လံာ်ကွဲးနီၣ်တၢ်အခီၣ်ထံးတဘ့ၣ် 18:3 - Sgaw Karen Common Bible

³ မၤကဒီးစီၤဒၤဝံးဒုးကီၢ်စူၤရံအကီၢ်ဆၣ်စိဘၤအစီၤပၤဟး ဒၢ်ဧ့စ့ၢ်, ဘူးဒီးဝ့ၢ်ဃမါသး, မ့ၢ်လၢစီၤပၤဟးဒၢ်ဧ့စ့ၢ်ဂုာ်ကျဲးစၢး လၢကမၤန့ၢ်တၢ်လီၢ်ဖဲထံကျိဖရၤသးအထးခီလၢကပၢဘၣ်ဝဲအဂီၢ် အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:3 Iomraidhean Croise

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်စီၤၡမူၤအ့လးခံဘ့ၣ်တဘ့ၣ် 10:6

ပှၤဧၣ်မိၣ်ဖိတဖၣ်ထံၣ်သ့ၣ်ညါဝဲလၢအဝဲသ့ၣ်ဒုးကဲထီၣ်စီၤဒၤ ဝံးလၢအဝဲသ့ၣ်အဒုၣ်အဒါလံ, သတးဒီးအဝဲသ့ၣ်ဒိးလဲန့ၢ်ဝဲ ပှၤစူၤရံအသုးဖိအဂၤခံကလးလၢဝ့ၢ်ဘ့ၤသရဃိာ်ဒီးဝ့ၢ်စိဘၤ, ပှၤအဂၤတကလးခံကထိလၢဝ့ၢ်တိာ်ဒီးကိးဝ့ၢ်မကၤအစီၤပၤဃုာ် ဒီးအပှၤတကထိဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:3

အန့ၣ်ဝံၤဒီးအဝဲမၤနၢၤကွံာ်ပှၤစူၤရံဖိအစီၤပၤလၢကီၢ်ဆၣ်စိဘၤ, စီၤရဃိာ်အဖိခွါစီၤဟးဒးဧ့စ့ၢ်, ဖဲစီၤဟးဒးဧ့စ့ၢ်လဲၤ တၢ်လၢကျဲအဖၢမုၢ်ဒ်သိးအကလဲၤမၤန့ၢ်က့ၤအတၢ်ပၢၤဘၣ်လီၢ်ကဝီၤ လၢထံကျိဖရၤသးအထးခီအဂီၢ်အခါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:2

အဝဲမၤနၢၤကွံာ်စ့ၢ်ကီးပှၤမိၤအးဖိတဖၣ်လၢအကဲထီၣ်ပှၤတဖၣ် လၢအပၢဘၣ်ဝဲ, ဒီးအဝဲသ့ၣ်ဘၣ်ဟ့ၣ်အီၤတၢ်ခိတၢ်သွဲတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:4

စီၤဒၤဝံးဖီၣ်န့ၢ်တ့ၢ်အလ့ၣ်ကဟၣ်အဆိ တကထိ, ပှၤသုးဖိလၢအဒိးကသ့ၣ် နွံကထိဂၤ, ပှၤသုးဖိလၢအဟးလၢအခီၣ် ခံကလး ဂၤန့ၣ်လီၤ. စီၤဒၤဝံးပာ်ဃးကသ့ၣ်လၢကလၢဝဲလၢလ့ၣ် ကဟၣ်တကယၤ အဂီၢ်, ဒီးကသ့ၣ်အိၣ်လီၤတဲာ်တဖၣ်န့ၣ်ပဲာ်တဲာ်ကွံာ်ဝဲ အခီၣ်ထူၣ်ခဲလၢာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:3

အဝဲလဲၤထီၣ်ဒုးဒီးမၤန့ၢ်စ့ၢ်ကီးဝ့ၢ်ဃမါသးဒီးဝ့ၢ်စိဘၤ ဃုာ်ဒီးအခိၣ်အဃၢၤတဖၣ်,

လံာ်စီၤဧ့စြၤ 4:20

စီၤပၤလၢအအိၣ်ဒီးတၢ်စိတၢ်ကမီၤတဖၣ်ပၢတ့ၢ်တၢ်ဖဲန့ၣ်, ဒီးပၢဘၣ်တၢ်လၢကီၢ်ဖရၤသးအမုၢ်နုာ်ဒီးထၢဖှိၣ်ဝဲတၢ်ခိ တၢ်သွဲတဖၣ်, လၢထံလီၢ်ကီၢ်ပူၤဒီးလၢတၢ်ဖိတၢ်လံၤလၢအဟဲလၢ ထံဂၤကီၢ်ဂၤတဖၣ်အဖီခိၣ်န့ၣ်လီၤ.

စံးထီၣ်ပတြၢၤ 60:1

ကစၢ်ယွၤဧၢ, နညိကွံာ်တ့ၢ်လံပှၤလံ. နမၤလီၤမုၢ်လီၤဖးလံပှၤလံ. နသးထီၣ်တ့ၢ်လံ. ဘၣ်ဆၣ်ခဲအံၤ ဃၣ်က့ၤနသးဆူပအိၣ်တက့ၢ်.

စံးထီၣ်ပတြၢၤ 60:2

နမၤဆှဲးဆှိးတ့ၢ်လံဟီၣ်ခိၣ်, နမၤသ့ၣ်ဖးလံအီၤလံ. ဘှီက့ၤအတၢ်သ့ၣ်ဖးအလီၢ်န့ၣ်တက့ၢ်. အဂ့ၢ်ဒ်အံၤ, ဟူးဝးဝဲလီၤ.

လံာ်တၢ်ဟးထီၣ်ကွံာ် 23:31

ယကမၤလဲၢ်ထီၣ်သုကီၢ်အဆၢစးထီၣ်လၢပီၣ်လဲၣ်က့ၣ်ကျီၤအကၣ်ဘၣ် ပၢၢ်တုၤလၢထံကျိဖးဒိၣ်ဖရၤသးဒီးစးထီၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်တုၤလၢပှၢ်မုၢ်ကနၢန့ၣ်လီၤ. ယကဟ့ၣ်သုတၢ်စိတၢ်ကမီၤလၢပှၤအိၣ်လၢကီၢ်န့ၣ်တဖၣ်အဖီခိၣ်ဒီး သုကနီၣ်ထီၣ်ကွံာ်အီၤဖဲသုလဲၤထီၣ်ဒုးတၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:47

ဖဲစီၤစီလူးကဲထီၣ်ကီၢ်အံၣ်စရ့လးအစီၤပၤဝံၤအလီၢ်ခံန့ၣ်, အဝဲဒုးကယဲၢ်အဒုၣ်အဒါခဲလၢာ်လၢတၢ်လီၢ်ကိးပူၤဒဲး, လၢအမ့ၢ်ပှၤဂီၢ်မုၢ်လၢကီၢ်မိၤအး, ကီၣ်ဧၣ်မိၣ်, ဒီးကီၢ်အဒိၣ်, ဒီးစီၤပၤတဖၣ်လၢဝ့ၢ်စိဘၤ, ဒီးပှၤဖလ့ၡသးဖိ တဖၣ်န့ၣ်လီၤ. ဖဲအဒုးတၢ်တပူၤလၢ်လၢ်န့ၣ်မၤနၢၤတၢ်လီၤ.