လံာ်ကွဲးနီၣ်တၢ်အခီၣ်ထံးတဘ့ၣ် 17:27 - Sgaw Karen Common Bible

²⁷ ယဃ့နၤလၢနကဆိၣ်ဂ့ၤယစၢၤယသွဲၣ်တဖၣ်, ဒ်သိးအဝဲသ့ၣ်ကသးခုထွဲဘၣ်လၢနတၢ်ကွၢ်မဲာ်အပူၤန့ၣ်လီၤ. နၤ, ယွၤဧၢ, နဆိၣ်ဂ့ၤတ့ၢ်အဝဲသ့ၣ်ဒီးနတၢ်ဆိၣ်ဂ့ၤကအိၣ်ဒီး အဝဲသ့ၣ်လီၤစိၤလီၤထီန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 17:27 Iomraidhean Croise

လံာ်တၢ်ကဲထီၣ်အခီၣ်ထံး 27:33

စီၤအံၤစဲးဖုးသံပျီၢ်ဂီၤဒီးကနိးကစုာ်ထီၣ်ဒီဂၤညါဒီး သံကွၢ်ဝဲ, “ပှၤလၢအမၤသံဆၣ်ဖိကီၢ်ဖိဒီးဟဲစိာ်ဆူယအိၣ်န့ၣ်မ့ၢ်မတၤ တဂၤလဲၣ်. ယအီၣ်တ့ၢ်လံတချုးနဟဲန့ၣ်လီၤ. ယဟ့ၣ်လံအီၤယတၢ်ဆိၣ်ဂ့ၤလၢခံကတၢၢ်ဒီးမ့ၢ်အတၢ်လီၤစိၤလီၤ ထီန့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:33

တၢ်စံၣ်ညီၣ်လၢအဝဲသ့ၣ်ဘၣ်တၢ်မၤသံအီၤအဂီၢ်န့ၣ်, ကလီၤဘၣ်ဝဲလၢစီၤယိၤအာ်အလိၤဒီးအစၢၤအသွဲၣ်တဖၣ်အလိၤလီၤ စိၤလီၤထီန့ၣ်လီၤ. မ့မ့ၢ်, ယွၤကဟ့ၣ်တၢ်မၤနၢၤထီဘိဆူစီၤဒၤဝံးအစၢၤအသွဲၣ် တဖၣ်လၢအဆ့ၣ်နီၤလၢအဝဲအလီၢ်ပစိာ်အလိၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:45

ဘၣ်ဆၣ်, အဝဲကဆိၣ်ဂ့ၤယၤ, ဒီးမၤဂၢၢ်မၤကျၢၤစီၤဒၤဝံးအဘီ အမုၢ်လီၤစိၤလီၤထီန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 17:26

နဲဒၣ်ယွၤဧၢ, နမ့ၢ်ကစၢ်ယွၤဒီးနမၤတ့ၢ်တၢ်အၢၣ်လီၤ, လီၤလးအံၤဒီးယၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:1

တယံာ်အါအါဘၣ်အလီၢ်ခံန့ၣ်စီၤပၤဒၤဝံးဒုးကဒီးတၢ်ဒီးပှၤ ဖလ့ၡသးဖိတဖၣ်ဒီးမၤနၢၤကွံာ်အဝဲသ့ၣ်န့ၣ်လီၤ. အဝဲဟံးန့ၢ်ကွံာ်ဝ့ၢ်ကၤသးဒီးသဝီအိၣ်ဝးတရံးအီၤတဖၣ်လၢ အဝဲသ့ၣ်အတၢ်ပၢၤဃာ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:4

ယွၤ, အံၣ်စရ့လးအကစၢ်ယွၤဃုထၢတ့ၢ်ယၤဒီးယစၢၤယသွဲၣ်တဖၣ်လၢ ကပၢအံၣ်စရ့လးလီၤစိၤလီၤထီန့ၣ်လီၤ. အဝဲဃုထၢတ့ၢ်ပှၤယူဒၤဖိအဒူၣ်လၢကဟ့ၣ်ထီၣ်ခိၣ်နၢ်တဖၣ်, ဒီးလၢယူဒၤအကျါန့ၣ်, အဝဲဃုထၢတ့ၢ်ယပၢ်အပှၤဟံၣ်ဖိ ဃီဖိန့ၣ်လီၤ. လၢကယဲၢ်ပှၤဟံၣ်ဖိဃီဖိခဲလၢာ်အကျါ, အဝဲဘၣ်သူၣ်ဘၣ်သးတ့ၢ်လၢကဃုထၢယၤဒီးဒုးကဲထီၣ်ယၤစီၤပၤ လၢပှၤအံၣ်စရ့လးဖိခဲလၢာ်အဖီခိၣ်န့ၣ်လီၤ.

စံးထီၣ်ပတြၢၤ 21:6

နတၢ်ဆိၣ်ဂ့ၤတဖၣ်အိၣ်ဒီးအီၤထီဘိ ဒီးနတၢ်အိၣ်ဒီးအီၤအံၤမၤပှဲၤအီၤလၢတၢ်သးခုလီၤ.

စံးထီၣ်ပတြၢၤ 72:17

မ်စီၤပၤအမံၤကအိၣ်လီၤထူလီၤယိာ်, အတၢ်မံၤဟူသၣ်ဖျါကအိၣ်ဝဲတထံၣ်ဃီ ဒ်မုၢ်အိၣ်ဝဲအသိး, မ်ပှၤကိးကလုာ်ဒဲးဘၣ်ဆိၣ်ဂ့ၤခီဖျိအီၤဒီးအဝဲသ့ၣ် ကကိးအီၤလၢ ပှၤဘၣ်ဆိၣ်ဂ့ၤန့ၣ်လီၤ.

လံာ်တၢ်ဂံၢ် 23:20

ယဘၣ်တၢ်သိၣ်လိနဲၣ်ယုၤတ့ၢ်ယၤလၢယကဆိၣ်ဂ့ၤတၢ်အဂီၢ်လီၤ. ဒီးဖဲကစၢ်ယွၤဆိၣ်ဂ့ၤတၢ်အခါန့ၣ်ယထုးက့ၤအီၤတန့ၢ်ဘၣ်.

ရိမ့ၤ 11:29

အဂ့ၢ်ဒ်လဲၣ်န့ၣ်, ကစၢ်ယွၤတလဲလိာ်အတၢ်ပာ်သူၣ်ပာ်သးဘၣ် ထွဲဒီးပှၤလၢအဃုထၢဝဲဒီးဆိၣ်ဂ့ၤဝဲန့ၣ်ဘၣ်.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

လံာ်သိၣ်လီၤသီလီၤတၢ် 15:6

ယွၤကဆိၣ်ဂ့ၤသုဒ်အဝဲအၢၣ်လီၤတ့ၢ်ဝဲအသိးန့ၣ်လီၤ. သုကဒုးလိၢ်လီၤစ့ဆူပှၤအါကလုာ်အအိၣ်, ဘၣ်ဆၣ်ဒီးသုတလိၢ်ဘၣ် လၢပှၤအအိၣ်နီတဂၤဘၣ်. သုကပၢတၢ်လၢပှၤအါကလုာ်အဖီခိၣ်, ဘၣ်ဆၣ်ပှၤလၢကပၢတၢ်လၢသုဖီ ခိၣ်တအိၣ်နီတကလုာ်ဘၣ်.