လံာ်ကွဲးနီၣ်တၢ်အခီၣ်ထံးတဘ့ၣ် 18:4 - Sgaw Karen Common Bible

⁴ စီၤဒၤဝံးဖီၣ်န့ၢ်တ့ၢ်အလ့ၣ်ကဟၣ်အဆိ တကထိ, ပှၤသုးဖိလၢအဒိးကသ့ၣ် နွံကထိဂၤ, ပှၤသုးဖိလၢအဟးလၢအခီၣ် ခံကလး ဂၤန့ၣ်လီၤ. စီၤဒၤဝံးပာ်ဃးကသ့ၣ်လၢကလၢဝဲလၢလ့ၣ် ကဟၣ်တကယၤ အဂီၢ်, ဒီးကသ့ၣ်အိၣ်လီၤတဲာ်တဖၣ်န့ၣ်ပဲာ်တဲာ်ကွံာ်ဝဲ အခီၣ်ထူၣ်ခဲလၢာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:4 Iomraidhean Croise

လံာ်တၢ်ကဲထီၣ်အခီၣ်ထံး 49:6

ယတမၤဃုာ်တၢ်လၢအဝဲသ့ၣ်အတၢ်ကတိၤခူသူၣ်တဖၣ်အပူၤမ့ၢ်ဂ့ၤ, ယတအိၣ်ဖှိၣ်ရိဖှိၣ်ဃုာ်ဒီးအဝဲသ့ၣ်လၢအတၢ်ထံၣ်လိာ်သးတဖၣ် အပူၤမ့ၢ်ဂ့ၤဘၣ်. အဂ့ၢ်ဒ်အံၤ, အဝဲသ့ၣ်မၤသံ တ့ၢ်ပှၤကညီတဖၣ်လၢတၢ်သးဒိၣ်အပူၤဒီးမၤဟးဂီၤကွံာ်ကျီၢ်ဖါ တဖၣ်အခီၣ်လၢတၢ်လိာ်ကွဲအဂီၢ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:4

စီၤဒၤဝံးဖီၣ်န့ၢ်အဝဲအပှၤကသ့ၣ်သုးဖိအဂၤတကထိနွံကယၤဒီး အဝဲပှၤခီၣ်သုးဖိအဂၤခံကလးန့ၣ်လီၤ. အဝဲပာ်ဃးဒံးကသ့ၣ်တဖၣ်လၢလၢလီၣ်လီၣ်လၢလ့ၣ်ကဟၣ်ဒုးသုးအဆိ တကယၤအဂီၢ်ဝံၤဒီး, အဂၤတဖၣ်န့ၣ်မၤဟးဂီၤကွံာ်ဝဲအခီၣ်ခဲလၢာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:26

စီၤၡလိၤမိၤပာ်ဖှိၣ်ထီၣ်လ့ၣ်ကဟၣ်သုးတဖုလၢအနီၣ်ဂံၢ်အိၣ်ဝဲ အဆိတကထိလွံၢ်ကယၤဒီးပှၤဒိးကသ့ၣ်သုးဖိအိၣ်ဝဲအဂၤတကလးခံ ကထိန့ၣ်လီၤ. တနီၤန့ၣ်အဝဲပာ်ဝဲလၢဝ့ၢ်ယရူၤၡလ့ၣ်အပူၤဒီးအဂၤတဖၣ်န့ၣ်အဝဲ ပာ်လီၤဝဲလၢဝ့ၢ်အဂုၤအဂၤတဖၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:2

ဒီးအအံၤမ့ၢ်အဝဲအပဒိၣ်ဖးဒိၣ်တဖၣ်န့ၣ်လီၤ. ပှၤလုၢ်တၢ်အခိၣ်မ့ၢ်ဝဲစီၤစၤဒိးအဖိခွါစီၤဧစၤရယၤ,

လံာ်ကွဲးနီၣ်တၢ်အခီၣ်ထံးတဘ့ၣ် 18:3

မၤကဒီးစီၤဒၤဝံးဒုးကီၢ်စူၤရံအကီၢ်ဆၣ်စိဘၤအစီၤပၤဟး ဒၢ်ဧ့စ့ၢ်, ဘူးဒီးဝ့ၢ်ဃမါသး, မ့ၢ်လၢစီၤပၤဟးဒၢ်ဧ့စ့ၢ်ဂုာ်ကျဲးစၢး လၢကမၤန့ၢ်တၢ်လီၢ်ဖဲထံကျိဖရၤသးအထးခီလၢကပၢဘၣ်ဝဲအဂီၢ် အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:5

ဖဲပှၤစူၤရံဖိတဖၣ်လၢဝ့ၢ်ဒၤမ့ၤစ့းဆှၢလီၤသုးမုၢ်တဖုလၢ ကမၤစၢၤစီၤပၤဟးဒၢ်ဧ့စ့ၢ်န့ၣ်, စီၤဒၤဝံးဒုးအီၤမၤသံကွံာ်ပှၤ ခံကလးခံကထိဂၤန့ၣ်လီၤ.

စံးထီၣ်ပတြၢၤ 20:7

ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.

လံာ်စီၤယိၤၡူ 11:6

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. အဂ့ၢ်မ့ၢ်လၢခဲမုၢ်ဆ့ၣ်ဒ်သိးအံၤအဆၢကတီၢ်န့ၣ်ယကမၤသံအဝဲ သ့ၣ်ခဲလၢာ်ဒီးဟ့ၣ်လီၤအီၤလၢအံၣ်စရ့လးအစုပူၤအဃိန့ၣ် လီၤ. သုကဘၣ်ကျီတဲာ်အကသ့ၣ်တဖၣ်အခီၣ်ထူၣ်ဒီးဒွဲၣ်အူ ထီၣ်အလ့ၣ်ကဟၣ်တဖၣ်လၢမ့ၣ်အူန့ၣ်လီၤ.”

လံာ်စီၤယိၤၡူ 11:9

ဒီးစီၤယိၤၡူမၤဒ်ယွၤမၤလိာ်တ့ၢ်အီၤအသိး, ကျီတဲာ်ကွံာ်အဝဲ သ့ၣ်အကသ့ၣ်တဖၣ်အခီၣ်ထူၣ် ဒီးဒွဲၣ်အူထီၣ်ကွံာ်အဝဲသ့ၣ်အလ့ၣ်ကဟၣ်တဖၣ်လၢမ့ၣ်အူန့ၣ်လီၤ.