လံာ်ကွဲးနီၣ်တၢ်အခီၣ်ထံးတဘ့ၣ် 17:5 - Sgaw Karen Common Bible

⁵ စးထီၣ်လၢယမၤပူၤမၤဖျဲးအံၣ်စရ့လးအပှၤဂီၢ်မုၢ်လၢကီၢ်အဲၤ ကူပတူး, တုၤခဲအံၤန့ၣ်, ယတအိၣ်ဆိးတ့ၢ်လၢတၢ်လုၢ်ဟံၣ်တဖျၢၣ် အပူၤနီတစုဘၣ်. ထီဘိယအိၣ်ဆိးဒၣ်လၢဒဲတဖၣ်အပူၤဒီးသုးယလီၢ်လၢတၢ်လီၢ်တပူၤ ဘၣ်တပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:17

အဝဲသ့ၣ်ဟဲစိာ်ဃီၤတလါစီဆှံန့ၣ်ဒီးပာ်ထီၣ်အီၤလၢအလီၢ်ဖဲ ယွၤအဒဲစီဆှံပူၤ, တၢ်လီၢ်ဖဲစီၤဒၤဝံးမၤပာ်န့ၢ်အလီၢ်န့ၣ်လီၤ. အန့ၣ်ဝံၤဒီးအဝဲလုၢ်ထီၣ်တၢ်လုၢ်တၢ်ပာ်တဖၣ် ဒီးတၢ်လုၢ်မၤဃူမၤဖိးတဖၣ်ဆူယွၤအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:6

စးထီၣ်မုၢ်တနံၤလၢယမၤပူၤဖျဲးတ့ၢ်ကီၢ်အံၣ်စရ့လးအပှၤဂီၢ် မုၢ်လၢကီၢ်အဲၤကူပတူးအပူၤတုၤခဲကနံၣ်တစုန့ၣ်ယလဲၤဝ့ၤဝီၤ တၢ်ဒီးအိၣ်ဆိးလၢဒဲတဖျၢၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:16

စးထီၣ်လၢယဒုးဟးထီၣ်ကွံာ်ယပှၤဂီၢ်မုၢ်လၢကီၢ်အဲၤကူပတူး အပူၤန့ၣ်, လၢကီၢ်အံၣ်စရ့လးအပူၤယတဃုထၢဘၣ်ဝ့ၢ်နီတဖျၢၣ်ဒ်သိးတၢ်လုၢ် ဟံၣ်တဖျၢၣ်ကဘၣ်တၢ်ဘှီထီၣ်အီၤလၢတၢ်ကဘူၣ်ထီၣ်ဘါထီၣ်ယွၤအဂီၢ် န့ၣ်ဘၣ်. ဘၣ်ဆၣ်ယဃုထၢထီၣ်နၤ, စီၤဒၤဝံးလၢကပၢယပှၤဂီၢ်မုၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 8:27

ဘၣ်ဆၣ်ဒီးကစၢ်ယွၤဧၢ, မ့ၢ်နအိၣ်နဆိးနီၢ်နီၢ်လၢဟီၣ်ခိၣ်အံၤ ကသ့စ့ၢ်ကီးဧါ. ကယဲၢ်မူခိၣ်အလီၢ်ဒၣ်လဲာ်တလဲၢ်ဝဲလၢနကအိၣ်ကဆိးဘၣ်အဃိ, ယွၤအတၢ်လုၢ်ဟံၣ်လၢယဘှီ ထီၣ်အံၤတြီၢ်ဝဲလၢလၢလီၣ်လီၣ်လၢနဂီၢ်ကသ့ဒ်လဲၣ်.

လံာ်စီၤပၤအခီၣ်ထံးတဘ့ၣ် 8:4

ဒီးလဲၤစိာ်ဝဲဆူယွၤအတၢ်လုၢ်ဟံၣ်အပူၤန့ၣ်လီၤ. ပှၤလ့ၤဝံဖိဒီးပှၤလုၢ်တၢ်အခိၣ်တဖၣ်သုးစ့ၢ်ကီးဝဲယွၤအဒဲ လၢယွၤအိၣ်ဝဲဆိးဝဲဒီးအတၢ်အပီးအလီခဲလၢာ်ဆူယွၤအတၢ်လုၢ် ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:6

ဘၣ်ဆၣ်, ပှၤသူၣ်ထီၣ်တၢ်လုၢ်ဟံၣ်တဖျၢၣ်လၢယွၤအဂီၢ်တသ့နီၢ်နီၢ် နီတဂၤဘၣ်. အဂ့ၢ်ဒ်အံၤ, ကယဲၢ်မူခိၣ်အတၢ်လီၢ်အလဲၢ်ခဲလၢာ်ဒၣ်လဲာ်, အဝဲအိၣ်တတြီၢ်ဘၣ်. မ့မ့ၢ်ဒ်န့ၣ်ဒီး, တၢ်လုၢ်ဟံၣ်တဖျၢၣ်လၢ ယသူၣ်ထီၣ်အီၤအံၤ, မ့ၢ်တၢ်အါန့ၢ်ဒံးတၢ်လီၢ်တတီၤဖဲ တၢ်လုၢ်နၢမူကဘၣ်တၢ်ဆူးကဲၤထီၣ်အီၤဆူကစၢ်ယွၤန့ၣ်, ကသ့ဒ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 6:18

ဘၣ်ဆၣ်ဒီး, အိကစၢ်ယွၤဧၢ, နအိၣ်နဆိးလၢဟီၣ်ခိၣ်ချၢလၢပှၤပိာ် ခွါတဖၣ်ဒီးပှၤပိာ်မုၣ်တဖၣ်အကျါ, ဘၣ်ကသ့နီၢ်နီၢ်ဧါ. ကယဲၢ်မူခိၣ်အလီၢ်ခဲလၢာ်ဒၣ်လဲာ်န့ၣ်, တလဲၢ်ဝဲတုၤကလၢဝဲလၢနကအိၣ်ကဆိးအဂီၢ်န့ၣ်ဘၣ်. လၢတၢ်န့ၣ်အဃိ, ယွၤအတၢ်လုၢ်ဟံၣ်လၢယသူၣ်ထီၣ်တ့ၢ်အီၤအံၤ, လဲၢ်ဝဲလၢလၢလီၣ်လီၣ်ကသ့ဒ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 6:5

စးထီၣ်လၢယထုးထီၣ်ကွံာ်ယပှၤဂီၢ်မုၢ်လၢကီၢ်အဲၤကူပတူးအပူၤ တုၤလီၤခဲအံၤန့ၣ်, ယတဃုထၢတ့ၢ်ဝ့ၢ်လၢကီၢ်အံၣ်စရ့လးအပူၤနီတဖျၢၣ်, ဒ်တၢ်လီၢ်လၢတၢ်ကသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်ကဘူၣ်ထီၣ်ဘါ ထီၣ်ယၤအဂီၢ်, ဒီးယတဃုထၢတ့ၢ်ပှၤနီတဂၤလၢကဆှၢယပှၤဂီၢ်မုၢ်, ပှၤအံၣ်စရ့လးဖိတဖၣ်န့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 6:6

ဘၣ်ဆၣ်ဒီး, ခဲကနံၣ်အံၤယဃုထၢလံဝ့ၢ်ယရူၤၡလ့ၣ်ဒ်တၢ်လီၢ်လၢ ယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်, ဒီးနဲဒၣ်, စီၤဒၤဝံးဒ်ပှၤလၢကပၢယပှၤဂီၢ်မုၢ်န့ၣ်လီၤ.”