လံာ်ကွဲးနီၣ်တၢ်အခီၣ်ထံးတဘ့ၣ် 19:16 - Sgaw Karen Common Bible

¹⁶ ပှၤစူၤရံဖိတဖၣ်သ့ၣ်ညါဝဲဒၣ်လၢအဝဲသ့ၣ်ဘၣ်တၢ်မၤနၢၤကွံာ် အီၤလၢပှၤအံၣ်စရ့လးဖိတဖၣ်လံအဃိ, အဝဲသ့ၣ်ဟဲကိးပှၤသုးဖိ တဖၣ်လၢကီၢ်စူၤရံအကီၢ်ဆၣ်တဖၣ်လၢအအိၣ်လၢထံကျိဖရၤသးအမုၢ် ထီၣ်, ဒီးပာ်လီၤအဝဲသ့ၣ်လၢကီၢ်ဆၣ်စိဘၤအစီၤပၤစီၤဟးဒၢ်ဧ့စ့ၢ် အပှၤသုးဖိအခိၣ်စီၤၡိဖးအတၢ်ပၢတၢ်ဆှၢအဖီလာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:16

စီၤပၤစီၤဟးဒးဧ့စ့ၢ်မၢပှၤကိးန့ၢ်အီၤပှၤစူၤရံဖိတဖၣ် လၢအအိၣ်လၢထံကျိဖရၤသးအမုၢ်ထီၣ်, ဒီးအဝဲသ့ၣ်ဟဲဝဲ ဆူဝ့ၢ်ဃ့လၣ်, ဆူစီၤၡိဘၤလၢအမ့ၢ်စီၤပၤစီၤဟးဒးဧ့စ့ၢ် အသုးခိၣ်ကျၢၢ်လၢဝ့ၢ်စိဘၤ, အတၢ်ပၢဆှၢအဖီလာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:15

တုၤပှၤဧၣ်မိၣ်ဖိတဖၣ်ထံၣ်ဘၣ်ဝဲလၢပှၤစူၤရံဖိတဖၣ်ထွးထီၣ် ဃ့ကွံာ်န့ၣ်, အဝဲသ့ၣ်စ့ၢ်ကီးထွးထီၣ်ဃ့ၢ်ကွံာ်လၢစီၤအဘံၡဲၤအအိၣ်ဒီးဂုၤ က့ၤအခံဆူဝ့ၢ်ပူၤန့ၣ်လီၤ. အန့ၣ်ဒီးစီၤယိၤအာ်က့ၤကဒါက့ၤဆူ ဝ့ၢ်ယရူၤၡလ့ၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:17

တုၤစီၤဒၤဝံးနၢ်ဟူတၢ်ဂ့ၢ်န့ၣ်အဝဲပာ်ဖှိၣ်ထီၣ်အံၣ်စရ့လးအသုးဖိ တဖၣ်ဒီးခီထံကျိယၢ်ဒ့ၢ်ဒီးပာ်လီၤအဝဲသ့ၣ်လၢတၢ်လီၢ်ဖဲ ပှၤစူၤရံဖိတဖၣ်အမဲာ်ညါန့ၣ်လီၤ.

စံးထီၣ်ပတြၢၤ 2:1

ဘၣ်မနုၤလၢပှၤကလုာ်တဖၣ် ကူၣ်ထီၣ်ဖးလီၤတၢ်ပူထီၣ်လီထီၣ်. ဒီးပှၤဂီၢ်မုၢ်တဖၣ်ကူၣ်ထီၣ်ဖးလီၤ တၢ်ကလီကလီဘၣ်မနုၤန့ၣ်လဲၣ်.

လံာ်ယၡါယၤ 8:9

ပှၤကလုာ်ခဲလၢာ်သ့ၣ်ဧၢ, ပာ်ဖှိၣ်သကိးသုသးလၢတၢ်ပျံၤတၢ် ဖုးအပူၤတက့ၢ်. ဒိကနၣ်တၢ်တက့ၢ်, သုဝဲလၢအအိၣ်လၢဟီၣ် ခိၣ်တၢ်လီၢ်အယံၤတဖၣ်သ့ၣ်ဧၢ, အိၣ်ကတဲာ်ကတီၤသုသးလၢ သုကဒုးတၢ်, ဘၣ်ဆၣ်ဒီးပျံၤတၢ်တက့ၢ်. မ့ၢ်လံ, ကတဲာ်ကတီၤသုသး, ဘၣ်ဆၣ်ဒီးပျံၤတၢ်တက့ၢ်.