လံာ်ကွဲးနီၣ်တၢ်အခီၣ်ထံးတဘ့ၣ် 17:24 - Sgaw Karen Common Bible

²⁴ နတၢ်မံၤဟူသၣ်ဖျါကဒိၣ်ဝဲ, ဒီးပှၤဂီၢ်မုၢ်ကစံးဝဲထီဘိလၢ, သ့တၢ်လၢာ်ယွၤအံၤမ့ၢ်ကစၢ်ယွၤလၢအံၣ်စရ့လးအဖီခိၣ်န့ၣ်လီၤ. ဒီးနကပာ်ကီၤယလီၢ်ပစိာ်ကိးဆၢကတီၢ်ဒဲးလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:24 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 17:23

ဒီးခဲအံၤ, ယွၤ, ကစၢ်ယွၤဧၢ, မၤလၢပှဲၤနတၢ်အၢၣ်လီၤကိးဆၢ ကတီၢ်ဒဲးလၢနမၤတ့ၢ်လၢယၤဒီးယစၢၤယသွဲၣ်တဖၣ်အဂီၢ်, ဒီးမၤတၢ်လၢနစံးလၢနကမၤန့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 17:25

ယကစၢ်ယွၤဧၢ, ယအိၣ်ဒီးတၢ်သးဒူလၢယကဃ့ထုကဖၣ်တၢ်ထုကဖၣ်အံၤ ဆူနၤ, မ့ၢ်လၢနလီၣ်ဖျါထီၣ်တ့ၢ်တၢ်ခဲလၢာ်အံၤလၢယၤ, နခ့နပှၤ, ဒီးနတဲဘၣ်တ့ၢ်ယၤလၢနကဒုးကဲထီၣ်ယစၢၤယသွဲၣ်တဖၣ် လၢစီၤပၤတဖၣ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:33

ဒိကနၣ်လၢ်အတၢ်ထုကဖၣ်န့ၣ်တက့ၢ်. လၢမူခိၣ်ဖဲနအိၣ်ဝဲဆိးဝဲအလီၢ်န့ၣ်ဒိကနၣ်လၢ်အီၤဒီးမၤတၢ် လၢအဝဲဃ့ဝဲလၢနကမၤန့ၢ်အီၤ, ဒ်သိးကယဲၢ်ပှၤဂီၢ်မုၢ်လၢဟီၣ်ခိၣ်ချၢခဲလၢာ်, ကသ့ၣ်ညါနၤဒီးကစူၢ်နၤ, ဒ်နပှၤဂီၢ်မုၢ်အံၣ်စရ့လးမၤဝဲအသိးန့ၣ်တက့ၢ်. အန့ၣ်ဒီးအဝဲသ့ၣ်ကသ့ၣ်ညါဝဲလၢယွၤအတၢ်လုၢ် ဟံၣ်လၢယဘှီထီၣ်အီၤအံၤ, မ့ၢ်တၢ်လီၢ်ဖဲနကဘၣ်တၢ်ဘူၣ်ထီၣ်ဘါထီၣ်နၤန့ၣ်လီၤ.

စံးထီၣ်ပတြၢၤ 21:13

ယွၤဧၢ, ပစံးထီၣ်ပတြၢၤနၤ လၢနဂံၢ်ဆူၣ်နဘါဆူၣ်အဃိ, ပကသးဝံၣ်ဒီးစံးထီၣ်ပတြၢၤနစိနကမီၤန့ၣ်လီၤ.

စံးထီၣ်ပတြၢၤ 72:19

အမံၤလၤသၣ်ကပီၤန့ၣ် မ်အဘၣ်တၢ်စံးထီၣ်ပတြၢၤ လီၤထူလီၤယိာ်တက့ၢ်. မ်ဟီၣ်ခိၣ်ဒီဘ့ၣ်ညါပှဲၤဝဲဒီးအလၤကပီၤတက့ၢ်. အၤမ့ၣ်, ဒီးအၤမ့ၣ်.

စံးထီၣ်ပတြၢၤ 90:17

ယွၤ, ပကစၢ်ဧၢ, မ်နတၢ်ဆိၣ်ဂ့ၤဆိၣ်ဝါတဖၣ်အိၣ်ဒီးပှၤတက့ၢ်. ဟ့ၣ်လီၤလၢ်ပှၤတၢ်မၤနၢၤလၢ ပစုအတၢ်မၤခဲလၢာ်အပူၤန့ၣ်တက့ၢ်. မ့ၢ်မးပစုအတၢ်မၤန့ၣ်, ဒုးအိၣ်ဂၢၢ်ဆိးကျၢၤအီၤတက့ၢ်.

လံာ်ယံးရမံယၤ 31:1

ယွၤစံးဝဲဒၣ်, “တၢ်ဆၢကတီၢ်ဟဲဝဲလၢ ယကကဲထီၣ် ကီၢ်အံၣ်စရ့လး အဒူၣ်တဖၣ်ခဲလၢာ် အကစၢ်ယွၤဒီး အဝဲသ့ၣ်ကကဲထီၣ် ယပှၤဂီၢ်မုၢ် န့ၣ်လံ.

လံာ်ယံးရမံယၤ 38:17

အန့ၣ်ဒီး ယတဲဘၣ်စီၤစံးဒကံယၤလၢ, ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒ်အံၤ, “နမ့ၢ်ဟ့ၣ်လီၤနသးဆူ ကီၢ်ဘၤဘူၤလိၣ် အစီၤပၤအပဒိၣ်ပပှၢ်တဖၣ်အစုပူၤဒီၤ, နသးသမူကပူၤဝဲဒီး ဝ့ၢ်အံၤတဘၣ်တၢ်ဒွဲၣ်အူ ထီၣ်ကွံာ်အီၤဘၣ်. နၤဒီးနဟံၣ်ဖိဃီဖိကပူၤဝဲလီၤ.

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

လံာ်မးသဲ 6:9

ဃ့ဘါထုကဖၣ်သုဝဲဒ်အံၤတက့ၢ်. ‘အိၣ်လၢမူခိၣ်ပပၢ်ဧၢ, မ်နမံၤဘၣ်တၢ်ပာ်စီဆှံအီၤတက့ၢ်.

လံာ်ယိၤဟၣ် 12:28

ပၢ်ဧၢ, မၤလၤကပီၤနမံၤတက့ၢ်.” အန့ၣ်ဒီးတၢ်ကလုၢ်သီၣ်လီၤလၢ မူခိၣ်ဒီးစံးဝဲ, “ယမၤလၤကပီၤအီၤလံ. ဒီးယကမၤလၤကပီၤကဒီး အီၤန့ၣ်လီၤ.”

လံာ်ယိၤဟၣ် 17:1

ယ့ၣ်ၡူးကတိၤတၢ်အံၤဝံၤဒီး, အဝဲကွၢ်ထီၣ်တၢ်ဆူမူခိၣ်ဒီးစံးဝဲဒၣ်, “ပၢ်ဧၢ, တၢ်ဆၢကတီၢ်နၣ်ရံၣ်တုၤဃီၤဝဲဒၣ်လံ. မၤလၤကပီၤ နဖိခွါ, ဒ်သိးဖိခွါကမၤလၤကပီၤနၤအဂီၢ်န့ၣ်တက့ၢ်.

ဖံလံးပံၤ 2:11

ဒီးပှၤခဲလၢာ်ကစံးဘၣ်တဲဘၣ်ပှၤကိးဂၤလၢ ယ့ၣ်ၡူးခရံာ်မ့ၢ်ကစၢ်, လၢပၢ်ကစၢ်ယွၤအလၤကပီၤအဂီၢ်လီၤ.

ဧ့ၤဘြံၤ 11:16

မ့မ့ၢ်ခဲကနံၣ်အံၤ, အဝဲသ့ၣ်ဆၢန့ၢ်ဘၣ်ထံကီၢ်လၢအဂ့ၤန့ၢ် အန့ၣ်တက့ၢ်, ဒ်ပစံးတၢ်အသိးလၢအဘၣ်ဃးဒီးမူခိၣ်န့ၣ် လီၤ. မၤသးဒ်န့ၣ်ဒီးကစၢ်ယွၤအမဲာ်တဆှးဘၣ်လၢပှၤကကိး အီၤလၢအဝဲသ့ၣ်အကစၢ်န့ၣ်ဘၣ်. အဂ့ၢ်မ့ၢ်လၢအကတဲာ်ကတီၤတ့ၢ်လံဝ့ၢ်တဖျၢၣ်လၢအဝဲသ့ၣ် အဂီၢ်အဃိန့ၣ်လီၤ.

ဧ့ၤဘြံၤ 8:10

အအံၤမ့ၢ်တၢ်အၢၣ်လီၤအီလီၤလၢ ယကမၤဒီးအံၣ်စရ့လးအပှၤဂီၢ်မုၢ် လၢမုၢ်နံၤတဖၣ်န့ၣ်အလီၢ်ခံ, ကစၢ်စံးဝဲဒၣ်, ယကတ့ၢ်နုာ်ယတၢ်သိၣ်တၢ်သီတဖၣ်လၢ အဝဲသ့ၣ်အတၢ်ဆိကမိၣ်အပူၤ ယကကွဲးလီၤအီၤလၢအဝဲသ့ၣ်အသးအလိၤ, ဒီးယကမ့ၢ်အဝဲသ့ၣ်အကစၢ်ယွၤ, ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

လံာ်လီၣ်ဖျါ 21:3

ယနၢ်ဟူတၢ်ကလုၢ်ဖးဒိၣ်ကတိၤလီၤတၢ်လၢလီၢ်ပစိာ်ဒီးစံး, “ခဲကနံၣ်အံၤ, ကစၢ်ယွၤအဟံၣ်အိၣ်ဝဲလၢတၢ်လီၢ်တပူၤဃီ ဒီးပှၤဟီၣ်ခိၣ်ဖိလီၤ. အဝဲဒၣ်ကအိၣ်ကဆိးဒီးအဝဲသ့ၣ်, ဒီးအဝဲသ့ၣ်ကမ့ၢ်အဝဲဒၣ်အပှၤဂီၢ်မုၢ်လီၤ. ကစၢ်ယွၤအနီၢ်ကစၢ်ဒၣ်ဝဲကအိၣ်တပူၤဃီဒီးအဝဲသ့ၣ်, ဒီးအဝဲဒၣ်ကမ့ၢ်အဝဲသ့ၣ်အကစၢ်ယွၤလီၤ.