လံာ်ကွဲးနီၣ်တၢ်အခီၣ်ထံးတဘ့ၣ် 18:2 - Sgaw Karen Common Bible

² အဝဲမၤနၢၤကွံာ်စ့ၢ်ကီးပှၤမိၤအးဖိတဖၣ်လၢအကဲထီၣ်ပှၤတဖၣ် လၢအပၢဘၣ်ဝဲ, ဒီးအဝဲသ့ၣ်ဘၣ်ဟ့ၣ်အီၤတၢ်ခိတၢ်သွဲတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:2

အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:2

အဝဲဟဲကိးဃုာ်အတၢ်ခ့တၢ်ပှၤအါအါဂီၢ်ဂီၢ်ဃုာ်ဒီးကီၤလၤအူး တဖၣ်လၢတၢ်ပဒၢးအီၤဒီးတၢ်နၢမူတဖၣ်, တၢ်မျၢ်ပလဲတဖၣ်ဒီးထူအါအါဂီၢ်ဂီၢ်န့ၣ်လီၤ. တုၤအဝဲဒီးစီၤၡလိၤမိၤထံၣ်လိာ်အသးန့ၣ်, အဝဲသံကွၢ်အီၤ, ကယဲၢ်တၢ်သံကွၢ်လၢအဆိကမိၣ်ထီၣ်ဝဲသ့တဖၣ်ခဲလၢာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:25

ကယဲၢ်ပှၤလၢအဟဲတဂၤလၢ်လၢ်န့ၣ်ဟဲစိာ်န့ၢ်အီၤတၢ်ဟ့ၣ်တမံၤမံၤ, လၢအမ့ၢ်ဝဲ, တၢ်ပီးတၢ်လီတဖၣ်လၢအမ့ၢ်စ့မ့တမ့ၢ်ထူ, ဆ့ကၤဖးထီတဖၣ်, တၢ်စုကဝဲၤတဖၣ်, တၢ်နၢမူနၢဆှီတဖၣ်, ကသ့ၣ်တဖၣ်ဒီးကသ့ၣ်လၤတဖၣ်န့ၣ်လီၤ. တၢ်အံၤမၤထွဲအသးတနံၣ်ဝံၤတနံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:1

တယံာ်အါအါဘၣ်အလီၢ်ခံန့ၣ်စီၤပၤဒၤဝံးဒုးကဒီးတၢ်ဒီးပှၤ ဖလ့ၡသးဖိတဖၣ်ဒီးမၤနၢၤကွံာ်အဝဲသ့ၣ်န့ၣ်လီၤ. အဝဲဟံးန့ၢ်ကွံာ်ဝ့ၢ်ကၤသးဒီးသဝီအိၣ်ဝးတရံးအီၤတဖၣ်လၢ အဝဲသ့ၣ်အတၢ်ပၢၤဃာ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:3

မၤကဒီးစီၤဒၤဝံးဒုးကီၢ်စူၤရံအကီၢ်ဆၣ်စိဘၤအစီၤပၤဟး ဒၢ်ဧ့စ့ၢ်, ဘူးဒီးဝ့ၢ်ဃမါသး, မ့ၢ်လၢစီၤပၤဟးဒၢ်ဧ့စ့ၢ်ဂုာ်ကျဲးစၢး လၢကမၤန့ၢ်တၢ်လီၢ်ဖဲထံကျိဖရၤသးအထးခီလၢကပၢဘၣ်ဝဲအဂီၢ် အဃိန့ၣ်လီၤ.

စံးထီၣ်ပတြၢၤ 60:8

မိၤအးမ့ၢ်ယသ့စီတၢ်အသရာ်တဖျၢၣ်, ယကွံာ်တ့ၢ်ယခီၣ်ဖံးလၢအဒိၣ်အဖီခိၣ် ယကကိးထီၣ်တၢ်မၤနၢၤလၢ ဖလ့ၡသးအဖီခိၣ်လီၤ.”

လံာ်ယၡါယၤ 11:14

အဝဲသ့ၣ်ကပာ်ဖှိၣ်အသးဒီးကဒုးတၢ်ထီဒါပှၤဖလ့ၡသးဖိလၢ မုၢ်နုာ်တခီဒီးဂုာ်ဆူၣ်ပျီဆူၣ်ပှၤလၢအအိၣ်လၢမုၢ်ထီၣ်တကပၤ န့ၣ်လီၤ. အဝဲသ့ၣ်ကမၤန့ၢ်မၤနၢၤပှၤအဒိၣ်ဒီးမိၤအး, ဒီးပှၤဧၣ်မိၣ်ဖိကစူၢ်အဝဲသ့ၣ်လီၤ.

လံာ်ယၡါယၤ 16:1

လၢဝ့ၢ်စ့လၤလၢပှၢ်မုၢ်ကနၢအပူၤတခီ, ပှၤမိၤအးဖိတဖၣ်ဆှၢအသိတဒုဒ်တၢ် ဟ့ၣ်တခါအသိးဆူပှၤတဂၤလၢအပၢတၢ်လၢဝ့ၢ် ယရူၤၡလ့ၣ်အပူၤန့ၣ်လီၤ.

လံာ်တၢ်ဂံၢ် 24:17

ယကွၢ်တၢ်ဆူခါဆူညါအပူၤ, ဒီးယထံၣ်အံၣ်စရ့လးအပှၤကလုာ်, စီၤပၤတဂၤ, လီၤဂာ်ဒီးဆၣ်လၢအကပီၤတဖျၢၣ်ကဟဲထီၣ်လၢပှၤကလုာ် န့ၣ်အပူၤလီၤ. ဒ်ဆၣ်မဲၢ်ထီၣ်တဖျၢၣ်အသိးန့ၣ်အဝဲကဟဲထီၣ်လၢကီၢ်အံၣ်စရ့လး အပူၤလီၤ. အဝဲကတီၢ်ကီၢ်မိၤအးအခိၣ်အနၢ်တဖၣ်, ဒီးဒိလီၤပှီၢ်ကယဲၢ်စ့ဧၢ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:27

ဘၣ်ဆၣ်ဒီးပှၤကလီကလီတနီၤစံးဝဲဒၣ်, ပှၤတဂၤအံၤမၤတၢ်ဂ့ၤလၢ ပဂီၢ်တမံၤမံၤကသ့ဝဲမနုၤလဲၣ်. အဝဲသ့ၣ်တကနၣ်ဃုာ်စီၤစီလူးဒီးတဟဲစိာ်န့ၢ်အီၤလၢ တၢ်ဟ့ၣ်ကနၢၤနီတမံၤဘၣ်.