လံာ်ကွဲးနီၣ်တၢ်အခီၣ်ထံးတဘ့ၣ် 17:12 - Sgaw Karen Common Bible

¹² အဝဲကမ့ၢ်ပှၤတဂၤလၢကသူၣ်ထီၣ်ဘၣ်တၢ်လုၢ်ဟံၣ်တဖျၢၣ်လၢယဂီၢ်လီၤ. ဒီးသပှၢ်ကတၢၢ်ယကဒုးပၢထွဲအစၢၤအသွဲၣ်တဖၣ်လၢဘီမုၢ်န့ၣ်လီၤ စိၤလီၤထီလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:12 Iomraidhean Croise

လံာ်စီၤပၤအခီၣ်ထံးတဘ့ၣ် 5:5

ယွၤအၢၣ်လီၤတ့ၢ်ယပၢ်စီၤဒၤဝံးလၢ, နဖိခွါလၢယကဒုးကဲထီၣ် အီၤစီၤပၤလၢနလီၢ်ခံန့ၣ်, ကသူၣ်ထီၣ်တၢ်လုၢ်ဟံၣ်တဖျၢၣ်လၢယဂီၢ်လီၤ. ဒီးခဲကနံၣ်အံၤယပာ်လီၤယသးလၢယကသူၣ်ထီၣ်တၢ်လုၢ်ဟံၣ် အဝဲန့ၣ်လၢတၢ်ကဘူၣ်ထီၣ်ဘါထီၣ်ယွၤယကစၢ်ယွၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:19

ဘၣ်ဆၣ်နတသူၣ်ထီၣ်ဘၣ်အီၤနီတစုဘၣ်. မ့မ့ၢ်ပှၤလၢအကသူၣ်ထီၣ်ယတၢ်လုၢ်ဟံၣ်န့ၣ်မ့ၢ်, နဖိခွါ, နကစၢ်ဒၣ်နဲအဖိခွါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:11

တုၤအသံဒီးဘၣ်တၢ်ခူၣ်လီၤကွံာ်အီၤဃုာ်ဒီးအမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်အဖိခွါအကျါတဂၤလၢစီၤပၤဒီးဒုးအိၣ်ဂၢၢ်ဆိး ကျၢၤအဘီအမုၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:13

ယကမ့ၢ်အပၢ်ဒီးအဝဲကမ့ၢ်ယဖိခွါန့ၣ်လီၤ. ယတထုးကွံာ်ဘၣ်ယတၢ်မၤစၢၤအီၤဒ်ယထုးကွံာ်ယတၢ်မၤစၢၤလၢစီၤ စီလူးအအိၣ်အသိး, ဒီးသုးကွံာ်တ့ၢ်အီၤဒ်သိးအဝဲကဲထီၣ်စီၤပၤကသ့န့ၣ်ဘၣ်.

လံာ်စီၤဧ့စြၤ 5:11

အဝဲသ့ၣ်စံးဆၢဝဲလၢပမ့ၢ်မူခိၣ်ဒီးဟီၣ်ခိၣ်အကစၢ်ယွၤအခ့ အပှၤတဖၣ်, ဒီးပဘှီထီၣ်ကဒါက့ၤတၢ်လုၢ်ဟံၣ်, လၢအဘၣ်တၢ်ဘှီထီၣ်တ့ၢ်ဒီးမၤပှဲၤတ့ၢ်အီၤအဂံၢ်ခိၣ်ထံးလၢကီၢ် အံၣ်စရ့လးအစီၤပၤဖးဒိၣ်တဂၤလၢအပူၤကွံာ်အါနံၣ်အါလါတ့ၢ်လံန့ၣ်လီၤ.

စံးထီၣ်ပတြၢၤ 72:17

မ်စီၤပၤအမံၤကအိၣ်လီၤထူလီၤယိာ်, အတၢ်မံၤဟူသၣ်ဖျါကအိၣ်ဝဲတထံၣ်ဃီ ဒ်မုၢ်အိၣ်ဝဲအသိး, မ်ပှၤကိးကလုာ်ဒဲးဘၣ်ဆိၣ်ဂ့ၤခီဖျိအီၤဒီးအဝဲသ့ၣ် ကကိးအီၤလၢ ပှၤဘၣ်ဆိၣ်ဂ့ၤန့ၣ်လီၤ.

စံးထီၣ်ပတြၢၤ 89:29

အဝဲအစီၤပၤအစၢၤအသွဲၣ်အတၢ်ပၢဘၣ်န့ၣ် ကအိၣ်ဂၢၢ်ကျၢၤဝဲဒ်မူခိၣ်အသိး, ထီဘိအဝဲအစၢၤအသွဲၣ်တဂၤ ကကဲဘၣ်စီၤပၤန့ၣ်လီၤ.

စံးထီၣ်ပတြၢၤ 89:4

အစၢၤအသွဲၣ်တဂၤကမ့ၢ်စီၤပၤ ထီဘိတထံၣ်ဃီဒီး ယကဒုးအိၣ်ဂၢၢ်ကျၢၤအဘီအမုၢ် အစိၤစိၤအဃၣ်ဃၣ်န့ၣ်လီၤ. ” စ့လၤ

စံးထီၣ်ပတြၢၤ 89:5

ယွၤဧၢ, မ်မူခိၣ်စံးထီၣ်ပတြၢၤနတၢ်မၤလီၤလးဒီး နတၢ်သူၣ်တီသးလိၤလၢ ပှၤစီဆှံအတၢ်အိၣ်ဖှိၣ်ရိဖှိၣ်အပူၤတက့ၢ်.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

1 ကရံၣ်သူး 15:25

အဂ့ၢ်ဒ်အံၤ, ခရံာ်ကဘၣ်ပၢတၢ်တုၤလီၤလၢကစၢ်ယွၤမၤနၢၤ ကွံာ်ဒုၣ်ဒါခဲလၢာ်ဒီးပာ်အဝဲသ့ၣ်လၢအဝဲဒၣ်အခီၣ်ဖီလာ်တစုန့ၣ်လီၤ.

ကလီးစဲ 2:9

ယွၤအန့ဆၢၣ်သကဲာ်ပဝးအလၢအပှဲၤအိၣ်ဝဲလၢခရံာ် အနီၢ်ခိနီၢ်ခီအပူၤဖဲအဝဲဟဲဒ်ပှၤကညီတဂၤအသိးအခါန့ၣ်လီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”