝဲသ့ၣ်ဖဲအံၤ, ဒ်ပှၤကွၢ်ဟုၣ်ကွၢ်စုးတၢ်တဖၣ်အသိးလၢကဃုသ့ၣ်ညါထံကီၢ်ဒ်သိး ကမၤနၢၤဝဲအဂီၢ်န့ၣ်လီၤ.”

လံာ်စီၤနဃ့မယၤ 13:1

တုၤစီၤမိၤၡ့အတၢ်သိၣ်တၢ်သီဘၣ်တၢ်ဖးဖျါထီၣ်အီၤသီၣ်ဒိၣ် ဒိၣ်ဆူပှၤဂီၢ်မုၢ်အအိၣ်ဒီးတုၤဖဲတၢ်ကွဲးအသးတတီၤလၢအမ့ၢ် ဝဲပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤတၢ်တဟ့ၣ်ဘၣ်အခွဲး လၢကပာ်ဖှိၣ်အသးဒီးကစၢ်ယွၤအပှၤဂီၢ်မုၢ်ဘၣ်န့ၣ်လီၤ.

လံာ်စီၤနဃ့မယၤ 4:3

ဒီးပှၤဧၣ်မိၣ်ဖိစီၤတိၤဘံယၤဆၢထၢၣ်ဖဲန့ၣ်လၢအကပၤဒီးစံး ဝဲဒၣ် “ဝ့ၢ်ခိၣ်ဒူလၢအမၤဝဲန့ၣ်မ့ၢ်မနုၤလဲၣ်. ထွံၣ်ဟီၣ်ခိၣ်တဒုဒၣ်လဲာ်မၤလီၤပှီၢ်ကွံာ်သ့ဝဲဒၣ်န့ၣ်လီၤ.”

လံာ်စီၤနဃ့မယၤ 4:7

ဒီးတုၤစီၤစၤနဘၤလး, စီၤတိၤဘံယၤ, ပှၤဧ့ရ့းဖိ, ဒီးပှၤအၤစဒိးဖိသ့ၣ်တဖၣ်နၢ်ဟူဝဲဒၣ်လၢပအိၣ်ဒီးပတၢ်မၤအတၢ် လဲၤထီၣ်လဲၤထီလၢတၢ်ဘှီထီၣ်ကဒါက့ၤဝ့ၢ်ယရူၤၡလ့ၣ်အခိၣ်ဒူ ဒီးတၢ်ဘၢၣ်ဖျိအိၣ်လၢဝ့ၢ်ခိၣ်ဒူဘၣ်တၢ်ကးတံၢ်အီၤန့ၣ်အဝဲ သ့ၣ်အသးထီၣ်ဝဲဒိၣ်ဒိၣ်ကလဲာ်န့ၣ်လီၤ.

လံာ်နီၢ်အ့ၤစတၢ် 6:3

ဒီးစီၤပၤသံကွၢ်ဝဲ, “မ့ၢ်ပမၤလၤကပီၤဒီးဟ့ၣ်ဘျုးစီၤမၢ်ဒကဲၤ လၢတၢ်အံၤအဂီၢ်ဒ်လဲၣ်.” အခ့အပှၤတဖၣ်စံးဆၢဝဲ, “တၢ်တမၤတၢ်နီတမံၤလၢအဂီၢ်ဒံးဘၣ်.”

လံာ်ပှၤစံၣ်တဲၤတဲလီၤတၢ် 9:15

ပှၤအိၣ်ဝဲတဂၤဖဲန့ၣ်လၢအဖှီၣ်ဝဲဘၣ်ဆၣ်, ကူၣ်တၢ်သ့တုၤအမၤ ပူၤဖျဲးဝ့ၢ်အံၤန့ၣ်လီၤ. ဘၣ်ဆၣ်ပှၤတဆိကမိၣ်လၢအဂ့ၢ်နီတစုဘၣ်.

လံာ်ယိၤဟၣ် 11:19

ဒီးပှၤယူဒၤဖိအါဂၤဟဲဆူနီၢ်မၢ်သၤဒီးနီၢ်မၤရံအအိၣ် ဒ်သိးကကတိၤမုာ်ထီၣ်က့ၤအသးလၢအဝဲသ့ၣ်အဒီပုၢ်ဝဲၢ်သံ အဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:26

ဖဲစီၤဒၤဝံးဟဲက့ၤဆူဝ့ၢ်စံကလးန့ၣ်အဝဲဆှၢလီၤ, တၢ်ဂုာ်န့ၢ်တနီၤဆူအတံၤသကိးပှၤခိၣ်ပှၤနၢ်တဖၣ်လၢကီၢ်ယူဒၤ အအိၣ်ဃုာ်ဒီးတၢ်ကစီၣ်စံးဝဲ, “အအံၤမ့ၢ်တၢ်ဟ့ၣ်တမံၤလၢသုဂီၢ်လၢပဟဲက့ၤစိာ်အီၤလၢ ယွၤအဒုၣ်အဒါတဖၣ်အအိၣ်န့ၣ်လီၤ.”