လံာ်ကွဲးနီၣ်တၢ်အခီၣ်ထံးတဘ့ၣ် 18:13 - Sgaw Karen Common Bible

¹³ အဝဲသူၣ်ထီၣ်ဝဲသုးမုၢ်သူၣ်ဒဲအလီၢ်တဖၣ်လၢကီၢ်အဒိၣ်ဒီ တကီၢ်ညါဒီးပှၤဂီၢ်မုၢ်အိၣ်ဖဲန့ၣ်ကဲထီၣ်ပှၤတဖၣ်လၢစီၤပၤဒၤဝံး ပၢဘၣ်အီၤန့ၣ်လီၤ. ယွၤဟ့ၣ်စီၤဒၤဝံးလၢတၢ်မၤနၢၤလၢတၢ်လီၢ်ကိးပူၤဒဲးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:13 Iomraidhean Croise

လံာ်တၢ်ကဲထီၣ်အခီၣ်ထံး 25:23

ဒီးယွၤစံးဘၣ်အီၤ, “ပှၤကလုာ်ခံကလုာ်အိၣ်ဝဲလၢနပူၤလီၤ. နကဆံးစၢ်ထီၣ်, ပှၤဂီၢ်မုၢ်ထီဒါလိာ်သးခံဖုန့ၣ်လီၤ. ပှၤတကလုာ်ကဆူၣ်န့ၢ်အဂၤတကလုာ်လီၤ. ပှၤအဒိၣ်ကဘၣ်မၤတၢ်ခ့တၢ်ပှၤ အတၢ်မၤလၢပှၤအဆံးအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 27:29

မ်ပှၤကလုာ်တဖၣ်ကဲထီၣ်နခ့နပှၤတဖၣ်ဒီးပှၤဂီၢ်မုၢ်တဖၣ်တီၤလီၤ လၢနမဲာ်ညါတက့ၢ်. မ်နပၢဘၣ်နဘူးနတံၢ်ခဲလၢာ်ဒီးမ်နမိၢ်အစၢၤအသွဲၣ်တဖၣ်တီၤ လီၤလၢနမဲာ်ညါတက့ၢ်. မ်ပှၤလၢအဆိၣ်အၢနၤကဘၣ်တၢ်ဆိၣ်အၢဒီးပှၤလၢအဆိၣ်ဂ့ၤနၤကဘၣ် တၢ်ဆိၣ်ဂ့ၤတက့ၢ်.”

လံာ်တၢ်ကဲထီၣ်အခီၣ်ထံး 27:37

စီၤအံၤစဲးစံးဆၢဝဲ, “ယဖိခွါဧၢ, ယဒုးကဲတ့ၢ်အီၤကစၢ်လၢ နဖီခိၣ်လံ. ဒီးယဒုးကဲအဘူးအတံၢ်ခဲလၢာ်လၢအကုၢ်အပှၤတဖၣ်လီၤ. ယဟ့ၣ်တ့ၢ်လံအီၤဘုဧိၤဟုဧိၤဒီးစပံးထံလံ. ခဲအံၤ, ယမၤတၢ်လၢနဂီၢ်တသ့နီတမံၤလၢၤဘၣ်.”

လံာ်တၢ်ကဲထီၣ်အခီၣ်ထံး 27:40

နကအိၣ်မူခီဖျိနနးလီၤ. ဘၣ်ဆၣ်ဒီးနကမ့ၢ်နပုၢ်အကုၢ်အပှၤလီၤ. ဒီးတုၤနပူထီၣ်အီၤဒီးနကပူၤဖျဲးလၢအတၢ်ပၢနၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 23:14

အကတီၢ်ဖဲန့ၣ်, စီၤဒၤဝံးအိၣ်ဝဲလၢတိာ်ခၢၣ်သနၢၣ်တဖျၢၣ်အပူၤ ဒီးပှၤဖလ့ၡသးဖိတဖုမၤန့ၢ်ကွံာ်ဝ့ၢ်ဘ့ၤသလ့ဃ့ၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:15

တချုးဒံးဘၣ်လၢတၢ်အံၤမၤအသးအါနံၣ်အါလါ, ဖဲစီၤဒၤဝံးမၤနၢၤကွံာ်ကီၢ်အဒိၣ်န့ၣ်, အဝဲအသုးမုၢ်အသုး ခိၣ်ကျၢၢ်စီၤယိၤအာ်လဲၤတ့ၢ်ဖဲန့ၣ်လၢကခူၣ်လီၤကွံာ်ပှၤသံ တဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:12

နီၢ်စရူယၤအဖိခွါစီၤအဘံၡဲၤမၤနၢၤကွံာ်ပှၤအဒိၣ်ဖိတဖၣ် ဖဲကစၢၢ်ကဆူးအံသၣ်ဒီးမၤသံကွံာ်ပှၤ ၁၈၀၀၀ ဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:14

စီၤဒၤဝံးပၢတ့ၢ်တၢ်လၢအံၣ်စရ့လးဒီကီၢ်ညါအဖီခိၣ်ဒီးမၤ လီၤတံၢ်ဝဲလၢအပှၤဂီၢ်မုၢ်တဖၣ်ဘၣ်တၢ်မၤအီၤဒ်အဂ့ၤဝဲဘၣ်ဝဲ ဒီးတီတီလိၤလိၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:6

အန့ၣ်ဒီးအဝဲပာ်လီၤသုးမုၢ်သူၣ်ဒဲအလီၢ်တဖၣ်လၢအဝဲသ့ၣ်အလီၢ် ကဝီၤပူၤ, ဒီးအဝဲသ့ၣ်ကဲထီၣ်ပှၤတဖၣ်လၢစီၤဒၤဝံးပၢဘၣ်အီၤဒီးအဝဲ သ့ၣ်ဘၣ်ဟ့ၣ်တၢ်ခိတၢ်သွဲတဖၣ်ဆူအီၤန့ၣ်လီၤ. ယွၤဟ့ၣ်စီၤဒၤဝံးလၢတၢ်မၤနၢၤလၢတၢ်လီၢ်ကိးပူၤဒဲးန့ၣ်လီၤ.

စံးထီၣ်ပတြၢၤ 121:7

ယွၤကခိးတြီကွံာ်တၢ်အၢလၢနၤခဲလၢာ်လီၤ. ကအံးလီၤကွၢ်လီၤနသးလီၤ.

စံးထီၣ်ပတြၢၤ 144:10

နဟ့ၣ်တၢ်မၤနၢၤဆူစီၤပၤတဖၣ်, ဒီးမၤပူၤဖျဲးနခ့နပှၤစီၤဒၤဝံးန့ၣ်လီၤ.

လံာ်တၢ်ဂံၢ် 24:18

အဝဲကမၤနၢၤကွံာ်အဒုၣ်အဒါတဖၣ်လၢကီၢ်အဒိၣ်အပူၤ, ဒီးဒုးကဲထီၣ်အဝဲသ့ၣ်အကီၢ်လၢအတၢ်ဖဲကီၢ်အံၣ်စရ့လးမၤနၢၤ ထွဲဒံးတၢ်ဆူညါအခါန့ၣ်လီၤ.

၂ ကရံၣ်သူး 11:32

ဖဲယအိၣ်လၢဝ့ၢ်ဒၤမ့ၤစ့းအဆၢကတီၢ်န့ၣ်, ပဒိၣ်လၢစီၤပၤအရံတၢ်အဖီလာ်တဂၤပာ်လီၤဃာ်ပှၤခိး တၢ်ဖိဖဲဝ့ၢ်အတြဲၤတဖၣ်အခီၣ်ထံးဒ်သိးအကဖီၣ်န့ၢ်ယၤ အဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:5

အန့ၣ်ဝံၤဒီးနကလဲၤဆူကစၢ်ယွၤအကစၢၢ်အအိၣ်လၢဝ့ၢ်ကံးဘဧးအပူၤ ဖဲပှၤဖလ့ၡသးဖိတဖၣ်သူၣ်ဒဲအလီၢ်အိၣ်ဝဲတတီၤန့ၣ်လီၤ. ဖဲတၢ်လဲၤနုာ်လီၤဆူဝ့ၢ်အကျဲစၢၤန့ၣ်နကထံၣ်လိာ်ဒီးဝံတဖု ဟဲလီၤလၢတၢ်လုၢ်လီၢ်အိၣ်လၢကစၢၢ်လိၤန့ၣ်ဒ့ဒီးသီတူၢ်တဖၣ်, ပှီၢ်ဒၢတဖၣ်, အူပံတဖၣ်ဒီးမၤသီၣ်စှၢၢ်စှံးတဖၣ်န့ၣ်လီၤ. အဝဲသ့ၣ်ကဂဲၤကလံာ်ဒီးကိးပသူဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:3

စီၤယိနၤသၣ်မၤသံကွံာ်ပှၤဖလ့ၡသးဖိအသုးခိၣ်ဖးဒိၣ်လၢဝ့ၢ်က့ဘၤ, ဒီးကယဲၢ်ပှၤဖလ့ၡသးဖိကိးဂၤနၢ်ဟူတၢ်ဂ့ၢ်န့ၣ်လီၤ. အန့ၣ်ဝံၤဒီးစီၤစီလူးဆှၢလီၤပှၤစိာ်တၢ်ကစီၣ်ဒ်သိးကကိး ဖှိၣ်ပှၤဧ့ၤဘြံၤဖိဆူတၢ်ဒုးတၢ်ယၤခီဖျိတၢ်အူထီၣ်ကွဲၤတဖျၢၣ် သကုၤကီၢ်ဒီဘ့ၣ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:1

ဘၣ်တနံၤန့ၣ်, စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤလၢ အစိာ်အစုကဝဲၤတဖၣ်န့ၣ်, “မ်ပကလဲၤခီသကိးဆူပှၤဖလ့ၡသးဖိ တဖၣ်အသူၣ်ဒဲလီၢ်တက့ၢ်.” ဘၣ်ဆၣ်ဒီးစီၤယိနသၣ်တတဲဘၣ်တ့ၢ်အပၢ်စီၤစီလူး,

လံာ်စီၤၡမူၤအ့လးအခီၣ်ထံးတဘ့ၣ် 18:14

ဒီးအဝဲမၤနၢၤတၢ်လၢကယဲၢ်အတၢ်မၤခဲလၢာ်အပူၤလီၤ. အဂ့ၢ်ဒ်အံၤ, ယွၤအိၣ်ဒီးအီၤလီၤ.